DE L AN MIL CCCC XXIX

Chap. L1X. — Comment la Pucelle Jehenne et pluiseurs capitainnes Franchoix rafraischirent la ville d'Orliens de vivres et de gens d'armes , et depuis Itnèrent le siège.

Après que les capitainnes des Angloix desusditz avoecq leurs gens heubrent, par l'espace de sept mois ou environ , continué leur siège entour la ville d'Orliens, et ycelle moult oppressée et travillié, tant par leurs engiens comme par les fortificacions et bastilles

qu'ilz y avoient faites en pluiseurs lieux, jusques au nombre de soixante, les assegiés, véans que par ycelle continuacion estoient en péril d'estre mis en In servitude el obéyssance de leurs ennemis , se conclurent et disposèrent de ad ce résister de tout leur povoir, et de y remédyer par toutes les manières que faire se pourroi t. Si envoyèrent devers le roy Charles, adfin d'avoir ayde de gens et de vivres. Si leur furent envoyés de quatre à cinq cens combatans ou environ ; et depuis en vinrent bien environ sept mil avoecq aulcuns vivres, qui estoient en vaisseaulx conduis parmy l'eaue de Loire d'yceulx gens d'armes; et avoecq eulx vint Jehenne la Pueeile , dont desus est faite mencion, et jusques a che jour avoit encore fait peu de choses dont il fust grand renommée.

Et lors ceulz de l'ost s'efïbrchèrent de conquerre les dessusditz vivres; mais ilz furent bien deffendus par ladicte Pucelle et ceulx qui estoient avoecq elle; si furent mis à sauveté; dont ceulx de la ville firent bonne chière, et furent moult joyenlx , tant pour la venue d'ycelle Pucelle comme pour les vivres dessusdiz. Et lendemain, qui fust par ungjoesdy, Jehenne la Pucelle se leva assés matin , et en parlant à pluiseurs capitainnes de la ville et aultres gens de guerre, les induict et admonesta moult fort par ses parolles, qu'ilz se armassent et la sievyssent, car elle vouloit nier, che disoit elle, assalir et combatre les ennemis, disant en oultre qui1 bien scavoit sans faille qu'ilz seraient vaincus.

Lesquelx ca pi la in nés et aultres gens de guerre estoient tous esmerveillics de ses parolles; dont la plus grand partie se mist en armes, et s'en alcrent avoecq

ET HISTORIENS DU XVe SIÈCLE. ;i65

elle assalir la bastille de Saint-Leup, qui estoit moult forte, et avoit dedens de trois à quatre cens Angloix ou environ. Lesquclx asscs tost furent conquis, mors et pris, et mis à grand meschief; et ladicte fortificacion fut toute démolie et mise en feu et en flambe. Si s'en retourna ladicte Pucelle Jehenne , atout ses gens d'armes, dedens la cité d'Orliens, où elle fut moult grandement et de toutes gens honnourée et festoyée. Et l'endemain , qui (ut le vendredi, yssy ladicte Pucelle Jehenne de rechief hors de la ville, atout certain nombre de combatans, et ala assaillir la seconde bastille plaine d'Angloix, laquelle pareillement comme la première, fut gagnée et vaincue, et ceulx de dedans mors et mis à l'espée. Et après que ladicte Pucelle Jehenne heubt fait ardoir et embraser icelle seconde bastille, elle s'en retourna dedans la ville d'Orliens , où elle fu plus que devant exauchée et honnourée de tous les habitons d'ycelle. Et le samedi ensievant, assailly par grand vaillance et de grand voulenté la trefforte bastille du bout du pont, qui mervilleusement et poissamment estoit fortifiée, et si estoit dedans la fleur des milleurs gens de guerre d'Angleterre, et droittes gens d'armes d'eslite , lesquelx moult longuement et prudentement se deffendirent ; mais che ne leur valy gaires, car par vive force et proesce de combatre, furent prins et conquis, et la grineur partie mis à l'espée. Entre lesquelx y fu mort ung très renommé et vaillant capitainne augloix, appelé Classedas, et avoecq lui le seigneur de Molins, le bailly d'Évreux, et pluiseurs aultres nobles hommes de grand estât.

Après laquelle conqueste retournèrent dedens la ville Jehenne la Pucelle et les Franchoix , à petite

perte de leurs gens. Et non obstant qu'à ches trois assaulx la dessusdicte Pucelle enportast la commune renommée d'en avoir esté conduiteresse , nienmains si y estoient tous les capitainnes, ou au mains la plus grand partie, qui, durant ledit siège , avoient esté dedans ladicte ville d'Orliens , desqnelx pardesus est faite mencion, auxdiz assaulx. Et se y gouvernèrent chacun endroit soy si vaillamment comme gens de guerre doibvent faire en tel cas, tellement que en ches trois bastilles furent, que mors, que prins, de six à huit cens (1) corabatans, et les Franchoix ne perdirent que environ cent hommes de tous estas.

Le dimenche ensievant , les capitainnes Angloix , est assavoir le conte de SufFort , Talebot , le segneur d'Escalles et aulcuns aultres, voians la prinse de leurs bastilles et la destruction de leurs gens, prinrent ensamble conclusion qu'ils se assambleroient et meteroient tous en une bataille seulle , en délaissant leur logis et fortificacion ; et, en cas que les Franchoix les vouldroient combatre, ilz les attenderoient , ou se che non , ilz se départiraient en bonne ordonnance et retourneraient es bonnes villes et forteresces de leur party.

Laquelle conclusion, ainsy qu'ilz l'avoient avisée, ilz l'entretinrent. Car che diemence , très matin, ilz habandonnèrent toutes leurs aultres bastilles , et en boutant les feux en aulcunes ; puis se mirent en bataille , comme dit est, où ilz se tinrent assés bonne espace, attendant que les Franchoix: les a lassent combatre; lesquelx Franchoix n'eubreut talent de che faire

'1^ Ville dans les édilious.

par l'exortacion de la Pucelle. Et atlonl les Angloix , qui véoient leur puissance nullement affaiblie ei trop

diminuée, et aussi qu'il étoit impossible à eulx de là plus demourer, se pis ne vouloient faire, se mirent à chemin , et retournèrent en ordonnance es villes et plaches tenans leur party. Si firent lors par toute la ville d'Orliens grand joie et grand esbaudissement , quand ainsy se veirent délivrés de leurs ennemis, et le remanant en aier à leur confusion ,• lesquelx par long temps les avoient grandement tenus en dangier. Sy lurent envoyés pluiseurs gens de guerre dedans ycelles bastilles, où ilz trouvèrent aulcuns vivres et autres biens très largement, qui tantost par eulx furent portés à sauveté. Si en firent bonne chière , car il ne leur avoit gaire cousté. Et lesdites bastilles furent prestement arses et démolies jusques en terre, adfîn que nulles gens de guerre ne se y pussent plus logier.

