IV

Celle mesme sepmaine, rompirent aussy etabatirent les canons des Angloys douze moulins qui estoient sur la rivière de Loire , entre la cité et la Tour neufve (1).Pour quoy ceulx d'Orléans feirent faire dedens la ville unze moulins à chevaulx , qui moult les reconfortoient. Et non obstans les canons et engins des Angloys, feirent sur eulx les Françoys estans dedens Orléans, plusieurs saillyes et escarmouches entre les Tournelles du pont (2) et Sainct-Jehan le Blanc, depuis celluy jour de dimenche jusques au jeudi vingt et ungniesme jour du mesme moys.

Auquel jour de jeudi, assaillirent les Angloys ung boulevert qui estoit fait de fagotz et de terre, assiz devant les Tournelles, dont l'assaultdura quatre heures sans cesser, car iîz commencèrent dès dix heures au matin et ne le laissèrent jusques à deux heures après midi, là où furent faictz plusieurs beaulx failz d'armes, tant d'une part que d'aultre. Des principaulx Françoys qui gardoient le boulevert, estoient le seigneur de Vil— lars, cappitainedeMontargis,messireMathias, Arragonnoys, le seigneur de Guitry, le seigneur de Courras, gascon (3), le seigneur de Saincies-Trailles, et son frère Poton de Sainctes-Trailles, aussi gascons, Pierre de la Chappelle (i), gentilhomme dupaysdeBeausse, et plusieurs aultres chevalliers et escuyers, sans les citoyens d'Orléans , qui tous se portèrent très vaillamment.

(1) Située à la pointe orientale de la ville sur le bord de la Loire.

(2) Fortification établie jadis à la tête du pont du côté de la Sologne. Klles sont appellées Tourelles dans les comptes de L'hôtel de ville d'Orléans.

(3) Ou plutôt Béarnais.

'i) Il fut tué la même semaine aiu Tourelles. LottIn , Reherches hitto- 'i'jites sur Orléans . par!. 1 , t. I. p. 210.

Pareillement y feirent grant secours les femmes d'Orléans; car elles ne ccssoient de porter très diligemment à ceulx qui deffendoient le boulevert, plusieurs choses nécessaires, comme eaues, huilles et gressés bouillans, chaux, cendres et chaussetrapes. En fin de l'assault, y furent plusieurs bleciez d'une partie et d'autre, mais trop plus des Angloys, dont il y en mourut plus de douze vingts. Lors advint que durant l'assault, chevaulchoit par Orléans le seigneur de Gaucourt, car il en estoit gouverneur; mais en passant par devant Sainct- Pere-Empont, il cheut de son cheval par cas d'aventure, tellement qu'il se desnoua le bras; si fust incontinent mené aux estuves pour appareiller.

Le vendredy ensuyvant vingt-deuxiesme jour d'icelluy mois d'octobre, sonna la cloche du beflfroy, pour ce que les Françoys cuidoient que les Angloys assaillissent le boulevert des Tournelles du bout du pont par la mine dont l'avoient miné; mais ilz s'en déportèrent pour celle heure. Et ce meisme jour rompirent ceulx d'Orléans une arche du pont, et feirent ung boulevert au droit de la Belle Croix, qui est sur le pont (1).

Le samedy ensuivant , vingl-troisiesme jour d'icelluy mois, bruslèrent et aba tirent ceulx d'Orléans le boulevert des Tournelles et l'abandonnèrent , pour ce qu'il estoit tout miné, et n'estoit pas tenable, au dit des gens de guerre.

Le dimenche ensuivant, vingt-quatriesme jour de ce meisme mois d'octobre, assaillirent les Angloys et prindrent les Tournelles du bout du pont , parce

(1) Monument de bronze, érigé en \W~ sur la grande arche de l'ancien pont.

qu'elles estaient toutes desmolies et brisées des canons et grosse artillerie que ilz avoient gectez contre. Et aussi n'y eut point de deffense , parce qu'on ne s'osoit tenir dessoubz.

Celluy jour de dimenche au soir, voult le conte de Salebris, ayant avecques luy le cappitaine Glacidas et plusieurs autres, aller dedans les Tournelles, aprez que elles eurent esté prinses , pour regarder mieulx l'assiecte de Orléans ; mais ainsi qu'il y fut, regardant la ville par les fenestres des Tournelles, il fut actaint d'un canon que on disoit avoir esté tiré d'une tour appelée la lour Nostre Dame (1), combien qu'il ne fut oncque sceu proprement de quelle part il avoit esté gecté; pour quoy fut dit dès lors et deppuis aussi par plusieurs que c'estoit euvre divine. Le coup d'icelluy canon le frappa en la teste tellement qu'il luy abatit la moictié de la joue et creva ung des yeulx : qui fut un très grant bien pour ce royaume, car il estoit chief de l'armée, le plus craint et renommé en armes de tous les Anglois.

Ce meisme jour du dimenche que les Tournelles avoient esté perdues, rompirent les François , estans dedans la cité , ung autre boulevert très fort. Et d'autre part rompirent les Anglois deux archesdupont (2) devant les Tournelles, aprez qu'ilz les eurent prinses , et y firent ung très gros boulevert déterre etdegros fagotz.

Le lundy ensuyvant, vingt-cinquiesmejour d'icelluy moys d'octobre , arrivèrent dedens Orléans pour la conforter, secourir et ayder, plusieurs nobles seigneurs,

(1) L'avant-derniere sur le bord de Tenu , à l'ouest de la ville.

(2) L'ancien pont en avait dix-neuf.

ET HISTORIENS DU XV' SIECLE. i()l

chevaliers, capitaines et escuyers fort renommez en guerre, desquelz estoient les principaulx, Jehan bastard d'Orléans, le seigneur de Saincte-Sevère, mareschal de France, le seigneur du Bueil , messire Jacques de Chabannes, seneschal de Bourbonnoys, le seigneur de Chaumont sur Loire, messire Théaulde de Valpergue , chevalier lombart, et ung vaillant cappitaine gascon , appelé Estiennede Vignolles, dicl La Hire, qui estoit de moult grant renom, et vaillans gens de guerre estans en sa compaignie. Et pour lors estoit cappitaine de Vendosme messire Cernay (1), Arragonoys, et plusieurs autres , accompaignez de huict cens combatans, tant hommes d'armes, comme archiers, arbalestriers, avecques autres enfanterie d'Italie, qui portèrent tergons (2).

Le mercredy ensuyvant , vingt-septiesme jour d'icelluy moys , trespassa de nuict le conte de Salebris en la ville de Meung sur Loire, où il avoit esté porté du siège, après qu'il eut eu receu le coup de canon dont il mourut. De la mort duquel furent fort esbahiz et dolens les Angloys tenans le siège, et en feirent grant dueil, combien qu'ilz faisoient le plus celéementqu'ilz povoient, de paour que ceulx d'Orléans ne s'en apperceussent. Si feirent vuyder les entrailles, et envoyer le corps en Angleterre. La mort duquel conte feit grant dommage aux Angloys, et par le contraire grant prouffit

(1) Plus loin Ternay. Sur les cédules constatant les dépenses de la ville, conservées à la bibliothèque d'Orléans , il est appelé messire Guillaume de Sarnay. Il conduisit à la fin du carême une ambassade d'Orléanais auprès du comte de Clermont , qui se tenait alors en Auvergne.

(2) Manuscrits que portèrent tergons. Il faut entendre par tergons (en italien targoné) , de grandes larges ou rondaches.

aux Françoys. Plusieurs dirent depuis que le conte de Salebris print telle fin par divin jugement de Dieu, et le croyent, tant parce qu'il avoit failly de promesse au duc d'Orléans prisonnier en Angleterre, auquel il avoit promis qu'il ne mesferoit en aucune de ses terres, comme aussy parce qu'il n'espargnoit monastères ne églises qu'il ne pillast et feist piller, puis qu'il y peust entrer : qui sont choses assez induisans à croire que ses jours en fureut abbregez par juste vengeance de Dieu. Et en especial fut pillée l'église Nostre Dame de Cléry et le bourg aussy pareillement (1).

Le mardy huictiesme jour de novembre, fut divisé et désemparé l'ost des Angloys , qui s'en alèrent , partie à Meung sur Loire et partie à Jargueau, et laissèrent grosses garnisons aux Tournelles et boulevertdu pont, desquelles demoura cappitaine Glacidas , et avecques luy cinq cens combalans pour les garder.

Ce meisme mardy bruslèrent et ardirent les Anglois plusieurs maisons, pressouers et autres édifices ou val de Loire. Et d'autre part mirent telle dilligence les gens de guerre et citoyens d'Orléans, qu'ils bruslèrent et abatirent dedans la fin de ce meismes moys de novembre plusieurs églises qui estoient es forsbourgs d'entour leur cité , comme l'église de Sainct Aignan , patron d'Orléans , et aussi le cloistre d'icelle église , qui estoit moult bel à veoir, l'église de Sainct Michiel, l'église de Sainct Avy, la chappelle du Martroy, l'église de Sainct Victeur, assize es forsbourgs de la Porte de Bourgoigne, l'église de Sainct Michel dessus les foussez, les Jacobins, les Cordeliers , les Carmes, Sainct

(1) Voir ci-après le témoignage He Robert Blondel relativement à ce pillage.

Maturin, L'Aumosne Sainet Pouair(l), et Sainet Laurens (2).Etoultre plus brimèrent et démolirent tous les forsboargs d'entour leur cité, qui estoil très belle et riche chose à veoir avant que ilz fussent abbattus; car il y avoit de moult grans édifices et riches, et tellement que on tenoit ([ue c'estoient les plus beaulx forsbourgs de ce royaume. Mais ce nonobstant le-> abbatirent et bruslcrent les François de la garnison , et ce par le vouloir et ayde des citoyens d'Orléans, a (Tm que les Anglois ne s'y peussent loger, parce qu'ilz eussent esté fort préjudiciables à la cité (3).

Le premier jour de décembre ensuyvant, arrivèrent aux Tournelles du pont plusieurs seigneurs Anglois , dont entre les autres estoient de plus grant renom messire Jehan Tallebot, premier baron d'Angleterre, et le seigneur d'Escalles, accompaignez de trois cens combatans, qui y amenèrent vivres, canons, bombardes et autres habillemens de guerre ; desquelz ilz gectèrent contre les murs et dedans Orléans plus continuellement et plus fort que devant n'avoient fait au vivant du conte de Salebris; car gectoient de telles pierres, qui pesoient huict vingtz quatre livres, qui firent plusieurs maulx et dommaiges contre la cité, en plusieurs maisons et beaulx édiffîces d'icelle, sans per-

(1) L'aumône Saint-Pouair ou Saint-Paterne était un hôpital fondé par les écrivains d'Orléans, non loin de l'emplacement ouest aujourd'hui l'église Saint- Paterne.

(2) Toutes ces églises furent réédifiées après la délivrance de la ville.

<3) Rien de plus sur le mois de novembre. Il est constaté par les registres municipaux de Tours que le 9 novembre 1428 , La Hire fut présent à l'assemblée du corps municipal de cette ville , où il était venu avec des lettres du roi pour prier les citoyens de contribuer au secours d'Orléans. La somme de six cents livres qu'il demandait lui fut accordée.

sonne tuer ne blescher : que on tenoit à grant merveille, car entre les autres, en la rue Aux-petiz-souliers en cheut une en l'ostel et sur la table d'un homme qui disnoit, luy cinquiesme , sans aucun en tuer ne blescher : que on dit avoit esté miracle faict par nostre Seigneur à la requeste de monsieur Sainct Aignan , patron d'Orléans.

Le mardy ensuyvant, à trois heures du matin, sonna la cloche du beffroy, parce que les François cuidèrent que les Anglois voulsissent assaillir le boulevert de la Belle Croix sur le pont. Et aussi en y avoit deux qui l'a voient drès jà eschellé jusques à l'une des canonnières; mais ilz s'en retournèrent tantost en leurs Tournelles et taudis, obstant ce qu'ilz apperceurent que les François faisoient le guet , et avoient appareillé toutes choses, comme canons, arbalestres , fondes à baston , couleuvrines , pierres et autres habillemens de guerre nécessaires à leur defFense, se on les assailloit.

Le jeudy vingt-troisiesme jour de ce mois de décembre, commença à gecter la bombarde, gectant pierres poisans six vingtz livres , que ceulx d'Orléans avoient lors fait faire toute neufve par ung nommé Guillaume Duisy, très soutil ouvrier, et fut assortie à la croche (1) des moulins de la poterne Chesneau, pour gecter contre les Tournelles (2); auprez de laquelle estoient assortiz deux canons, l'un dict Montargis, et

(1) Croche , croiche qui est devenu crèche, est un éperon ,un ouvrage avancé en rivière pour protéger le pied d'une construction.

(2] On voit par les comptes de forteresse de la ville d'Orléans qu'il fallut vingt-doux chevaux pour transporter cette pièce avec son affût du port a l'holol de ville Jollois . Histoire du tiiye <f Orléans , p. 12.

l'autre llilllart , qui durant le siège gectèrent contre les Anglois, et leur feirent de grans dommaiges.

Le jour de Noël ensuivant, furent données et octroyées trefves d'une part et d'autre, durans deppuis neuf heures au matin jusques à trois heures apprez midy. Et ce temps durant, Glacidas et autres seigneurs du païs d'Angleterre requisdrent au bastard d'Orléans et au seigneur de Saincte-Sevère, mareschal de Fi ance, qu'ilz eussent une note de haulx menestriers, trompettes et clarons : ce qui leur fut accordé; et jouèrent les instrumens assez longuement, faisans grant mélodie. Mais si tost que les trefves furent rompues, se print chacun garde de soy.

Durant les festes et fériés de Noël, gectèrent d'une partie et d'autre très fort et horriblement de bombardes et canons; mais sur tous faisoit moult de mal ung couleuvrinier natif de Lorraine , estant lors de la garnison d'Orléans, nommé maistre Jehan (1), que l'on disoit estre le meilleur maistre quy fust lors d'icelluy mestier. Et bien le monstra , car il avoit une grosse couleuvrine dont il gectoit souvent, estant dedans le pilier du pont près du boulevert de la Belle Croix, tellement qu'il en tua et bleça moult d'Angloys. Et pour les mocquer, se laissoit aucune fois cheoir à terre, faignant estre mort ou blecié, et s'en faisoit porter en la ville; mais il retournoit incontinent à l'escarmouche, et faisoit tant que les Anglois le scavoient estre vif en leur grant dommaige et desplaisir.

