INTERROGATOIRES

Faicts par nous, Achilles DE HARLAI , Cheualier, Premier Président, Nicolas POTIER, Président, Jehan COURTIN et Prosj)er RA UIN, Conseillers du Roy, nostre Sire, en sa Cour de Parlement , Commissaires de par icelle en ceste partie, à la requeste du Procureur Général du Roy, au prisonnier accusé du parricide du feu Roy.

u dix-sept may mil-six-cent-dix de relleuée au Pallais.

Le serment de luy prins et enquis de son nom, âge, qualité et demeure : A dict auoir nom François Rauaillac, natif d'An, goulesme , y demeurant, âgé de trente-xna trentedeux ans.

Enquis s'il est marié :

A dict que non.

S'il l'a été :

A dict que non.

A quoy il a employé sa ieunesse et s'est adonné :

A dict qu'il estait emploie a solliciter des procès en la Cour.

S'il a esté nourry à la pratique :

A dict que oui a Paris et a Angoulesme , et depuis quatorze ans sollicite des procès, logé aux Rats deuant le Pillier vert, rue de la Harpe, chez vn sauetier, et près les trois Chapellets, rue Callandre (l).

De quand il est en ceste ville le dernier voïage:

A dict qu'il y a enuiron trois sepmaines.

S'il a eu volonté de s'en retourner :

A dict que oui.

Jusques où il a esté :

A dict qu'il a esté par delh Estampes et vn Ecce Homo.

Qui l'a faict retourner :

A dict que c'est lavolontéde tuer le Roy.

Enquis de l'occasion :

A dict plusieurs , entre aultres pour ce qu'il n'auoit voulu (comme il en auoit le pouuoir) , réduire la religion prétendue réformée h l'Église Catholique, Apostolique et Romaine.

H) Caleiide. (Var.)

Enquis des aultres raisons :

A dict qu'il estait venu en ceste ville pour parler au Roy, l'aduertir réduire ceulx de la religionprétendue réformée a la religion catholique, et a ceste fin a esté au Louure plusieurs fois chercher Sa Maiesté, a esté chez madame d'Angoulesme chercher quelqu'vn qui le peust introduire, aussi au logis de monsieur le cardinal du Perron, auquel ne parla, mais seullement à quelqu'vn de ses aumosniers, qu'il ne cognoist de nom bien le recognoistroit, s'il le voïoit, et parla au père d'Auhigny, lésuiste, au précédent volage qui fust peu auant Noël, et parla encore au curé de Sainct Séuerin et au père Saincte Marie Magdelaine, Prouincialdes Feuillans.

Où il a parlé au Père d'Aubigny :

A dict qu'il luy en parla a l'église, rue Sainct Anthoine , à l'issue de sa messe.

En quel temps luy en parla :

A dict qu'estant parti du pais treize iours après Noël , auoit esté quatorze iours h venir en ceste ville, puis trois ou quatre iours après qu'il fust arriué, alla a la maison des lésuistes, près la porte Sainct Anthoine , où ledict d'Aubigny disait la messe , après laquelle pria l'vn des frères conuers le faire parler h iceluy d'Aubigny, ce qu'il fist, et lui donna a entendre plusieurs visions précédentes de ses méditations qu'il auoit faictes par la permission de son Père Dom François Marie Magdelaine, son Prouincial des Feuillans.

Pourquoy il a dict moti Protiincial :

A dict, c'est d'aultant qiie le dict Marie Magdelaine l'a reçeu conuers aux Fetdllans.

Enquis combien il a eu l'habit de Feuillant et pourquoy il l'a laissé :

A dict qu'il l'a eu environ six sepmaines et que on le luy a esté pour ce qu'il auoitdes méditations et visions.

Et sur ce enquis :

Dicl qu'il l'auoit depuis redemandé , mais luy auoit estérefusé h raison desdictes méditations. Sur ce a commencé à plorer, disant que Dieu lui auoit donné cest habit et son regret estoit que l'on ne luy auoit voulu rendre.

Enquis s'il cognoist le soubs - prieur et son nom :

A dict ne le cognoistre pour ne sçauoir son nom,, et n'auoir pas redemandé son habit, mais parce que Nostre Seigneur vouloit qu'il demourast au monde, dont désir oit se retirer, il eust voulu seruir comme frère lai. Et en s'exclamanl auec pleurs, a dict auoir beaucoup de desplaisir de n'estre demeuré auec les Feuillans en fauetir de Dieu.

Enquis de qu'elles visions il parla au Père d'Aubigny :

A dict qu'il luy dict qu'aïant esté prisonnier h Angoulesme , pendant qu'il y estoit retenu pour

debtes, il auoit eu des visions comme des sentimensdu feu de souffre et d'encens, et qu'estant hors de la prison, le samedi d'après Noël, aïant de nuict faict sa méditation accoustumée (1) les mains ioinctes et pieds croisés dans son lict, auoit senti sa face couuerte et sa bouche d'vne chose qu'il ne peust discerner, par ce que c' estait a l'heure de matines , c'est a dire de minuit, et, estant en cest estât , eust volonté de chanter les Cantiques de David commençant Dixit Dominus, iusques a la fin du Cantique , auec le Miserere et De Profundis tout au long; il luy sembla que les chantant il auoit a la bouche vne trompette faisant pareil son qu'vne trompette h la guerre; le lendemain matin s'estant leué et faict sa méditation a g en oui x, recolligé en Dieu a la manière accoustumée , se leua, s'assiten vne petite chaise deuant le foyer, et puis s'estant passé vn peigne par la teste, volant que le jour n'estoit encore venu , apperceut du feu en vn tison, s'acheua d'habiller, print vn morceau de sarment de vigne , lequel aïant allié auec le tison où estoit le feu, meist les deux genoulx en terre et se print a souffler, veit incontinent aux deux costez de sa face a dextre et a senestre, a la lueur du feu qui sortoit par le soufflement, des hosties semblables a celles dont l'on a accoustumé faire la com-

(i) A continué, dans les Mémoires de Condé, ce qui n'a aucun sens.

munion aux catholiques en l'Église de Dieu , et au dessoubs de sa face au droict de sa bouche voïoit par le costé vji roulleau de la mesme grandeur que celle que leue le prestre a la célébration du seruice diuin à la Messe, dont il auoit faict réuélation audict d'Aubigny, qui luy fist response qu'il ne se debuoit arrester à tout cela, craignoit qu'il eustle cerueau troublé, debuoit dire son chappellet et prier Dieu, £t s'estoit deu addresser h quelque grand pour parler au Roy.

