IV. ij
le bastarl de Sainct-Pol, et moult de Picars et Bourguignons, avecques plusieurs autres chevaliers, escuiers et gens de guerre , estans en bataille ordonnées près d'ung villaige (1), et ayans au dos un grand estang. Lesquelz ce non obstant n'avoient cessé toute nuyt, et necessoient encoires d'eulx fort! (fier en grant dilligence, tantdepaulx et teudiz, comme de foussez. Pour quoy quant le roy, qui par le conseil de tous les seigneurs de son sang, là estans, et autres seigneurs, chevaliers, escuiers, cappitaines et très vaillans gens d'armes, avoit prins conclusion de combatre les Anglois et leurs alliez, s'ilz se mectoieut et estoient trouvez eu place esgalle : fut adverti par aucuns vaillans cappitaines et gens congnoissans en armes, de la manière quilz tenoient; comment ilz estoient logez en place forte d'elle mesmes ets'estoient fortifiiez et fortiffioient de foussez et de paulx : il vit bien qu'il n'y avoit nulle apparence de les povoir assaillir ne combatre , sans trop grant dommaige de ses gens. Mais ce nonobstant il feist. approucher ses batailles jusques à deux traicts d'arbaleste près des Angloys, et leur feist signifier qu'il les combatroit, s'ilz vouloient saillir de leur parc. Ce qu'ilz ne voulurent faire, combien qu'il y eut de très grans et merveilleuses escarmousches , car plusieurs vaillans François alloyent souvent tant à piet que à cheval jusques a la forti(ficacion des Angloys pour les esmouvoir à saillir; tellement que grant nombre d'eulx sailloient. par diverses foiz , qui reboutoyent les François. Lesquelz renforcez et secourus d'aucuns des leurs, renchas-
(1 l Notre-Dame de la Victoire.
F/1 IHMORlKYs PU XV- SIÈCLE. 19.r»
soyei)t les Angloys , qui pareillement confortés et aydez par autres de leurs gens saillans de nouveau , rechargoyent sur les François et les faisoient reculler, jusques à ce que nouvelles gens de leurs grans batailles se venoient joindre avecques eulx , par la force et vaillance desquelz regaignoient place contre leurs ennemys.Et ainsi passèrent celluyjour sans cesser jusques près du souleil couchant.
En celles saillies et escarmousches souvent renouvellées voultaler le seigneur de La Treraoulle; lequel estant monté sur ung courcier moult joliz et grandement habillé, et tenant sa lance ou poing, frappa son cheval des espérons, qui par cas d'aventure cheut à terre, et le tresbucha ou milieu des ennemys : par lesquelz il fut en grant danger d'estre tué ou prins; mais pour le secourir et monter se feirent grans dilligences. Par quoy se fit monter à très grant peine, car h celle heure y eut très forte escarmousche ; et tant que environ soleil couchant se joingnirent ensemble plusieurs Françoys et se vindrent très vaillamment présenter jusques auprez de la fortiffîcacion des Angloys , et là les combatirent et escarmouschèrent main à main grant espassede temps, jusques à ce que plusieurs d'eulx , tant à piet que à cheval saillirent hors de leur parc à grant puissance, et les firent tirer arrière. Contre lesquelz saillirent aussi pareillement des battailles du roy grant nombre de très vaiilans seigneurs, chevaliers, escuiers et autres gens d'armes, et se entremeslèrent entre leur gent contre les Angloys. Et à celle occasion fut lors faicte la plus grousse et la plus dangereuse escarmouche de tout le jour; et tant s'entremeslèrent de prez, que la pouldre sourdit si es-
pesse entour eu!x, que on n'eust peu cougnoistre ne discerner lesquelz estoient Françoys ou Angloys; et tellement que , combien que les deux batailles contraires fussent très près l'une de l'autre, si ne se povoient elles entreveoir. Celle dernière escarmousche dura jusques à la nuyt serrée, laquelle feist départir Ses Françoys des Angloys, desquelz tant dune part que d'autre furent celluy jour plusieurs tuez , blecez etprins prisonniers. Les Angloys se retirèrent et logèrent tous ensemble dedans leur parc et fortifficacion , comme ilz avoient faict la nuyt de devant; et les Françoys, tous assemblez, s'en alèrent aussi loger à demie lieue d'eulx , et près de Montpiloer , ainsi qu'ilz avoient faict le soir par avant. Et quant vint le lendemain au matin, les Angloys se mirent à chemin et alèrent à Paris ; et le roy et son armée s'en retournèrent vers Crespy en Valloys.