Chap. LX. — Comment le roy de Franche, à la requeste de la Pucelle et des aultres capitainnes estans à Orliens, leur envoia grans gens d'armes, pour aler sur ses ennemis.

En après les Franchoix estans dedens Orliens, est assavoir les capitainnes avoecq Jehenne la Pucelle , tous d'un commun accord, envoyèrent leurs messages devers le roy de France, à pluiseurs, lui racompter les victorieuses besongnes qu'ilz avoient faites , et comment les Angloix ses ennemis s'estoient départis et retournés en leurs garnisons, vceluy roy admonestant que sans délay leur envoiast le plus de gens de guerre qu'il pourroit fîner, avoecq aulcuns grans segneurs , adfin qu'ilz pussent poursieuvr leurs ennemis, lesquelz estoient tous effraies pour la perte qu'ilz avoient faite ;

et aussy que luy mesme en sa personne se tirast avant en la marche. Lesquelles nouvelles furent au roy et a son conseil moult fort plaisantes; che m bien raison. Si furent incontinent mandés à venir devers luy le connestable, le duc d'Alenchon, Charles, segneur de Labreth, et pluiseurs aultres grans segneurs, desquelx la plus grand partie furent envoyés à Orliens.

Et d'aultre part, certaine espace de temps après, le roy se traist à Gien , et avoecq luy très grand nombre de combatans. Et ycheulx capitainnes qui par avant estoient à Orliens, et les prinches et grans segneurs, qui nouvellement y estoient venus , tinrent grans consaulx tous ensamble l'un avoecq l'autre, pour avoir advis s'ilz poursievroient les Angloix, èsquelx consaulx estoit première appelée Jehenne la Pucelle, qui pour che temps estoit en grand règne.

Finablement les Franchoix, environ le my may, dont le siège avoit esté levé à l'entrée d'yceluy mois, se mirent sur les champs jusques au nombre de cinq à six mil combatans , atout charroy et habillemens de guerre, et priment leur chemin droit vers Gargeaux , où estoit le conte de Suffort et ses frères, qui jà par avant avoient envoyé pluiseurs messages à Paris , devers le duc de Bethfort , lui nonchier la perte et la maie aventure qui leur estoit advenue devant Orliens , en luy requérant que brief leur volsist envoyer souscours, ou aultremént ilz estoient en péril d'estre reboutés , et perdre pluiseurs villes et forleresces qu'ilz tenoient ou pays de Beausse et sur la rivière de Loire. Lequel duc de Bethfort, oyant ches maies nouvelles, fu moult anoyeux et desplaisant; nienlmains, lui considérant que il convenoil pourveoir aux choses plus nécessaires,

Kl lIlMolllhYs ni \\« SIÈCLE. 3<>(J

manda hastivement gens de tous pays estans eu son obéyssance, et en fist assambler de quatre à cinq mil, lesquels il fist mettre à chemin, et tirer droit vers le pays d'Orliens, soubz la conduite de messire Thomas de Rampston, du bastard de Thian et aulcuns aultres; auxqueix il promist que brief ensievant , il yroit après enlx atout plus grand puissance, qu'il avoit mandée en Angleterre.

Chap. LXI. — Comment la Pucelle , le connestable de Franche, et le duc d'Alenchon et leurs routes conquirent la ville de Gargeaux ; et la bataille da Patay, où les Franchoix desconlîrent les Angloix.

Or est vérité que le connestable de France, le duc d'Alenchon, Jehenne la Pucelle, et les aultres capita innés franchoix estans tous ensemble sur les champs, comme il est dit desus , chevaulcèrent tant par aulcunes journées, qu'ilz vindrent devant Gargeaux , où estoit le desusdit conte de Sufïort, et de trois à quatre cens de ses gens avoecq les habitans de la ville, qui tantost eu toute dilligence se mirent en ordonnance de deifense; mais en brief ilz furent assez tost avironnés de toutes pars desditz Franchoix. Et de fait les commenchièrent en pluiseurs lieux à assaillir moult radement ; lequel assault dura assez bonne espace, terrible et moult merveilleux. Toutefois, ycheulx Franchoix continuèrent si asprement. oudit assault, que, malgré leurs adversaires, par forche d'armes, entrèrent dedens la ville, et par prouesce le conquirent. A laquelle entrée furent ochis trois cens combatans angloix , desquelz fu l'un d'yceulx des frères du conte de SutFort; lequel conte, avoecq luy son auître frère, le segneur de la Poulie, lurent fais prisonniers, et

iv. 24

de leurs autres gens jusques à soixante hommes ou au

desus.

Ainsi doncques ceste ville et chasteau de Gargeaux , conquise et subjuguée, comme dit est, lesditz Franchoix se rafreschirent tout à leur aise en ycelle , et après, eulx partans de là , alèrent à Meun, qui tantost leur fist obéyssance; et d'aultre part s'enfuyrent les Angloyx , qui tenoient La Frété - Hubert , et se boutèrent tous ensambie à Bosengi (1); jusques auquel lieu ilz furent cachiés et poursievis des Franchoix, lesquelx se logèrent devant eulx en pluiseurs lieux, et tousjours Jehenne la Pucelle ou front devant, atout son estendart. Et lors , par toutes les marches de là environ, n'estoit plus grand bruit ne renommée comme il estoit d'elle, et de nul aultre homme de guerre.

Et adont les principaulx capitainnes angloix, qui estoient dedens ladite ville de Bosengi , voians , par la renommée d'ycelle Pucelle, fortune estre ainsi du tout tournée contre eulx , et que pluiseurs villes et forteresses estoient desjà mises en obéyssance de leurs ennemis, les unes par vaillance d'armes et forche d'assault, et les aultres par traictié,* et aussy que leurs gens, pour la plus grand partie, estoient moult esbahis et espoantés, et ne les trouvoient pas de tel propos de prudence qu'ilz avoient acoustumé , ains estoient très desirans d'eulx retraire sur les marches de Normendie : si ne sçavoient que faire, ne quel conseil eslire, car ilz ne sçavoient estre adcertenés ne asseurés d'avoir en brief souscours. Et pour tant, tout con-

(1) Baugency.