Lemercredy vingt-neufviesme jour d'icelluy mois de

(1) II demeurait auparavant à Angers et avait été appelé de eette ville pour servir le roi de son industrie à Orléans. Il recevait douze livres de solde par mois. Il suivit la Pucelle à Baugenci et plus tard à Compiejrne.

décembre, furent bruslées et abattues plusieurs autres églises et maisons, qui estoient encores demourées auprez d'Orléans, comme Sainct Loup, Sainct Marc, Sainct Gervais, Sainct Euvertre , la chappele Sainct Aignan, Sainct Vincent des Vignes, Sainct Ladre, Sainct Pouair, et aussy la Magdaleine, afin que les Angloys ne se peussent là loger, retraire et fortiffier contre la cité.

Le penultiesme jour d'icelluy mois, arrivèrent environ deux mil cinq cens combatans Anglois à Sainct Laurens des Orgerilz près d'Orléans, pour là fermer ung siège; desquelz estoient cappitaines le conte de Suffort etTalbot, messire Jehan de la Poulie, le seigneur d'Escales, messire Lancelot de Lisle et plusieurs autres. Mais à leur venue furent faictes ce jour grandes escarmousches , car le bastard d'Orléans, le seigneur de Saincte-Sevère, messire JacquesdeChabannes,etplusieurs autres chevaliers , escuiers et citoyens d'Orléans , qui moult vaillamment se portèrent, leur alèrent au devant et les recueillirent comme leurs ennemys. Et là furent faicts plusieurs beaulx faiz d'armes d'une partie et d'autre. En celles escarmouches fut blesché ou pié d'un trait des Angloys messire Jacques de Chabannes et son cheval tué par cas pareil.

Ce mesme jour aussy furent faicts plusieurs beaulx faiz d'armes, d'une partie et d'autre, environ la Croix Boissée près de Sainct-Laurens (1 ). Et tout ce jour feist grandement [son] devoir maistre Jehan à tout sa couleuvrine.

Le vendredy, dernier jour de l'an , à quatre heures après midy, eut deux Françoys, qui déifièrent deux

(1) A l'ouest île la ville , sur la route, de Blois.

Anglois à faire deux coups de lance, et les Angloys receurent le gaige. L'un des Françoys avoit nom Jehan le Gasquet, et l'autre Vcdille, tous deux gascons, de la compaignie de La llire; ledit Gasquet vint premier contre son adversaire et le gecta par terre d'un coup de lance ; mais Vedille et l'autre Angloys ne peurent vaincre l'un l'autre. Pour lesquelz regarder avoit assez prez d'eulx plusieurs seigneurs, tant de Fiance comme d'Angleterre.

Le samedy ensuyvant, premier jour de l'an, eut une grosse escarmouche, environ trois heures aprez midy, entre la rivière Flambert, la porte Regnart (1) et la Grève : là où furent plusieurs tuez , bleciez et prins prisonniers d'une partie et d'autre, et plus de François que d'Angloys. L'abbé de Cerquenceaux , que on disoit estre religieulx , et estoit moult vaillant pour les François, y fut blecié (2). Là fut aussi perdu le chariot de la couleuvrine et prins par les Anglois : par quoy furent les François constrains de reculler hastivement parce que les Anglois saillirent à grant puissance.

Le dimenche ensuyvant , à deux heures aprez minuyt, sonna la cloche de la cité à l'effroy, parce que les Anglois cuidèrent escheller le boule vert de la porte Regnart : maiz ilz trouvèrent ceulx de la cité qui faisoientbon guet, et constraingnirent les Anglois d'eulx en retourner à grant haste dedans leur ost et bastille de Sainct-Laurens des Orgerilz. Sy ne gaignèrent que estre mouillez , car durant celle heure pleuvoit très fort.

(1) La porte Regnart était celle par où on entrait dans Orléans en venant de Blois et du Mans. Ce que l'auteur appelle la riviète flambert n'a pas été déterminé par les historiens d'Orléans.

(2) C'était un partisan du Gâtinais. La Chronique de la Pucelte en parle.

Le lundy ensuyvant , troisiesme jour de janvier , arrivèrent devers le matin, dedans Orléans, neuf cens cinquante quatre pourceaulx, gros et gras, et quatre cens moutons. Et passa celuy bestial au port de Sainct Loup : dont le peuple d'Orléans fut fort joyeulx , car ilz vindrent au besoing.

Le mardy ensuyvant, quatriesme jour d'icelluy moys, et environ trois heures aprez minuyt, sonna la cloche du befFroy, parce que les Anglois se vindrent présenter devant le boulevert de la porte Regnart , où ilz feirent à tous grans criz sonner leurs trompettes et clairons : et aussi feirent pareillement ceulx des Tournelles, comme s'ite voulsissent assaillir le boulevert. Mais ceulx d'Orléans se portèrent si grandement, et tant saigement se desfendirent des canons et autres habillements de guerre, que les Anglois se reculèrent en leurs bastilles de Sainct Laurens.

Lemercredy ensuivant, vint messire Loys deCulan, admirai de Fiance, et deux cens combatans avecques luy , courir au Porteriau devant les Tournelles , où estoient les garnisons des Angloys , et malgré eulx passa Loire au port de Sainct Loup; et s'en entra luy et ses gens dedans la cité pour sçavoir des nouvelles, et du gouvernement d'elle et des François y estans. Auquel et à ses gens fut faict grant chiere, et moult furent louez. Car aussy s'estoienî-ilz portez vaillamment contre les Angloys à l'escarmousche duPorteriau.

Le jeudy suyvant feste de In Thiphaine (c'est des Rois), saillirent d'Orléans, les seigneurs de Saincte- Sevère et de Culan, messire Théaulde de Valpargue, et plusieurs autres gens de guerre et citoyens; et feirent une grant escarmouche , où ilz se portèrent très.

ET HISTORIENS DU M* SIÈCLE. lo<>

grandement contre les Angloys, lesquelz se dépendirent bien el hardiment. Aossy estoient-ilz beaucoup de seigneurs d'Angleterre, tant de chevalliers comme d'escttyers; mais on nescet leurs noms. A celle escarmouche se porta pareillement moult bien maistre Jehan à tout sa couleuvrine.

Durant celiuy temps avoient tant travaillé les Angloys , qu'ilz avoient faict deux boulevers sur la rivière de Loire, l'un estant en une petite isle du costé et au droict de Sainct-Laurent (1), qui estoit faict de fagotz, sablon et de bois; et l'autre ou champ de Sainet-Privé, au droict de l'autre et sur le rivage de la rivière (2), laquelle ilz passoient en celiuy endroit, portans vivres les ungs aux autres. Et pour les garder en avoient fait cappitaine messire Lancelot de Lisle , mareschal d'Angleterre.

Lelundy, dixiesme jour d'icelluy mesme moys, arrivèrent dedans Orléans grant quantité de pouldres de canon, et plusieurs vivres que on y amenoit de Bourges , pour la conforter et secourir. En celiuy jour eut aussi une très grosse et forte escarmouche , tant des canons comme d'autre traict et couleuvrines : dont ceulx qui les gectèrent feirent grandement leur devoir, et tellement, qu'il y eut beaucoup d'Angloys tuez et plusieurs prins prisonniers.

Le mardy ensuivant, environ neuf heures de nuyt, fut toute la couverture et le comble des Tournelles abbatue et gectée au bas, et six Angloys tuez dessoubz, d'un coup de canon de fer qui estoit assorty ou bou-

(1 Cette île, qui s'appelait Charlemagne au xvie siècle, n'existe plus aujourd'hui.

2' Sur la rive gauche.

levert de la Belle Croix du pont, et que on feit gecter

à celle heure.

Le mercredy ensuivant, douziesme jour d'icelluy moys de janvier, sonna la cloche à l'effroy parce que les Angloys feirent merveilleux cry, et sonnèrent leurs trompettes et clairons devant le bolevert de la porte Regnart. Et ce meisme jour arrivèrent dedans Orléans vers le matin six heures, six cens pourceaulx.

Le samedy ensuyvant , quinziesme jour du meisme janvier, environ huict heures de nuyt, saillirent hors de la cité le bastard d'Orléans, le seigneur de Saincte- Sevère, et messire Jacques de Ghabannes, accompaignez de plusieurs chevaliers , escuyers , capitaines et citoyens d'Orléans , et cuydoyent charger sur une partie de l'ost de Sainct-Laurens des Orgerilz; mais les Angloys s'en aperceurent, et crièrent à l'arme dedens leur ost : pour quoy ilz se armèrent , tellement qu'il y eut une grosse et forte escarmousche. Enfin se retrairent les François au boulevert de la porte Regnart : car les Angloys saillirent à toute puissance , combien qu'en leur saillie furent très bien battuz.

Le dimenche ensuivant, environ deux heures aprez midy, arrivèrent en l'ost des Angloys douze cens combatans, dont estoit chief messire Jehan Fascot; et amenèrent avecques eulx, vivres, bombardes, canons, pouldres , traicts et autres habillements de guerre, de quoy leurs gens de l'ost avoient grant souffreté.

Le lundy ensuyvant, dix-septiesme dicelluy moys, advint moult merveilleux cas : car les Angloys gectèrent un canon de leur boulevert de la Croix Boissée, dont la pierre cheut devant le boulevert de la porte Banier , au milieu de plus de cent personnes, sans au-

cun blescher ne tuer; mais frappa seullement par le piet ung compaignon françojfi, tant qu'elle lui osta le soullier, sans luy faire aucun mal : qui est chose merveilleuse à croire.

Cellui raesme jour se devoit faire ung gaige de bataille de six Françoys contre six Angloys ou prochain champ de la porte Banier, là où souloit estre le coulombier Turpin ; mais il ne se fist point, combien qu'il ne tint aux François, car ilz se présentèrent contre leurs adversaires, qui ne vindrent ne comparurent, avec ce n'osèrent saillir.

Le mardy, dix-huitiesme d'icelluy moys de janvier, à neuf heures de nuyt, tirèrent les Anglois, estans es Tournelles, ung canon ouboulevert de la Belle Croix, qui frappa ung nommé LeGastelier, natif d'Orléans , lequel , en les regardant , bandoit une arbalestre voulant tirer contre eulx.

Le mardy aprez, arrivèrent dedans Orléans, ainsy comme aux portes deffremans (1), quarante chiefz d'aumailles (2) et deux cens pourceaux.

Celluy jour et tost après l'entrée du bestial , gaaingnèrent les Angloys des Tournelles la charrière, deux sentines (3) et cinq cens chiefz de bestial, que marchans cuydoient ramener dedans Orléans , lesquelz furent encusez par aucuns traistres d'ung villaige emprez, dit Sandillon , affin qu'ilz eussent partie du butin ; et aussi lut après le bestial butiné à Jargueau, estant lors Anglois.

Celluy mesme jour, environ trois heures après

(1) Il y a ouvrons dans l'édition, ce qui revient au même.

(2) Gros bestiaux.

(3) Charrière, bac qui mettait les assiégés en communication avec la rive ;auche du fleuve. Senline, petit bateau de Loire.

midy , eut une grosse et forte escarmousche eu une isle devant la croche des moulins de Sainct-Aignan (1 ) , parce que les Angioys rompirent le conduict pour passer la charrière qu'ilz avoient gaignée au port de Sainct-Loup. Et les François, tant gens de guerre comme citoyens d'Orléans , se feirent passer l'eaue en celle isle , cuydans recouvrer leur charrière perdue dès le matin. A l'encontre desquelz yssit grant puissance d' Angioys, qui estoient cmbuschiez derrière la turcie, ung peu plus loing que Sa i net- Jehan le Blanc, et faisans grans criz se adressèrent contre les François qui s'en retournoyent, et reculèrent vers leurs boulevers très hastivement: ce qu'ilz ne sceurent faire si tost que il n'y en demourast vingt-deux mors. En oultre y furent prins deux gentilzhommes, l'ung nommé le petit Breton, qui estoit au bastart d'Orléans, et l'autre, nommé Remonet , estant au mareschal de Saincte-Sevère. A icelle escarmousche fut aussy perdue une couleuvrine , qui estoit à maistre Jehan, lequel fut en grant péril d'estre prins : car ainsy qu'il se cuyda retraire en sa santine , d'autres se boutèrent dedans avecques luy, tellement qu'elle enfonça en la rivière: parquoy il se cuida retraire dedans ung grant chalan (2) ; mais il ne peut oneques , parce qu'il estoit jà party. Toutesfoiz, véant le. destroit dangier, feit tantqu'il saillit sur la peaultre(3), qui luy demoura en la main, ainsi qu'il s'eiï'orça pour saillir de 1 eau ou chalan, au derrenier.Non obstans toutes telles infor-

(1) Cette île n'existe plus. Elle était à la place de ce qu'on appelle aujourd'hui le Duit. Kilo lut détruite lors de la reconstruction du pont.

(2) Grand bateau de Loire.

(3) Gouvernail de la sentinr

limites nageant sur la peautre vint à rive et se sauva dedans la cité, laissant sa couleuvrine jà gaingnée par les Angloys, qui l'emportèrent aux Tournelles.

Le jeudy ensu\ ^ ant , \ ingt-septiesme d'icelluy moys de janvier, à trois heures après midi, eut une très grosse escarmousche devant le boulevert de la porte Régnait , parce que de quatre à cinq cens corabatans Angloys y vindrent de la bastille, faisans très gratis et merveilleux criz. Contre lesquelz saillirent ceulx d'Orléans par le boulevert mesmes , et se hastèrent tant qu'ilz se mirent en desarroy : par qtioy le mareschal de Saincte-Scvère les feit retourner dedans. Et aprez qu'il les eut mis en ordonnance, les fèit de rechief saillir, et les conduit tant bien par son sens et prouesse qu'il contraingnit les Angloys de retourner en leur ost et bastille de Sainct-Laurens.

Le lendemain, jour de vendredy, arrivèrent dedans Orléans, environ onze heures de nuyt, aucuns embassadeurs qui avoient esté envoyez devers le roy de par la ville pour avoir secours.