La nuyt ensuivant , se logea le roy dedans Crespy, et le lendemain s'en ala à Compiengne , là où il fut receu grandement et honnorablement par ceulx de la ville , qui s'estoient mis n'avôit guères en son obéissance : pour quoy il y mist officiers, de par luy. Par epecial en feist capitaine ung vaillant gentilhomme du pays de Picardie, appelle Guillaume deFlavy, qui estoit de bien noble maison (1).
En celle ville de Compiengne envoyèrent ceulx des citez de Beau vovs et de Senliz, etsemisrent en l'obéi s-
(I) Il avait guerroyé dans l'Argon ne les années précédentes. Ce furent les lxiurgeois de Compiègne qui le demandèrent pour capitaine, lorsque Charles TOI avait déjà pourvu La T rémouille «le cet oflice. Il fut agréé toutefois le 18 août 1429, jour même de l'entrée du roi ( Notes ms. sur Compiègne d'après les archives de Saint-Corneille, a la Bibliothèque du Roi , au Louvre ).
ET HISTORIEES DU XVe SIÈCLE. 1U7
sancedu roy; lequel se partist de Compien;;ne sur la lin du mois d'aoust cl s'en ala dedans Senlis. Et quant le due de Bethefort le sceut , il se partist de Paris à tout grant armée de gens de guerre; et doubtiul (jue le roy ne voulsist tirer à reconquesler Normandie, s'en y ala, et mist de ses gens en plusieurs places qu'il avoit en celuy pays en divers lieux, lenans le party angloys, et les garnit de vivres et artillerie ; délaissant a Paris messire Loys de Luxemhoug, évesque de Therouenne, soy disant chancelier de France pour le roy Henry, et avecques luy messire Jehan Ratelet (1), chevalier angloys, et messire Simon Morhier; lesquelz avoient en leur compaignie deux mil combatans pour la garde et defî'ence de P; iris.
D'autre part, le roy ayant ordonné officiers et cappitaines de par luy à Senlis, il s'en partit environ le derrenier jour d'icelluy raoys, et s'en vint en la ville de Sainct-Uenis, de laquelle luy fut faicte plainière obéissance. Et y fut deux jours, durant lesquelz furent faicles plusieurs courses et escarmouches par les Françoys y estans contre les Angloys de Paris; là où furent faiz plusieurs beaux faiz d'armes d'une part et d'autre.
Et le tiers jour s'en partit la Pucelle et le duc d'Alencon , le duc de Bourbon , le conte de Vendosme, le route de Laval et les mareschaulx de Saincte-Sevère et de Rays, La Hire, Poton et plusieurs autres vaillans chevaliers , cappitaines et escuiers , avec grant
I) Hathelel dans la Chronique de la Pucelle. Voyez la leçon de Jean Charlicr, ci-dessus, p. 8.S.
nombre de vaiilans gens de guérie, et s'en vindrent loger en un village dit La Chappelle, qui est ou chemin et comme au millieu de Paris et Sainct-Denis.
