CONTRIBUTION DE LA VILLE DE BOURGES POUR LE SIEGE DE LA CHARITE
24 novembre 1429.
Pièce imprimée par La Tbaumassière en son Histoire de Berry, p. 161, d’après une copie que lui avait communiquée M. Gassot de Priou.
A tous ceux qui ces présente lettres verront , Guillaume Bastard, licencié en droit canon et civil, lieutenant de monseigneur le Bailly de Berry, salut. Sçavoir faisons qu’aujourdliuy, nous séant en jugement, illec assistans plusieurs des plus notables bourgeois et gens de conseil de ladicte ville, est venu par-devant nous Pierre de Beaumont, procureur desdietz bourgeois et habitans de ladicte ville de Bourges, disant que promptement et sans délay falloit envoyer por iceulx bourgeois et habitans à hautet puissant seigneur monseigneur d’ÂIbret, comte de Dreux et de Gavre, lieutenant du roy en son pays de Berry sur le faict de la guerre, et Jehanne la Pucelle, estans au siège devant la ville de La Charité sur Loire , par l’ordonnance et commandement du roy nostredit seigneur, la somme de treize cens escuz d’or couransà présent, pour entretenir leurs gens, ou aultrement conviendroit eulx et leurs dictes gens partir de devant ladicte ville et lever ledict siège, qui seroit plus grant dommaige pour ladicte ville et tout le pays de Berry, se ledict siège estoit levé pour défault de paiement de ladicte somme ; et qu’on tronveroit aucuns bourgeois parti-
CONCERNANT LA PÜCELLE. 367
culiers de ladicte ville qui presteroient icelle somme en mectant à prix ou enchère la ferme du treiziesme du vin vendu en détail en ladicte ville de Bourges pour un an commencé le onziesme du présent mois de no* vembre, etc., en nous requérant que ladicte ferme fassions crier à l’enchère, etc. Aprez lesdictes requestes à nous ainsi faictes , avons demandé l’opinion des* dictz bourgeois et gens de conseil aussi assistans , comme dessus est dit, l’ung aprez l’aultre, se pou* vions faire les choses dessusdictes , etc. Lesquieux nous ont respondu que licet et faire le pouvions pour obvier à plus grant dommaige, et y donnoient leur consentement. Pour quoy nous, oys les requeste , opinion et consens dessusdictz, aux quatre commis et esleus au gouvernement de ceste ville, avons donné congé, licence et auctorilé de par le roy, de mectre ou faire mectre sus ladicte ferme, etc. Et incontinent avons fait crier à l’enchère ladicte ferme, etc., laquelle aprez plusieurs criz est demourée à l’enchère, comme au plus offrant et dernier enchérisseur, en nostredîcte présence, à Jehan de la Loe, bourgeois de Bour* ges, aux prix et somme de deux mil livres tournois ; lequel Jehan a promis bailler et fournir incontinent lesdietz treize cens escus , etc. Et ce à tons qu’il ap* partiendra, certifiions par cesprésentes lectres, comme de faict ez jours tenuz à Bourges par nous, lieutenant dessusdict, et données sous le seel des causes dudict bailliage, le xxiiij'jour de novembre l’an hccccxxix. Signé, Ghasteaufort.
LA PRISE DE JEANNE ANNONCÉE Aü DUC DE