S'il demanda audict d'Aubigny gu'aïant eu des visions qui passoient sa puissance comme mesme de tuer les Roys , il s'en falloit confesser ;

A dict que non , et ne luy dict que ce qu'il nous a respondu, sinon qu'il vouloit dire au Roy qu'il chassast ceulx de la religion prétendue réformée et les conuertist a l'Église Catholique, Apostolique et Romaine.

Enquis de la response dudict d'Aubigny : A dict qu'il luy dict qu'il debuoit oster tout cela de son esprit, prier Dieu et dire son chappellet.

S'il n'eust aultre propos auee luy et s'il ne l'a veu que ceste fois :

A dict que non.

Enquis pourquoy s'est adressé à d'Aubigny plustost qu'à vn aultre :

A dict que c'estoit parce qu'estant hors des Feuillans, il auoit eu volonté se rendre lésuisteoule

prier parler h son Prouincial, poxir le faire remettre aux Feuillans , mais ne Valant trouué la première fois, ivn des conuers dit a l'accusé que l'on ne receuoit en leur maison ceulx qui auoient esté d'aultre religion; dict que n'aiantpeu parler au Roy, retourna aux lésuistes pour la seconde fois , qu'il parla à d'Aubigny comme il nous a dict, et luy monstra vn petit Cousteau auquel il y auoit vn cœur et vne croix , luy disant que le cœur du Roy debuoit estre porté a faire la guerre aux huguenots.

Enquis qui l'auoit empesché de parler au Roy : A dict que ce fust le Grand-Préuost (1) qui luy a baillé la question du chien de son arquebuse, depuis qu'il a esté prisonnier a l'hostel de Retz.

Enquis à qui il s'estoit adressé pour parler au Roy:

A dict que c'estoit a des archers qui l'auoient renuoié et mené parler au Grand-Préuost qui lui dict que le Roy estoit malade.

Enquis quand il fut au Louure :

A dict que ce fust après Noël, et, quelques deux iours après, rencontra Sa Maiesté près Sainct Innocent en son carrosse, luy voidust parler, s'escna en ces mots: Sire, au nom de Nostre Seigneur lésus- Christ et de la Sacrée Vierge Marie , que ie parle à vous ; mais le repoussa auec vne baguette , ne le

[\) M. de Bellangreville.

voulust ouyr parler; lors l'accusé délibéra se retirer ensonpaïs, où s'en alla, et estant a Angoulesme , fust tromier frère Gilles Cheré (l), peu auparauant gardien des Cordelliers de Pans, luy confessade ses visions et méditations, luy dict qu'il voioit que nostre Seigneur vouloit réduire a la religion Catholique, Apostolique et Romaine ceulx de la religion prétendue réformée, h quoy ledict gardien lui fist response, qu'il n'en fallait point doubler. Peu de iours après le premier dimanche de Caresme, ledict accusé s'en alla h la messe au mesme monastère des Cordelliers d'Angoulesme, se reconcilia auec Dieu, se confessa avn religieux de l'ordre dont il ne scait le nom , se confessant de cest homicide volontaire.

Enquis d'interpréter ce mot de volontaire : A dict que c'estoit de venir en ceste ville en intention de tuer le Roy, ce que néantmoins Une dict pas h son confesseu,r, lequel aussi ne luy demanda pas l'interprétation de ces mots.

Sur ce enquis :

A dict que lors il auoit perdu ceste volonté, mais que retournant en ceste ville le iour de Pasques dernier, et dès lors de son parlement il reprint sa volonté.

(i) Un ms. dit aussi Chérau; les textes imprimes nomment ee frère : Ozière ou Ozère.

Enquis quand il arriua en ceste ville :

A dict qu'il vint a pied, arriua huit iours après son partement.

Enquis ce qu'il a faict depuis qu'il est en cesle ville :

A dict qto'il fust loger aux Cinq Croissans faulbourg Sainct lacques et pour estre proche du Louure, se logea aux Trois Pigeons, faulbourg Sainct Honoré , où allant passa pour loger h l'hostellcrie proche des Quinze-Vingts à costé , où y auoit trop d'hostes, fust refusé, et sur la table print vn Cousteau, non à cause du refus, mais pour lui sembler le cousteau propre à exécuter sa volonté; Iq garda quelques quinze iours ou trois sepmaines. Valant en vn sac en sa pochette, dict que s'estant désisté de sa volonté, ilprist le chemin pour s'en retourner, fust iusques a Estampes, où y allant rompit la pointe du cousteau de la longueur d'environ vn poulce a vne charrette deuant le iardin de Chanteloup et estant deuant TEcce Homo du faiilbourg d'Estampes, lui reuint la volonté d'exécuter son dessein de tuer le Roy et ne résista pas à la tentation comme il auoit faict auparauant; sur ce reuinst en ceste ville auec ceste délibération , parce qu'il ne conuertissoit pas ceulx de la religion prétendue réformée, et qu'il auoit entendu qu'il vuuloit faire la guerre au Pape, et transférer le Sainct Siège à Paris.