Kl HISTORIENS DU XVe SIÈCLE. 371

sidéré les besongnes desusdicles, ilz traiclièrent avoecq les Franchoiz qu'ilz s'en yroient atout leurs biens, sauf leurs corps et leurs vies, par condicion qu'ilz rcnderoient la place en l'obéyssance du roy Charles ou de ses commis. Lequel traietié ainsy fait, lesdiz An Hoir se départirent, prenans leur chemin parmy la Beauce, en tirant vers Paris. Et les Franchoiz entrèrent joieusement dedans Bosengy, et prinrent conclusion par l'exortacion de Jehenne la Pucelle, qu'ilz yroient au devant des Angloiz, qui des parties vers Paris venoient pour les combat re , comme on leur avoit donné à entendre : laquelle chose estoit véritable. Si se mirent derechief à plains champs; et venoient à eulx chacun jour gens nouveaulx de pluiseurs marches. Et furent adont ordonnés le connestable, le marescal de Bousach, La Hire, Pothou et aucuns aultres capitainnes, de faire Payant-garde; et lesourplus, comme le duc d'Alenchon , le bastard d'Orliens, le mareschal de Rois, estoient conduicteurs de la bataille qui sievoit d'assés près ladicte avant-garde, et pouvoient estre environ de six à huit mil (1 ) combatans. Et fut demandé à Jehenne la Pucelie, par aulcuns des pr incites là estans, quelle chose il estoit de faire et que bon luy sembloit à ordonner; laquelle respondy qu'elle sçavoit bien pour vray que leurs anchiens adversaires les Angloix venoient pour eulx combatre ; disant oultre que, au nom de Dieu, on aiast hardiement contre eulx, et que sans faille ilz seroient vaincus. Et aulcuns luy demandèrent où on les trouveroit; et elle dist : « Chevaulchiez hardiement, on aura bon conduict. »

1 Les éditions portent de huit à neuf taille.

Adonc toutes gens d'armes se mirent en bataille , et en bonne ordonnance tirèrent leur chemin , ayans des plus expers hommes de guerre montés sur fleurs de coursiers, alant devant pour descouvrir leurs ennemis, jusques au nombre de soixante ou quatre-vingts hommes d'armes. Et ainsy par certainne longue espace chevaulchant, vinrent par ung jour de samedi à une grande demie lieue près d'un gros village nommé Patay; en laquelle marche les desusdiz coureurs franchoiz veyrent de devant eulx partir ung cherf , lequel adrecha son chemin droit pour aler à la bataille des Angloix, qui jà s'estoient mis tous ensemble, est assavoir, yceulx veuans de Paris, dont desus est faite mencion, et les aultres qui estoient partis de Bogenci et des marches d'Orliens. Pour la venue duquel cherf, qui se féri, comme dit est , parmy ycelle bataille, fut desdiz Angloiz eslevé ung très grand cry; et ne sçavoient pas encore que leurs ennemis fussent si près d'eulx. Pour lequel cry les desusdiz coureurs franco is furent adcertenés que c'estoient les Angloiz, car ilz les veyrent adont tout à plain; et pour che renvoyèrent aulcuns d'eulx vers leurs capitainnes, pour les advertir de che qu'ilz a voient trouvé, et leur firent sçavoir que par bonne ordonnanche ilz chevaulchassent avant, et qu'il estoit heure de besongnier. Lesquelx prestement se reparèrent de tous poins , et chevaulchièrent bien et hardiement, si avant qu'ilz perchurent et veyrent tout à plain leurs ennemis. Lesquelz, sachans pareillement la venue des Franchoix, se préparèrent diligamment pour lescombatre, et volrent descendre ii pied emprès une haye qui estoit ossés près d'eulx, adfin que par derrière ne périssent estre sousprins des

Françhoix* mais aulcuns des capilainnes ne furent point de che bien conlens, et dirent qu'il?, trouveroient plnche plus advantageuse.

Pour quoy ilz se mirent au chemin en tournant le doz à leurs ennemis , et chevaulehèrent jusques à ung aultre lieu, environ à ung petit demy quart de lieue loing du premier, qui estoit assez fort de hayes et de buissons ; ouque! , pour che que les Françhoix les quoitoient de moult près, mirent pied à terre , et descendirent la plus grand partie de leurs chevaulx. Et alors l'avant-garde des Françhoix, qui estoit désirant et ardent en courage pour assambler aux Angloix, par che que depuis ung peu de temps en chà les avoient assayés et trouvés de assés meschant deifence , se férirent de plains eslais dedens yceulx Angloix, et d'un hardi courage et grand voulenté les envayrent si viguereusement et tant soubdainement, avant qu'ilz peussent eslre mis du tout en ordonnance, que meysmement messire Jean Fastocq et le bastard de Thian , chevalier, avoecq grand nombre de leurs gens, ne se mirent point à pied avoecq lesaultres, ains se départirent en fuiaot à plain cours pour sauver leurs vies. Et entre tant, les aultres, qui esloient deschendus h pied, furent tantost de toutes parts advironnés et combatus par yceulz Françhoix, car ilz n'eubrent point loisir d'eulx fortifier de peuchons aguisiés , par la manière qu'ilz avoient acoustumé de faire. Et pour tant, sans che qu'ilz feyssent grand dommage aux Franchoiz, ilz furent en assés brief terme et légièrement rués jus, desconfis et du tout vaincus. Et y eubt mors desusla plache, d'yeeulx Angloix environ dix-huit cens, et en y heubt de prison-

niers de cent à six vingts; desquelz estoient les prinehipaulx , les seigneurs d'Escalles , de Tallebot, de Ilongreffort , messire Thomas de Rarapston , et pluiseurs aultres des plus notables, jusques au nombre desusdit. Et de cheulx qui y furent mors , furent les princhipaulx est assavoir.... (1); et les aultres estoient toutes gens de petit estât et moyen, telxel si fais qu'ilz ont acoustumé de amener de leur pays mourir en France.

Après laquelle besongne , qui fut environ deux heures après miedi , tous les capitainnes franchois se rassemblèrent ensemble , en regraciant dévottement et humblement leur créateur. Et menèrent grand liesce l'un avoecq l'aultre pour leur victoire et bonne fortune; et se logèrent chelle nuit en icelle ville de Patay , qui siet à deux lieus près d'Yenville , en Beausse; de laquelle ville cheste journée porte le nom perdurablement. Et l'endemain , lesdiz Franchoix retournèrent atout leurs prisonniers, et les riches despoulles des Angloix qui mors estoient. Et ainsy entrèrent en la citéd'Orliens, et les aultres de leurs gens es marches d'entouret a l'environ, où ilz fuient grandement conjoys de tout le peuple. Et, par especial, Jelienne la Pucelle acquist en icelles besongnes si grand louenge et renommée, qu'il sambloit à toutes gens que les ennemis du roy n'euyssent plus puissance de résister contre elle, et que brief, par son moyen, le roy deust estre remis et restabli du tout en son royaume. Si s'en alia avoecq les aultres prinches et capitainnes devers le roy, qui de leur retour fu

fi) f.acunc dans les manuscrit» et ilans les éditions.

ET HISTORIEES Dl XV« SIÈCLE. 375

moult resjoy , et list à tous très honnourable réce peion.

Après laquelle, brief ensievant lu prinse par yceluy roy, avoecq cheulx de son conseil , conclusion de mander par tous les pays de son obéyssance , le plus de gens de guerre qu'il pourroit finer, adfin qu'il se peust bouter avant en marche, et poursievyr ses ennemis.

