GUILLAUME GRUEL

La famille Cruel, d'une petite noblesse de Bretagne, était au service des seigneurs de Montauban , lorsqu'en 1420, Jean de Montauban donna Raoul Gruel au jeune Artus de Richemont, ce qui lit prendre pied aux Gruel dans la maison ducale de Bretagne. Guillaume Gruel , frère de Raoul , fut écuyer du même Richemont. Après la mort de son maître, en 1458 , il écrivit son histoire on plutôt son apologie. Ce livre, introduit presque en entier dans les Cronicques des Bretons du chanoine Pierre Lebaut , fut publié sous le nom de son auteur en 1622 seulement, par Théodore Godefroy; Denys Godefroy donna la seconde édition dans son Histoire de Charles VII. Depuis il a été reproduit dans toutes les collections de Mémoires et de Chroniques.

Guillaume Gruel se met en scène plusieurs fois dans son récit , et notamment à l'occasion de la bataille de Formigny, où il dit qu'il fut élu avec d'autres gentilshommes pour garder le corps du connétable. On ne peut douter qu'il n'ait été témoin de beaucoup des choses qu'il raconte. Lui-même le déclare ainsi : «< Celui qui a « dicté ce livre, et mis en escript des faits du bon duc Artus, « la plus part en a veu , au moins despuis qu'il fut connestable de n France. » Toutefois sa partialité pour son maître doit mettre en garde contre la véracité de son témoignage. Cette réserve sera surtout de mise en ce qui concerne les détails de la première entrevue de Richemont et de la Pucelle.

L'an que dessus [m cccc xxviii], en mars, arriva la Pucelle devers le roy; et les Anglois prindrent Janville,Boisgency, Meun-sur-Loire et Jargeau, et mirent des bastilles devant Orléans.

L'an m cccc. xxix, monseigneur le connestable se

mit sus en armes pour aller secourir Orléans , et assembla une très belle compagnée et bonne , en laquelle estoient monseigneur de Beaumanoir, monseigneur de Rostrenen , et toutes les garnisons de Sablé, de La Flesche et de Duretail. Et de Bretagne y avoit plusieurs notables gens, comme messire Robert de iMontauban , messire Guillaume de Saint-Gilles , messire Alain de La Feuiïlée, et plusieurs autres chevaliers et escuyers, sans compter ceulx de sa maison, et grand nombre de gens de bien de ses terres de Poitou, jusques au nombre de quatre cens lances, et huit cens archers. Et print mondit seigneur le chemin pour tirer devers Orléans. Et aussitost que le roy le sceut, il envoya monseigneur de La Jaille au devant de luy; et le trouva à Loudun. Si le tira à part, et luy dit que le roy luy mandoit qu'il s'en retournast à sa maison, et qu'il ne fust tant hardy de passer avant; et que s'il passoit oultre, que le roy le combatroit. Lors mondit seigneur respondit que ce qu'il en faisoit estoit pour le bien du royaume et du roy, et qu'il verroit qui le vouldroit combatre.

Lors le seigneur de La Jaille luy dit : « Monseigneur, « il me semble que vous ferez très bien. » Si print monseigneur le chemin, et tira sur la rivière de Vienne, et passa à gué, puis de là tira à Amboise ; et Regnauid de- Bours , qui estoit capitaine dudit lieu d'Amboise, luy bailla le passage. Et là sceut que le siège estoit à Boisgency; si tira tout droit le chemin devers la Beauce, pour venir joindre à ceulx du siège. Et quand il fut près, il envoya monseigneur de Rostrenen et Le Bourgeois demander logis à ceulx du siège. Et tantost on lu\ \ in t dire que la Pucelle et

ceulx (!u siège venoient le combatre; et il respondit que s'ils venoient, qu'il les verroit. Et bienlost montèrent à cheval la Pucelle et monseigneur d'Alençon, et plusieurs autres. Toutesfois, La Hire, Girard de La Paglière, monseigneur de Guitry, et autres capitaines, demandèrent à la Pucelle qu'elle vouloit faire. Et elle leur [respondit qu'il falloit aller combatre le COnnestable. Et ils luy respondirent que si elle y alloit, qu'elle trouveroitbien à qui parler, et qu'il y en avoit en la compagnée qui seroient plustost à luy qu'à elle, et qu'ils aimeroient mieux luy et sa compagnée que toutes les pucelles du royaume de France.

Cependant monseigneur chevauchoit en belle ordonnance, et furent tous esbahis qu'il fus t arrivé. Et vers la Maladrerie, la Pucelle arriva devers luy, et monseigneur d'Alençon, monseigneur de Laval, monseigneur de Lohéac , monseigneur le bastard d'Orléans, et plusieurs capitaines, qui luy firent grande chère, et furent bien aise de sa venue. La Pucelle descendit à pied , et monseigneur aussi; et vint ladite Pucelle embrasser mondit seigneur par les jambes. Et lors il parla à elle, et luy dit : « Jehanne, on m'a « dit que vous me voulez combatre. Je ne sçay si « vous estes de par Dieu, ou non. Si vous estes de par « Dieu, je ne vous crains de rien , car Dieu sçait mon « bon vouloir ; si vous estes de par le diable, je vous » crains encore moins (1). » Lors tirèrent droit au siège, et ne luy baillèrent point de logis pour celle nuit. Si print mondit seigneur à faire le guet : car vous

(1) Comparer ce récit avec ceux du Journal du siège et de la Chronique de la Pucelle , ci-dessus , p. 175 et 240.

sçavez que les nouveaux venus doibvent le guet. Si firent le guet ceste nuit devant le chasteau, et fut le plus beau guet qui eust esté en France passé a long temps.

