DU LYS, PRISONNIER DES BOURGUIGNONS

Pièce inédite du Trésor des chartes (J, l77, n® 45), aux ArcLives du royaume.

Charles, etc. Savoir faisons à tous présens et avenir, nous avoir receu l’umble supplicacion de Nicolas de

Verrecourt, jeune compaignon de guerre, natif du lieu de Verrecourt ou bailliage de Chaumont en Bas* signy , contenant que , tout son temps et mesmement depuis qu’il se congnoist , il nous a servy à l’encontre de noz adversaires, tant en la compaignie de feu Philibert de Brecy, en son vivant chevalier, que autrement, et y a employé son cor{» , son temps et ses biens. Et lui estant avec ledit feu de Brecy, advint que Pierre Dalix , chevallier, frère de Jehanne la Pucelle, auquel avions lors baillé le proufit et revenue de noz hauix passaiges en nostre dit bailliaigc de Chaumont, bailla audit feu de Brecy, par manière de gaigière, ce que povoit devoir la ville de Serqueulx (1 ) en nostre prevosté de Montigny , à cause desdiz haulx passaiges, pour certaine somme de deniers que ledit Dalix lui devoit pour prest à lui fait par icellui de Brecy, pour lui aidier à paier sa finance au bastard de Vei'gey qui le tenoit prisonnier (2); laquelle ville de Serqueulx et les habitans d’icelle furent reffusans de paier audit de Brecy ce qu’ilz lui dévoient à certain terme lors escheu; et pour ce que lesditz habitans, après plusieurs longues sommacions à eulxfaictes par ledit feu de Brecy, furent tousjours refiusans de paier ledit de Brecy, en l’an mil ccoc xxxix ou environ , commanda audit suppliant et trois ou quatre autres compaignons de gueri'e , ses serviteurs , qu’ilz alassent audit lieu de Serqueulx et qu’ilz preissent et gaigeassent lesdiz habitans de leurs biens pour sondit paiement. Lesquelz

( I ) Aujuurd*hui dans le département de la Haute-Marne , canton de Bourbonne.

(3) Il arait été fait prisonnier en même temps que sa soeur à la sortie de Gompiégne.

ET AUTRES PIÈCES DÉTACHÉES, diz suppliant et autres , en obéissant au commandement de leurdit maistre, alèrent audit lieu de Serqueulx où ilz prindrent certains chevaulx, bestail et autres biens, lescjuelz ilz enmenoient et s’en retournoient devers leurdit maistresans faire mal à personne; mais les habilans dudit Serqueulx saillirent dudit lieu armez et embastonnez , et vindrent audit suppliant et autres compaignons de guerre cryans : M A mort aux trahistres ! ilz seront penduz. « Et leur coururent sus et par espccial audit suppliant, et se mirent en tout effort de leur faire et poi ter dommaige et de les tuer. Et quant icellui suppliant vit que on les pressoit, et pourceque lesdiz iiabitans durant les guerres avoient esté contraires et porloient toute liayne audit suppliant et sesdiz compaigiions, qui toutes leurs vies avoient esté en nostre service, doublant cheoir en leur mercy, se mist en deffensc contre aucuns desdiz habitans qui fort le pressoyent ; et en soy deffendant ledit suppliant frappa d^ine lance qu’il tenoit ung nommé Jehan Landrey dudit lieu de Serqueulx, par la teste ou autre part , tellement que mort s’en ensuy en la personne dudit Landrey. Pour occasion duquel cas icellui suppliant se absenta du pays, etc.... et n’oseroit jamais retourner ne seurement demourer en nostre royaume , se noz grâce et çniséricorde ne lui estoient sur ce imparties , comme il nous a fait dire et remonstrer, etc. etc. Pour ce est il que nous, considéré ce que dit est, voulans miséricorde préférer h rigueur de justice, audit Nicolas de Verrecourt, suppliant, avons quicté, remis et pardonné, quictons rcmectons et pardonnons de grâce especial, plaine puissance et auctorité royal, par ces présentes, les faiz

et cas dessusdiz , etc. etc. Donné à Saint-Mibiel en Barrois, le xxiii' jour de may, l’an de grâce mil cccc xlv et de nostre règne le xxiii*.

Aitisi signé : Par le roy en son conseil, Delaloere. F'isa, contentor. P. Le Picart.