Item , à la journée de la bataille do Patay , avant que les Angloix seussent la venue de leurs ennemis , messire Jean Fastocq, qui estoit ung desprinchipaulx capitainnes, et qui s'en estoit fuy sans cop férir, assambla en conseil avoecq les aultres, et fist pluiseurs remonstranches : est assavoir, comment ilz sçavoient la perte qu'ilz avoient faicte de leurs gens devant Orliens, à Yenville , et en aulcuns aultres lieux : pour lesquelles ilz avoient du pire; et estoient leurs gens moult esbahis et efï'raés , et leurs ennemis, au contraire, estoient moult enorguellis et resvigurés. Pour quoy il consilloit qu'ilz se retrayssent es chasteaulx et lieux tenans leur party là à l'environ, et qu'ilz ne combatissent point leurs ennemis si en haste, jusques ad ce qu'ilz fussent mieulx rasseurés; et aussy que leurs gens fussent venus d'Angleterre, que le régent debvoit envoyer briefment. Lesquelles remonstranches ne furent point bien agréables à aulcuns des capitainnes, et par especial à messire Jehan de Tallebot; et dist, que se ses ennemis venoient , qu'il les combatroit. Et par che que, comme dit est, ledit Fastocq s'enfuy de la bataille sans cop férir, fu pour cheste cause grandement repprouché quant il vint devers le duc de Bethefort, son segneur; et, en conclusion , lui fu osté l'ordre du blancq jartier , qu'il portoit entour la

jambe. Mais depuis, tant en partie comme pour les desusdictes remonstranches qu'il avoit faites , qui sambloient assez raisonnables , comme pour pluiseurs aultres excusanches qu'il mist avant, luy fut, par sentence de proches , rendue ladite ordre de la jartière, ja soit-il qu'il en sourdist grant débat depuis entre ycelui Fastocq et sire Jehan de Thalebot , quand il fu retourné d'estre prisonnier de la bataille dessusdicte.

A cheste besongne , furent fais chevaliers , de la partie des Franchois, Jaque de Milly, Gille de Saint- Symon, Loys de Marchongnet , Jehan de le Haye, et pluiseurs aultres vaillans hommes.

Chap. LXI1I. ■ — Comment Charles , roy de Franche, se mist sur les champ» atout grand foison de chevalerie et de gens d'armes ; auquel voiage mist en son obéyssance plusieurs villes et cités.

Item y durant le temps desusd.it, Charles, roy de France, assambla à Bourges en Berri très grande multitude de gens d'armes et de trait; entre lesquelx estoient le duc d'Âlenchon , Charles de Bourbon , conte deClermont, et. Artus, connestable de France, conte de Richemont, Charlez d'Anjou son biau-frère, et frère au roi Renier de Secile, le bastard d'Orliens et le cadet d'Ermignach, Charles, segneur de Labreth, et pluiseurs aultres haulx hommes et puissans barons des ducées et contées d'Acquilainne, de Gascongne, de Poitou, de Berry, et pluiseurs aultres bons pays. Avoecq tous lesquelx se mist sur les champs, et de là vint à Gien-sur-Loire; tousjours Jehenne la Pucelle avoecq luy, et en sa compaignie ung praicheur nommé frère Richard , de l'ordre de saint Augustin ,

qui nagaires avoit esté débouté de la ville de Paris et d'aultres lieux, où il avoir fait pluiseurs prédicacions, en l'obéyssanche des Angloiz, pour che que en ycelles se moustroit trop plainement estre favourable et estre de la partie des Franchoix.

Duquel lieu de Gien prins son chemin en venant vers Ausoirre. Toutefois le connestable, atout certain nombre de gens d'armes, s'en ala en Normendie devers Evreux , pour empeschier les garnisons du pays, qu'ilz ne se peussent assambler avoecq le duc de Belhfort. Et d'aultre part, le cadet d'Ermignach fu renvoyé et commis à garder la ducée d'Acjuitainne et deBourdeloix. Ouquel chemin, ycelui roymisten son obéyssance deux petites bonnes villes qui tenoient le party du roy Henry, est à savoir Saint-Flourentin et Saint-Jargeau (1) : ycelles prometant de faire d'ore en avant au desusdit roy et à ses commis , tout che que bons et loyaulx subjeclz doibvent faire à leur souverain segneur ; en prenant aussy dudit roy sceurté et promesse qu'il les feroit gouverner et maintenir en bonne justice , et seloncq leurs anchiennes coustumes.

Et de là il vint audit lieu d' Ausoirre; si envoia sommer ceulz de la ville, quilz le volsissent recepvoir comme leur naturel et droiturier segneur ; lesquelx de che faire ne furent point contens de plainne venue. Nientmains pluiseurs ambassadeurs furent envoyés d'un coté et d'aultre. Si fu en la fin traictié fait entre les parties; et promirent cheulx de ladite ville d'Aussoirre, qu'ilz feroient au roy telle et pareille obéyssance que feroient ceulx des

i Saint-Fargeau.

villes de Troyes, Chalonset Rains. Et, par ainsy, en administrant aux gens du roy vivres et aultres denrées pour leur argent, ilzdemourèrent paisibles; et les tint le roy pour excusés pour cheste fois.

Et de là vint le roi à Troyes, en Champaigne, et se loga tout à l'environ ; et y fu trois jours avant que cheulx delà ville le volsissent recepvoir à segneur. En la fin desquelz , parmy certain nés promesses qui leur furent faites , ilz lui firent plainne ouverture; et mirent luy et ses gens dedens leur ville, où il oyt messe. Et, après les sairemens acoustumés, fais des unes parties aux aultres, le dessusdict roy retourna en son logis aux champs, et fîst publyer par pluiseurs fois, tant en son ost comme en la ville, sur le hart , que homme, de quelque estât qu'il fust, ne mefïesist riens à ceulx de la ville de Troyes, ne aux aultres qui s'estoient mis en son obéyssance. Et en chemeysme voiage faisoient lavant -garde les deux mareschanlx de France , est assavoir Bousach et le segneur de Rais, avoecq lesquelz estoient La Hire, Pothon de Sainte-Treille, etaulcuns aultres capita innés. Durant lequel voiage, se rendirent en robéyssanced'ycelui roy Charles, très grand nombre de bonnes villes et chasteaulx , à l'environ des marches où il passoit. Desquelles reddicions déclairier chacune à part ly , je m'en passe pour cause de briefté.

Chap. LXIV. — Comment le roy Charles de France , alout grande et noble chevalerie, et atout grand nombre de gens d'armes, s'en vint en la cité de Rains , où il fut sacré.

Item , Charles, roy de France, luy estant à Troyes on Champaigne, comme dit est rîesus , vinrent devers

luy aulcuns députés de Chalons en Champaigne, qui luv apportèrent les clef/ de leur ville et cité, en luy prometant, de par ychelle, faire toute obéyssanche. Après la venue desquelx, ledit roy vint audit lieu de Chaslons, où il fut des habitons benignement et en grand humilité recheu. Et là pareillement luy furent apportées les clefz de la ville de Rains, en luy prometant, comme desus, faire toute obéyssance , et le recepvoir comme leur naturel segneur.

