juin

Ordonnance royale suivie d'un mandat du trésorier à deux jours d'intervalle (ledit mandat non rapporté ici), et Quittance de la partie prenante. Ces pièces, de même provenance que les précédentes, sont également imprimées dans les Recherche shistoriques sur la ville d'Orléans, 1. c, p. 275 et 276.

1 0 — Henry , par la grâce de Dieu roy de France et d'Angleterre , à nostre amé et féal conseiller Thomas Blount, chevalier, trésorier et général gouverneur de nos finances en Normandie, salut et dilection. Sçavoir vous faisons que nous, considérans les grans peines , diligances et labeurs que nostre chier et bien amé maistre Guillaume Erard, docteur en théologie, a prins par plusieurs jours pour vacquer et entendre avecque autres maistres, docteurs et clercs, tant en théologie comme en droit canon, ou procès ecclésiastique de celle femme qui se faisoit nommer Jehanne la Pucelle, naguères condempnée comme errant en nostre saincte foy catholique; le voulant aucunement

récompenser des charges, despenses et frais qu'il lui a convenu faire à la cause dessus dicte, à icellui,par l'adviset déliberacion des gens de nostre G rant Conseil estant par devers nous, avons tauxé et ordonné, tauxons et ordonnons par ces présentes, la somme de vint sols tournois pour chacun jour qu'il a vacqué, besongné et entendu en la matière dessus dicte. Si vous mandons, commandons et enjoingnons expressément que, par nostre bien amé Pierre Surreau, receveur général de noz dictes financés de Normandie, vousfaciez bailler et délivrer audict maistre Guillaume Erard la dicte somme de vint sols tournois pour chacun jour qu'il affirmera avoir vacqué, besongné et entendu en icelle matière; et par rapportant ces présentes ou vidimus d'icelles fait soubs seel royal, arec quictance d'icellui maistre Guillaume, affirmatoiredes jours qu'il aura vacqué, besongné et entendu en ce que dict est, tout ce que paie et baillé aura esté audit maistre Guillaume Erard, sera alloué, compté et rabattu de la recepte dudit Pierre Surreau par nozamés etféaulx les gens de noz comptes à Paris, ausqueis nous mandons que ainsi le facent sans contredit et difficulté aucune. Donné à Rouen, le vie jour de juing, l'an de grâce mil cccc et trente ung, et de nostre règue le neufviesme.

Sur le repli : Par le roy, à la relacion de son Grant Conseil estant par devers lui. Signé, De Rivel, avec paraphe.

2° — Je, Guillaume Erard, docteur en théologie, confesse avoir eu et receu de rierre

Surreau, receveur

général de Normandie, la somme de trente une livres

tournois que deue m'estoit à cause de vint sols tournois à moy tauxés par le roy nostre sire, pour chacun jour que j'ay vacqué et entendu ayecque autres seigneurs, maistres, docteurs et clercs, tant en théologie comme en droit canon, ou fait et procès de celle femme qui se faisoit nommer Jehanne la Pucelle, naguères condempnée comme errant en la foy chrétienne; avecque lesquelx je affirme avoir vacqué et entendu ou fait et procès dessus dit, en ceste ville de Rouen, par trente ung jours commençant le vi* jour de may derrenier passé et finant le v' jour de ce présent moys dejuing, inclus, et encores y vacque, et ay vacqué depuis lors jusques au jour d uy ; ce paiement à moy (ait par ledit receveur, par vertu desdittes lectres du roy nostre dit seigneur, données le vr jour de ce présent moys, expédiées par monseigneur le trésorier de Normandie. De laquelle somme de trente une livres tournois je suis content et bien paié, et en quicte par ces présentes le roy nostre dit seigneur, ledit receveur général et tous autres.Tesmoingmon seing manuel icy mis, le vin* jour de juing, l'an mil cccc et trente ung. Ainsi signé , G. Ërard, avec parap/ie.