Le samedi ensuivant, vingt-neufviesme jour du mesmes janvier, à huict heures du matin, feirent les Anglois grans criz en leur ost et bastilles, se mirent en armes à grant puissance et, par grant ordonnance, continuans tousjours leurs criz et faisans demonstrance de grant hardement, s'en vindrent jusques à une barrière qui estoit en la grève devant la tour Nostre-Dame, et jusques devant le boulevert de la porte Regnart ; mais ils furent bien receuz, car les gens de guerre et beaucoup de peuple d'Orléans saillirent incontinent contre eulx, bien ordonnez, tellement qu'il y eut une trèsforte et grande escarmousche, tant à la main comme

iv. 8

des canons, couleuvrines et traict; et y eut beaucop de gens tuez, bleciez et prins prisonniers dune part et d'autre. Et par especial y mourut ung seigneur d'Anp-leterre, que les Anglois plaiugnoient moult; et le portèrent enterrer à Jargueau. Et ce jour mesmes devers le matin, aussy arrivèrent dedans Orléans le seigneur de Viîlars, le seigneur de Sainctes-Trailles et Poton, son frère, messire Ternay (1), et autres chevaliers et escuiers venans de parler au roy.

Le dimenche d'après , se partit d'Orléans durant la nuit le bastart d'Orléans accompaigné de plusieurs chevaliers et escuiers, pour aler à Blois devers Charles, conte de Clermont, fils aisné du duc de Bourbon; pourquoy les Anglois, oyans parler, crièrent à l'arme; et si firent fort guet, doutans qu'ilz ne les voulsissent assaillir en leurs bastilles.

Le lendemain , jour delundy, vingt- quatriesme jour d'icelluy mois de janvier, environ quatre heures après midy, arriva dedans Orléans LaHire, etavecques luy trente hommes d'armes ; contre lesquelz gectèrent les Angloys ung canon, dont la pierre cheut au milieu d'eulx, lorsqu'ilz estoient à l'endroit de la porte Régnait, combien qu'elle n'en tua ne bleça aucun : qui fut ung grant merveille. Si entrèrent sains et saulfz en la ville, et en allèrent rendre grâces à Nostre Seigneur, qui les a voit préservez de mal.

Le mercredy vingt-six iesme du mesmes janvier, eut une forte escarmousche devant le boulevertde la porte Bannier, parce que les Angloys advisèrent caultement que le souleil luysoit aux visaiges des François , qui

-' ) Plus tliiul Cernai/ (voyez p. 101, note 1 ) et ci- après Cervais.

estoient hors du boulcvert pour escarmouscher. Et saillirent de leur ost à grosse puissance, monstrans granl semblant de hardiesse; etfeirent tant qu'ilz recullèrent les François jusques à la douve des fossez du boulevert et de la ville, dont ilz approuchèrent ung de leurs estandars à une lance près du boulevert : combien qu'ilz n'y arrestèrent que ung petit, parce que on leur gectoit d'Orléans et du boulevert moult espessement de canons, bombardes, couleuvrines et autre traict. Et fut dict que en celle escarmousche fut tué vingt Anglois, sans les blecez. Mais des François n'y mourut que ung des archiers du mareschal de Saincte-Sevère, qui fut tué d'ung canon mesme d'Orléans : dont son maistre et les autres seigneurs furent bien marriz.

Le lendemain , qui estoit le samedy vingt-neufviesme d'icelluy meismes moys de janvier (1), fut donné seureté d'une part et d'autre à La Hire et messire Lancelot de Lisle de parler ensemble : ce qu'ilz feirent environ l'eure de fremer les portes. Mais après qu'ilz eurent parlé ensemble et que l'eure de la seureté fut passée, comme chacun d'eulx s'en retournoit devers ses gens , ceulx d'Orléans gectèrent ung canon qui frappa messire Lancelot, tellement qu'il luy enleva la teste : dont ceulx de l'ost furent très dolens , car il estoit leur mareschal et bien vaillant homme.

Le jour d'après, qui fut dimanche, eut une forte escarmousche, parce que les Angloys levoient des charniers (c'est des eschallas) des vignes d'environ

(1) Lacune de deux jours. Elle est dans les manuscrits aussi bien que dans les imprimés.

Sainct-Ladre et Sainct-Jehan de la Ruelle (1) , prez d'Orléans , et les emportoient en leur ost pour eulx chauffer. Pour quoy le mareschal de Saincte-Sevère, La Hire , Poton , messire Jacques de Ghabannes , messire Denis de Chailly, messire Cer vais, Arragonnois, et plusieurs autres d'Orléans en saillirent hors et se frappèrent en eulx , et les assallirent vaillanment , tellement qu'ilz en tuèrent sept , et en amenèrent quatorze prisonniers dedans leur cilé. En laquelle celluy jour trespassa ung vaillant bourgeois qui en estoit natif, nommé Simon de Baugener, qui avoit esté blecié en la gorge d'ung traict des adversaires.

Et l'endemain , jour de lundy, trente et ungniesme et dernier d'icelluy inoys de janvier, arrivèrent dedans Orléans huict chevaulx chargez de huiles et de gresses.

Le jeudy ensuivant , troisiesme jour de février yssirent d'Orléans, le mareschal de Saincte-Sevère, messire Jacques de Ghabannes, la Hire, Couras, et plusieurs autres chevaliers et escuiers; et coururent jusques au boulevert de Sainct-Laurens. Pour quoy les Angloys crièrent aux armes, desployèrent douze de leurs bannières, et se mirent tous en bataille en leurs ostz sans yssir de leurs boulevers et barrières. Les François eh fin de pièce voyans que leurs ennemys ne sailloient, s'en retournèrent en belie ordonnance dedans leur cité, sans autre chose faire.

Le samedy cinquiesme d'icelluy moys, vindrent au soir à portes fermans dedans Orléans, vingt-six combattus, très yaillans hommes de guerre et bien liabiliez, qui venoieut de Sauloigne, et esloient au ma-

i Ces localités sont comprises aujourd'hui dans le faubourg Baaniei .

reschal de Sainete-Sevcre ; lesqueiz se portèrent très grandement, tant qu'ilz lurent en la garnison.

Le lendemain , jour de dimenche, environ vespres, saillirent d'Orléans le mareselial de Saincte-Sevère, Chabannes, La Hire, Poton et Chailly , avecques deux eens combatans; et lurent courir jusques environ la Magdaleine (1) , là où ilz trouvèrent le seigneur d'Escalles et trente combatans avecques luy, qui recullèrent bien hastivement eu leur ost et bastille de Sainct-Laurens ; combien qu'en la fin furent là que tuez que prins quatorze Angloys.

Le lundy, septiesme d'icelluy moys, arrivèrent dedans Orléans messire Théaulde de Valpergue , messire Jehan de Lescot (2), gascon, et autres embassadeurs, qui venoient de parler au roy, pour apporter les nouvelles du secours qui devoit venir lever le siège.

Le lendemain, jour de mardy, entrèrent dedans la ville d'Orléans plusieurs très vaillans hommes de guerre et bien habillez , et entre les autres messire Guillaume Estuart, frère du connestable d'Escosse , le seigneur de Gaucourt, le seigneur de Verduzan (3), et plusieurs autres chevaliers et escuyers , accompaignezde mil combattans, tellement habillez pour faict de guerre , que c'estoit une moult belle chose à veoir.

Ce mesmes jour, arrivèrent de nuyt deux cens combatans, qui estoient à messire Guillaume de Le Bret , et peu après six vingtz autres estnns à La Hire.

,1) Prieuré sur l'ancien chemin de Blois.

(2; Alias Lesgol.

(3) Verduran dans les manuscrits a dans les imprimés.

Environ ces jours, avoit une jeune pucelle nommée Jehanne, natifve d'un villaige en Barroys, appelé Domprebmy, près d'un autre dit Gras (1), soubz la seigneurie de Valcouleur. A laquelle gardant aucunes fois à l'en tour de la maison de son père et de sa mère ung peu de berbis qu'ilzavoient, et autres foiz cousant et filant (2) , s'apparut Nostre Seigneur plusieurs foiz en vision ; et luy commanda qu'elle s'en allast lever le siège d'Orléans, et faire sacrer le roy a Rains, car il seroit avecques elle, et luy feroit par son divin ayde et force d'armes acomplir celle entreprinse. Pour quoy elle s'en alla devers messire Robert de Baudricourt , lors cappitaine de celle place de Valcouleur, et luy raconta sa vision, luy priant et requérant que pour le très grant bien et prouffit du roy et du royaume, il la voulsist habiller en habit d'homme , la monter d'un cheval , et faire mener devers le roy, ainsi que Dieu luy avoit mandé aller. Mais pour lors, ne plusieurs jours après, ne la voulut croire, ainçois ne s'en faisoit que mocquer , et reputoit sa vision fantasies et foies ymaginacions, combien que, cuidant faire servir ses gens d'elle en péché charnel, il la retint. A quoy nul d'eulx , ne autre après , ne la peurent oncques retourner : car si tost qu'ilz la regardoient fort , ilz estoient tous refFroidiz de luxure.

Le mercredy, neufviesme jour du meisme moys, se deppartirent. d'Orléans messire Jacques deChabannes, messire Regnault de Fratames (3), et le Bourg de Bar,

(1) Greux.

(2) Ms. S. Victor, courant et saillant.

(3) Sic ms. et éd. Lisez Fontaines.

acompaignez de vingt ou vingt-cinq combatans, voulans aler à Blois devers le conte de Clermont ; mais

ilz furent rencontrez sur le chemin par aulcuns Angloys et Bourguignons qui prindrent le Bourg de Bar, et remmenèrent prisonnier en la tour de Marchesnoir, et les deux autres seigneurs se sauvèrent. Auquel jour arriva dedans la ville d'Orléans messire Gilbert de La Faiète, natif de Bourbonnois et mareschal de France, qui amena avecques luy trois cens combatans.

Le lendemain qui fut jeudy , se partit d'Orléans le bastart d'Orléans, et deux cens combatans avecques luy, pour aler à Bloys devers le conte de Clermont, et messire Jehan Estuart , connestable d'Escosse (1), le seigneur de La Tour, baron d'Auvergne, le viconte deThouars, seigneur d'Amboise, et autres chevaliers et escuiers, accompaignez, comme on disoit . de bien quatre mil combattans, tant d'Auvergne, Bourbonnois, comme d'Escosse, pour sçavoir d'eulx l'eure et le jour qu'il leur plairoit mectre d'assaillir les Angloys et faulx François, amenans de Paris vivres et artilleries h leurs gens tenans le siège.

Le vendredy, onziesme jour d'icelluy mois de février, se partirent aussi d'Orléans messire Guillaume d'Alebret, messire Guillaume Estuart, frère du connestable d'Escosse, le mareschal de Saincte-Sevère, le seigneur de Graville, le seigneur de Saincte-Trailles, Poton son frère, La Hire, le seigneur de Verduzan,

(I) 11 revenait d'un pèlerinage en terre sainte. 11 ne faut pas le confondre avec Jean Stuart , comte de Buchan , son parent, (pie Charles Vil avait fait connétable de France et qui périt à Verneoil. Son nom de terre était Dainlev.

120 TÉMOIGNAGES DES CHKONIQUEURS

et plusieurs autres chevaliers et escuiers, acompaignez de quinze cens combatans , et tendans eulx trouver et assembler avecques le conte de Clermont, et les autres jà nommez , pour aler au devant des vivres et les assaillir. Et celluy meisme jour se partit pareillement celluy conte de Clermont, et feit tant qu'il vint à tout sa compaignie en Beausse, à un villaige nommé Rouvroy de Saint-Denis, qui est à deux lieues d'Yenville. Et quant ilz furent tous assemblez, ilz se trouvèrent de trois à quatre mille combatans, et ne s'en partirent jusques à l'endemain environ trois heures après midy.

Celluy jour de l'endemain , qui fut le samedy douziesme jour de février, veille des brandons, messire Jehan Fascot, le baillif d'Evreux pour les Anglois , messire Simon Morhier, prévost de Paris, et plusieurs autres chevaliers et escuiers du pays d'Angleterre et de France , accompaignez de quinze cens combatans, tant Angloys, Picards, Normans , que autres gens de divers pays, amenoient environ trois cens que chariotz et charrettes, chargez de vivres et de plusieurs habillemens de guerre, comme canons, arcs, trousses, traictet autres choses, les menans aux autres Angloys tenans le siège d'Orléans. Mais quant ilz sceurent par leurs espies la contenance des Françoys , et congnurent que leur intencion estoit de les assaillir : ilz s'encloyrent et feirent ung parc de leur charroy et de paulx aguz , en manière de barrières , lessant une seule (1) longue et estroicte issue ou entrée, car le derrière de leur parc ainsi clos de charroy, estoit large,

(1) Ms. S. Victor esquelle au lieu de seule.

ET HISTORIENS DU XVe SIÈCLE. 1 21

et le dedans long et estroict : ouquel celle yssue ou entrée estoit tellement, que par là convenoit entrer, qui les vouloit assaillir. Et ce fa i et se mirent en belle ordonnance de bataille , aetendans là vivre ou mourir; combien que d'escliapper n'avoient guères d'espérance, considérons leur petit nombre contre la multitude des Françoys, qui tous assemblez d'ung commun accord, conclurent que nul ne descendroit des chevaulx, sinon les archiers et gens de traict, qui en leur venue faisoient devoir de tirer.

Aprez laquelle conclusion se mirent devant La Hire, Poton , Saulton(1), Canede, et plusieurs autres venans d'Orléans, qui estoient environ quinze cens combatans, qui furent advertiz que les Angloys amenans les vivres venoient à la file, non ordonnez et sans avoir nulle suspeccion d'estre surprins : par quoy ilz furent tous d'une mesme oppinion qu'ilz les assauldroient ainsi qu'ilz venoient despourveuement. Mais le conte de Clermont manda plusieurs fois par divers messages à La Hire et autres, ainsi dispos d'assaillir leurs adversaires, qu'ilz trouveroient en eulx tant grant advantaige, et qu'ilz ne leur feissent aucun assault jusques à sa venue, et qu'il leur ameneroit de trois à quatre mil combatans moult desirans d'assembler aux Anglois. Pour l'honneur et amour duquel ilz délaissèrent leur entreprinse à leur très grant desplaisance , et sur tous de La Hire, qui demonstroit l'apparence de leur

(l) Saulton de Mercadieu , Gascon , dont la Chronique de la Pucelle rapporte un trait de courage bien remarquable. Atteint d'une lance dans la bouche , à la rescousse de Montargisen 1 127. il se dégagea lui-même, quoique le fer lui sortit par derrière la tête, et se remit au combat.

dommaige, en tant qu'on donnoit espasse aux Anglois de eulx mectre et serrer ensemble , et avecqnes ce, de eulx fortiffier de paulx et de chariots. Et à la vérité La Hire et ceulx de sa compaignie partiz d'Orléans, estoient arrestez en ung champ, au front et tant près des Angloys , que très legierement les avoient veuz, comme est dit, venir à la file et eulx fortiffier; dolens à merveilles de ce qu'ilz ne Jes osoient assaillir, pour la defïense et continuelz messaiges d'icelluy conte de Clermont , qui tousjours s'approuchoit au plus qu'il povoit.