En laquelle cité de Rains, nagaires avoit esté le segneur de Saveuses ? de par le duc de Bourgongne, avoecq certain nombre de gens d'armes, pour ycelle ville tenir en l'obéyssance du roy Henry et du desusdit duc de Bourgongne. Lequel segneur de Saveuses, venu à Rains, par le gouverneur et grand nombre des habitans luy fu promis de eulx entretenir du party et en la querelle du roy Henry et d'yceluy duc, jusques à la mort; mais, non obstanl che, pour la cremeur qu'ilz avoient de la Pucelle, qui faisoit de grans merveilles, comme on leur donnoit à entendre, se rendirent en l'obéyssance du roy Charles, jà soit che que le segneur de Chastillon et le segneur de Saveuses, qui estoient leurs capitainnes, leur remoustrassent et vouîoient donner à entendre le contraire. Lesquelx deux segneurs, véans leur voulenté et affection, se départirent de ladicte ville de Rains; car en leurs remonstranches , ceulx de ladicte ville n'avoient en riens voulu entendre , ains leur avoient fait responces dures et assés estranges. Lesquelles oyes, yceulx segneurs de Saveuses et de Chastillon retournèrent au Chasteau-Thiery.

Sy avoient dès lors yceuîx de Rains prius conclusion, l'un avoecq l'autre, derechepvoir le desusdit

roy Charles. Laquelle chose ilz firent, comme dit est desus, tant par le moyen de larchevesque d'ycelle ville de Rains, lequel estoit chanchelier du roy Charles, comme par aulcuns aullres. Si entra le roy dedens ladicte ville et cité de Rains, le vendredy, seiziesme jour de jullet (1), avoecq très grand nombre de sa chevalerie; et le diemence ensuivant, fu par ledit archevesque , consacré et couronné à roy , dedens l'église Nostre-Dame de Rains, présens ses prinches et prelas, et toute la baronnerie et chevalerie qui là esloient.

Là estoient le duc d'Alenchon , le conte de Clermont , le segneur de La Tremoulle , qui estoit son princhipal gouverneur, le segneur de Beaumanoir, Breton, le segneur de Mailly en Touraine (2) : lesquelz estoient en habis royaulx , représentans les nobles pers de France, qui point n'estoient au faire le noble sacre et couronnement desusdit. Siavoient esté les desusdiz pers absens évoquiés et apellés devant le grand autel de ladicte église par le roy d'armes de France, ainsy et par la manière qu'il est acoustumé de faire.

Après lequel sacre fait et acompli, le roy ala disner en l'ostel épiscopal de l'archevesque , les seigneurs et preîaz en sa compaignie. Et sist à sa table ledit archevesque de Rains; et servirent le roy, à son disner, le duc d'Alenchon et le conte de Clermont, avoecq pluisewrs aultres grans segneurs. Et fist le roy, le

(1) Et non sixiesme comme dans les éditions, ce qui a fait faire des dissertations sans fin aux critiques des siècles derniers.

(2) CVst-à-dire MatUé.

jour de sou sacre, trois chevaliers détiens l'église, desquel/ le damoiseau de Coin mardi is en fu l'un. Et, ii son département, laissa en la cite de Rains, pour capitainne, Anthoine de Hellande, nepveu dudit archevesque. Et, l'endemain, se departy de ladicte ville, et s'en ala en pèlerinage h Corbeni , visiter Saint- Marcou. Auquel lieu luy vinrent faire obéyssance cheulx de la ville de Laon , si comme avoient fait les aullres bonnes villes et cités desudictes. Duquel lieu de Corbeny, le roy ala à Soissons et à Provins, qui, sans contredict, luy firent plaine ouverture; et constitua lors La Hire nouvel bail ly de Vermeudoix, au lieu de messire Colard de Mailly, qui par avant y estoit commis de par le roy Henry d'Engleterre.

Et, après, s'en vint le roy et ses gens devant Chasteau-Thery, où estoient dedens le segneur de Chastillon, Jehan de Croy , Jehan de Brimeu , et aulcuns aultres nobles de la partie du duc de Bourgongne, atout quatre cens combalans, ou environ : iesquelz, tant pour che qu'iiz sentoient la coramunaulté de la ville incliner à faire obéyssance au roy Charles , comme pour che qu'iiz n'atendoient mie brief souscours, et n'estoient mie pourveus à leur plaisir, rendirent ycelle forte ville et chastel en l'obéyssanche du roy Charles, et s'en partirent sauvement, atout leurs biens. Si s'en alèrent à Paris, devers Je duc de Bethfort, qui lors faisoit grand assamblée de gens d'armes , pour venir combatre le roy Charles et sa puissanche.

Chap. LXV. — Comment le duc de Bethfort fit moult grand assemblée de gens d'armes pour aller combatre le roy Charles ; et comment il luy envoya unes lettres •

En che meysme temps, le duc de Bethfort, régent, atout dix mille combatans , ou environ, qu'il avoit assamblés d'Engleterre , de Normendie, et d'aulcunes autres marches de Franche, se tira de Rouen à Paris ; et de là, par piuiseurs journées , tendant à rencontrer le roy Charles, pour h ycelui livrer bataille^ s'en ala par le pays de Brie, à Moustreau où fault Yonne; duquel lieu il envoia ses mesages devers le desusdit roy, portans ses lettres seellées de son seel , desquelles la teneur s'ensieut.

t< Nous, Jehan de Lancastre, régent de France et duc de Bethfort, sçavoir faisons à vous, Charles de Valoix, qui vous soliez nommer daulphin de Viennoix, et maintenant, sans cause, vous dittes roy ; pour che que torchionnierement avés de nouvel entreprins contre la couronne et la signourie de très hault et exelent prinche, et mon souverain segneur, Henry, par la grâce de Dieu, vray, naturel et droiturier roy de Franche et d'Engleterre, par donnant à entendre au simple peuple que venez pour luy donner paix et sceurté : che que n'est pas, ne puet estre , par les moyens que avés tenus et tenés, qui faittes séduire et abuser le peuple ignorant, et vous aydiez plus de gens supersticieux et reprouciés, comme d'une femme desordonnée et diffamée, estant en habit d'homme et de gouvernement dissolut, et aussy d'un frère mendiant, appostat et sédicieux, comme nous sommes in-

formés; tous deux, seloncq la Saiucte Eseripture , abhominables à Dieu ; qui , par ib relie et puissance d'armes, avez occupé, ou pays de Champaigne et aultre part, auleunes eités, villes et chasteaulx apertenans à mondit segneur le roy, et les subjeetz demouransen ycelles eontraintet induict à desloyaulté et parjurement, en leur faisant rompre et violer la paix finalle des royaumes de France et d'Engleterre, sollempnellement jurée parles rois de France et d'Angleterre , qui lors vivoient, et lesgranssegneurs, pers, prelatz, barons, et les troiz estas de che royaume :

« Nous , pour garder et deiïendre le vray droit de mondit seigneur le roy , et vous et vostre puissance rebouter de ses pays et signouries, à l'ayde du Tout- Puissant, nous sommes mis sus, et tenons les champs en nostre personne et en la puissanche que Dieu nous a donnée; et comme bien avés sceu et sçavez, vous avons poursievy et poursievons de lieu en lieu pour vous cuidier trouver ou rencontrer : che que n'avons encore peu faire pour les advertissements que avez fais et faites.