Et cesle nuit lut faite la composition , et se rendirent au bien matin. Et le jour devant, le sire de Tallebot et le sire de Scales, Fastolf et autres capitaines, estoient arrivés à Meun-sur-Loire pour venir combatre ceulx du siège de Boisgency. Et quand ils sceurent que monseigneur le connestabîe y estoit venu , ils changèrent propos, et prindrent conseil d'eulx en aller. Et dit-on aussi à mondit seigneur, silost qu'il fut arrivé au siège, qu'il falloit envoyer des gens au pont de Meun , qui tenoit pour les François , ou autrement qu'il seroit perdu. Et incontinent y envoya vingt lances et les archers. Si les conduirent Charles de La Ramée et Pierre Baugi. Et au matin , quand les Anglois s'en furent partis de Boisgency, la Pucelle et tous les seigneurs montèrent à cheval pour aller vers Meun. Et lors vindrent les nouvelles que les Anglois s'en alloient, et commencèrent à retourner droit à la ville chacun en son logis. Puis vint monseigneur de Rostrenen , qui s'approcha de monseigneur le connestabîe; si l'advertit, et dit: « Si vous faites tirer « vostre estendard en avant , tout le monde vous « suivra. » Et ainsi fut fait; et vint la Pucelle et tous les autres après. Et fut conclu de tirer après les Anglois.

Et furent mis les mieux montés en l'avant garde, et gens ordonnés pour les chevaucher et arrester, et faire mettre en bataille. Si furent des premiers Poton et La Hire, Penensac, Girard de La Paglière, Ama-

doc (1), Slevenot, et plusieurs gens de bien à cheval. Et monseigneur le connestable, monseigneur d'Alencon , la Pucelle, monseigneur de Laval , monseigneur de Lohéac, le mareschal de ftays, le bastard d'Orléans et Gaucourt, et grand nombre de seigneurs venoient en ordonnance par ceste belle Beauce. Si venoient bien grand train. Et quand les premiers eurent bien chevauché environ cinq lieues , ils commencèrent à voir les Anglois, et adonc galopèrent grand erre, et la bataille après. Et en telle manière les chevauchèrent, que lesdits Anglois n'eurent pas le loisir de se mettre en bataille, et furent en grand desarroy, car ils avoient mal choisy selon leurs cas : car le pays esloit trop plain. Si furent desconfits à un village en Beauce qui a nom Patay, et là environ. Si furent là morts bien deux mille et deux cents, ainsi que disoient les héraults et poursuivants. Et fut en la fin du mois de may. Et furent prisonniers le sire de Tallebot et le sire de Scales; et fut Tallebot prisonnier des archers de Poton , et monseigneur de Beaumanoir eut pour prisonnier messire Henry Branche , et plusieurs autres prisonniers; et messire Jehan Fastoli s'enfuit, et autres dont je ne sçay pas les noms.

Monseigneur le connestable et les autres seigneurs couchèrent celle nuit à Patay sur le champ , car bien estoient las et avoient eu grand chaud. El bientost après, comme ils cuidoient tirer en avant, le roy manda à monseigneur le connestable qu'il s'en retournast en sa maison; et mondit seigneur envoya

(1) Lisez Amador. C'était le prénom du frère de La Hire.

devers luy luy supplier que ce fust son plaisir qu'il le servist, et que bien et loyaument le serviroit luy et le royaume. Et y envoya monseigneur de Beaumanoir et monseigneur de Rostrenen ; et prioit La Trimouille qu'il luy pleust le laisser servir le roy , et qu'il feroit tout ce qu'il luy plairoit. Et fut jusques à le baiser aux genoux, et oncques n'en voulut rien faire. Et luy fit mander le roy qu'il s'en allast, et que mieux aimeroit jamais n'estre couronné que mondit seigneur y fust. Et en effet convint à mondit seigneur s'en revenir à Partenay à toute sa belle compagnée : dont despuis s'en repentirent quand le duc de Betfort leur offrit la bataille à Montpillouer. Et aussi envoyèrent monseigneur de La Marche, qui cuidoit venir servir le roy, et avoit très belle compagnée : dont despuis, comme dit est, en eurent bien à faire. Si s'en vint monseigneur le connestable à Partenay, et en s'en venant on lui ferma toutes les villes et passages; et luy firent tout le pis qu'ils peurent, pour ce qu'il avoit fait tout le mieux qu'il avoit peu.