RÈGLEMENT DE COMPTE DÉFINITIF AVEC LES DOCTEURS DE PARIS

12 juin.

Quittance conservée comme les précédentes pièces, et imprimée de même dans les Recherches historiques sur la ville d'Orléans, 1. c., p. 277. On remarquera que le compte des docteurs de Paris, qui est toujours collectif comme par le passé, n'embrasse plus que <putre personnes au lieu de six. Jacques de Touraine et Gérard

Feuillet , dénommés dans les pièces analogues du 4 mars et du

0 avril , ne figurent pas ici.

Vénérables et discret tes personnes, maistres Jehan Beaupère, Nicole Midy, Pierre Morîce et Thomas de Courcelles, bachelier formé en théologie, confessent avoir eu et receu de honnourable homme et saige , Pierre Surreau , receveur général de toutes les finances du roy nostre sire , en Normandie , la somme de cent deux livres tournois à eulx deue de reste, à cause de la tauxacion de xx sols tournois à eulx faicte par le roy nostredit seigneur, pour chascun d'iceulx, pour chascun jour qu'ils affermeront avoir vacquéou procès ecclésiastique qui fait a esté contre ceste femme qui se faisoit appeler Jehanne la Puce! le. Ou quel procez les dessusdietz ont affermé et afferment avoir vacqué en la manière que s'ensuit :

C'est assavoir, ledit Beaupère, depuis le xxiii* jour de février an m cocc xxx inclus, jusques au xxviii* jour de may suivant, semblablement inclus; auquel temps a cent jours qui à la ditte estimacion de xx s. tournois pour chascun des dite jours, montent cent livres tournois, dont il a receu dudit receveur un™ v 1. tournois; ainsi reste a lui deu xv 1. tournois;

Ledit Nicole Midy, depuis ledit xvm" jour de février jusques au x* jour de juing ensievant, l'un et l'autre inclus , compris en ce son retour à Paris , ou quel temps a cent treze jours qui à l'estimacion dessusditte valent c xm 1. tournois, sur quoy il a receu dudit receveur en quatre parties un" v 1. tournois; ainsi reste à lui deu xxviii 1. tournois;

Ledit Pierre Morice, depuis le xvm* jour de février au vne jour de juing ensievant, l'un et l'autre inclus,

ou que) temps a cent dix jours dont sont à déduire xii jours qu'il a esté absent pour ses propres besongnes et affaires , restent nu" xvm jours, qui à l'estimacion dessusditte montent mi" xvm 1. tournois, sur quoy il a receu dudit recepveur en quatre parties lxxvi I. tournois; ainsi reste à lui deu xxn 1. tournois;

Et ledit Thomas de Courcelles, depuis ledit xvm* jour de février jusques au x* jour de juing ensievant l'un et l'autre inclus, compris en ce son retour, ou quel temps a cent treze jours qui, à l'estimacion dessusditte, montent cent treze livres tournois, sur quoy il a receu dudit recepveur en quatre parties, lxxvi 1. tournois; ainsi reste à lui paier xxxvu 1. tournois.

Lesquelz restes font ensemble laditte somme de cent deux livres tournois. De laquelle somme les dite maistrès se trouvent pour bien paiez et contens, et en quittent le roy nostredit seigneur, icellui recepveur et tous autres. Tesmoing le seing manuel de moy Jehan Thiessart, notaire du roy, cy mis, le douziesme jour de juing, l'an rail cccc et trente ung.

Signé, Thiessart.

TUMULTE A SERQUEUX EN CHAMPAGNE , POUR LE PAYEMENT D'UNE DETTE CONTRACTÉE PAR PIERRE DU LYS , PRISONNIER DES BOURGUIGNONS.

Pièce inédile du Trésor des chartes ( J, 177, n° 45), aux Archives du royaume.