Enquis où il logea , et qui le flct loger en ceste ville :

A dict qu'il chercha l'occasion de tuer le Roy, a ceste fin refist la pointe au cousteau auec vne pierre et attendit que la Reine fust couronnée et retournée en ceste ville, estimant qu'il n'y auroit pas tant de confusion en la France de le tuer après le couronnement que si elle n'eust pas esté couronnée (1).

Remonstré que puis qu'il différoit espérant qu'il y auroit moins de diuision après le couronnement, il pouuoit assez iuger que le couronnement ne feroit pas cesser tant de troubles que la mort du Roy apporteroit :

A dict qu'il se submettoit à la puissance de Dieu.

Enquis où il a cherché le Roy :

A dict qu'il l'a cherché auLouure où a esté plusieurs fois depuis son dessein, faisant estât de le tuer dans le Louure, la où fust vendredy dernier, entre les deux portes , le volant sortir en son carrosse, le suiuit iusques deuant les Innocens , enuiron le lieu où il l'auoit aultrefois fortuitement rencontré, qu'Une voulust parler a luy, et volant son carrosse arresté par des charettes, Sa Maiesté

[i) On voit par cette réponse que non-seulement ce crime ctoit prémédité, mais même qu'il étoit fait avec une suite de raisonnements politiques qui ne pouvoit pas venir d'un homme d'aussi basse extraction. [Mémoires de Coudé, t. vi.)

au fond tournant le visage et panché du coste'de monsieur d'Esper non , liiy donna dans le costé vn coup ou deux de son Cousteau, passant son bras au dessus de la roue du carrosse.

Enquis ce qu'il pense auoir faict par cet acte : A dict qu'il pense auoir faict vne grande faulte, et dont il demande pardon à Dieu, à la Reine, à monsieur le Daulphin, h la Cour et à tout le monde qui en peut reçeuoir préiudice.

Luy auons représenté le Cousteau^ mis par deuers nous, tranchant des deux costez par la pointe, aïant le manche de corne de cerf :

L'a recogneu estre celuy dont il nous a parlé, duquel a frappé le Roy, qui luy fust a l'instant osté par vn gentilhomme qui estoit a cheual.

Remonstré qu'il n'a eu de subiect faire vn si meschantetdesloïal acte auquel vraisemblablement a esté poussé d'ailleurs :

A dict que personne quelconque ne l'a induict a ce faire que le commun bruit des soldats, qui disoient que si le Roy, qui ne disoit son conseil à personne, vouloit faire la guerre contre le Sainct Père , qu'ils luy assisteroient et mourraient pour cela, a laquelle raison s'est laissé persuader a la tentation qui l'a porté de tuer le Roy, parce que faisant la guerre contre le Pape, c'est la faire contre Dieu, d'auliant que le Pape est Dieu et Dieu est le Pape.

Enquis du temps qu'il ouyt tenir les propos aux soldats :

A dict que c'est depuis qu'il eust logé aux Cinq Croissans.

Remonstré que le prétexte qu'il prend est faulx et mensonger, parce qu'il nous a dict s'estre mis en chemin pour retourner en son pais, aïant perdu la volonté, et qu'estant à Estampes auoit reprins la mesme volonté, ce qui fait cognoistre faulx qu'il a reprins ceste volonté sur le discours des soldats :

A dict qu'il auoit auparauant parlé à eulx, néantmoins il auoit changé de dessein et qu'estant à Estampes, se ressouuenant de ce que les soldats luy auoient dict, il reprint la volonté.

Nous a demandé voir vn papier qu'il auoit lors

de sa prinse , où sont peintes les armes de France, à chaque costé deux lyons , l'vn tenant vne clef et l'aultre vne espée, lequel luy auons représenté ,

Et il a dict qu'il l'auoit apporté d' Angoulesm". auec ceste intention de tuer le Roy; sur ce qu'estant h la maison d'vn nommé Béliart, il dict auoir entendu que l'ambassadeur du Pape auoit de sa part dict au Roy que s'il faisoit la guerre il l'rxcommunieroit , dict que Sa Maiesté auoit faict responce que ses prédécesseurs auoient mis les Papes en leur trosne, et que s'il l' excommuniait l'en déposséderait , ce qu'aïant entendu se résolut du tout

de le tuer et a ceste fin meit de sa main au dessus de ces deux lyons :

Ne souffre pas qu'on fasse en ta présence Au nom de Dieu aulcune irréuérence.

Enquis si lors qu'il a prins le Cousteau, il auoit le manche qu'il a à présent :

A dict que non, et qu'il en auoil vn de ballaine, lequel s' estant rompu, y auoit faict mettre celuy de corne par le frère de son hoste nommé lehan Barbier (1), du mestier de tourneur, demeurant au faulbourg Sainct Jacques , ne luy parla point ce qu'il en vouloit faire ny mettre plustost de la corne qu'auUre chose.

Enquis si ce Béliart est de la Religion prétendue réformée :

A dict que non et qu'il est Catholique, touteffois tenait ces propos sxir lesquels print sa résolution.

Remontré que sur la parolle d'vn homme seul ny aultrement ne debuoit prendre vne résolution si déterminée et abominable :

A dict qu'il s'estoit résolu de tuer le Roy pour l'auoir ouy dire non seulement a cest homme, mais aussi à des soldats h Paris, entre aultres au sieur de Sainct Georges qui disait que si le Roy vouloit faire la guerre contre le Sainct Père, il luy obéirait,

(!) Barbut. {Var.)

y estant tenu et que s'il la faisait mal a propos, cela tournerait sur luy.

Lui auons représenté vn cœur de Cotton (1) : Qu'il a recogneu luy auoir esté prins, et a dict luy auoir esté baillé par monsieur Guillebaud, chanoine d'Àngoulesme , l'accusé estant malade, pour le guérir de la fiebure, disant qu'il y auoit V7i peu de bois de la vraie Croix, lequel auec le nom de lésus sacré par les Pères Capuchins auoit ceste vertu, et a ceste fin l'accusé aurait envolé Marie Moiseau son hostesse aux Capuchins ; depuis l'a tausiours porté au col.

