juin

Ordonnance royale suivie d’un mandat du trésorier à deux jours d’intervalle (ledit mandat non rapporté ici), et Quittance de la partie prenante. Ces pièces, de même provenance que les précédentes, sont également imprimées dans les Rccbercbesb istoriques .sur la ville d’Orléans, 1. c., p. 275 et 276.

I* — Henry, par la grâce de Dieu roy de France et d’Angleterre, à nostre amé et féal conseiller Thomas Blount, chevalier, trésorier et général gouverneur de nos finances en Normandie , salut et dilection. Sçavoir vous faisons que nous, considérans les grans peines, diligances et labeurs que nostre chier et bien amé maistre Guillaume Erard, docteur en théologie, a prins par plusieurs jours pour vacquer et entendre avecque autres maistres, docteurs et clercs, tant en théologie comme en droit canon, ou procès ecclésiastique de celle femme qui sefaisoit nommer Jehanne la Pucelle, nagnères condempnée comme errant en ^ nostre saincte foy catholique ; le voulant aucunement

récompenser des charges, despenses et frais qu’il lui a' convenu faire à la cause dessus dicte, à icellui, par l’adviset déliberacion dés gens de nostre Grant Conseil estant par devers nous, avons tauxé et ordonpé, tauxons et ordonnons par ces présentes, la somme de vint sols tournois pour chacun jour qu’il a vacqué, hesongné et entendu en la matière dessus dicte. Si vous mandons, commandons et enjoingnons expressément que, par nostre bien amé Pierre Surreau, receveur général de noz dictes finances de Normandie, vous faciez bailler et délivrer audict maistre Guillaume Erard la dicte somme de vint sols tournois pour chacun jour qu’il affirmera avoir vacqué, besongné et entendu en icelle matière; et par rapportant ces présentes ou vidimus d’icelles fait soubs seel royal, avec quictance d’icellui maistre Guillaumè, affirmatoiredes jours qu’il aura vacqué, besongné et entendu en ce que dict est, tout ce que paié et baillé aura esté audit maistre Guillaume Erard, sera alloué, compté et rabattu de la recepte dudit Pierre Surreau par nozamés et féaulx les gens de noz comptes à Paris, ausquels nous mandons que ainsi le fiicent sans contredit et difficulté aucune. Donné à Rouen, le vi* jour de jning, l’an de grâce mil cccc et trente ung, et de nostre règne le neufviesme.

Sur le repli : Par le roy, à la relacion de son Grant Conseil estant par devera lui. Signéy De Rivel, avec paraphe.

2® — Je, Guillaume Erard, docteur en théologie, confesse avoir éu et receu de Pierre Surreau, receveur général de Normandie, la somme de trente une livres

tournois que deue m’estoit à cause de vint sols tournois à moy tauxés par le roy nostre sire, pour chacun jour que j’ay vacqué et entendu avecque autres seigneurs, maistres, docteurs et clercs, tant en théologie comme en droit canon, ou fait et procès de celle femme qui se Êiisoit nommer Jehanne la Pucelle, naguères condempnée comme errant en la foy chrétienne; avecque lesquelx je affirme avoir vacqué et entendu on Élit et procès dessus dit, en ceste ville de Rouen, par trente ung jours commençant le vi* jour de may derrenier passé et Snant le v' jour de ce présent moys de juing, inclus, et encoresy vacqué, et ay vacqué depuis lors jusques au jour d’uy; ce paiement à moy fiiit par ledit receveur, par vertu desdittes lectres du roy nostre dit seigneur, données le vi‘ jour de ce présent moys, expédiées par monseigneur le trésorier de Normandie. De laquelle somme de trente une livres tournois je suis content et bien paié, et en quicte par ces présentes le roy nostre dit seigneur,, ledit receveur général et tous autres.Tesmoingmon seing manuel icy mis, le viii* jour de juing, l’an mil cccc et trente ung. /im^i signé f G. Erard, avec paraphe.