IV
« Premièrement que mondit seigneur daulphin , at- « tendu la nécessité de luy et du royaume, » etc. (1 ).
Veue et considérée la conclusion , mondit seigneur le daulphin feit armer et monter ladicte Pucelle. Et si ay oy dire à ceulx qui l'ont veue armée qu'il la faisoit très bon voir, et se y contenoit aussi bien comme eust fait ung bon homme d'armes. Et quant elleestoit sur faict d'armes , elle estoit hardye et courageuse, et parloit haultement du faict des guerres. Et quant elle estoit sans harnoys , elle estoit moult simple et peu parlant.
Avant qu'elle voulsist aller contre les Anglois, elle dist qu'il falloit qu'elle les sommast et requist, de par Dieu , qu'ilz vuydassent le royaume de France. Et feit escripre des lectres qu'elle mesmes dicta, en gros et lourd langage et mal ordonné. J'en ay leu les copies dont la teneur s'en suit. Et au dessus desdictes lectres avoit escript : « Entendez les merveilles de Dieu et de la Pucelle. »
Lettre au roy d'Angleterre (2).
te Roy d'Angleterre , faictes raison au roy du ciel de son sang royal. Rendez les clefz à la Pucelle de toutes les bonnes villes que vous avez enforcées en France. Elle est venue de par Dieu pour réclamer tout le sang
(1) C'est la pièce rapportée à la suite du procès de réhabilitation , t. III , p. 39 1. Thomassin l'a paraphrasée dans les endroits obscurs. Ainsi le passage Non obstant que ces promesses soxjent seules humaines , a été interprété ainsi par Thomassin : Non obstant que les promesses et parolles de laditte Pucelle soient par dessus euvres Itumaines; ce qui forme un contre-sens.
(2) On remarquera que Thomassin a pris pour quatre lettres la sommation de la Pucelle , rapportée partout ailleurs comme un seul et unique document.
. oyal. Elle est. toute preste de faire paix, se voulez faire raison, par ainsi que rendez France, et payez de ce que l'avez tenu. Et se ainsi ne le faictes, je suis chief de guerre; en quelque lieu que je atteindray voz gens en France, s'ilz ne veulent obéir, je les en feray issir, veulent ou non; et s'ilz veulent obéir, je les prendray à mercy. Elle vient de par le Roy du ciel, corps pour corps, vous bouter hors de France. Et vous promet et certifie la Pucelle qu'elle fera si grand haliay, qu'il y a mil ans que en France ne fut si grant. Se vous ne lui faictes raison, créez fermement que le Roy du ciel lui envoyera plus de force que ne lui sçaurez mener d'assaux à elle et à ses bonnes gens d'armes. »
L'autre lettre aux gens d'armes.
« Entre vous autres, archiers, compaignons d'armes gentilz et vaillans, qui estes devant Orléans , allez en vostre pays, de par Dieu. Et se ainsi ne le faites, donnez vous garde de la Pucelle, et de voz dommages vous souvienne brièvement. Ne prenez mye vosîre opinion , car vous ne tiendrez mye France qui est au roy du ciel, le fils de sainte Marie; mais la tiendra le gentil Charles. Se vous ne créez les nouvelles de Dieu et de la Pucelle, en quelque lieu que vous trouverons , nous frapperons dedans à grans horions ; et verrons lesquelz meilleur droit auront, de Dieu ou de vous. »
L'autre lettre aux capitaines des Anglois.
« Guillaume La Poulie, conte de Sufïort , Jehan sire de Tallebot , et vous , Thomas sire de Scalles , lieuxtenans du duc de Bethfort , soy disant régent de
France de par le roy d'Angleterre, faictes response se voulez faire paix à la cité d'Orléans ; et se ainsi ne le faictes, de voz dommages vous souvienne. »
L'autre lettre au due de Bethfort.