« Pour quoy nous, qui, de tout nostre coeur desirons l'abrègement de la guerre; vous sommons et requérons que, se vous estes tel prinche qui querés honneur , et ayés pitié et compacion du poure peuple chrestien , qui tant longuement à vostre cause a esté inhumainement traictié et foulé et opprimé, et que briefment soit hors de ches afflictions et doleurs, sans plus continuer la guerre : prenés ou pays de Brie , où nous et vous sommes, ou en l'Isle de France qui est bien prouchain de nous et de vous, aulcune placheaux champs convignable et raisonnable, avoecq

jour brief et compétent , et tel que la prouchaineté des lieux où nous et vous sommes pour le présent le puet souffrir et demander; auxquelx jour et pîache, se comparoir y voulés en vostre personne, avoecq le conduict de la diffamée femme et apostat desusdictz , et tous les parjures, et aultre puissance telle quevouldrés et pourrés avoir , nous , au plaisir de Nostre Segneur, y comparerons, ou monseigneur le roy en nostre personne. Et lors, se vous voulés aulcune chose offrir ou mettre avant, regardant le bien de paix, nous l'orrons , et ferons tout che que bon prinche catholique doibt et puet faire, et tousjours sommes et serons enclins et voluntaires à toutes bonnes voies de paix non fainte , corrompue , dissimulée , violée ne parjurée, comme fut à Moustereau où fault Yonne, chelle dont, par vostre coulpe et consentement, s'ensievy le terrible, détestable et cruel murdre commis contre loy et honneur de chevalerie, en la personne de feu nostre très chier et très amé père, le duc Jehan de Bourgongne, cuy Dieux pardoinst. Par le moyen de laquelle paix par vous enfrainte, violée et parjurée, sont demourés et demeurent à tousjours mais tous nobles et aultres sujects de che royaume et d'ailleurs, quittes et exempz de vous et de vostre signourie , à quelque estât que vous ayez peu et povez venir; et tous sairemens de féaulté et de subjection , les avez absolz et aequitiés, comme par voz lettres pattentes signées de vostre main et de vostre seel , puet clerement apparoir.

« Toutevoies, se, pour l'yniquité et malice des hommes, ne pouvons prouliter au bien de paix, chacun de nous pourra bien garder et deffendre à i'espée

El HISTORIENS 1)1 M -SIÈCLE. 38f»

sa cause et sa querelle, ainsy que Dieu, qui est le seul juge el auquel, et non à aultre, mondit segneur a à respondre, luy en donnera grâce : auquel nous supplions humblement, comme à chelui qui scet et congnoist le vray droit et légitime querelle de mondit segneur, que disposer en voe'le à son plaisir ; et par ainsy le peuple de che royaume, sans telx foulemens et oppressions , pourra demourer en longue paix et sceur repos , que tous rois et prinches christiens , qui ont gouvernement, doibvent quérir et demander.

«Si nous faites savoir hastivement, et sans plus délayer ne passer temps par escriptures ne argumens, che que faire ne vouldrés ; car se , par vosîre défault , plus grans maulx , inconvéniens, continuacions de guerre, pilleries, et ranchonnemens et occisions de gens, et dépopulacions de pays adviennent , no;is prenons Dieu en tesmoing , et protestons devant luy et les hommes, que n'en serons point en cause, et que nous avons fait et faisons nostre debvoir , et nous mettons et voulons mettre en tous termes de raison et d'honneur, soit préalablement par le moyen de paix, ou par journée de bataille, de droit prinche, quand aultrement entre puissans et grans parties ne se pueent faire.

« En tesmoing de che, nous avons fait seeller ces présentes de nostre seel.

« Donné audit lieu de Moustreau où fault Yonne, leseptiesme jour d'aoust, l'an de grâce mil quatre cens vingt-nuef. »

Ainsy signé :«Par Monsegneur le régent du royaume de France, duc de Bethfort. »

Ghap. LXVI. — Comment le roy Charles de France et le duc de Bethfort, et

leurs puissances , rencontrèrent l'un l'autre vers le Mont Espilloy.

Item , après les besongnes desusdictes , le duc de Bethfort , veant qu'il ne povoit rencontrer le roy Charles et sa puissance à son advantaige, et que pluiseurs villes et forteresses se rendoient à luy sans cop férir ni faire quelque resistence, il se retira à tout sa puissance sur les marches de l'isle de France, adfin de obvyer que les princhipales villes ne se tournassent contre luy, comme avoient fait les aultres. Et d'aultre part, le roy Charles, qui jà estoit venu à Crespy, où il avoit été recheu et obéy comme souverain , se trait, à tout sa puissance, parmi le pays de Brie, en approuchant Senlis : auquel lieu les deux puissanches desusdictes , est à savoir du roy Charles et du duc de Bethfort, trouvèrent l'un l'autre assés près du Mont Espilloy, dalès une ville nommée Le Bar (1).

Si furent de chacune partie faites grandes preparacions, adfin de trouver advantage pour combatre l'un contre l'autre, et prinst le duc de Bethfort sa plache en assés fort lieu ; et adossèrent aulcuns lieux, par derrière et de costé, de fortes hayes d'espines; et au front devant estoient mis les archiers en ordonnance tous à pied, ayant chacun devant luy peuchons aguisiés fichiés devant eulx; et ledit régent atout sa signourie et aultres nobles , estoient assez près desditz archiers en une seulle bataille, où il y avoit entre aultres ensaignes, deux bannières, l'une de Franche et l'autre d'Angleterre. Et si estoit avoecq

1 C'est-à-dire Baron.

El lil.M OKIE.NS J)U X\< SIÈCLE. 387

ycelles l'estendarl de saint George : laquelle bannière portoit pour ce jour Jehan de Villiers, chevalier, seigneur de l'Isle-Adam. Et estoient lors avoec(j ledit duc de Bethfort, de six à huit cens eombatans des gens du duc de Bourgongne , desquelx les princhipaulx estoient : le segneur de l'Isle-Adam, Jehan de Croy, Jehan de Crequi, Anthoine de Bélhune, Jehan de Fosseux , le segneur de Saveuses , messire Hue de Lanuoy, Jehan de Brimeu , Jean de Lannoy, messire Simon de I jalain, Jehan , bastard de Saint-Pol , et pluiseurs aultres hommes de guerre, desquelx les aulcuns en che meysmejour furent fais nouveaulx chevaliers. Et le fu fait ledit bastard de Saint-Pol de la main du duc de Bethfort; et les aultres, comme Jehiin de Croy, Jehan de Crequi, Anthoine de Béthune, Jehan de Fosseux , le Liégoix de Hum i ères, par les mains d'aulcuns aultres notables chevaliers.

