IV

ne sceut qu'elle devint. Plusieurs disoient que les Angloiz la prirent : dedans Rouan fut menée, les Angloiz se la firent brusler. D'autres disoient qu'aucuns de l'armée l'avoient faict mourir, pour cause qu'elle attribuoit tous ses honneurs des faicts d'armes à elle.

Quant le roy sceut les nouvelles que la Pucelle estoit morte, il feust moult courroucé. Se vers luy elle feust esté enmenée, en saine te terre l'eust faict enterrer, et luy eust faict faire une sépulture riche et honneste; à tous jamais l'église en eusl faict mémoire; grand proufîct en eussent eu les prebtres. Le roy et toutte son armée mirent longtemps à avoir ladicte Rouan. Elle cousta moult à avoir, tant en gens comme en avoir. A la fin les Angloys eurent appoinctement; sauve leurs corps et biens, eu Angleterre s'en retournèrent franchement. Le roy voyant son royauîme en paix , se maria à une fille, notable fille au duc d'Anjou, soeur au roy Louys, frère à ladicte dame le conte de Guise , le conte du Maine, tout frère à ladicte; lequel frère Louys avoit le royauîme de Cécile , Anjou et Provence. Lequel roy Charles en eut filz et fille , de quoy le dernier roy Louys en estoit ung.