LETTRE DU SIRE D'ALBRET AUX MÊMES

Même date.

Même provenance que la pièce précédente ; imprimée pour la première fois par M. Taîlhand, dans la Presse judiciaire (journal de Riom) du 10 août 1844.

Très chers et grans amis , vous avez bien peu savoir comment la ville de Saint-Pierre le Moustier a esté prinse d'assault; à laquelle prinse avons fait grant despense de pouldres, trait et autres habillemens de guerre : parquoy de présent en sommes petitement pourveuz. Et pour ce que nostre entencion est, à l'aide de Dieu, de poursuir et besoigner au demourant de la délivrance et vuidange des autres places contraires et ennemies de Mgr. le roy, et de ses païs et subgez, et mesmement de La Charité, Cosne et autres : nous soit besoing et nécessité d'avoir présentement grant quantité de pouldres, trait et autres habillemens de guerre, desquelles choses recouvrer, ne de l'argent que pour ce conviendroit, ne pourrions pas si large—

ment ne présentement finer, cdrame besoing est, sans l'aide de vous et des autres bonnes villes et lovaulx subgez de Mgr. le roy : pourquoy vous, qui desirez, comme nous créons fermement, la widange et délivrance desdicles places; mesmement que par les adversaires et ennemis de Mgr. le roy, qui détiennent et occupent icelles places, vous et les autres subgiez de mon dit seigneur sont grandement oppressés et endommagés, et aussi que nul prudomme ne bons marchât! s n'osent aler ne converser par le païs pour doubte desdiz ennemis : vous prions et requérons très acerteset sur tant que aimez et desirez la widange et délivrance desdictes places, et le bien de vous et des païs voisins d'icellcs, que nous vueillez aider et envoyer présentement par nostre amé Jehan Merle, que pour ceste cause envoyons par devers vous, le plus largement que vous pourrez et saurez présentement aider de pouldres à canon, salepestre, souffre, arbelestes et autres habillemens de guerre, afin que nostre entreprinse ne soit longue, et que par faulte de pouldres et autres choses dessus dictes, le fait ne soit aucunement [Vmpesché] ne retardé. Et de ce que le porteur de cestes vous dira de par nous touchant ledit fait, le vueillez croire et adjouster à lui plaine foi et créance; et incontinant le délivrez et lui baillez et faictes bailler et délivrer ce qui sera nécessaire pour amener et conduire devant la ville de La Charité où Jehanne la Pucelle, Mgr. de Montpensier et nous, a Ions présentement mettre le siège. Et de quoy nous voudrez aider et de vous volenUz et entencion, sur ce que dit est, nous faictes savoir par ledit Jehan Merle; avec ce se riens voulez que faire puissions, et nous le

ferons : ce sçet Nostre Seigneur, qui vous ait en sa

garde. Escript à Mol iris, le neuf1™ jour de novembre.

Signé : Le sire de Lebret , conte de Dreux et de Gavre, lieutenant du païs de Berry pour Mgr. le roy, sur le fait de la guerre, Charles.

Sur l'adresse : A mes très chers et grans amis, les gens d'église, bourgois et habitans de la ville de Rion.