«Duc de Bethfort, qui vous dictes régent de France de par le roy d'Angleterre , la Pucelle vous prie et requiert que vous ne vous faciez destruire. Se vous ne faictes raison , aux yeux pourrez veoir qu'en sa compaignée (1) les François feront le plus beau fait qui oncques fut faict en chrestienté. »
Lesdictes lectres feurent portées et baillées ; desquelles on ne tint pas grant compte ; et pour ce elle délibéra de tireroultreàcepourquoy elle estoit venue. Elle mist sus ungestendart dedans lequel estoit... (2), et monta sur un grant cheval, bien armée et habillée; et avec les gens d'armes que mon seigneur le daulphin luy bailla, alla à Orléans où les Anglois avoient mis le siège très fort et, selon cours de nature, inexpugnable. Et n'y avoit espérance quelconque d'avoir secours ne ayde humaine, car monseigneur le daulphin avoit très peu de gens pour faire ung tel exploit , et estoit quasi du tout au bas, et teHement que, quant laditte Pucelle vint, on avoit mis en delibéracion que Ion debvroit faire se Orléans estoit prins; et fut advisé par la plus grant part, s'il estoit prins, qu'il ne falloit tenir compte du demourant du royaume, veti Testât eu quoy
(1) Dans le texte original , il y a seulement , se vous ne faictes raison , elle fera que Françoiç feront , etc. Voyez p. 217. ,':>) Lacune dans le manuscrit.
il estoil , el qu'il n'y avoit remède, fors tant seulement que de retraire mondit seigneur le dauiphin en cestuy pays d.i Daulphiné , et là le garder en attendant la grâce cie Dieu. Les autres dirent que plus convenable estoit d'attendre ladite grâce au royaume, et qui autrement le feroit, l'on donneroit trop grant courage aux ennemys, et seroit pour tout perdre sans aucun rescours, et que meilleur estoit que tenir autre voye , car l'autre party estoit ainsi comme voye de désespéracion , qui moult desplaist à Dieu. Monseigneur le dauiphin estoit en cestuy estât quant arriva laditte Pucelle, l'an que dit est; et par son moien, et moiennant la grâce de Dieu, par miracle évident, furent assaillies moult vaillamment et prinses les très fortes et inexpugnables bastilles que les Anglois avoient faictes, et tout le siège levé, au très grant dommage et très grant confusion des Anglois. Adonc furent faictz, par la Pucelle et par les gens de mondit seigneur le dauphin , faiz de guerre merveilleux et ainsi comme impossibles.
De là en aprez laditte Pucelle feit une très grant poursuite encontre les Anglois, en recouvrant villes et chasteaux; et si feit plusieurs faiz merveilleux; car depuis laditte prinse d'Orléans , les Anglois ne leurs alliez n'eurent force ne vertu. Par ainsi le restaurement de France et recouvrement a esté moult merveilleux. Et sache ung chacun que Dieu a monstre et monstre ung chacun jour qu'il a aimé et aime le royaulme de France, et l'a especialement esleu pour son propre héritage, et pour, par le moyen de lui , entretenir la saincte loy catholique et la remettre du tout sus : et par ce, Dieu ne le veut pas laisser perdre. Mais
sur tous les signes d'amour que Dieu a envoyez au royaume de France, ii n'y en a point eu de si grant ne de si merveilleux comme de ceste Pucelle. Et pour ce grans cronicques en sont faictes. Et entre les autres une notable femme appelée Christine, qui a fait plusieurs livres en françois (je l'ay souvent veue à Paris), feitde l'advénement de ladicte Pucelle et de ses gestes ung traictié dont je mectrai ci seulement le plus espécial touchant laditte Pucelle; et ay laissé le demourant, car ce seroit trop long à mectre icy. Et j'ay plus tost désiré de mettre icy le traictiédeladitteChristine que des autres, afin de tousjours honnorer le sexe féminin par !e moyen duquel toute chrestienté a eu tant, de biens: par la pucelle Vierge Marie, la réparacion et restauracionde tout le humain lignaige; et par ladittePucelle .Tehanne, la réparacion et restauracion du royaume de France, qui estoit du tout en bas, jusques à prendre fin , se ne fust sa venue. Pour ce , bien doibt de chacun estre louée , combien que les Anglois et les alliez en ont dit tous les maulx qu'ilz ont pu dire; mais les faiz de laditte Pucelle les ont rendus et rendent tous mensongers et confus.
Ah ! soyes loué , hault Dieu !
A toy gracier tous tenus Sommes, etc. (1).