(I) Ce Cœur de Coton fut pour lors sujet à bien des gloses peu favorables au célèbre Jésuite qui portait ce uom; mais ce bon Père s'en tira en homme habile, et l'on jugea qu'on pouvoit le croire. (Mémoires de Condé.)

Le 12 juillet, le Père Coton fit mettre en lumière sa Lettre déclamatoire de la doctrine des lésuites conforme aux décrets du concile de Trente, qu'il adressa à la Reyne régente.

Le 12 septembre parut en réponse cette célèbre satire contre les Jésuites, appelée l Anti-Coton , sans noms d'auteur ni d'imprimeur, in-8° de 74 pages, attribuée d'abord à P. du Moulin et à P. du Coignct, mais donnée assez généralement aujourd'imi à un avocat d'Orléans, nommé César de Plaix : ce qui paraît confirmer cette attribution , c'est qu'on découvrit à la bibliothèque publique d'Orléans un exemplaire qui portait écrits à la main, à la fin de l'épître dédicaloire, ces mots : César de Plaix, sieur de l'Ormoye, avocat au parlement. Malgré cette prétendue preuve, qui n'eu est pas une, selon nous, nous persistons à attribuer r Anti-Coton au célèbre et violent Pierre du Moulin, l'auteur de l'Anatomic de la Messe.

Auons faict faire ouuerture dudict cœur en sa présence, ne sy estant Irouué aulcun bois ,

A dict que ce n'est pas luy qui s'est trompé, ains celuy qui luy a baille'.

Luy auons représenté vn papier auquel en trois lieux est escrit le nom de lésus :

L'a recogneu auoir estéprins sur luy.

Luy auons représenté vn cliappelet :

Qu'il a dict auoir achepté rue Sainct lacques y a sept ott huict iours, a faict ses prières auec iceluy, l'a tousiours porté.

Enquis de ceulx qu'il a fréquentez depuis qu'il est reuenu en volonté d'exécuter son intention :

A dict qu'il ne fréquentait que des religieux de son pais qui sont aux lacobins où, il allait ouyr la Messe et Vespres.

Enquis quels propos il a eu auec eulx, et s'il leur a parlé de ses visions :

A dict que oui, leur faisant entendre ce qu'il a dict aux aultres.

Enquis de la cognoissance qu'il a d'vn nommé CoUetet et des propos qu'ils ont eus ensemble :

A dict qu'il ne le cognoist que pour auoir logé en mesme logis et couché ensemble, ne luy a parlé de son dessein.

S'il a communiqué auec d'aultres religieux : A dit que non, de ce dernier volage.

S'il a communiqué auec vn Cordelier qui est d'AngouIesme :

A dict que oui et ne luy parla point de so7i entreprinse et imaginations.

Remonstré qu'il ne dict la vérité et qu'il luy a parlé des imaginations, demandé aduis si celuy qui en a eu les doibt desclarer à son confesseur :

À dict qu'il n'en a parlé a celuy de son pais, mais bien a vn aultre qu'il troima proche du Bourg la Reine auec lequel print accès pour raccompagner et par ce qxCil n'auoit cognoissance en ceste ville le logea en son logis, portait des lettres de ses amis pour estre receu au couuent, aussi luy portait ses hardes , lequel religieux se nommoit Le Febure.

Luy a esté remonstré que pendant la lecture de l'interrogatoire , en ce qui faict mention des coups par luy donnés, il en demandoit pardon à Dieu, et que pour l'obtenir le vray moïen estoil recognoistre la vérité et que le prétexte par luy prins est si léger qu'il est fort vraysemblable qu'il a esté porté par quelqu'un qui auoit intelligence au malheureux éuènement dont nous resentons les effects:

^1 dict que depuis qu'il est prisonnier plusieurs personnes l'ont invité a faire cette recognoissance vtcsmes monsieur V Archeuesque d'Aixet plusieurs aullres, mais qu'il n'a esté poussé par personnes quelconques que par sa volonté seule, et quelque lorment que l'on luy puisse faire, n'en dira aultre

chose ; que si le torment le luy debuoit faire confesser, il en a receu assez par la question que luy a donne' vn huguenot de son authorité priuée le tenant prisonnier a l'hostel de Retz dont a les os du poulce rompus.

Remonstré qu'il a esté choisi a faire cest acte comme organe propre à faire mal , mais toute sa vie a esté meschante , a commencé en oultrageant père et mère réduicts à mendicité :

Bict qu'il ne se souuient pas et que son père et sa mère sont encore viuans qui diront tout le contraire, aiissi tout le peuple, et bien a esté accusé et condamné, mais par faulx tesmoings estant innocent.

Enquis en quel temps il a esté à Bruxelles :

A dict qu'il ne sortit iamais du roïaume et ne scait où est Bruxelles.

Lecture faicte, a persisté en ses responces et signé : Rauaillac

Sîô

u lendemain matin au Palais, ledict sieur Premier Président indisposé, par nous aultres Commissaires,

De rechef mandé et par serment ledict RauaillaCj enquis de sa qualité et de ses père et mère :

A dict qu'il est praticien et de présent instruict la ieujiesse, et son père suiuant la praticque et sa mère séparée d'auec le père.

Luy auons de rechef faict faire lecture de ses interrogatoires etresponces à iceulx.

Et y a persisté, sans vouloir adiouster ni diminuer, sinon qu'il a obmis que ce qui l'a induict a son entreprise, a esté d'aultant que le Roy n'auoit voulu que la iustice fust faicte de l'entreprise faicte par les huguenots de tuer tous les Catholiques le iour de Noël dernier, dont aulcuns ont esté prisonniers, amenez en ceste ville, sans qu'il en ait

esté faict iustice comme il a ouy dire h plusieurs personnes.

