PAYEMENT FAIT AUX DOCTEURS APPELÉS DE PARIS POUR VAQUER AU PROCÈS

4 mare 1431.

Mandat et quittance collectifs, imprimés dans les Recherche.^ historiques sur Orléans de M. Lottin (première partie, t. I, p. 255), d’après une copie de la bibliothèque d'Orléans, exécutée par le Genovéfin Barthélemi Mercier. Les originaux étaient à Saint- Martin des Champs, comme ceux des pièces n** xxxiv et xxxv.

1* — Thomas Blount, chevalier, trésorier et général gouverneur des finances du roy nostre sire ou païs et duchié de Normandie. Pierre Surreau , receveur gé-

néral des dittes finances , veu par tous les lettres du roy nostre dit seigneur auxquelles ces présentes sont attachées soubs nostre signet, nous vous mandons que, des deniers de vostre recepte , tous paiez , baillez et délivrez à maistres Jehan Beaupère, Jaques de Thouraine, Nicole Midi, Pierre Morice, Girard Fueillet, docteurs, et à Thomas de Courcelles, bachelier formé en théologie, et à chacun d’iceulx, la somme de vint sols tournois pour chacun jour qu’ilz affirmeront avoir vacqué en la matière déclairée ès dittes lettres royaulx , tout ainsi pour les causes et par la forme et manière que le roy nostre dit seigneur le veult et mande par sesdittes lettres et que contenu est en icelles. Donné à Rouen, le premier jour de mars mil cccc et trente.

Ainsi signé, Luilier, avec paraphe.

2° — Vénérables et discrettes personnes, maistres Jehan Beaupère, Jaques de Thouraine, Nicole Midi, Pierre Morice, Girard Fueillet, docteurs, et Thomas de Courcelles, bachelier formé en théologie, confessent avoir eu et receu de honnorable homme et saige Pierre Surreau, receveur général des finances du roy nostre sire, en Normandie, la somme de six vint livres tournois , en déduccion et rabat de ce qu’il leur peut et pourra estre deu à cause de certaine tauxacion à eulx faicte par le roy nostre dit seigneur; c’est assavoir de XX soulx tournois pour chascun d’iceulx maistres et bachelier, pour chascun jour qu’ilz affirmeront vacqucr ou avoir vacqué au procès ecclesiastique commencé

contre celle femme qui se fait appeler Jehanne La Pu* celle , à compter du xviii* jour de février derrenier passé, inclus, jusques à leur retour à Paris. De laquelle somme de vi“ livres tournois lesdits maistres et bachelier se tiennent pour bien paiez et contens , et en quictent le roy nostre dit seigneur, icelluy receveur et tous autres. Tesmoing le seing manuel de moy. Jehan Thiessart, notaire du roy , icy mis le iv* jour de mars, mil cccc et trente.

Ainsi signé, Thibssart, avec parc^he.

GRATIFICATION ACCORDÉE A JEAN BEAUPÊRE EN SUS DE SES JOURNÉES DE PRÉSENCE AU PROCES.

i avril 143^.

Ordonnance du roi d’Angleterre, publiée ici ponr la première fois d’après une copie moderne du portefeuille de Fontanien n* 136, è la Bibliothèque royale.

Henry, par la grâce de Dieu roy de France et d’Angleterre, à nostre amé et féal chevalier Thomas Blount, trésorier et gouverneur général de toutes nos finances de Normandie, salut et dilection. Comme puis certain temps eu çà, nostre très chière et très amée fille l’Université de Paris eust ordonné plusieurs docteurs et maistres aler au saint Consil général que l’on disoit qui se devoit tenir prochainement à Balle, et entre les autres docteurs et maistres eust ordonné nostre bien amé maistre Jehan Beaupère, docteur en la faculté de théologie, pour aler audit saint Consil; et à ceste

cause se soit abillié et monté ledit maistre Beaupère de trois chevaulx^ si comme il dit ; et il soit ainsi que pour faire et ordonner le procès de Jehanne qui se dit La Pucelle , nous avons eu et avons à faire de plusieurs docteurs et maistres qui sont de présent en cesle nostre ville de Rouen, et lesquelz nous avons fait venir en ceste dicte ville, etmesmement dudict maistre Jehan Beaupère, lequel nous avons retenu pour vacquer et entendre h faire ledict procès avecques les autres; et à ceste cause aions tauxé et ordonné à chascun de eulx vint sols tournois par jour pour aider à supporter les fraiz et despens que leur convient faire pendant le temps dudict procez : savoir vous faisons que nous, considérans les grans fraiz, mises et despens qu’il a convenu et convient faire audit maistre Jehan Beaupère a cause de sesditz chevaulx et autrement, à icelui maistre Jehan Beaupère avons tauxé et tauxons, par ces présentes, la somme de trente livres tournois, pour une fois, pour lui aider h supporter lesditz fraiz, mises et despens qu’il lui a convenu faire durant le temps qu’il a séjourné en ceste dicte ville jusques à présent, oultre et pardessus la somme de xx s. t. par jour dont dessus est faite mencion. Si, vous mandons et expressément enjoingnons que par nostre amé Pierre Surreau, receveur général de noz dictes finances de Normandie, vous, des deniers de sa recepte faites paier et bailler audit maistre Jehan Beaupère ou a son certain commandement, laditte somme de trente livres tournois oultre et pardessus lesdictz xx s. t. par jour; et par rapportant ces présentes et quictance sur ce souffisant, seulement, nous voulons ladite somme de XXX 1. t. estre allouée ès comptes dudit Pierre Surreau

et rabatue de sa recepte par noz amez et féaulx les gens de noz comptes et trésoriers à Paris; ausquelz nous mandons par ces mesmes présentes que ainsi le facent sanz aucun contredict ou difficulté ; car ainsi voulons et nous plaist estre fait. Donné en nostre ville de Rouen , soubz nostre seel ordinaire ordonné en l’absence du grant, le irjour d’avril, l’an de grâce mil cccc trente et ung et le ix* de nostre règne , après Pasques.

Par le roy, à la relacion du Grant Conseil estant par devers lui.

Signé, Calu)t, avec paraphe {V).

xu.