Après lesquelles besongnes ainsi mises en conduite , est assavoir les Angloix et ceulz de leur nacion tous ensamble estoient du costé de iadicte bataille, de la main senestre, et les Picars et aultres de la nacion deFrance estoient à l'autre costé. Et se tinrent ainsy en bataille , comme dit est , par très longue espace; et estoient mis si advantageusement, que leurs ennemis ne les povoient envayr par derrière, sinon à trop grand dommage et dangier; et avoecq ce estoient pour\eus et rafreschis de vivres et aultres nécessités de la bonne ville de Senlis, dont ilz estoient assés près.

Daultre part, le roy Charles, avoecq ses prinches et capitainnes, fist ordonner ses batailles. Et furent en son avant-garde la plus grand partie des plus vaillaus et plus expers hommes de guerre de sa compaignie; et

les aultres demourèrent en sa bataille , excepté aulcuns qui furent commis sur le derrière au lez vers Paris, par manière de arrière-garde. Et avoit avoecq ledict roy très grand multitude de gens, trop plus sans comparison qu'il n'y avoit en la compaignie des Angloix. Si y estoit Jehenne la Pucelle , tousjours ayant diverses oppinions, une fois voell.int combatre ses ennemis, et aultre fois non. jNientmoins les deux parties, comme dit est , estans l'un devant l'autre prestz pour combatre, furent ainsy, sans eulx désordonner, par l'espace de deux jours et deux nuis ou environ. Durant lequel temps y eult pluiseurs grandes escarmuches et assauts, lesquelles racompter chescune à part soy seroit trop longue chose; mais entre les autres en y heubt une, dure et ensanglentée , au costé vers les Picars , laquelle dura bien l'espace d'heure et demie. Et y estoien t , du costé du roy Charles, gra nd parti d'Escochoix, et aultres gens en très grand nombre, qui très fort et asprement se combatirent; et par especial les archiers d'ycelles parties tirèrent de leur trait moult courageusement et en très grand nombre l'un contre l'autre.

Si cuidoient aulcuns des plus sachans desdictes parties , veans la besongne ainsi multiplier, que point ne se dussent partir l'un de l'autre, que lune des parties ne fust desconfite et vaincue. Toutefois, iiz se traisrent les ungz arrière des aultres; mais che ne fu mie qu'il n'y en demourastde chacune partie de mors et blechiés largement. Pour laquelle escarumche le duc de Bethfort fu grandement content des Picars, pour che que à celle fois s'cstoient portés vaillamment. Et après qu'ilz se fuient retrais , vint ledit duc de Bethfort au

k>ng de leur l>ataille, les remerehier en pluiseurs lieux moult humblement, disant : « Mes amis, vous estes « très bonne gent , et avés soustenu grand faix pour « nous, dont nous vous merchions très grandement, « et vous prions, s'il vous vient aulcun affaire, que m vous persévères en vostre vaillandise et hardement.» Esquelz jours, ycelles parties estoient en grand haine les ungz contre les aultres; et n'estoit homme, de quelque estât qu'il fust, qui ûist prins à finances ; ains mettoient tout à mort sans pitié ne miséricorde che qu'ilz povoient attaindre l'un de l'autre. Et, comme je fus informé, en toutes ces escarmuches, heubt. de mors environ trois cens hommes des deux parties, mais je ne scay de quel costé en y heubt le plus. En la fin desquelz deux jours desusdiz ou environ, les deux parties se deslogèrent les ungz de devant les autres, sans plus riens faire.

Chap. LXIX. — Comment la ville de Compiengne se rendyt au roy Charles , et du retour de6 ambassadeurs de France , qui estoient aies vers le duc de Bourgongne.

Item , après que le roy Charles de France fu retourné de la journée de Senlis, où luy et le duc de Bethfort avoient esté à puissance l'nn contre l'autre , comme dit est desus, et il fut revenu à Crespi en Valoix, yllecq lui furent apportées nouvelles que cheulx de la ville de Compiengne luy vouloient faire obéyssance ; et pour tant, sans nul delay, ala audit lieu de Compiengne, où il fu des habitans recheu en grand liesce , et se loga en son hostei royal.

Auquel lieu retournèrent devers luy son chanche-

lier et ses aultres ambassadeurs (1), que par avant iï a voit envoyés devers le duc de Bourgongne; avoecq lequel et cheulx de son conseil, ilz avoient tenu pluiseurs destrois parlemens. Nientmoins ilz n'avoient liens concordé ; mais en conclusion avoient esté d'acord que ledit duc envoieroit sa légacion devers le roy Charles, pour, au surplus, avoir advis et entretenement. Si fus alors informé (2) que la plus grand partie des princhipaulx consilliers du duc de Bourgongne avoient grand désir et afiection que ycelles deux parlies fussent reconciliées l'une avoecq l'autre. Toutefois, maistre Jehan de Thoisy, évesque de Tournay, et messire Hue de Lannoy, qui prestement venoient de devers le duc de Bethfort, et avoient de par luy charge de faire aulcunes remonstranches audit duc de Bourgongne, en luy admonestant de faire entretenir le sairement qu'il avoit fait au roy Henry, n'estoient pas bien contemptz que ledit traie tié se feyst. Sur la paroi le des- (juelz fu la besongneatargiée, et prinse aultre journée d'envoyer devers le roy Charles légacion, comme dit est. Pour laquelle faire furent commis messire Jehan de Luxembourg, l'évesque d'Arras, messire David de Brimeu et aulcunes aultres notables et discrètes personnes.

(1) Christophe de Harcourt, le seigneur de Dampierre. celui de Fontaines cl Raoul de Gaucourt. Le voyage de ces ambassadeurs à Arras , est raconté dans le chapitre LXVII de Monstrelet, que nous ne rapportons pas ici.