Luy auons remonstré que ce qu'il a dict est faulx, et qu'il n'a deu (quand il l'auroit ouy dire) y adiouster foy ny estre induict à entreprendre vng acte si mescliant et abominable :

A dict que c'est vne des circonstances qui la induict et aidé à la tentation.

Remonstré que c'est par l'aide, conseil et induction d'aultre :

A dict qu'il n'y a eu aultre que luy mesme.

Enquis s'il estoit auec son père et sa mère :

A dict qu'il estoit auec sa mère, non auec son père, qui veult mal à sa mère et a luy.

Enquis de quoy il s'entretenoit :

A dict qu'il auoit quatre-vingts escoliers dont il gaignoit sa vie, et de ce qu'il recebuoii faisait les volages en ceste ville.

Si son père et mère auoyent l'œil sur luy et à ses déportements :

A dict que son père s'est depuis peu séparé d'auec eulx, et y a plus de six ans qu'il ne voulloit bien a l'accusé qui na esté qu'auec sa mère seulle, laquelle a esté délaissée par les sœurs de luy respondant.

Enquis de ses moïens et commodités :

A dict que ses père et mère viuoyent d'aumosne le plus souuent, et luy accusé de ce qu'il gaignoit

de ses escaliers, aydé de ce que ses amis luy donnoient.

Enquis de ses amis :

A dict que c'estoient les père et mère des escoliers qui luy donnoient l'vii du lard, l'aultre de la chair, du bled, du vin.

Enquis pourquoy aïant ceste commodité de viure il ne s'y tenoit :

A dict qu'il a creu qu'il fallait préférer l'honneur de Dieu h toutes choses.

Reraonslré que l'honneur de Dieu n'est pas de tuer son Roy, mais acte du Diable :

A dict que c'est vue mauuaise tentation qui vient de l'homme par son péché et non pas de Dieu.

S'il a pas horreur d'vn coup si abominable et préiudiciable à toute la France :

A dict qu'il a desplaisir de V au air commis, mais puisqu'il s'est faicl (1) , que Dieu luy fera la grâce pouuoir demeurer iusques à la mort d'vne bonne foy, espérance et parfaicte charité, et qu'il espère que Dieu est plus miséricordieux et sa passion plus grande pour le sauuer que l'acte qu'il a commis pour le damner.

(1) Mais f/uisqu'il est faict pour Dieu, il lui fera la grâce. . (Procès, etc., 1640.)

Remonstré qu'il ne peust estre en la grâce de Dieu après vn acte si misérable :

A dict qu'il espère que Nostre Seigneur tout puissant fera qu'il n'en arriuera aultre inconuénient.

Remonstré qu'il ne doibt espérer la miséricorde de Dieu , s'il ne recognoist la vérité , et desclare ceulx qui l'ont poussé et persuadé à ceste meschanceté :

A dict qu'il n'y a eu aultre subiect que ce qu'il a ci-deuant desclare au procès.

A qui il a desclare sa volonté :

A dict a personne.

Remonstré que sa qualité et condition est trop basse pour auoir eu ceste volonté qu'il n'y ait esté conseillé et fortifié :

A dict qu'il n'y a eu personne.

Remonstré qu'il est d'aultant plus misérable s'il n'a suiuant le conseil et aduis de quelqu'vn entreprins un tel coup, l'interpellant de le desclarer :

Respondu que la cause pourquoy il n'a desclare ceste pernicieuse intention aux prebstres et aux hommes aïant charge d'ames, a esté pour estre du tout certain que s'il leur eust desclare l'attentat qu'il voulait commettre contre le Roy, c'estoit leur debuoir se saisir de sa personne et le rendre entre les mains de la lustice, d'aultant qu'en ce qui concerne le public les prebstres sont obligés de ré-

uéler le secret, occasion qu'il ne la oncque voulu desclarer h personne, craignant que on le feist aussitost mourir de la volonté que de l'effect qu'il a commis, dont il requiert a Dieu pardon.

Remonstré que l'Eglise commande desclarer les mauuaises pensées à son confesseur, aultrement on est en pesché mortel :

A dict qu'il recognoist cela.

Remonstré qu'il en a donc parlé :

A dict que non.

S'il en a parlé à vn Cordellier :

A dict que non.

Remonstré qu'il est menteur et qu'il s'est descouuert à vn Cordellier, luy aïant demandé si , quand on a des visions de choses estranges , comme vouloir tuer vn Roy, il s'en fault confesser :

A dict que la vérité est qu'il a faict ceste consultation, mais n'a dict qu'il le vouloit faire.

Enquis aussi à qui il a faict ceste consultation :

A dict au ieune enfant le Febure Cordellier, auquel demanda si aïant eu vne tentation comme de tuer vn Roy, s'il s'en confessait au pénitencier, il seroit tenu la réuéler : Sur ce fust ledict le Febure interrompu par d'aultres Cordellier s, ne lui en rendit de résolution qu'il aye mémoire.

Remonstré qu'il ne dict vérité et que ledict Cordellier lui feit response s'il l'en veult croire :

A dict qu'il le veult croire, dict qu'il pense bien

que s'il luy a donné résolution, c'est qu'il le faudrait réuéler, mais fust interrompu, et ne luy donna response, aussi ne luy proposa cela, comme Valant l'accusé eu l'intention , ains luy fict vne proposition généralle si vn homme l'auoit.

Remonstré qu'il n'a recogneu la vérité et qu'il luy a desclaré sa volonté :

A dict qu'il n'y a aulcune apparence et que s'estant adressé tant h séculiers que aultres, mesmes à vnescuyer de la Royne Margueritte, nommé de F errait {\), desclaré ses visions, le pliant le faire parler au, Roy, luy auoit respondu qu'il falloit voir, mais qu'iln'y auoit pas grande apparence qu'il fust vn sainct personnage et homme de bien, a quoy luy accusé réplicqua qu'il pensait eslre assez homme de bien pour parler au Roy, et peut-estre s'il eust parlé h Sa Maiesté, auroit perdu sa tentation; par après s'adressa au secrétaire de madame d'Angoulesme, qui luy dict qu'elle estoit malade, et encore chez monsieur le Cardinal Du Perron, où on luy fist la response qu'il nous a dict, qu'il eust miculx faict de se retirer en sa maison.