Et le lendemain ensuivant s'en vindrent mettre en belle ordonnance ou Marché-aux-pourceaulx, devant la porte Sainct-Honnoré, et firent assortir plusieurs canons, dont ilz firent gecter en plusieurs lieux et souvent dedans Paris. Où estoient en armes les gens de guerre y estans en garnison , et aussi le peuple , et faisoient porter plusieurs estendars de diverses couleurs, et tournoyer, aller et retourner à l'entour des murs par dedans; entre lesquelz en y avoit ung moult grantà une croix rouge. Aucuns seigneurs Françoys se voulurent approucher plus près, et par especial le seigneur de Sainct-Vallier, daulphinoys, lequel fist tant que luy et ses gens alèrent bouter le feu ou boulevert et à la barrière de celle porte de Sainct-Honnoré. Et combien qu'il y eust plusieurs Angloys pour les defïendre , toutesfoyz leur convint il retraire par celle porte , et rentrer dedans Paris; par quoy les Françoys prindrent et gaignèrent à force la barrière et le boulevert. Et parce qu'ilz se pensèrent que les Angloys sauldroient par la porte Sainct-Denis pour courir sus aux Françoys estans devant la porte Sainct-Honnoré, les ducs d'Alençon et de Bourbon s'embuschèrent derrière la montaiqne qui est auprès et contre celluy Marché des pourceaulx (et plus près ne se povoient pas mettre , pour doubte des canons, veuglaireset couleuvrines, dont tiroient ceulx de Paris sans cesser); mais ilz perdirent leur peine, car ceulx de Paris n'osèrent saillir hors la ville. Pour quoy la Pucelle voyant leur couart maintien, délibéra de les assaillir jusques au pié de leur mur.
ET HISTORIENS DU XVe SIECLE. 199
Kl de faict, se vint présenter devant eulx, pour ce faire, ayant aveeques elle plusieurs seigneurs et grant compaignie de gens d'armes et plusieurs seigneurs, enlre lesquelz esloit le mareschal de Rays, qui tous par belle ordonnance se mirent à piet et descendirent ou premier foussé.Ouquel eulx estaus,elle monta le dos dasne, duquel elle descendit jusques ou second fossé, et y mist sa lance en divers lieux, tastant et essayant quelle parfondeur il y avoit d'eaue et de boue. En quoy faisant elle fut grant espasse , et tellement qu'ung arbalestier de Paris luy perça la cuisse d'ung traict; mais ce non obstant, elle ne s'en vouloit partir, et faisoit très grant dilligence de faire apporter et gecter fagotz et bois dedans cestuy foussépour l'emplir, afin qu'elle et les gens de guerre peusseut passer jusques aux murs : qui ne serabloit pas lors estre possible, parce que l'eaue y estoit trop parfonde, et qu'elle n'avoit pas assez grant multitude de gens à ce faire , et aussi parce que la nuyt estoit prouchaine. jNou obstant laquelle, elle se tenoit tousjours sur celluy foussé, et ne s'en vouloit retourner ne retraire en aucune manière, pour prière et requeste que luy feissent plusieurs [qui] par diverses fois l'alèrent requérir de soy en partir, et luy remonstrer qu'elle devoit laisser celle entreprinse : jusques à ce que le duc d'Alençon l'envoya querre , et la feist. retraire, et toute l'armée, en icelluy village de La Villette (1), là où ilz se logèrent celle nuyt , comme ilz avoient faict le soir de devant.
Et le lendemain s'en retournèrent tous à Sainct- Denis ; en laquelle ville fut moult louée la Pucelle du
(I) Lisez La Chapelle.