D'autre part, porta aussi moult impaciamment celle aclentele connestabled'Escosse; lequel estoit pareillement venu là près, à tout environ quatre cens combatans, où avoit de bien vailla ns hommes. Et tellement que ainsi que entre deux et trois heures après midi , approuvèrent les archiers et gens de traict françois de leurs adversaires, dont aucuns estoient jà saillizdeleur parc, qu'ilz contraignirent reculler très hastivement, et eulx rebouter dedans par force de traictz , dont ilz les chargèrent tant espessement qu'ilz en tuèrent plusieurs ; et ceulx qui peurent reschapper , s'en rentrèrent dedans leur fortifficacion avecques les autres. Pour quoy et lors quant le connestable d'Escosse veit qu'ilz se tenoient ainsy serrez et rangez, sans monstrer semblant d'yssir, il fut par trop grant chaleur tant désirant de les vouloir assaillir qu'il despeça à toute force l'ordonnance qui avoit esté faicte de tous, que nul ne descendis!. Car il se mistaprez, sans actendre les autres ; et à son exemple , et pour luy ayder , descendirent aussi le bastart d'Orléans, le seigneur d'Orval, messire Guillaume Estuart, messire Jehan de

Mailhnc (1), seigneur de Chasteaubrun , viconte de Bridiers, messire Jehan de Lesgot , seigneur de Verduzan , et messire Loys de Rochechouart , seigneur de Monpipeau, et plusieurs autres chevaliers et escuiers , avecques environ quatre cens combatans sans les gens de traict , qui jà sestoient rais à pied , et avoient reboutez les Angloys, et faict moult vaillamment ; mais peu leur valut : car quant les Anglois virent que la grant bataille, qui estoit assez loing , venoit laschement et ne se joingnoit avecques le connestable et les autres de piet, ilz saillirent hastivement de leur parc, et frappèrent dedans les François estans à piet, et les mirent en desarroy et en fuite, non pas toutes fois sans grant tuerie, car il y mourut de trois à quatre cens combatans françois.

Et oultre ce, les Angloys non saoulez de la tuerie, qu'ilz avoient faicte en la place devant leur parc, s'espandirent hastivement par les champs , chassans ceulx de piet, tellement qu'on véoit bien douze de leurs estandars loing l'un de l'autre, par divers lieux, à moins d'ung traict d'arbaleste de la principalle place où avoit esté la desconfiture. Pour quoy La Hire , Poton et plusieurs autres vaillants hommes, qui moult enviz s'en alloient ainsi honteusement, et s'estoient tirez ensemble près du lieu de la destrousse , rassemblèrent environ soixante ou quatre-vingtz combatans, qui les suyvoient çà et là, et frappèrent sur les Angloys ainsi espars, tellement qu'ilz en tuèrent plusieurs. Et certes se tous les autres François fussent ainsi retournez qu'ilz

(1) Lisez Nailhac. Ce personnage important était pourvu depuis six mois de la charge de grand panetier de France.

feir it, l'honneur et le prouffit du jour leur fust démo ce : combien que paravant avoient esté là mors et ,ez plusieurs gratis seigneurs, chevaliers, escuiers nobles et vaillans cappitaines et chiefz de guerre. Et entre lesquelz y furent tuez messire Guillaume d'AIbret, seigneur d'Orval , messire Jean Estuart, connestable d'Escosse, messire Guillaume Estuart son frère, le seigneur de Verduzan, le seigneur de Chasteaubrun , messire Loys de Rochechouart , et messire Jehan Chabot, avecques plusieurs autres, qui tous estoient de grant noblesse et très renommée vaillance. Les corps desquelz seigneurs furent deppuis apportez à Orléans et mis en sépulture dedans la grant esglise, dicte Saincte Croix , là où se feist pour eulx beau service divin.

De celle bataille eschappa entre autres le bastart d'Orléans , obstant ce que dès le commencement avoit esté bleciéd'un traict au piet :parquoy deux de ses archiers le tirèrent à très grant peine hors de la presse , le montèrent à cheval et ainsi le sauvèrent. Le conte de Clermont , qui ce jour avoit esté faict chevallier , ne toute la grosse bataille , ne feirent oncques semblant de secourir les compaignons, tant parce qu'ilz estoient descenduz à piet, contre la conclusion de tous , comme aussi parce qu'ilz les véoient presque tous tuez devant eulx. Mais si toust qu'ilz aperceurent que les Angloys en estoient maistres, ilz se mirent à chemin vers Orléans : en quoy ne firent pas honnestement, mais honteusement; et ilz eurent assez espace d'eux en aller, car les Angloys ne les chassèrent pas ,* obstant ce que la plus part d'eulz estoient à piet , et qu'ilz sçavoient les François estre

plus grant nombre qu'il/ n'estoient. Combien que tout l'onneur et le prouffit de la victoire en demoura aux Anjjloys, dont estoit chief pour lors messire Jehan Faseot, aveeques lequel estoit aussi messire Thomas Rameston , qui "pareillement avoit grant charge de gens d'armes.

Ce mesme jour arrivèrent dedans Orléans, au soir bien tart, le conte de Clermont , le bastard d'Orléans, le seigneur de la Tour, le viconte de Thouars, le mareschal de Saincte-Sevère, le seigneur de Graville, La Hire, Poton, et plusieurs chevaliers et escuiers françoys, qui venoient de la bataille, qui avoit esté ainsi perdue par faulte d'ordonnance. Combien que La Hire, Poton , et Jamet de Thilloy entrèrent les derniers dedans; car par l'ordonnance de tous demourèrent tousjours à la queue des retournans, pour contregarder que ceulx des bastilles ne saillissent sur eulx , s'ilz sçavoient la desconfiture; en quoy les eussent peu encores plus endommaiger que devant, qui ne s'en fust prins garde.

Cestuy propre jour aussi , sceut Jehanne la Pucelle , par grâce divine, ceste desconfilure , et dist à messire Robert de Baudricourt que le roy avoit eu grant dommaige devant Orléans , et auroit encores plus , selle n'estoit menée devers luy. Pour quoy Baudricourt qui l'a voit jà esprouvée et trouvée très sage et comme véritable, persévérant en ses premières requestes, la feit habiller en habit d'homme , ainsi qu'elle le requist. Et pour la conduite luy bailla deux gentilzhomm.es de Champaigne, l'ung nommé Jehan de Meîz , et l'autre Bertrand dePoIongy, qui moult envis le feirent, pour les périlleux chemins. Mais elle les asseurant que jà

n'auroient nul mal, se mirent à chemin avecques elle, et deux de ses frères , pour aller devers le roy, qui estoit lors à Chinon.

Le lundy aprez celle desconfiture, quatorziesme du mesmes moys de février, fut par les Anglois estans de la garnison des Tournelles, gecté ung canon dont la pierre cheut dedans Orléans en l'hostel de la Teste Noire , en la rue des Hostelleries : ouquel hostel elle feit grant dommaige et descendit en celle rue et tua trois personnes de la ville, l'ung desquelz estoit marchant , nommé Jehan Turquoys.

Le jeudy ensuyvant, dix-septiesmejourd'icelluy moys, furent par messire Jehan Falcot et ses gens amenez en l'ost et siège des Angloys les vivres et autres habillemens de guerre qu'ilz avoient conduis depuis Paris, etceulx aussi qu'ilz avoient conquestez en leur dernière desconfiture emprez Rouvray Sainct-Denis , que plusieurs ont deppuis nommée la bataille des Harans ; contre lesquelz saillirent les François de la garnison et aucuns citoyens , pour leur cuider courir sus , et gaigner les vivres et artillerie qu'ilz menoient. Mais toutesfois ne s'entretouchèrent point l'un l'autre pour celle fois.

Environ ces jours arriva dedans Chinon Jehanne la Pucelle (1) et ceulx qui la conduisoient, fort esmerveillez comment ilz estoient peu arriver sauvement , veuz les périlleux passaiges qu'ilz avoient trouvez, les dangereuses et grosses rivières que ilz avoient passées

(1) L'auteur a ignoré la date de cette arrivée qui eut lieu le 6 mars 1429. La mettre parmi les événements de février c'est rendre inexplicables plusieurs des circonstances rapportées ultérieurement. Voir ci-après le Continuateur français de Guillaume de Nangis.

à gué, el le grant chemin qui leur a voit convenu faire, au long duquel avoient passé par plusieurs villes et villaides tenans le party Angloys, sans celles estans françaises, èsquelles se faisoient innumerables maulx et pilleries. Pourquoy lors louèrent Nostre Seigneur de la grâce qu'il leur avoit faicte, ainsi que leur avoit promis la Pucelle par avant. Et notifièrent leur fait au roy , pardevant lequel avoit jà esté traicté par plusieurs fois en son conseil que le meilleur estoit qu'il se retirast au Daulphiné, et le gardast avecques les pays de Lyonnois, Languedoc et Auvergne, au moins se on les pouvoit sauver, se les Angloys gaignoyent Orléans ; mais tout fut mué, car il manda les deux gentilzhommes, el présens ceulx de son grant conseil, les fist interroger du faict et estât de la Pucelle; dont ilz respondirent la vérité. Et à ceste occasion fut mis en conseil se on la feroit parler au roy : à quoy fut conclud que oyl ; et de faict y parla , lui feit la révérence, et le congneut entre ses gens, combien que plusieurs d'eulx faignoient, la cuidant abuser, estre le roy : qui fut grant apparence, car elle ne l'avoit oneques mes veu. Si luy dist par moult belles parolles , que Dieu l'envoyoil pour luy ayder et secourir, et qu'il luy baillast gens, car par grâce divine et force d'armes, elle leveroit le siège d'Orléans , et puis le menroil sacrer à Raims, ainsi que Dieu luy avoit commandé; qu'il vouloit que les Angloys s'en retournassent en leur pays et luy lessassent son royaulme en paix, lequel luy devoit demeurer; ou s'ilz ne le lessoient, il leur en mescherroit.

Ces paroles ainsi par elle dictes, la feit le roy remener honnorablement en son logis, et assembla son

grant conseil, ouquel furent plusieurs prelaz, chevaliers, escuyers et chiefz de guerre, avecques aucuns docteurs en théologie, en lois et en décret, qui tous ensemble advisèrent qu'elle seroit interroguée par les docteurs, pour essayer se en elle se trouveroit évidente raison de povoir acomplir ce qu'elle clisoifc. Mais les docteurs la trouvèrent de tant honneste contenance, et tant saige en ses parolles, que leur relacion faicte , on en tint très grant compte. Pour quoy, et aussi parce qu'on trouva qu'elle avoit sceu véritablement le jour et l'heure de la journée des Harens, ainsi qu'il fut trouvé par les lettres de Baudricourt , qui avoit escript l'heure qu'elle luy avoit dict, elle estant encores à Valcouleur ; et deppuis mesmes déclaré au roy en secret, présent son confesseur, et peu de ses secrets conseillers, ung bien (1) qu'il avoit faict, dont il (ut fort esbahy; car nul ne le povoit sçavoir sinon Dieu et luy : fut conclud qu'elle seroit menée honnestement à Poictiers, tant pour la faire de rechief interroguer et sçavoir sa persévérance, comme aussy affin de trouver argent, pour luy bailler gens, vivres et artilleries, pour essayer d'avitaitler Orléans; ce quelle sceut par grâce divine, car elle estant au milieu du chemin, dist à plusieurs : « En nom de Dieu, je sçay « bien que je auray beaucoup affaire à Poictiers où on « me meine; mais Messires me aydera ; or allons, de « par Dieu! » car c'estoit sa manière de parler.

Quant elle fut audict Poictiers , où estoit pour lors le Parlement du roy, diverses interrogacions lui furent faictes par plusieurs docteurs et autres gens de grant

II) Sic ms. et edd. 11 faut lire veu.

estât, à quoy elle respondit moult bien. Et par especial à ung docteur Jacobin , qui luy tiist que se Dieu voulloit que les Angloys s'en alassent, qu'il ne falloit point d'armes. A quoy elle respondit qu'elle ne vouloit que peu de gens qui combateroient, et Dieu donneroit la victoire (1). Pour laquelle responce, avec plusieurs autres quelle avoitfaietes, etlafermetéde ses premières promesses, fut conclud de tous que le roy se debvoit fier en elle , et luy bailler vivres et gens , et l'envoyer à Orléans, ce qu'il feist. Et oultre ce, la feist bien armer, et luy donna de bons chevaulx. Et voulut et ordonna qu'elle eust ung estandart, ouquel par le vouloir d'elle on feist paindre et mectre pour devise, Jhesus Maria, et une magesté. Le roy luy voulant donner une belle espée , elle luy pria qu'il luy pleust luy en envoyer quérir une, qui a voit en la lemelie(2) cinq croix emprez la croisée, et estoit à Saincte-Katerine du Fierboys. Dont le roy fut fort esmerveillé, et luy demanda s'elle l'avoit oneques veue. A quoy elle respondit que non; mais toutesfois savoit qu elle y estoit. Le roy y envoya, et fut trouvée celle espée avecques autres , qui là avoient esté données le temps passé, et fut aportée au roy, qui la feist habiller et garnir honnestement. Et luy bailla pour l'accompaigner ung bien vaillant et saige gentilhomme, nommé Jehan Daulon; et pour paige, et la servir en honneur, luy bailla ung autre gentilhomme nommé Loys de Contes. Combien que toutes les choses déclairées en cestuy chappitre se feirenl à

(1) Voyez le procès de réhabilitation , t. III , p. 204.

(2) L'allumelle dans les éditions. Allumelle , allemelle, lemele , équivalent de lame, lamella.

iv. q

plusieurs foys et par divers jours; mais je les ay ci ainsi couchées pour cause de briefveté.