Charles, etc. Savoir faisons à tous présens et avenir, nous avoir receu l'umble supplicacion de Nicolas de v. 14

Verrecourt, jeune compaignon de guerre, natif du lieu de Verrecourt ou bailliage de Chaumont en Bassigny , contenant que, tout son temps et mesmement depuis qu'il se congnoist , il nous a servy à rencontre de noz adversaires, tant en la compaignie de feu Philibert de Brecy, en son vivant chevalier, que autrement, et y a employé son corps, son temps et ses biens. Et lui estant avec ledit feu de Brecy, advint que Pierre Dalix , chevallier, frère de Jehanne la Pucelle, auquel avions lors baillé le proufit et revenue de noz haulx passaiges en nostre dit bailliaige de Chaumont, bailla audit feu de Brecy, par manière de gaigière, ce que povoit devoir la ville de Serqueulx (1 ) en nostre prevosté de Montigny , à cause desdiz haulx passaiges, pour certaine somme de deniers que ledit Dalix lui devoit pour prestà lui fait par icellui de Brecy, pour lui aidier à paier sa finance au bastard de Vergey qui le tenoit prisonnier (2) ; laquelle ville de Serqueulx et les habitans d'icelle furent reffusans de paier audit de Brecy ce qu'ilz lui dévoient à certain terme lors escheu; et pour ce que lesditz habitans, après plusieurs longues sommacions à eulx faictes par ledit feu de Brecy, furent tousjours refïusans de paier ledit de Brecy, en Tan mil ccoc xxxix ou environ, commanda audit suppliant et trois ou quatre autres compaignons de guerre, ses serviteurs , qu'ilz alassent audit lieu de Serqueulx et qu'ilz preissent et gaigeassent lesdiz habitans de leurs biens pour sondit paiement. Lesquelz

(I) Aujourd'hui dans le département de la Haute-Maroe , canton de Bour-

bonne.

(?) Il avait été fait prisonnier en même temps que sa sœur a la sortie de

Coropiègne.

ET AUTRES PIÈCES DÉTACHÉES. 211 diz suppliant et antres, en obéissant au commandement de leûrdit maistre, alèrenl audit lieu de Serqueulx où ilz prindrent certains chevaulx, bestail et autres biens , lesquelz ilz enmenoient et s'en retournoient devers leur dit maistre sans faire 'mal à personne; mais les habitans dudit Serqueulx saillirent dudit lieu armez et embastonnez , et vindrent audit suppliant et autres compaignons de guerre cryans : « A mort aux trahistres ! ilz seront penduz. » Et leur coururent sus et par espëcial audit suppliant, et se mirent en tout effort de leur faire et porter dommaige et de les tuer. Et quant icellui suppliant vit que on les pressoit, et pourceque lesdiz habitans durant les guerres avoient esté contraires et portoient toute hay ne audit suppliant et sesdtz compaignons, qui toutes leurs vies avoient esté en nostre service, doubtant cheoir en leur mercy, se mist en deffense contre aucuns desdiz habitans qui fort le pressoyent ; et en soy dépendant ledit suppliant frappa d'une lance qu'il tenoit ung nommé Jehan Landrey dudit lieu de Serqueulx , par la teste ou autre part , tellement que mort s'en ensuy en la personne dudit Landrey. Pour occasion duquel cas icellui suppliant se absenta du pays, etc.... et n'oseroit jamais retourner ne seurement demourer en nostre royaume , se noz grâce et miséricorde ne lui estoient sur ce imparties , comme il nous a fait dire et remonstrer, etc. etc. Pour ce est il que nous , considéré ce que dit est, voulans miséricorde préférer a rigueur de justice, audit Nicolas de Verrecourt, suppliant, avons quicté, remis et pardonné, quictons remectons et pardonnons de grâcé espëcial, plaine puissance et auctorité royal, par ces présentes, les faiz

et cas dessusdiz, etc. etc. Donné à Saint-Mihtel en Barrois, le xxm* jour de may, Tan de grâce mil cccc xlv et de nostre règne le xxiii".

Ainsi signé : Par le roy en son conseil, Delaloere. Visa, contentor. P. Le Picart.