GRATIFICATION A L'INQUISITEUR JEAN LEMAITRE

14 avril 1431.

Ordonnance publiée dans les Recherches historiques sur la ville d'Orléans de M. Loti in (1. c, p. 2C9), d'après une copie de même provenance que celles qui ont été indiquées ci-dessus, p. 178, 196 et 200. Je me dispenserai de reproduire le mandat de Thomas Blount adressé à Pierre Surreau en date du 27 avril. Cette pièce, qui répète en les abrégeant , les termes de la présente , est imprimée aussi dans l'ouvrage de M. Lottin , p. 272. <

Henry, par la grâce de Dieu roy de France et d'Angleterre, à nostreamé et féal Thomas Blount, chevalier, trésorier et général gouverneur de toutes noz finances de noz pais et duchié de Normandie , salut et dilection. Nous voulons et vous mandons que, par l'advis des gens de nostre Grant Conseil estant à présent par devers nous , que par nostre amé Pierre Surreau, receveur général de noz dittes finances et des deniers de sa receple, faites paier, bailler et délivrer à nostre chier et bien amé maistre Jehan Lemaistre , prieur du couvent des Frères Prescheurs de Rouen, et vicaire audit lieu de l'Inquisiteur de la foy, la somme de vint salus d'or; laquelle nous, par l'advis que dessus , lui avons ordonnée et tauxée , ordonnons et tauxons, par ces présentes, avoir et prendre de nous pour une fois , des deniers de nos dittes finances : pour ses peines, travaulx et diligences d'avoir esté et assisté au procès qui s'est fait de Jehan ne qui se dit la Pucelle, accusée en la matière de la foy, avecques révérend

père en Dieu nostre amé et féal conseiller l'Evesque de Beau va is, son juge ordinaire; et par rapportant, avecques ces présentes, quictance suffisant sur ce dudit Yicaire de l'Inquisiteur, nous voulons la ditte somme de xx sa lus estre allouée ès comptes et rabatue de la recepte de nostre dit receveur général , par noz amés et féaulx les gens de noz comptes , ausquelz nous mandons que ainsi le facent sans contredit ou aucune difficulté. Donné en nostre ville de Rouen, soubs nostre seel ordonné en l'absence du grant, le xiv* jour d'avril après Pasques, l'an de grâce mil cooc et trente ung et le ix* de nostre règne.

Sur le repli : Par le rov à la relacion du Grant Conseil estant devers lui.

Signé, Calot, avec paraphe.

INDEMNITÉ AUX DOCTEURS ENVOYÉS A PARIS POUR SOUMETTRE LE PROCÈS AUX FACULTÉS.

21 avril 143!.

Pièce de même provenance que la précédente, imprimée comme elle dans les Recherches sur la ville d'Orléans, 1. c, p. 270. Le mandat de Thomas Blount à Pierre Surreau , qu'on ne reproduit point ici, est daté du lendemain 22 avril.

Henry, par la grâce de Dieu roy de France et d'Angleterre, à nostre amé et féal Thomas Blount, trésorier et général gouverneur de toutes noz finances en Normandie, salut et dilection. Nous voulons et vous mandons que, à noz bien amés maistre Jehan Beaupère, maistre Jaques de Thouraine, frère mineur,

maistre Nicole Midi et maistre Girart Fueillet, docteurs en théologie , lesquelx vont présentement de par nous , en nostre bonne ville de Paris , par devers nostre très chier et très amé oncle le duc de Bedford , les gens de nostre Grant Conseil eslans illec et nostre très chière et très amée fille l'Université de Paris, exposer, dire et déclairer le procès et démené touchant le faicl de celle qui se dit Jehanne la Pucelle, et tout ce qui en ceste partie a esté fait par deçà, affin que, sur ce, lesditsde l'Université renvoyent leur déliberacion et conclusion y et que , se mestier est, lesditz docteurs pour ceste cause retournent par devers nous à Rouen ou ailleurs où nous serons : vous, des deniers de noz dittes finances de Normandie, faites par nostre bien amé Pierre Surreau, receveur général d'icelles, paier et délivrer la somme de cent livres tournois pour une fois : c'est assavoir, à chacun d'eulx vint cinq livres tournois. Laquelle somme de cent livra tournois, pour aidier aus dessusdits quatre docteurs à supporter les frais qu'il leur conviendra faire, tant en allant en nostre ditte ville de Paris , si comme en retournant d'icelle par devers nous, leur avons, par l'advis des gens de nostre Grant Conseil estant à Rouen par devers nous, tauxé et ordonné, tauxons et ordonnons par ces présentes; et par rapportant, avecques ces présentes, quictances souffîsant sur ce de chacun desdits quatre docteurs pour sa ditte part et portion seulement, nous voulions laditte somme de cent livres tournois estre allouée ès comptes de nostre dit receveur général et rabatue de sa recepte par nos amés et féaulx les gens de noz comptes à Paris , ausquelz nous mandons que ainsi le facent sans contredit. Donné en

ET AUTRES PIÈCES DÉTACHÉES. 205 nostre ville de Rouen , soubs nostre seel ordonné en l'absence du grant, le xxie jour d'avril , Tan de grâce mil cccc trente ung, et le ix* de nostre règne, après Pasques.

Sur le repli: Par le roy, à la relacion du Grant Conseil estant par devers lui. La signature et le sceau sont tombés.