Le vendredy, dix-huictiesme jour de février, se partit d'Orléans le conte de Clerraont, disant qu'il vouloit aller à Chinon devers le roy, qui lors y estoit; et emmena avec luy le seigneur de la Tour, messire Loys de Culan, admirai, messire Regnault de Chartres, archevesque de Rains , et chancellier de France , messire Jehan deSainct-Michieî, évesque d'Orléans, natif d'Escosse, LaHire, et plusieurs chevaliers et escuyers d'Auvergne , de Bourbonnoys et d'Escosse, et bien deux mil combatans. Dont ceulx d'Orléans les voyans partir ne furent pas bien contans; mais ilz leur promisdrentpour lesappaiser, qu'ilz les secourroient de gens et de vivres. Aprez lequel département ne demoura dedans Orléans sinon le bastart d'Orléans, le mareschal de Saincte-Sevère, et leurs gens. Et le conte de Clermont, qui depuis fut duc de Bourbon, s'en ala, et les seigneurs et combatans dessus nommez avecques luy , et se mirent dedans Bloys.

Et lors , quant ceulx d'Orléans se virent ainsi délaissez en petit nombre de gens de guerre, et apperceurent la puissance et le siège des Angloys croistre de jour en jour, ilz envoyèrent Poton de Saincles-Trailles et aucuns bourgeoys devers Philippes, duc de Bourgoigne, et messire Jehan de Luxembourg , conte de Ligny, tenant le party d'Angleterre ; et leur feirent prier et requérir qu'ilz voulsissent avoir reguard en eulx ; etpour l'amour de leur seigneur Charles duc d'Orléans, estant prisonnier en Angleterre, et pour la conservacion de ses terres, ausquclles garder ne pouvoit pour celluy temps entendre, leur pieust pourchasser aucune abs-

tinence de guerre devers les Angloys, el faire lever le siège jusques à ce que le trouble du royaume fust autrement esclarcy , ou leur donner ayde et secours en faveur de leur parent ainsi prisonnier.

Le dimenehe aprez eut une très grosse et forte escarmousehe, et tant que les Angloys saillirent de leur ost et bastilles, portèrent sept estandars^ et firent tant qu'ilz enchâssèrent et recullèrent les Françoys qui les estoient allez assaillir jusques au champ Turpin , qui est à un gect de pierre d'Orléans. Mais ilz furent bien recueillis de canons, couleuvrines et autre traict que on leur gecta de la ville incontinant, tant espeissement qu'ilz s'en retournèrent h grant haste dedans leur ost et bastilles de Sainct-Laurens et autres là entour. Le mardy prouchain ensuyvant, vingt-deuxiesme de février, le conte de SuiFort et les seigneurs de Talebot et d'Escalles envoyèrent par ung herault pour présent au bastart d'Orléans un plat plain de figues, raisins et dattes, en luy priant qu'il luy pleust envoyer à celluy conte de SutFort de la panne noire pour fourrer une robbe. Ce qu'il feist volentiers, car il luy envoya par le hérault mesme; de quoy le conte luy seut très grant gré. Le vendredy vingt-ci ncquiesme jour d'icelluy moys, arrivèrent dedans Orléans neuf chevaulx chargiez de blez, harengz et autres vivres.

Le dimenehe après ensuyvant , penultiesme du mesmes moys de février, creut la rivière tant et si grandement que les François d'Orléans cuidèrent fermement que les deux boulevers faiz par les Angloys sur celle rivière au droict de Sainct-Laurens, et aussi celluy des Tournelles fussent tous mynez et abatuz : car elle creut jusques aux canonnières des boulevers,

et couroit si fort et si roicîement qu'il estoit Jegier à croire. Mais les Angloys mirent telle dilligence, tant de jour que de nuyt, que les boulevers deniourèrent en leur estât, et aussi appetissa la rivière en peu de temps. Et ce nonobstant gectoient les Angloys plusieurs coups de bombardes et canons , qui moult faisoientgrantdommaigeaux maisons et édifficesdela cité.

Celluy jour, la bombarde de la cité, pour lors assortie à la croche des moulins de In poterne Chesneau, pour tirer contre les Tou ruelles, tira tant terriblement, contre elles, qu'elle en abatit ung grant pan de mur.

Le ieudy, troisiesme jour de mars, saillirent les ^rançoys au matin contre les Angloys , faisans pour lors ung fossé pour aler à couvert de leur boulevert de la Croix Boissée à Saint-Ladre d'Orléans, afin que les François ne les peussent veoir ne grever de canons et bombardes. Celle saillie feist grant dommaige aux Angloys, car neuf d'eulx y furent prins prisonniers. Et oultre ce, y tua maistre Jehan d'une couleuvrine cinq personnes , à deux coups. Et desquelz cinq fut le seigneur de Grez, nepveu du feu conte de Salebris, qui estoit cappitaine d'Yenville; dont les Anglois feirent grans regretz, parce qu'il estoit de grant hardiesse et vaillance.

Celluy mesmes jour, eut une très forte et grande escarmousche, car les Françoys saillirent d'Orléans, et alèrent jusques bien prez du boulevert des Angloys eslans à la Croix Boissée , et gaignèrent ung canon gectant pierres grosses comme une boule. Et oultre ce rapportèrent dedans leur ville deux tasses d'argent, une robe fourrée de martres, et plusieurs haches, guisarmes, arcs, trousses de ilesches , et autres habille-

I i HISTORIENS DU XVe SIÈCLE. 133

meus de guene. Mais incontinent âpre/, saillirent les Angloys de leur ost et bastilles, portons neuf estandars que ilz tlesployèrent , et chassèrent les Françoys jusques bien près du boulevert de la Porte Bannier, et ce fait se retirèrent ; combien que de rechef et tost retournèrent et chargèrent fort et asprement sur les Françoys, et tant les suyvirent de prez, que plusieurs d'eulx se geelèrent dedans les foussez d'icelle porte; contre lesquelz gectèrent ceulx d'Orléans à graut force. Et entre les autres qui là cheurent, furent l'uug Eslienne Fauveau, d'Orléans mesmes. Et cefaisoient, parce qu'ilz ne povoient pas fouyr. En celle escai- f mousche tuèrent, blecèrent et prindrent les Angloys plusieurs prisonniers , et par especial y prindrent un vaillant escuyer gascon , nommé Regnault Guillaume de Vernade, qui estoit fort blecié.

Le lendemain, jour de vendredy, partirent environ trois cens combatans angloys, et s'en allèrent quérir des charniers (1) es vignes, environ Sainct-Ladre et Sainct-Jehan de la Ruelle : pourquoy sonna la cloche du befïroy. Mais ce non obstant, ilz prindrent et emmenèrent aucuns povres laboureurs, labourans leurs vignes , prisonniers. Et celluy mesme jour arrivèrent dedans Orléans douze chev aulx chargez de blé, harengs et autres vivres.

Le sabmedy aprez , cinequiesme d'icelluy moys de mars, fut tiré d'une couleuvrine d'Orléans; le traict de laquelle tua ung seigneur d'Angleterre, dont les Angloys feirent moult grant dueil.

Le lendemain, qui fut jour de dimenche, arrivèrent

(I) Charniers , échalas. Voyez ci-dessus, p. 115.

dedans Orléans sept chevaulx chargez de harengs et

autres vivres.

Le lundy ensuyvant , septiesme du mesme moys de mars, y arrivèrent six chevaulx chargez de harengs. D'autre part tirèrent les Angloys plusieurs coups de bombardes et canons, qui cheurent en la ruedesHostelleries, et feirent grant dommaige en divers lieux. Et si arrivèrent environ quarante Angloys d'Angleterre en leur ost.

Le mardy prouchain aprez, saillirent aucuns Francoys et rencontrèrent six marchans et une damoiselle menant en l'ost neuf chevaux chargez de vivres, qu'ilz prindrent et amenèrent dedans Orléans. Ce mesme jour arrivèrent deux cens Angloys , qui venoient de Jargueau ; et pareillement aussi arrivèrent en leur ost et bastilles plusieurs autres venans des garnisons de Beausse. Et par ce cuidèrent les Françoys qu'ilz voulsîssent assaillir aucuns de leurs boulevers. Pour quoy ilz se tindrent sur leurs gardes et apprestèrent toutes choses nécessaires à leur deffense, se mestier en estoit.

Le lendemain, jour de mercredy, trouvèrent aucuns Françoys que on avoit presque percé tout le mur de l'Aumosne d'Orléans (1), au droit de la porte Parisis; et y avoit on fait ung trou pour passer ung homme d'armes. Et oultre fut trouvé un mur fait tout de nouveau, où avoit deux canonnières. Et si ne peut on scavoir pourquoy il avoit esté fait : dont aucuns le pre-

(1) C'est-à-dire l'Hôtel-Dieu d'Orléans, à côté de la cathédrale. Le mur de la ville longeait alors les dépendances de cet établissement, et la porte Parisis était voisine

sumoieul en bien, et les autres en mal.Toutesfois quoy qu'il en feust, s'enfouyt le maistre d'icelle Aumosne(1 ), si tost qu'il veit qu'on s'en esloit apperceu; car tic prime face il fut en grant dangier de la commotion du peuple, qui feist celluy jour très grant noise et bruit en celle Aumosne.

Le jour d'aprez, qui fut jeudy, feist le bastart d'Orléans pendre à ung arbre, es forsbours et masures de la porte Bourgongne, deux hommes d'armes françoys esta us auGalloisdeVilliers, parce qu'ilz avoient rompu son sauf conduict ; mais si tost qu'ilz furent mors, il les feist despendre et enterrer es forsbours mesmes.

D'autre part s'en allèrent les Angloys cestuy propre jour à Sa i net-Loup d'Orléans, et y commancèrent une bastille, qu'ilz fortifièrent, tendans lousjours entretenir leur siège contre Orléans. Pour lequel faire lever, se mist sur les champs Jehanne la Pucelle accompaignée de grant nombre de seigneurs , chevaliers , escuyers et gens de guerre, garniz de vivres et d'artillerie ; et print congé du roy, qui commanda expressément aux seigneurs et gens de guerre , qu'ilz obéissent à elle comme à luy, et aussi le firent-ils (2).

Le vendredy ensuyvant, unziesme jour du mesme mois de mars , sonna la cloche du beffroy, parce que les Angloys estans à Sainct-Loup coururent jusques à Sainct-Euvertre (3) ; et là , environ les vignes , prmdrent plusieurs vignerons, et les enmenèrent prisonniers.

(l) Le supérieur des religieux attachés à l'infirmerie. 2 Anachronisme de six semaines. Ce n'est qu'à la lin d'avril que Jeanne <mtra en campagne.

(3) Saint-Euverte était alors hors des murs de la ville.

Le lendemain saillirent aucuns de la garnison d'Orléans, et en leur retour ramenèrent six prisonniers (1 ). Le mardy d'aprez, quinziesmed'icelluy moys, arriva de nuict dedans la ville le bastart de Lange, qui avecques luy amena six chevaulx chargez de pouldre de canon. Et ce meisme jour se partirent trente Angloys de la bastille de Sainct-Loup, estans habillez en guise de femmes , et faisans semblant de venir quérir du boys et fagotz de serment, avecques aucunes femmes , qui en apportèrent dedans Orléans. Mais quant ilz veirenl leur advantaige , ilz saillirent hastivement sur les vignerons, labourans lors es vignes environ Sainct Marc, et la Borde-aux-Mignons (2) , et feirent tant qu'ilz en envoyèrent neuf ou dix prisonniers en leur bastille.

Le lendemain , qui fut mercredy , se partit d'Orléans le mareschal de Saincte-Sevère, tant pour aller devers le roy, comme pour aler prendre la possession de plusieurs terres qui lui estoient esclieues par la mort du seigneur de Chasteaubrun , frère de sa femme (3) ; mais il promist à ceulx de la ville, qu'il retournercit en brief, et ilz furent très contens; car ilz l'aymoient et prisoient, parce qu'il leur avoit fait plusieurs biens, et aussi pour les grans faicts d'armes

(1) il y a dans le treizième volume des manuscrits de D. Housseau, à la Bibliothèque royale, l'extrait d'une quittance donnée le 13 mars 1428 pour la somme de soixante-dix écus , à laquelle somme avaient été imposées les paroisses de Sainte-Maure , Sepmes , Marçay, Draché, Maillé, Lasselle, Nouastre, Pouzay, Trougues , Mougon , Crousilles et Pansoust , toutes situées en Touraine, pour faire un achat de blé destiné à ravitaillement de la ville d'Orléans.

(2) Saint-Marc confine aujourd'hui le bourg Chevassier. La Borde-aux- Mignons est en pleins champs dans la même direction.

('•)) Tué à la journée des Harengs. Voyez ci-dessus, p. 122 et 124.

cjue luy et ses gens avoient faitz pour leur deffence.

Ce mesmc jour amenoient les Angloys de la bastille de Sainct-Loup-grant charroy à leur autre bastille de Saiiiet-Laiireus. Et quant il/, furent devant Sainet- Ladre, ilz feirent ung grant cry : pour quoy sonna la cloche du beffroy; car les Françoys d'Orléans cuidèrent qu'ilz voulsissent assaillir aucuns de leurs boulevers.

Le jeudy ensuyvant dix-septiesme jour d'icelluy moys, trespassa maistre Alain du Bey, prevost d'Orlëans (1), et mourut de mort naturelle. Dont ceulx de la ville furent moult doulans, parce qu'il gardoit tousjours bien justice.

Le samedy ensuivant, dix-neufviesme du mesmes moys et veille de Pasques fleuries, tirèrent les Angloys dedans Orléans plusieurs coups de plus grosses bombardes et canons qu'ilz n 'avoient faict par avant, et dont ilz feirent moult de maulx et dommaiges; car une pierre de l'une des bombardes tua , que bleca, sept personnes du coup ; de laquelle mourut ung potier d'estain , nommé Jehan Tonneau. Et oultre ce, cheut une autre pierre de canon devant l'hostel de feu Berthault Mignon, dont furent blecez que tuez cinq personnes.

Le lundy d'aprez , le vingt-ungniesme d icelluy moys de mars , feirent les François sonner la cloche du befïroy, et saillirent d'Orléans à grant puissance, tant gens de guerre, comme citoyens, et autres du pays d'environ, là retraictz ; et s'en allèrent assaillir les

(1) Depuis l'année I U>k.