Remonstré que c'estoit bon conseil qu'il le debuoit suiure :

A dict qu'il est vray, mais qu'il a esté si imbécile (2) que le Diable l'a faict tomber en la tentation.

(1) De Ferrare. (Var.)

(2) Et tellement aueuglé du péché. {Procès, etc., 1610.)

Remonstré qu'il y a aultre que le Diable qui s'est seruy à le tenter :

A dict que iamais homme ne luy en a parlé.

Remonstré qu'il ne peust espérer la grâce de Dieu sans descharger sa conscience :

A dict qu'il a la crainte , mais aussi l'espérance en la grâce de Dieu.

Remonstré qu'il ne la peut espérer qu'en desclarant la vérité :

A dict que s'il auoit été induict par quelqu'un de la France ou parEstranger, et qu'il fust tant abandonné de Dieu que de vouloir mourir sans le desclarer, il ne croirait pas estre sauué ni qu'il y eust Paradis pour luy parce que abyssus abyssum, comme il a apprins des prédicateurs de Nosire Seigneur qu'vn abisme de pesché en attire vn aultre^ partant que ce serait redoubler son affence, que le Roy, spécialement , la Rayne et toute la maison de France, les Princes , la Cour, la Noblesse et tout le peuple serait porté a son occasion offencer Dieu, leur esprit demeurant en inquiétude perpétuelle , soupsonnant iniustement tantost l'vn tantost l'aultre de leurs subiects, lesquels il ne croit pas auoir esté si mal aduise:: d'auoir iamais pensé d'estre (mitres que fidèles a leur Prince.

Remonstré qu'aïant ceste croïance , il doibt daultant plustost desclarer qui l'a persuadé : A dict que iamais Estranger, François ni aultre

— Sine l'a conseillé, persuadé ni parlé, comme l'accusé de sa part n'en a parlé à personne , ne voxir droit estre si misérable que de l'auoir faict pour aultre que le subiect qu'il nous a desclaré qu'il a creu que le Roy voulait faire la guerre au Pape.

Remonstré qu'il a prins vn faulx prétexte :

A dict qu'il en a desplaisir, suppliant tout le monde qui se seroitportéàceste defjiance de l'oster et croire que tout est venu de luy accusé, n'en regarder ni de l'œil ni de l'ame personne de mauluaise volonté.

Enquis s'il a seruy :

À dict qu'il a seruy deffunct Roziers, conseiller h Angoulesme, et demeuré auec des procurev/rs décédés.

S'il a esté Page ou Lacquais ou Valet de chambre de quelque grand ou aultre :

A dict que non, sinon seruant de clerc le conseiller Roziers, le seruoit aussi de valet de chambre.

S'il aveu le couronnement ieudy dernier à Sainct- Denys, et s'il y a suiuy le Roy :

A dict que non.

S'il a esté sur le chemin de Sainct-Denys :

A dict qu'il n'y a point esté ce voïage, bien a celuy de Noël, y allant chercher l'aumosne.

S'il y a esté la dernière sepmaine :

A dict qu'il n'a passé Sainct Jean en Grèue et le pont Nostre-Dame.

S'il a eu des charactères (l) et qui luy en a baillé : A dict qu'il croiroit faire mal (2).

Lecture faicte, a persisté en ses responses et signé : Ravaillac,

Que tousiours en mon cœur lésus soit le vainqueur.

(1) Charactères, sortilèges, pactes avec l'Esprit du mal.

(2) S'il en auûit. {Procès, 1610.)

;andé P'rère Iaques d'Aubigny, prebstre du Collège des lésuistes, par nous ceiourd'buy, ouy en présence dudict Rauaillac, le serment de rechef prins, iceluy Rauaillac, l'a recogneu pour estre celuy qu'il a veu dire la messe à l'Eglise Sainct Lois rue Sainct Antoine, en leur couuent, après Noël dernier, lorsqu'il l'alla chercher, aïant entendu qu'il estoil ami de frère Marie Magdaleine, feuillant , pour le prier le faire receuoir aux feuillans et à l'issue de la messe parla à luy par le moïen d'vn frère conuers, luy desclara qu'il auoit eu de grandes visions et imaginations, que le Roy debuoit réduire ceulx de la Religion prétendue réformée, et monstra audict d'Aubigny un lopin de cousteau où il y auoit vn cœur et vne croix , croïant que le Roy debuoit conuertir ceulx de la Religion prétendue réformée à la Catholique et Romaine.

Ledict d'Àtibigny a dict que tout cela estfaulx , et n'auoir iamais veu ledict Rauaillac qu'il scache.

Ledict Rauaillac a dict : Aux enseignes que vous me donnasles vn sol que vous demandastes à vn qui estoit là.

Et d'Aubigny a dict que cela est faulx et que iamais ils ne donnent d'argent, n'en portant point.

Ledict d'Aubigny a dict que l'accusé est fort meschant et après vn si meschant acte ne deburoit accuser personne, ains se contenter de ses peschez sans estre cause de cent mil qui arriueront.

L'accusé admonesté, s'il le veut reprocher, le faire promptement :

A dict que non, le tient pour homme de bien, bon religieux et le veult croire.

Pareillement ledict d'Aubigny aduerty reprocher, et de l'ordonnance qu'il n'y seroit plus receu si présentement ne le propose :

A dict qu'il ne veult alléguer aultres reproches^ sinon que c'est vn meschant gui ment impudemment.