(2) Les éditions portent si furent alors informés. La leçon de notre ms. donne plus d'importance à ce passage , puisque c'est Monstrelet lui-même qui parle sous son autorité des dispositions bienveillantes du conseil de Bourgogne à l'égard de Charles VIL

Chap. 1AX. — Comment le roy de France list assalir la cité de Paris.

ltemt le roy Charles de France, luy estant à Compiengne, luy furent apportées certainnes nouvelles (jue le duc de Bethfort, régent, à tout sa puissanche, s'en aloit en Normendie pour combatre le conneslable, lequel vers Évreux, travilloit fort le pays. Et pour tant, yceluy roy Charles, après qu'il heubt esté dedens la ville de Compiengne douze jours ou environ , il se party de là , et laissa Guillaume de Flavy , eapitainned'ycelle; et à tout son ost s'en ala à Senlis, laquelle cité se rendy au roy par traictié. Si se loga dedens avoecq grand partie de ses gens, et les aultres se logèrent es villages environ. Esquelx jours aussy firent obéyssance au roy desusdit pluiseurs villes et forteresces, est assavoir Biauvaix, Creel, Je Pont-Saint- Maxence , Choisi , Gournay-sur-Aronde , Remy , La Neufville-en-Heez; et à l'autre costé, Mognay, Chantilly, Saintines et pluiseurs aultres. Aussi luy firent sairement les segneurs de Montmorenchi et de Moy. Et pour vérité, s'il, atout sa puissanche, fust venu à Saint-Quentin, Corbie, Amiens, Abbeville, et pluiseurs autres fortes villes et fors chasteaulx , la plus grand partie des habitans d'ycelles estoient tous prestz de le recepvoir à segneur, et ne desiroient au monde aultre chose que de lui faire obéyssance et plaine ouverture. Toutefois il ne fu point consillié de luy traire si avant sur les marches du duc deBourgongne, tant pour che qu'il le sentoit fort de gens d'armes , comme pour l'espérance qu'il avoit que aulcun bon traictié se feist entre eulx.

Et après que le roy Charles heubt sousjourné aulcuns peu de jours dedens Senlis, il se parti de là et s'en ala à tout son ost logier à Saint-Denis , qu'il trouva comme habandonnée; et s'en estoient les gens d'ycellefuys à Paris; ch'est assavoir tous les plus grans bourgois et habitans d'ycelle ville. Et ses gens se logèrent à Aubervilliers, à Montmartre, et es villages environ assés près de Paris. Si estoit lors avoecq ledit roy Jehenne la Pucelle, qui moult avoit grand renommée; laquelle chacun jour induisoit le roy et ses prinches ad ce qu'il feyst assalir la ville de Paris. Si fu conclud que le lundy, douziesme (1) jour de septembre, on liverroit ledit assault.

Après laquelle conclusion prise, on fist apprester toutes gens de guerre, et à che propre lundi desusdit, se mist le roy Charles en bataille entre Paris et Montmartre, ses prinches avoecq luy. Et ladicte Pueelle avoecq ly ceulz de l'avant-garde en très grand nombre, s'en ala à tout son estandart à la porte Saint-Honnouré, faisant porter avoecq. ly pluiseurs eschelles, fagos , et aultres habillemens d'assault. Auquel lieu elle fist entrer dedens les fossés pluiseurs de ses gens tout à pied, et commencha l'assauit à dix heures ou environ, moult dur, aspre et cruel, lequel dura en continuant de quatre à cinq heures, ou plus; mais les Parisiens, qui estoient dedens leur ville, acompaigniés de Loys de Luxembourg, évesque de Terrewane et chanchelier de Franche pour le roy Henry, et d'aulcuns aultres notables chevaliers que le duc de Bourgongne leur avoit envoyés , comme le segneur de

(1) Erreur de chiffre. C'est le 8 qu'eut lieu l'assaut de Paris.

Crequi, le segneur de l'Isle-Adam, messire Symon de Lalaing, messire Walerant de Beauval, et aulcuns aultres notables liommes , acompaigniés de quatre cens combatans , se deilendireut viguereusement et de grand courage. Et avoient par avant ledict assault ordonné par capitainneries à chacun sa garde es lieux propices et convegnables.

Durant le(|iiel assault furent reversés et abalus pluiseurs desdiz Franchois; et en y heubt très grand nombre de mors et de navrés par les canons, coulevrines, et aultre traict que leur p;ectoient lesdiz Parisiens. Entre lesquelx Jehenne la Pucelle fut très fort navrée, et demoura tout le jour es fossés, derrière une dodenne (1) , jusques au vespre , que Guichard de Thienbroune et aultres l'alèrent querre. Et d'aultre part y heubt navrés pluiseurs des detfendans. Finablement , les capitainnes franchoix , véans leurs gens en tel péril, considéràns qu'il leur estoit chose impossible de conquerre la ville par forche , entendu que yceulx Parisiens avoient une commune voulenté de eulx def Fendre sans y avoir division , firent soubdainement sonner la retraite; et en reportant les desusdiz mors et navrés , retournèrent à leur logis. Et l'endemain le roy Charles , triste et dolent de la perte de ses geus , s'en ala à Senlis pour garir et médecin ner les navrés; et lesditz Parisiens , plus que par avant , se reconfermèrent les ungz avoecq les aultres, prometans que de toute leur puissanche ilz resisteroient jusques à la mort contre ycelui roy Chai les, qui lesvouloit, comme ilz disoient,

(I) Ce mot désigne les glacis levés en avant des fossés.

du tout destruire. Et puet bien estre qu'ilz le cre-

moient, comme ceulx qui grandement se sentoient

fourfais par devers luy, en le ayant débouté de ladiete

ville; et avoient mis à mort pluiseurs de ses féables

serviteurs , comme en aultre lieu est plus h plain

déclairié.

Chap. LXXII. — Comment le roy Charles de France s'en retourna en Tourainne et en Berry.

Item, Charles, roy de Franche, voiant que la ville de Paris, qui estoit le chief de son royaume, ne se voulut pas mettre en son obéyssance, se disposa et conclud avoecq cheulx de son conseil de laissier gouverneurs et capitainnes de par luy par toutes les bonnes villes , cités et chasteaulx qui estoient en son obéyssance, et qu'il s'en retourneroit es pays de Tourainne et de Berry. Laquelle chose conclute, comme dit est, il constitua princhipal chief sur les parties de l'Isle de France et de Bauvoisis, Charles de Bourbon , conte de Clermont, et, avoecq, le conte de Vendosme et le ch.uicheîier ; lesquelx conte de Clermont et chanchelier desusdit se tenoient le plus en la ville deBiauvois, et le conte de Vendosme à Senlis ; Guillaume de Flavi à Compiengne , messire Jaques de Chabennes à Creel. Et le roy desusdit, avoecq luy les grans segneurs qui 1 avoient acompaignié au venir, s'en ala de Senlis à Crespy, et de là, par devers Sens eu Bourgongne, retourna es pays desusdiz. Toutefois les trièves estoient confermées entre les Bourguignons et les Franchoiz jusques au jour de Pasques ensievant ; et avoecq chc , fut remis le passage du pont Saint-

Maxence, que tenoient les Franchoix , en la main de Renauld de Longheval , pour le tenir (1).

Si demoura la marche de France et de Biauvoisis en grande tribulacion, pour che que ceulx qui estoienl <\s forteresoes et garnisons, tant des Franchoix comme des Angloix, couroient chacun jour l'un contre l'autre. A l'occasion desquelles courses, les villages de là entour se commenchèrent à despeupler , et les bonnes gens et habitans eulx retraire es bonnes villes.