« Entre vous, archiers, corapaignons d'armes, qui estes devant Orléans, allez vous en en vostre pais, de par Dieu. Et se ainsi ne le faictes, donnez vous garde de la Pucelle , et de vos dommaiges vous souviengne. Ne prenez mie vostre opinion , que vous ne tendrez mie France du roy du ciel, du Fils de sainte Marie ; mais la tendra le roy Charles , vray héritier, à qui Dieu l'a donnée, qui entrera en Paris en belle compaiguie. Se vous ne croyez les nouvelles de Dieu et de la Pucelle, en quelque lieu que vous trouverons , nous fierrons dedans à horions, et si verrez lesquelz meilleur droict auront , de Dieu ou de vous.

« Guillaume de La Poulie, conte de Suffort, Jehan sire de Thalbot, Thomas sire d'Escalîes, lieutenant du duc de Bethefort, soy disant régent du royaume de France pour le roy d'Angleterre , faictes responce , se vous voulez faire paix ou non à la cité d'Orléans, Se ainsi ne le faictes, de voz dommaiges vous souviengne.

« Duc de Bethfort, qui vous dictes régent de France pour le roy d'Angleterre, la Pucelle requiert et prie, que ne vous faciez mie destruire. Se vous ne luy faictes raison , elle fera tant que les François feront le plus beau faict qui oncques fut faict en la chrestienté.

« Escrit le mardy eu la grant sepmaine.

m Entendez les nouvelles de Dieu et de la Pucelle.

« Au duc de Bethefort, qui se dit régent du royaume de France pour le roy d'Angleterre. »

Quant les seigneurs et cappitaines angloys eurent lcues et entendus les lettres, ilz furent conrrouchez à

merveilles, et en despit <}e la Pucelle, disans d'elle moull de villaines parolles, par espéciai l'appellant ribaulde, vachiere, la menaschantde la faire brusler, retindrent le héraull porteur des lettres, tenans à mocquerie tout ce que elle leur avoit escript.

Le jeudy après prouchain et vingt-quatriesme du mesmes mois de mars, et jour de jeudy absolut, tirèrent les Angloys d'une bombarde dedans Orléans, dont la pierre qui cheut en la rue de la Charpenlerie , tua que blecha trois personnes. Durant lequel jour courut grant bruit, que aucuns de la cité la debvoient trahir et bailler es mains des Angloys; pourquoy celluy mesmc jour et lendemain , veille de sainctes Pasques, et le jour aussi, furent les gens de guerre y estans en garnison, et les citoyens et autres y estans retraictz pareillement, tousjours en armes et chacun sur sa garde, tant en la ville et sur les murs, comme es boulevers d'entour (1).

Le jour de sainctes Pasques, qui furent le vingt-septiesme d'icelluy mois de mars, mil quatre cens vingt neuf, furent trêves donnés et octroiées d'une part et d'autre entre les François d'Orléans et les Angloys tenans le siège.

Le mardy ensuivant, vingt-neufiesme du mesmes

(1) Quoique le journal ne mentionne rien à la date du vendredi saint, les comptes de la ville , constatent qu'il y eut ce jour une grande distribution de vin et de blé faite par le prévôt Jean Leprêtre aux troupes de la garnison. Les capitaines portés sur l'état de distribution sont : le seigneur de Graville, Madré, Denys de Ghailly, Thibauld de Termes, le seigneur de Guitry, le seigneur de Coarazze , Théaulde de Valpergue, Cernay l'Aragonais , Poton de Xaintrailles , le seigneur de Villars , les gens d'armes du maréchal de Roussac , les Ecossais. Jollois, Histoire du iiége d'Orléans, p. -41.

moys, arrivèrent dedans la ville aucun nombre de

bestial et autres vivres.

Le vendredy d'aprez qui fut premier jour du mois d'avril, et en celluy an mil quatre cens vingt- neuf . alèrent les François escarmouscher les Angiois prez de leur boulevert, qu'ilz avoient faict de nouvel à la p-range Cuyveret. Pour quoy ilz saillirent contre eulx à tout deux estandars , et demeurèrent là grant espace de temps l'un devant l'autre , et tirans les ungs contre les autres de canons , couieuvrines et autre traict, tellement que de chacune partie y en eut plusieurs bleciez.

Le lendemain arrivèrent dedans Orléans neuf beufz gras , et deux chevaulx chargez de cheveraulx et de vivres. Et ce jour mesmes, aprez midy, escarmouchèrent les François de rechief le boulevert de la grange Cuyveret, là où ilz furent bien recueilliz; car de la bastille Sainct-Laurens saillirent contre eulx environ quatre cens combatans, portans avec eulx deux estandars , dont l'ung estoit celluy de sainct George , estant my party de blanc et de rouge, et ayant ou milieu une croix rouge; et vindrent jusques à Sainct Mathurin et ou champ Turpin , chargeant fort sur les François, lesquelz furent mis en belle ordonnance par le bastard d'Orléans, le seigneur de Gravilie, La Hire, Poton et Tilloy : tant qu'ilz se portèrent très vaillamment, et y eut très forte et grosse escarmousche. Durant laquelle tirèrent merveilleusement de chacune partie de leurs canons, bombardes, couieuvrines et autre traict , tellement que enfin y furent plusieurs tuez et blecez, tant des Françoys comme des Augloys.

Lcdimenche ensuyvant, dit Quasimodo (c'est le jour

de Pasques closes), saillirent aucuns babitans d'Orléans, et gangnèrent environ Sainct-Loup ung cha-

l.m, ouquel avoit neuf tonueaulx de vin, et ung pourceau, el de la venoison, qu'on cuidoit mener aux Angloys, en celle bastille de Sainct-Loup; mais ceulx d'Orléans beurent le vin , et mangèrent le pourceau et la venoison.

Et celluy mesme jour, eut forte escarmousche entre les paiges des François et ceux des Angloys, entre les deux isles Sainct-Laurens ; et n'avoyent escuz , sinon de petitz paniers; et gectoient pierres et cailloux, les ungs contre les autres. Au derrenier feirent ceulx des François reculler les autres des Angloys : ausquelz regarder y avoit moult de gens. Et pour celle escarmouche et autres que deppuis feirent devant Orléans les paiges françois, estoit leur cappitaine l'un d'eulx , gentilhomme du Daulphiné, nommé Aymart de Puiseux : lequel fut depuis nommé Capdorat par La Hire, tant parce qu'il estoit fort blonc, comme aussi parce qu'il estoit très esveillé et de grant hardiesse entre les autres; et bien le monstra depuis en plusieurs faicts d'armes, tant en ce royaume, comme es Allemaignes et ailleurs (1).

Le lendemain jour de lundy, ainsi que on ouvroit

(1) La guerre d'Allemagne, à laquelle il est fait ici allusion , est probablement celle que Louis dauphin porta en Alsace en 1444. Ce prince devenu roi, fit d'Aimar de Puiseux ou Poisieu , l'un de ses maîtres d'hôtel et lui donna le bailliage de Mantes. En 1465 il l'envoya en ambassade à Liège, pendant la guerre du Bien public ; puis Tannée suivante il l'appela au commandement général des francs-archers de deçà la Loire , office qui venait d'être créé , et qui s'étendait sur les provinces riveraines de la Seine , de l'Eure , et de la Loire jusqu'au Nivernais. 'Collection des documents inédits , Mélanges, t. II, p. 313. — Daniel , Histoire de la milice française, 1. IV, c. 4. — Ms. B. R. Gaignières, u. 772-2, fol. 396, 404, elc.J

moys , arrivèrent dedans la ville aucun nombre de

bestial et autres vivres.

Le vendredy d'aprez qui fut premier jour du mois d'avril, et en celluy an mil quatre cens vingt-neuf, alèrent les François escarmouscher les Anglois prez de leur boulevert, qu'ilz avoient faict de nouvel à la prange Cuyveret. Pour quoy ilz saillirent contre eulx à tout deux estandars , et demourèrent là grant espace lie temps l'un devant l'autre , et tirans les ungs contre les autres de canons , couieuvrines et autre traict, tellement que de chacune partie y en eut plusieurs bleciez.

Le lendemain arrivèrent dedans Orléans neuf beufz gras , et deux chevaulx chargez de cheveraulx et de vivres. Et ce jour mesmes, aprez midy, escarmouchèretit les François de rechief le boulevert de la grange Cuyveret, là où ilz furent bien recueilliz; car de la bastille Sainct-Laurens saillirent contre eulx environ quatre cens combatans, portans avec eulx deux estandars , dont l'ung estoit celluy de sainct George , estant m y party de blanc et de rouge, et ayant ou milieu une croix rouge; et vindrent jusques à Sainct Mathurin et ou champ Turpin , chargeant fort sur les François, lesquelz furent mis en belle ordonnance par le bastard d'Orléans, le seigneur de Gravillë, La Hire, Poton et Tilloy : tant qu'ilz se portèrent très vaillamment, et y eut très forte et grosse escarmousche. Durant laquelle tirèrent merveilleusement de chacune partie de leurs canons, bombardes, couieuvrines et autre traict , tellement que enfin y furent plusieurs tuez et blecez, tant des Françoys comme des Augloys.

Ledimenehe ensuyvant, dit Quasimodo (c'est le jour

i i HISTORIENS i»: W n.( i i 143

de Pasques closes ), saillirent aucuns babitans d'Orléans, el gangnèrent environ Sainct-Loup ung chalan, ouquel avoit neuf tonueaulx de vin, et ung pourceau, ci de la venoison, (ju'on cuidoit mener aux Angloys, en celle bastille de Sainct-Loup; mais ceulx d'Orléans beurent le vin , et mandèrent le pourceau et la \enoison.

El celluy rnesme jour, eut forte escarmousche entre les paiges des François et ceux des Angloys, entre les deux isles Sainet-Laurens ; et n'avoyeut escuz , sinon de petite paniers; et gectoient pierres et cailloux, les ungs contre les autres. Au derrenier feirent ceuix des François reculler les autres des Angloys : ausquelz regarder y avoit moult de gens. Et pour celle escarmouche et autres que deppuis feirent devant Orléans les paiges françois, estoit leur cappitaine l'un d'eulx , gentilhomme duDaulphiné, nommé Aymart de Puiseux : lequel fut depuis nommé Capdorat par La Hire, tant parce qu'il estoit fort blonc, comme aussi parce qu'il estoit très esveillé et de grant hardiesse entre les autres ; et bien le monstra depuis en plusieurs iaicts d'armes, tant en ce royaume, comme es Allemaignes et ailleurs (1).

Le lendemain jour de lundy, ainsi que on ouvroit

(1) La guerre d'Allemagne, à laquelle il est fait ici allusion , est probablement celle que Louis dauphin porta en Alsace en 1444. Ce prince devenu roi, fit d'Aimar de Puiseux ou Poisieu , l'un de ses maîtres d'hôtel et lui donna le bailliage de Mantes. En 1465 il l'envoya en ambassade à Liège, pendant la guerre du Bien public ; puis Tannée suivante il l'appela au commandement général des francs-archers de deçà la Loire, office qui venait d'être créé, et qui s'étendait sur les provinces riveraines de la Seine , de l'Eure , et de la Loire jusqu'au Nivernais. Collection des documents inédits , Mélanges, t. II, p. 313. — Daniel , Histoire de la milice française, 1. IV, c. 4. — Ms. B. B. Gaignières, i!. "2-2, fol. 396, ini, etc..

les portes de la ville, y arrivèrent aucuns Françoys, qui estaient alez courir dedans Meung, dont ilz avoient tué le cappitaine, et enmenoient quarante-trois chiefz de grousses aumailles, combien que plusieurs d'eulx estoient navrez.

Celluy jour aprez midy eut une autre bataille entre les paiges , qui estoient habillez comme devant; et là fut tué d'un coup de pierre l'ung des paiges angloys, et si y eut plusieurs blechiez d'une part et d'autre ; combien qu'en la fin gaignèrent les paiges angloys l'estandart des paiges françoys.

Le mardy ensuyvant , cincquiesme d'icelluy mois , arrivèrent aux portes ouvrans dedans Orléans , cent et ung pourceaulx , et six beufz gras , que marcha ns y amenoient du Berryj lesqueiz passèrent au droict de Sainct-Aignan d'Orléans. Contre lesqueiz saillirent moult hastivement les Angloys des Tournelles, si tost qu'ilzles apperceurentj mais ce fut trop tard, car ilz perdirent leur peine.

Ce mesme jour arrivèrent aussi deux chevaulx chargiez de beurre et frommaiges, et dix-sept pourceaulx qu'on y amena de Chastiaudun. Et si vint aussi nouvelles que les François estans en garnison en celle ville de Chastiaudun avoient que tué que prins et destroussez trente ou qua rente Angloys qui apportaient grant argent aux autres Angloys de Tost.

Le jeudy aprez, septiesme d'icelluy mois, arrivèrent aux Angloys de la bastille Sainct-Laurens plusieurs vivres et autres habillements de guerre, sans trouver aucun empeschement.

Le lendemain arrivèrent devers le matin dedans la cité vingt-six bestes aumailles, qu'aucuns Françoys

(jiu en esloient de In garnison avoient gangniez en Normandye.

Le samedy ensuivant , neufviesme du raesme moys , y arrivèrent aussi vers le matin , dix-sept pourceaulx et huict chevaulx (les deux chargez de cheveraulx et cochons, et les six autres de blé ), (jui furent amenez de Ghastiaudun. D'autre part feirent les Angloys environ ce temps ung autre boulevert et fossé au droit du Pressouer-Ars (1). Pour lesquelz empescher, saillirent les Françoys, et nièrent jusques au boulevert ; mais il survint une grant pluie et merveilleux temps, qui dura longuement : pour quoy ilz ne peinent accomplir leur intencion, et s'en retournèrent dedans la cité sans riens faire.

Le mardy après, douziesme d'icelluy moys, se partirent d'Orléans de nuyt aucuns François et nièrent à Sainct-Marceau ou val de Loire (2), et rompirent et percèrent l'église; dedans laquelle ilz trouvèrent vingt Angloys, qu'ilz prindrent et enmenèrent prisonniers dedans leur ville, combien qu'ilz y perdirent deux de leurs compaignons.

Et le lendemain, fut apporté dedans Orléans grant argent pour souldoyer ceulx de In garnison qui en avoient bien mestier.

Le vendredy quinziesme jour du mesmes avril, firent et parfirent une moult belle bastille et forte , très bien faicte, entre Sainct-Pouair et Sainct-Ladre (3), en une

,1) Ce retranchement , auquel les Anglais donnèrent le nom de Rouen, était situé à l'extrémité du Clos des douze pierres.