Plusieurs autres grans faiz ont esté faictz, tant parassault de villes et chasteaux, par rencontres, [par prises] de villes que autrement par laditte Pucelle, qui trop
I ) Nous nous abstenons de rapporter ici l'extrait que Thomassin donne des vers de Christine de Pisan sur la Pucelle, .ittendu que plus loin nous donnons la pièce complète.
Kl HISTORIENS Dl XV» SIÈCLE. 311
longs seraient à mectre icy*. Et jà soit que ce qui a esté fait par laditte Pucelle, ait esté fait seulement dedans le royaume de France, et non pas dedans le Daulphiné, toutesfois je l'ay voulu mettre en cesluy registre, au moins le plus espécial, pource que les faiz de laditte Pucelle ont esté faiclz du temps que mondit seigneur Charles estoit daulphin, et a esté fait de son temps et dessoubs luy; aussi pour ce que le Daulphiné [a esté] inséparablement, commeditest , joinct audit royaume, et se le royaume eust esté perdu (1 ), comme on a fait ses efforts, comme sera cy dessoubs déclaré. D'autre part la matière de la Pucelle est si haulte et si merveilleuse que c'est chose bien à noter et digne d'entrer en tous livres-registres, pour mémoire perpétuelle, à la gloire de Dieu et honneur du royaume et du Daulphiné.
Les Anglois et Bourguignons disoient plusieurs paroles diffamables et injurieuses de laditte Pucelle et avec ce la menaçoient que, s'ilz la pouvoient tenir, ilz la feraient mourir maulvaisement. Elle fut par aucuns interroguée de sa puissance, se elle durerait guères, et se les Anglois avoient puissance de la faire mourir. Elle respondil que tout estoit au plaisir de Dieu; et si certifia que, s'il luy convenoit mourir avant que ce pour quoy Dieu l'a voit envoyée fust accomply, que après sa mort elle nuyroitplus ausditz Anglois qu'elle n'aurait fait en sa vie, et que non obstant sa mort, tout ce pour quoy elle estoit venue se accompliroit : ainsi que a esté fait par grâce de Dieu , comme chèrement et
(1) Suppléez ledit Daulphiné eust esté pareillement en voie de perdition, ou tout autre membre de phrase analogue. Les mots suivants sont une allusion à l'expédition du prince d'Orange qui faillit en elle t s'emparer du Dauphiné en 1430,
évidemment il appert et est chose notoire de nostre temps.
Laditte Pucelie a souvent parlé à mondit seigneur daulphin à Paris (1), et luy a dit des choses secrètes que peu de gens sçavent.
Laditte Pucelie fut trahie et baillée aux Anglois devant la ville de Compiègne , et fut menée à Rouen, et là luy fut fait ungprocez de sa vie, pour trouver aucune chose sur elle pour la faire mourir ; et autre chose ne sceurent trouver sur elle, mais qu'elle avoit laissé l'habit ordonné pour femme et prins habit d'homme , qui est chose deiïendue. A ce et es autres choses desquelles elle fut interroguée, elle respondit tellement que on n'y sçavoit que répliquer. Et non obstant ce, elle fut condempnée à mourir au feu , pour occasion seulement dudit habit d'homme. Elle fut menée au feu, et là mourut et fut bruslée.
On dit que durant son procez et sa mort furent faictes choses merveilleuses, dont procez a esté faict de l'auctorité de l'église. Celui qui l'a veu et leu en a eu la copie qu'il me debvoit envoyer, que je n'ai pas encore eue : dont me desplaist, car j'en eusse icy faict mencion des choses principalles (2).
(1) Faute d'inattention de l'auteur qui savait aussi bien que personne que Charles VII n'était jamais entré à Paris du vivant de Jeanne d'Arc.
(2) Un manuscrit de la Bibliothèque royale ( n° 9624-5. 5) qui contient d'autres fragments de l'ouvrage de Thomassin , me fournit quelques mots de plus à la louange de la Pucelie. Ce passage fait partie d'une longue argumentation contre les Anglais. L'auteur dit en propres termes : « Les Anglois se sont « efforcez de eslever leur nacion par sur toutes autres nacions chrestiennes , « i n laisant ung tel quel procès à l'encontre de Jehanne la Pucelie que je « croys sans doubte estre en paradis ( f° 22 , v° ). »
