DE L AN MIL CCCC XXVIII
Chap. LVII. — Comment une pucelle, nommée Jehanne, vint devers le roy Charles , à Chinon , où il se tenoit ; et comment ledit roy Charles le retint avoecq luy.
En l'an desusdit, vint devers le roy Charles de France, à Chynon où il se tenoit çrand partie du temps, une pucelle josne fille eagie de vingt ans ou environ, nommé Jehenue, laquelle étoit vestue et habilliée en guise d'homme; et estoit née des parties entre Bourgongne et Lohorraine, d'une ville nommée Donremy, assés près de Vaucoulour; laquelle Jehenne fu grand espace de temps meschine en une hostelerie, et estoit hardie de chevaulchier chevaulx,etles mener boire (1), et aussy de faire appertises et aultres habi-
(I) Une note marginale du ms. 8346, écrite du temps de Charles VII ou de Louis XI , rectifie ainsi cette assertion : « Toute sa vye fut bergère gardant « les berbis jusques à ce qu'elle fut menée devers le roy ; ne jamès n'avoit veu « cheval, au moyns pour monter dessus. »
;î62 témoignages des chroniqueurs
letez, que josnes filles n'ont point acoustumé défaire, Et fu mise à voie et envoyée devers le roy par ung chevalier nommé messire Robert de Beaudrecourt, capitaine, de par ledit roy, de Vaucoulour, lequel ly bailla chevaulx et quatre ou six compaignons. Si se disoit estre pucelle inspirée de la grâce divine , et qu'elle estoit envoyée devers yceluy roy pour le remettre en la possession de son royaume, dont il estoit encachié et débouté à tort; et si estoit en assez poure estât. Si fu environ deux mois en l'ostel du roy desusdit, lequel, par pluiseurs fois, elle admonestoit par ses paroi les qu'il ly baillast gens et ayde , et elle rebouteroit ses ennemis, et exauceroit sa signourie.
Durant lequel temps, le roy ne son conseil ne adjoustoieut point grand foy à elle, ne à chose qu'elle sceust dire, et le tenoit on comme une folle desvoyée de sa santé; car, à si grans prinches et aultres nobles hommes, telles ou pareilles parolles sont moult doubtables et périlleuses à croire , tant pour lyre de INostre Segneur princhipalement, comme pour le blasphème qu'on en pourroit avoir des parlers du monde. Nientmains, après qu'elle heubt esté en lestât que dit est, une espace, elle fut aidie et ly furent baillies gens et habillemens de guerre; et esleva un estendart où elle fist pindre la représentacion de nostre Créateur. Si estoient toutes ses parolles du nom de Dieu. Pour quoy grand partie de cheulx qui la véoient et ooient parler, avoient grand credence et variacion qu'elle fust inspirée de Dieu, comme elle se disoit estre. Et fut par pluiseurs fois examinée de notables clercz et autres saiges hommes de grande auctorité, afïin de sçavoir pins à plain son intencion; m;iis tousjours elle se tenoit
en son propos, disant que se le roy la vouloit croire, elle le remettrait en sa signourie. Et depuis che temps, fisl aulcunes besongnes dont elle acquist grande renommée, desquelles sera ehi après plus à plain déelairié.Et lors qu'elle vint devers le roy, y estoit le duc d'Alenchon, le marescha! du roy, et aultres pluiseurs capitaines, car le roy avoit tenu grand conseil pour le fait du siège d'Orliens; et de là ala à Poitiers, et ycelle Pucelle avoecq luy.
Et brief ensievant , fut ordonné que ledit mareschal menroit vivres et aultres besongnes nécessaires audit lieu d'Orliens , à puissance. Si volt Jehenne la Pucelle aler avoecq, et fist requeste qu'on ly baillast harnas, pour ly armer et habillier, lequel ly fu baillié. Et tost après, leva son estendart et ala à Bloix , où l'assamblée se faisoit, et de là à Orliens avoecq les aultres. Si estoit lousjours armée de plain harras ; et, en che meysrae voiage, se mirent pluiseurs gens de guerre soubz elle. Et quand elle fu venue en ycelle cité d'Orliens, on ly iist très grand chière , et furent moult de gens resjoys de sa venue , si comme vous orrez recorder plus à plein assés briefvement.