(2) Sur la rive gauche du fleuve, assez loin derrière les retranchements des Anglais.

(3) Les Anglais donnèrent à cette bastille le nom de Paris. IV. ]Q

place qui comprenoit grant ensainte; dedans laquelle mirent et laissèrent plusieurs seigneurs et gentilshommes d'Angleterre, avecques grant nombre d'autres gens de guerre , voulans garder que par là prez ne peussent plus estre menez aucuns vivres dedans Orléans , ainsi comme ilz avoient veu faire plusieurs foiz par avant, maigre les gens de leurs autres bastilles.

Le lendemain venoient de Bloys à Orléans par le chemin de Fleury-aux-Choux , aucun nombre de bestial et autres vivres, que les Angloys cuidèrent destrousser, et leur alèrent au devant, mais trop tard , car la cloche du beffroy sonna pour secourir les vivres. Ce qui fut faict, et tellement qu'ilz arrivèrent sauvement dedens la ville.

Ce mesme jour, vindrent courir devant les Tournelles environ cincquante hommes d'armes françoys d'aucunes garnisons de Sauloigne , et enmenèrent bien quinze Angloys prisonniers. Et la nuyt ensuivant celluy jour, se partirent de la ville aucuns François qui tuèrent trois Angloys faisans le guet auprès l'Orbecte.

Le dimenche ensuivant, dix-septiesmed'icelluy mois d'avril, arrivèrent dedans Orléans, Poton de Sainctes- Trailles, et autres ambassadeurs, qui estoient alez devers le duc de Bourgongne et le conte de Ligny , et amenèrent avec eulx la trompette dudict duc de Bourgoingne. Lequel, si tost qu'il sceul la requesle de ceulx d'Orléans, s'en ala et messire Jehan de Luxembourg avec luy devers le duc de Bethefort, soy disant régent de ce royaume pour le roy Henry d'Angleterre, en luy remonstrant la pitié qui estoit au duc d'Orléans ; et luy avoit requis et prié bien chierement qu'il luy

ET HISTOKIENS DU XVe SIÈCLE. 147

pleust faire lever et départir le siège estant mis devant sa principalle ville et cité d'Orléans. A quoy n'avoit voulu acquiescer pour nul d'eulx le duc de Bethefort (1 ) , dont le duc de Bourgongne n'estoit pas contant ; et à ceste occasion envoyoit avecques les ambassadeurs sa trompette, qui de par luy commanda à tous ceulx de ses terres et villes à luy obéissans , estans en celluy siège , qu'ilz s'en allassent et départissent , et ne mesfeissent en aucune manière à ceulx d'Orléans. Pour obtempérer auquel commandement, s'en alèrent et départirent très hastivement plusieurs Bourguignons, Picars, Champenois, et moult d'autres des pays et obéissance d'icelluy duc de Bourgongne.

Le lendemain au matin , environ quatre heures après minuyt, saillirent les Françoys sur l'ostdes Angloys , et feirent tant qu'en leur entrée, tuèrent une partie de leur guet, et gaignèrent l'un de leurs estandars, et furent dedans longue espace. Durant laquelle ilz firent grant dommaige à leurs adversaires ;lesquelz crièrent moult eiïrayement à l'arme, et se mirent tous en ordonnance le myeulx qu'ilz peurent, adreschans contre les Françoys, qui les cognoissans apprester, en grant foulle yssirent de l'ost, où ilz avoient gaigné plusieurs tasses d'argent , beaucoup de robbes de martres et grant nombre d'arcs, trousses, lleiches et autres habillemens de guerre. Toutesfoiz les Anglois les poursuivirent et tindrent de tant prez, qu'il

(1) Le duc de Bourgogne demandait que la place lui fût donnée en garde comme neutre. La chronique de la Pucelle dit que le Conseil de régence constitué en Angleterre , était favorable à cette demande, mais qu'elle échoua par la disposition contraire des membres du Conseil de France et particulièrement des Parisiens. <[. v. Voir aussi Monstrelet , liv. Il , ch. 58.

y eut forte et grosse escarmousche, où plusieurs furent tuez et bleciez, tant d'une partie que d'autre. Et par espécial y fut tué d'un coup de couleuvrine cellui qui portoit l'estandart des Angloys; combien que ceulx de la ville ne furent pas sans grant dommaige , et bien y parut au retour, par le dueil que firent les femmes d'Orléans, plourans et lamentans leurs pères, mariz, frères et parens, tuez et bleciez en celle escarmousche. Et celluy mesmes jour furent renduz les corps de chaque cousté ; si furent enterrez en terre saincte.

Le mardy aprez et dix-neufviesme jour du mois d'avril, environ l'heure de vespres, arrivèrent en l'ost et bastilles des Angloys grant quantité de vivres et autres habillemens de guerre, et avecques eulx plusieurs gens d'armes, qui 1rs conduisoient.

Le lendemain, environ quatre heures du matin, se partist d'Orléans ung cappitaine nommé Amade (1), et seize hommes d'armes à cheval avecques luy, qui alèrent courir environ Fleury-aux-Choux, où s'estoient logez les Angloys qui avoient amenez les vivres derreniers , et feirent tant qu'ilz en emmenèrent six Angloys prisonniers, qu'ilz prindrent, etpîusieurs chevaulx , arcs , trousses et autres habillemens de guerre.

Environ celluy mesmes temps, fortiffièrent les Angloys Sainct-Jehan-le-Bianc , ou val de Loire, et y feirent ung guet pour garder le passaige.

Le jeudy ensuivant, arrivèrent dedans Orléans trois chevaulx , chargez de pouldre à canon et de plusieurs aulres choses. D'autre part apprestèrent celluy jour

(1) Amodie dans les éJilioos. C'est sans doule le même qui est appek- Madré sur les comptes de la ville Voyez ci-dessus, p. 14 1 , note.

ceulx d'Orléans plusieurs* canons à gecter contre les Angloys, pource qu'il/, cuidoyent qu'ilz deussent faire

aucune forte escarmousche pour leur bienvenue, et en firent tirer merveilleusement contre eulx estans sailliz; pour quoy se retrahirent en leur ost; mais plusieurs d'eulx s'en partirent la nuyt ensuivant, pour aler au devant des vivres que on amenoit en la ville, les voulans conquester.

Le samedy vingt-troisiesme du mesmes mois d'avril, arrivèrent dedans Orléans quatre chevaulx chargez de pouldre de canon et de vivres.

Et le lendemain y entra le Bourg de Mascaran (I), accompagné de quarante combatans.

Et le jour prou < ha in aprez , qui fut mardy vingtsixiesme jour du mesmes moys, y entra aussi Alain de Giron , accompaigné de cent combatans.

Le mercredy ensuivant, saillirent les Françoys et alèrent en moult grant haste et belle ordonnance jusques h la Croix de Fleury (2) , pour secourir aucuns marchans amenans vivres d'entour Bloys, pour les avitailler, parce qu'ilz eurent nomelles qu'ilz avoient empeschement ; mais ilz ne passèrent point oultre , obstant ce que on leur vint au devant; et leur fut dit qu'ilz n'y feroient riens, car les Angloys les avoyent jà destroussez. Combien que d'autre part leur vint autre reconfort de soixante combatans venansde Beauue en Gastinoys (3), qui leur amenoient d'autres pourceaulx.

(1) Alias Masqueran.

(2) Ce point se trouve à l'extrémité <lu faubourg actuel de Saint-Vincent. |) Heaune la Rollande.

Le lendemain jour de jeudy, vingt-huictiesme jour d'icelluy moys d'avril, arrivèrent aprez midy dedans Orléans, ung cappitaine moult renommé appelle messire Fleurentin d'Illiers, et avecques luy le frère de La Hire, accompaignez de quatre cens combattans , qui venoient de Chastiaudun. Et celluy mesmes jour eut une forte et grosse escarmousche, parce que les Angloys vindrent escarmouscher devant les boulevers d'Orléans. Mais les gens de guerre et plusieurs citoyens d'Orléans saillirent contre eulx et les chassèrent jusques en leurs boulevers, et feirent tant qu'ilz en tuèrent et navrèrent plusieurs , et les autres tombèrent dedans les foussez de leurs boulevers , qui estoient pour lors environ la grange Cuyveret et le Pressouer-Ars , en aucune vallée qui là estoit d'ancienneté (1 ). Touteffois convint, aux François laisser leur escarmousche et retourner en la ville, pour la grant multitude des canons, couleuvrines et autre traict dont tirèrent les Angloys contre eulx moult espessement , tellement que plusieurs y furent tuez d'une partie et d'autre; et en leur retour cheufc ung des Françoys dedans ung puis, là où il fut tué.

D'autre part , sceurent la Pucelle et autres seigneurs et cappitaines estans avecques elle , comment les Anglois la desprisoient [et] en eulx mocquant d'elle et de ses lettres , avoient retenu le hérault qui les avoit portées. Pour qïioy ilz conclurent qu ilz marcheroyent avant à tous leurs gens d'armes, vivres et artilleries, et passeroient par la Sauloigne, obstant que la plus

(1) La rue <le la Mare aux Solognots, qui joint le faubourg Saint-Jean à eelui de la porte Banier, est le seul vestige qui reste He eette ancienne vallée.

giant puissance des Angloys estoit du couslé de la Beausse; combien que de ce ne dirent riens à la Pucelle, laquelle tendoit aller et passer par devant eulz à force d'armes. Et pour ce ordonna que toutes les gens de guerre se confessassent, et laissassent toutes leurs folles femmes et tout le bagaige; et en ce point s'en alèrent, et feirent tant que ilz vindrent jusques à ung villaige nomme Checy, là où ilz geurent la nuict ensuivant (1).

Le vendredy ensuyvant, vingt-ncufviesmedumesmes moys, vindrent dedans Orléans les nouvelles certaines comment le roy envoyoit par la Sauloigne vivres, pouldres, canons et autres liabillemens de guerre, soubz le conduict de la Pucelle , laquelle venoit de par Nostre Seigneur pour avitailler et reconforter la ville, et faire lever le siège, dont furent moult reconfortez ceulx d'Orléans. Et parce qu'on disoit que les Angloys mectroient peine d'empescher les vivres , fut ordonné que chacun fust armé et bien empoint par la cité; ce qui fut faict.

Ce jour aussi y arrivèrent cincquante combatans à piet, habillez de guisarmes et autres liabillemens de guerre; et venoientdu paysdeGastinois, où ilz a voient estez en garnison.

Celluy mesmes jour eut moult grousse escarmousche, parce que les Françoys vouloient donner lieu et heure d'entrer aux vivres que on leur amenoit. Et pour

(1) Checy est à neuf kilomètres en amont d'Orléans. Mathieu de Goussancourt dans son Martxjrologe des chevaliers de Saint-Jean de Jérusalem , avance, on ne sait sur quel fondement , que la Pucelle passa cette nuit dans la maison de (lui de Cailly, alors seigneur de Checy. (Le lirun de Charmettes , Histuut de Jeanne d'Arc, t. II, p. 1S

donner aux Angloys à entendre ailleurs, saillirent à grant puissance, et alèrent courir et escarmouscher devant Sainct-Loup d'Orléans. Et tant les tindrent de prez, qu'il y eut plusieurs mors, blecez et prins prisonniers d'une part et d'autre, combien que les François apportèrent dedans leur cité ung des estandars des Angloys. Et lors que celle escarmousche se faisoit, entrèrent dedans la ville les vivres et artillerie que la Pucelle avoit conduicts jusques à Checy. Au devant de laquelle alla jusques à celluy village le bastart d'Orléans et autres chevaliers, escuyers et gens de guerre, tant d'Orléans comme d'autre part, moult joyeulx de la venue d'elle, qui tous luy feirent grant révérence et belle chiere, et si feist elle à eulx. Et là conclurent tous ensemble qu'elle n'entreroit dedans Orléans jusques à la nuict, pour éviter la tumulte du peuple , et que le mareschal de Rays et messire Ambroys de Loré, qui par le conmandement du roy l'avoient conduicte jusques là, s'en retourneroyent à Bloys où estoient demourez plusieurs seigneurs et gens de guerre Françoys : ce qui futfaict; car ainsi comme à huyct heures au soir, malgré tous les Angloys qui oncques n'y mirent empeschement aucun, elle y entra armée de toutes pièces , montée sur ung cheval blanc ; et faisoit porter devant elle son estandart, qui estoit pareillement blanc, ouquel avoit deux anges tenans chacun une fleur de liz en leur main; et ou panon estoit paincte comme une Annonciacion (c'est l'image de Nostre-Dame ayant devant elle ung ange luy présentant ung liz).

Elle ainsi entrant dedans Orléans , avoit à son cousté senestre le bastart d'Orléans, armé et monté moult

ET HISTORIENS DU XVe SIÈCLE. 15.'*

richement. El aprez venoyent plusieurs autres nobles el vaillans seigneurs, escuyers , cappitaines et gens de guerre, sans aucuns de la garnison, et aussy des bourgoys d'Orléans , qui luy estoyent allez au devant. D'autre part, la vindrent recevoir les autres gens de guerre, bourgoys et bourgoyses d'Orléans , portans grant nombre de torches, et faisans autel joye comme se ilz veissent Dieu descendre entre eulx , et non sans cause, car ilz avoient plusieurs ennuys , travaux et peines , et qui pis est grant doubte de non estre secouruz , et perdre tous corps et biens. Mais ilz se sentoyeut jà tous reconfortez, et comme desassiégez, par la vertu divine qu'on leur avoit dit estre en ceste simple Puceile, qu'ilz regardoient moult affectueusement, tant hommes, femmes, que petits enfans. Et y avoit moult merveilleuse presse à toucher à elle, ou au cheval sur quoy elle estoit , tellement que l'un de ceulx qui portoient les torches s approucha tant de son estandart que le feu se print au panon. Pourquoy elle frappa son cheval des espérons, et le tourna autant gentement jusques au panon, dont elle en estangnit le feu, comme se elle eust longuement suyvy les guerres: ce que les gens d'armes tindrent à grans merveilles, et les bourgois de Orléans aussi; lesquelz l'accompaignèrent au long de leur ville et cité, faisans moult grant chiere, et par très grant honneur la conduisirent tous jusques auprez de la porte Regnart , en l'ostel de Jacquet Boucher, pour lors thrésorier du duc d'Orléans, où elle fut receue à très grant joye, avecques ses deux frères, et les deux gentilzhommes et leur varlet, qui estoient venuz avecques eulx du pays de Barroys.