Lecture faicte de la déposition et response dudicl d'Aubigny en présence dudict Rauaillac, iceluy d'Aubigny l'a soustenu véritable.

Ledict Rauaillac a soustenu au contraire qu'il a communiqué audit d'Aubigny ; le fust trouuer sortant du Louure et luy dict comme il auoit des ten-

talions qui estaient telles que estant en prison faisant ses méditations par la licence de frère Marie Magdaleine , auoit senty des puanteurs de souffre et feu aux pieds et mains, qui demonstroient le Purgatoire contre l'erreur des hérétiques, auec des visions de sainctes hosties aux deux costés de sa face, aïant auparauant chanté les Cantiques de David, comme il nous respondit hier des aultres choses contenues par ses interrogatoires, a quoy le Père d'Aubigny lui fist response que luy Rauaillac se debuoit adresser h quelque grand pour en aduertir Sa Maiesté, touteffois puisqu'il ne l'auoit pas faict qu'il estoit a propos a luy Rauaillac s'arrester a prier Dieu, croïant que c'estoit plus imaginations que visions, qui procédoit d'auoir le cerueau troublé, comme sa face démonstroit , debtwit manger de bons potages , retourner en son pais, dire son chapellet et prier Dieu.

Ledict d'Aubigny a dict que ce sont toutes resueries faulses et menteries.

Auons aussi faict faire lecture des interrogatoires et rcsponses dudict Rauaillac de ce qui concerne ledict d'Aubigny luy présent , et a ledict Rauaillac persisté en ses responses et ce qu'il a dict soustenu véritable.

Ledict d'Aubigny que tout ce que ledict Rauaillac a mis en auant contre luy est faulx , comme il nous a desclaré.

Et sur ce ledict Rauaillac enquis :

A dict qu'il n'a iamais veu ledict d'Àubigny que

ces te fois.

Lecture faicte , ont persisté et signé.

\v dix-neuf dudict mois, du matin, au Palais, par nous Commissaires.

Ledict Rauaillac mandé, le serment par luy réitéré, admonesté recognoistre qui Ta induict et porté à caste meschante entreprinse :

A dict que ce qui luy reste h desclarer est vne nue intention et désir qu'il a de se releuer du pesché que commet tout le peuple a son occasion se persuadant et se laissant transporter h leur oppinion que l'accusé a esté induict a tuer le Roy par argent ou par des grands ennemis de la France ou par des Roys et Princes estrangers , désireux de s'agrandir, comme est trop plus communément le désir des Roys, des grands Potentats de la terre , sans considérer si la raison pourquoy

ils se résoluent a faire la guerre est conforme a la volonté de Dieu ou a vn désir de s'approprier de la terre d'aultruy iniustement, mais que la vérité est que, luy accusé, n'a estéinduict ni poussé à ce par aulcun qui soit au monde, et que si tant estait que cela fust vray, qu'il eust esté si abominable que d'auoir consenti a vn tel acte par argent ou en faneur des estrangers, il l'eust recogneu de prime face deuant la iustice de Dieu , deuant laquelle il respond maintenant la vérité.

Sur ce nous a dict :

Faictes deux points , mais qu'il prie la Cour, la Royne et tout le peuple de croire qu'il sent son ame deschargée de la faulte qu'ils commettent erronément de penser que aultre que luy l'aye porté h commettre l'homicide qu'il a touiours confessé, et pour ce les supplie de cesser l'opinion qu'ils ont qu'aultre que luy ait participé a cest homicide pour ce que ce pesché tombe contre luy accusé pour les auoir laissé en ceste incertitude n'y aïant personne pour iuger du faict que luy et est tout ce qu'il a confessé.

Remonslré qu'il n'est vraysemblable qu'il aye attenté à la personne sacrée du Roy, qu'il scait estre l'oinctde Dieu, sans auoir senti incomodité en sa personne ni en ses biens de commandement et ordonnance qui soit venue de luy, qu'il n'ait esté poussé d'ailleurs et aidé et moïenné pour ce qu'il

est pauure et nécessiteux, ûls d'un père et mère qui sont à l'aumosne :

A dict que la Cour a assez d'argumens suffisants par les interrogatoires et responses au procès, qu'il n'y a nulle apparence qu'il aye esté induict par argent ou suscité par gens ambitieux du sceptre de France, car si tant eust esté qu'il y eust esté porté par argent ou auUrement , il semble qu'il ne fust pas venu iusques a trois fois et trois volages exprès d'Angoulesme a Paris distant l'vn de l'aultre de cent lieues pour donner conseil au Roy ranger à l'Église Catholique, Apostolique et Romaine, ceulx de la Religion prétendue réformée, gens du tout contraires h la voulonté de Dieu et de son Église; parce que qui a voulonté de tuer aultruy par argent, dès qu'il se laisse ainsi malheurexisement corrompre par auarice pour assasiner son Prince, ne va pas l'aduertir comme il a faiet trois diuerses fois , ainsi que le sieur de la Force, Capitaine des Gardes, a recogneu depuis l'homicide commis par l'accusé, auoir esté dans le Louure et prié instamment le faire parler au Roy, luy feisf. response qu'il estoit unpapault et catholique h gros grain, luy demandant s'il cognoissoit monsieur d'Espernon, et l'accusé respondit que oui et qu'il estoit catholique a gros grain , mais que lors qu'il print l'habit au m,onastère Sainct-Bernard, l'on luy donna pour père spirituel frère François de sainct Père, et parce qu'il estoit catholique, apostolique

et romain, désirait tel viure et mourir, suppliant ledict de la Force le faire parler au Roy, d'aultant qu'il ne 'pouuoit et n'osoit desclarer la tentation que de longtemps le sollicitoita tuer le Roy, voulant la dire a Sa Maiesté afin de se désister tout h fait de ceste voulonté mauuaise.