bon vouloir et hardy oouraige qu'elle avoit monstre , en voulant assaillir si forte cité et tant bien garnye de gens et d'artillerie , comme estoit la ville de Paris. Et certes aucuns dirent depuis que, se les choses se feussent bien eonduictes, qu'il y avoit bien grant apparence qu'elle en fust venue à son vouloir; car plusieurs notables personnes estans lors dedans Paris , lesquelz congnoissoient le roy Charles septiesme de ce nom estre leur souverain seigneur et le vray héritier du royaume de France, et comment à grant tort et par cruelle vengence on les avoit sepparez et ostez de sa seigneurie et obéissance, et. mis en la main du roy Henry d' Angleterre paravantmort,etdeppuis continuant, soubz le roy Henry, son filz, usurpant lors grant partie du royaume: se feussent mis, comme deppuis firent, six ans après, et réduiz en l'obéissance de leur souverain seigneur, et luy eussent faict plainière ouverture de sa principal le cité de Paris. Ce que à ceste fois ne firent pour les causes dessus alléguées. Pour quoy le roy qui vit lors qu'ilz ne monstroient aucun semblant d'eulx vouloir rendre à luy, tint plusieurs conseilz dedans la ville de Sainct-Denys ; en la fin desquelz fut advisé que, veue la manière de ceulx de la ville de Paris, la grant puissance des Angloys et Bourgoignons y estans dedans, et aussi qu'il n'avoit assez d'argent, ne ne pouvoit avoir illec pour entretenir si grant armée, qu'il feroit le duc de Bourbon son lieutenant général. Ce qu'il feist, et luy ordonna demourer es villes, citez et places à luy obéissans deçà la rivière de Loire ; et pour y mettre grousses garnisons, et les garder et deffendre , luy bailla grant nombre de gens d'armes et foison d'artillerie.
ET HISTORIENS Dl XV" SIÈCLE. 201
El oultre celle ordonnance, voult el commanda que
le conte de Vendosme et l'admirai de Culaut se tins-
M'iii à Sri i net-Denis, auscjuelz il bailla aussi plusieurs gens d'armes, afin qu'ilz peussent tenir la garnison. El ce faict, se partist ledouziesme jour de septembre, et s'en ala à Laigny sur Marne, dont il se partit le lendemain, el \ ordonna cappitaine messire Ambroys de Loïc, auquel il bailla messire Jehan Foucault, avecques plusieurs gens de guerre. Et tira d'i Mec Je lendemain à Provins, et de là à Bray sur Seine, que les habitons réduirent à son obéissance. Et puis s'en ala passer pardevant Sens, qui ne luy feist aucune ouverture; mais luy convint passer à gué, ung peu au dessoubz, la rivière d'Yonne, et tirer à Courtenay, dont il ala à Chasteau-Regnartet à Montargis, et au derrain à Gien, où il a étendit aucuns jours, cuydant avoir accord avec le duc de Bourgoigne, qui luy avoit mandé par le seigneur de Chargny qu'il luy feroil avoir Paris, et qu'il y viendrait en personne (1). Et à celle occasion, luy avoit le roy envoyé sauf conduit , affin qu'il peust passer sans contredit par les places et passaiges à luy obéissans ; et ainsi fist il , combien que luy arrivé à Paris, il ne tint riens de ce qu'il avoit promis; ainçois feist alliance avec le duc de Bethefort allencontre du roy, de trop plus fort que devant ; et ce non obstant, par vertu du sauf conduit, passa seurement et franchement par tous les pays, villes et passaiges de l'obéissance du roy, et s'en retourna en ses pays de Picardye et de Flandres. Et le roy qui fut adverty au vray, passa la rivière de Loire et s'en retourna à Bourges dont il
l Cf. \c récit du héraull Berri , ci-dessus, p. 4S.
estoit party à la requesle et supplicacion de la Pucelle, iaquelle luy avoit dit par avant tout ce qui luy advint du lièvement du siège d'Orléans , et de son sainct sacre, aussi de son retour franchement, ainsi que luy avoit révélé Nostre Seigneur.
En remercyant lequel et louant de sa grâce , fais fin par son octroy divin à cestuy présent et très compendieux traictié, préintitulé du siège d'Orléans rais par les Angloys et de la venue et vaillans faits de Jehanne la Pucelle, et comment elle les en feist partir, et sy feist sacrer à Reims le roy Charles septiesme , par grâce divine et force d'armes.
ET HISTORIENS Dl XV SIÈCLE. '203