Le lendemain qui fut samedy , derrenier jour d'icelluy mois d'avril, saillirent La Hire, messire Florent d'IUiers et autres plusieurs chevaliers et escuyers de la garnison, avecques aucuns citoyens, et chargèrent, estandars desployez, sur l'ost des Angloys , tant qu'ilz les feirent reculer, et gangnèrent la place où ilz a voient faict le guet qu'ilz tenoient lors à la place de Sainct- Pouair, à deux traicts d'arc de la ville. Pourquoy on cria fort tout au long de la cité, à celle heure, que chacun apportastfeurrcs, pailles etfagotz, pour bouter le feu es logis des Angloys dedans leur ost; mais on n'en feit riens , obstant que les Angloys feirent terribles cris et se mirent tous en ordonnance. Et pour ce s'en retournèrent les Françoys, combien qu'avant leur retour y avoit eu très forte et longue escarmouche, durant laquelle tirèrent merveilleusement les canons , couleuvrines et bombardes, tant que plusieurs furent tuez, blecez et prins prisonniers d'un party et d'autre. La nuyt venue, envoya la Pucelle deux héraulx devers les Angloys de l'ost, et leur manda qu'ilz luy renvoyassent le hérault par lequel elle leur avoit envoyé ses lettres de Bloys. Et pareillement leur manda le bastart d'Orléans que s'ilz ne le renvoyaient, qu'il feroit mourir de maie mort tous les Angloys qui estaient prisonniers dedans Orléans, et ceulx aussi qui par aucuns seigneurs d'Angleterre y avoienl esté envoyez pour traicter de la rançon des autres. Pour quoy les chefz de l'ost renvoyèrent tous les héraulx et messagiers de la Pucelle , luy mandans par eulx qu'ilz la brusleroient et feroient ardoir, et que elle nestoit qu'une ribaulde, et comme telle s'en retournast garder les vaches. Dont elle fut fort vrée ; et à ceste occasion ,

quant vint sur le soir, elle -s'en ala au boulevert de la Belle Croix, sur le pont, et de là parla à Glacidas et autres Anglois estans es Tournclles, et leur dist qu'ils se rendissent de par Dieu, leurs vies sauves seullement. Mais Glacidas et ceulx de sa rote respondirent villainement, l'injuriant et appelant vachère, comme devant, crians moult haut qu'ilz la feroient ardoir, s'ilz la povoient tenir. De quoy elle fut aucunement yrée, et leur respondit qu ilz mentoyent; et ce dit, s'en retira dedans la cyté.

Le dimenche d'aprez, qui fut premier jour de may, celluy an mil quatre cens vingt-neuf, se partist de la ville le bastart d'Orléans, pour aller à Bloys devers le conte de Clermont, le mareschal de Saincte-Sevère , le seigneur de Rays, et plusieurs autres chevalliers , escuyers et gens de guerre. Celluy jour aussi chevaucha par la cité Jehanne la Pucelle , accompaignée de plusieurs chevaliers et escuyers , parce que ceulx d'Orléans avoient si grant voulenté de la veoir, qu'ilz rompoient presque luys de l'ostel où elle estoit logée; pour laquelle veoir avoit tant grant gent de la cité par les rues où elle passoit, que à grant peine y povoit on passer, car le peuple ne se povoit saouller de la veoir. Et moult sembloit à tous estre grant merveille comment elle se povoit tenir si gentement à cheval , comme elle faisoit. Et à la vérité aussi elle se maintenoit aussi haultement en toutes manières , comme eust sceu faire ung homme d'armes, suivant la guerre dès sa jonnesse.

Ce mesmes jour parla de rechief la Pucelle aux Angloys prez de la Croix Morin, et leur dist qu'ilz se rendissent leurs vies sauves tant seullement, et s'en re-

tournassent de par Dieu en Angleterre, ou qu'elle les feroit courrouchez ; mais ilz luy respondirent aussi villaines parolles que ilz avoient faict des Tournelles à l'aultre foiz : pour quoy elle s'en retourna dedans Orléans.

Le lundy, deuxiesme jour de raay, se partist d'Orléans la Pucelle estant à cheval , et alla sur les champs visiter les bastilles et ost des Angloys; aprez laquelle couroit le peuple à très grant foulle, prenant moult grant plaisir à la veoir et estre entour elle. Et quant eust veu et regardé à son plaisir les fortificacions des Angloys, elle s'en retourna à l'église de Saincte-Croix d'Orléans dedans la cité, où elle oyt les vespres.

Le mercredy> quatriesme jour d'icelîuy moys de may, saillit aux champs la Pucelle ayant en sa compaignie le seigneur de Villars et messire Fleurent d'Iliers, La Hire, Alain Giron , Jamet de Tilloy, et plusieurs autres escuiers et gens de guerre , estans en tout cinq cens combatans ; et s'en alla au devant du bastart d'Orléans, du mareschal de Rays , du mareschal de Saincte-Sevère, du baron de Coulonces (1), et de plusieurs autres chevaliers et escuiers, avecques autres gens de guerre habillez de guisarmes et maillez de plomb, qui amenoyent vivres , que ceulx de Bourges , Angers , Tours, Blois, envoyoient à ceulx d'Orléans, lesquelz receurent en très grant joye en leur ville, en laquelle ilz entrèrent pardevant la bastille des Angloys, qui

(1) Coulouces dans les manuscrits et les éditions. C'était un seigneur normand dont le nom était Jean de La Haye. Il était tils d'un chevalier du même nom qui périt en combattant pour la défense de Pontorson en I4?G. Lui-même fut fait chevalier à la bataille de Palai.

n'osèrent oncques saillir, mais se tenoient fort en leurs gardes.

Et ce mesmes jour aprez midy, se partirent de la cité la Pucelle et le bastart d'Orléans, menans en leurs compagnies grans nombres de nobles, et environ quinze cens combatans , et s'en allèrent assaillir la bastille Sainct-Loup, là où ilz trouvèrent très forte résistance, car les Angloys, qui l'a voient moult fortiflîce, la dépendirent très vaillamment l'espace de trois heures que l'assault dura très aspre , combien qu'en fin la prindrent les Françoys par force, et tuèrent cens et quatorze Angloys, et en retindrent et amenèrent quarante prisonniers dedans leur ville ; mais avant abatirenl , bruslèrent et desmolirent du tout celle bastille, ou très grant courroux, dommaige et desplaisir des Angloys. Partie desquelz estans à la bastille de Sainct-Pouair, saillirent à grant puissance durant ceiluy assault , voulans secourir leurs gens: dont ceulx d'Orléans furent advertiz par la cloche du befïroy, qui sonna par deux fois; par quoy le mareschal de Saincte-Sevère, le seigneur de Graville, le baron de Coulonces et plusieurs autres chevaliers et escuiers, gens de guerre et citoyens, estans en tous six cens combatans , saillirent hastivement hors d'Orléans et se mirent aux champs en très belle ordonnance et bataille contre les Angloys; lesquelz délaissèrent leur entreprinse et le secours de leurs compaignons, quant ilz veirent la manière des Françoys ainsi saillir hors et ordonnez en bataille, et s'en tournèrent dolens et courrouchez dedans leur bastille, dont ilz estoient yssus en très grant haste. Mais nonobstant leur retour, se dépendirent de plus en plus ceulx de la bastille;

combien qu'en la fin Ja prindrent les Françoys, ainsi que dit est.

Le jeudy d'après, qui fut l'Ascension Nostre Seigneur, tindrent conseil la Pucelle, le bastart d'Orléans, le mareschal (1) de Saincte-Sevère et de Ravs , le seigneur de Graville, le baron de Coulonces, le seigneur de Villars, le seigneur de Sainctes-Trailles, le seigneur deGaucourt, La Hire , le seigneur de Corraze , messire Denis de Chailly, Thibaut de Termes, Jamet de Tilloy et ung cappitaine escossois, appelé Canede, et autres cappitaines et chiefz de guerre , et aussi les bourgeois d'Orléans , pour adviser et conclure ce qui estoit de faire contre les Àngloys qui les tenoient assiégez. Pour quoy fut conclud qu'on assauldrait les Tournelles et bouleverts du bout du pont , combien que les Angloys les avoient merveilleusement fortifiées de choses deffensables, et de grant nombre de gens bienusitez en guerre. Et pour ce fut par les cappitaines commandé que chacun fust prest le lendemain au matin , et garny de toutes choses à faire assault; auquel commandement fut bien obéy, car dès le soyr fut iaict tant grant dilligence , que tout fust prest au plus matin, et nonce à la Pucelle.

Laquelle saillit hors d'Orléans, ayant en sa compaignie le bastart d'Orléans , les mareschaulx de Saincte- Sevère et de Rays , le seigneur de Graville, messire Florent d'Illiers , La Hire, et plusieurs autres chevaliers et escuiers, et environ quatre mil eombalans; et passa la rivière de Loire, entre Sainct-Loup et la Tour

il) Lisez les mareschaux.

neufve (1), et de prime face prindrent Sainct-Jehan le Blanc , que les Angloys avoyent emparé et fortiffié. Et après se retirèrent en une petite ysle, qui est au droict de Sainct Aignan (2). Et lors les Angloys des Tournelles saillirent a grant puissance, faisans grans cris, et vindrent charger sur eulx très fort et de prez. Mais la Pucelle et La Hire, à tout partie de leurs gens se joignirent ensemble et se frappèrent de tant grant forche et hardiesse contre les Angloys qu'ilz les contraingnirent reculler jusques à leurs boulevers et Tournelles. Et de plaine venue livrèrent tel assaut au boulevcrt et bastille là près fortifiiez par les Angloys , au lieu où estoit l'église des Augustins, que ilz les princlrent par force, delivrans grant nombre de Françoys là prisonniers, et tuans plusieurs Angloys qui estoient dedans, et l'a voient defïèndu moult asprement; tant que on y fist moult de beaulx faiz d'armes, d'une part et d'autre. Et le soir ensuivant fut par les Françoys mis le siège devant les Tournelles et les boulevers d'entour. Pour quoy ceuJx d'Orléans faisoyent grant dilligence de porter toute la nuyt pain, vin, et autres \ ivres, aux gens de guerre tenans le siège (3).

Le jour d'après au plus matin , qui fut samedy, sixiesme (4) jour de may, assaillirent les Françoys les Tournelles et les boulevers et taudis que les Angloys y avoient faiz pour les fortifîier. Et y eut moult mer-

I) Voyez ci-dessus , p. 98.

(2) La même dont il est question ci-dessus, p. 112.

(3) Le menu des provisions portées aux assaillants par divers fournisseurs , se trouve sur les cédules constatant les dépenses de la ville en 1429, à la bibliothèque d'Orléans.

t Lisez septiesme.

veilleux assault , durant lequel y furent faictz plusieurs beaux faiz d'armes , tant en assaillant que en defïendant, parce que Angloys y estoient grant nombre fort combatans, et garnis habondamment de toutes choses defFensables. Et aussi le monstrèrent ilz bien , car nonobstant que les Franchois les eschelassent par divers lieux moult espessement, et assaillissent de fronc au plus hault de leurs fortificacionsde telle vaillance et hardiesse, qu'il sembloit à leur hardi maintien que ilz cuidassent estre immortelz : si les reboutèrent iiz par maintes foiz et tresbuschèrent de hault en bas, tant par canons et autre traitct, comme aux haches, lances, guisarmes , maillez de plomb , et mesmes à leurs propres mains, tellement qu'ilz tuèrent que blecèrent plusieurs Françoys. Et entre les autres y fut blecée la Pucelle et frappée d'un traict entre l'espaule et la gorge, si avant qu'il passoit oultrerdont tous les assaillans furent moult dolens et courrouchez , et par espécial le bastart d'Orléans, et autres cappitaines qui vindrent devers elle, et luy dirent qu'il valloit mieulx laisser î'assault jusques au lendemain ; mais elle les reconforta par moult belles et hardies paroles , les exhortans d'entretenir leur hardiesse. Lesquelz ne la voulans croire délaissèrent I'assault, et se tirèrent arrière, voulans faire rapporter leur artillerie jusques au lendemain. Dont elle fut très dolente, et leur dist : « En nom de Dieu vous entrerez bien brief dedans , « n'ayez donbte, et n'auront les Angloys plus de force « sur vous. Pour quoy repousez vous ung peu , beuvez «■ et mengez. » Ce qu'ilz feirent , car à merveilles luy obéissoyent. Et quant ilz eurent beu , elle leur dist : « Retournez dp par Dieu h I'assault de rechief , car sans

-, nulle faulte 1rs Anglois n'auront plus Je force de eulx « dellendre , et seront prinses leurs Tournelles et leurs « boulevers. »

Et ce dit, laissa son estandart, et s'en ala sur son cheval à ung lieu destourné faire oraison à Nostre Seigneur ; et dist à ung gentilhomme estant là près : « Donnez vous garde, quant la queue de « mon estandart sera ou touchera contre le boulece vert. » Lequel luy dist ung peu aprez : « Jehanne, la « queue y touche ! » Et lors elle luy respondit : « Tout « est vostre, et y entrez! » Laquelle parolle fut toust après congneue prophécie, car quant les vaillans chiefz et gens d'armes estans demourez dedans Orléans virent que on vouloit assaillir de rechief , aucuns d'eulx saillirent hors delà cité pardessus le pont. Et parce que plusieurs arches estoyent rompues, ilz menèrent ung charpentier, et portèrent goutières et eschelles, dont ilz feirent planches. Et voyans qu'elles n'estoient assez longues pour porter sur les deux boutz d'une des arches rompues, ilz joingnirent une petite pièche de boys à l'une des plus grans goutières , et feirent tant qu'elle tint (1). Sur laquelle passa premier tout armé ung très vaillant chevalier de l'ordre de Rodes, dict de Sainct Jehan de Jhérusalem, appeléfrère Nicole de Giresme, et à son exemple pluseurs autres aussi : qu'on dit depuis

(I) L'article 57 du compte de fortere«se pour l'an 1429, conservé à la bibliothèque d'Orléans , se rapporte à la construction de ce pont volant : « Payé xl. sous pour une grosse pièce de boys prinse chez Jehan Bazin quant on gaigna les Tourelles contre les Anglois pour mectre au travers d'une des arches du pont qui fut rompu. — Baillé à Champeaux et autres charpentiers xvi sous pour aler boire le jour que les Tourelles furent gaignées. » Voyez Jollois , Histoire du Siège, p. 84.