Enquis si deslors qu'il fist ses voïages pour parler au Roy de faire la guerre à ceulx de la Religion prétendue réformée, il auoit proietté au cas que Sa Maiesté ne voulust accorder ce dont l'accusé le supplioit de faire le malheureux acte qu'il a commis :

A dictque non, et s'il l'auoit proietté s'en estoit désisté, et croïoit qu'il estoit expédient luy faire ceste remonstrance plutost que de le tuer.

Remonstré qu'il n'auoit point changé sa mauuaise intention, parce que depuis le dernier voiage qu'il a faict à Angoulesme le iour de Pasques, il n'a cherché les moïens de parler au Roy, qui démonstre assez qu'il estoit parti en ceste résolution de faire ce qu'il a faict :

A dict qu'il est vérilahle.

Enquis si le iour de Pasques et iour de son parlement, il flst la saincte Communion :

A dict que non, et qu'il l'auoit faicte le premier dimanche de Caresme, mais néantmoins qu'il feist célébrer le sainct sacrifice de la saincte Messe en l'Église Sainct-Paul d' Angoulesme , sa paroisse.

comme se recognoissant indigne d'approcher du très-sainct et très-auguste Sacrement plain de mystères des incompréhensibles vertus, parce qu'il se sentoit encore vexé de ceste tentation de tuer le Roy, en tel estât ne voulait s'approcher du précieux corps de son Dieu.

Remonstré, puis qu'il se sentoit indigne de ce mystère qu'il a dict incompréhensible qu'elle déuotion il pouuoit auoir au sainct sacrifice célébré par le prestre auquel tous chrestiens participent et reçoiuent spirituellement ce que celuy qui consacre reçoit réellement;

Sur ce est demeuré pensif, et aïant un peu pensé : A dict estre bien empesché h respondre h ceste renions trance ; puis après a dict se ressouuenir que l'affection qu'il auoit au sainct Sacrement de l'Autel luy auoit faict faire, pour ce qu'il espérait que sa mère qui alla receuair son Dieu en ce sacrifice qu'il faisait faire, il serait participant de sa Communion, la cr aïant depuis qu'il est au mande estre portée d'vne plus religieuse affection enuers son Dieu, que luy accusé^ c'est pourquoy il pria lors Dieu , et en disant les dernières paroles a ietté plusieurs pleurs et larmes.

Remonstré qu'il ne pouuoit auoir de réuérance ni de créance à la saincte Communion et sacrifice de la Messe, parce que de longtemps il estoit faict enfant du Diable, inuoquoit les démons qu'il a faict

venir deuant luy, estant logé en ceste ville, y a plus de quatre ans :

À dict que non.

Enquis s'il a cogneu un nommé Dubois de Limoges et s'ils ont logé ensemble en ceste ville, couchés en mesme cbambre :

A dict que oui, deuant le Pillier vert, rue de la Earpe, au logis où a esté l'enseigne des Ratz.

S'il veult croire ledict Dubois de ce qu'il dira: A dict qxie oui.

Si, estant couché auec ledict Dubois, il feist une coniuration inuoquant les démons et en quelle forme :

A dict que tant s'en fault, que ce que luy demandons soit véritable, qu'au contraire il n'estait couché en mesme chambre que ledict Dubois, ains en vn grenier au dessus dans lequel, estant enuiron l'heure de minuit, fust prié et requis plusieurs et diuerses fois par iceluy Dubois descendre en sa chambre criant ledict Dubois par trois fois : « Credo IN Deum, Rauaillac, mon amy, descend ça bas,» en s' exclamant : «Mon Dieu, aiez pitié de moy; » alors l'accusé voulust descendre pour voir qui le mouuoit a implorer son secours de la façon et auec telles exclamations , mais les personnes couchées où estait l'accusé ne luy voulurent permettre pour la crainte et f râleur qu'ils eurent , de sorte qu'il ne

descendit point parler audictDubois, quelongtemps après que ledict Dubois luy dict qu'en la chambre au dessoubs de l'accusé il auoit veu on chien noir d'excessiue grandeur et fort effroïable, qui s'estoit mis les deux premiers pieds sur le lict, où seul il estait couché, dont eust telle peur de ceste vision qu'elle l'auoit meu à faire telles exclamations et d'appeler l'accusé pour luy tenir compagnie en sa peur; ce que diant entendu l'accusé aurait le lendemain matin donné aduis audict Dubois que pour renuerser ces horribles visions il debuoit auoir recours a la célébration du sainct Sacrement de l'Autel, faisant dire la saincte messe, ce qu'il feist, et furent ensemble le lendemain matin au couuent des Cordelliers faire dire la saincte messe pour attirer la grâce de Dieu et le préseruer des visions de Satan, ennemi commun des hommes.

Remonstré qu'il n'y a apparence que ledict Dubois l'ait appelé d'en hault et qu'il eust ouy sa voix:

À dict que c'est chose triuialle commune que l'vne des propriétés de la voix est de monter en hault et que de peur que n'adioustions pas de foy à ses responces, ceste vérité seroit attestée par ceulx qui estoient en la chambre où il estait couché, qui l'empescherent de descendre parler audict Dubois, qui estoient l'hostesse delà maison Marie Moisneau et vne sienne cousine le Blond qui estoient en la chambre où l'accusé estait . le priant n'y alltr a cause qu'elles auoient entendu vn grand

bruict qui s'y estait faict, occasion pour laquelle il y auoit couché et quitté la chambre dudict Dubois ou auparauant couchoit.

Remonstré qu'il n'a point eu devoulonté de changer son malheureux dessein, ne voulant receuoir la Communion le iour de Pasques, parce que ce eust esté le vray moïen de la diuertir, duquel moïen n'aïant usé ains esloigné de la saincte Communion , il a continué en sa mauluaise entreprinse :

A dict que ce qui l'empescha de communier fust qu'il auoit prins ceste résolution le iour de Pasques venir tuer le Roy, ne voulant pour ceste raison communier réellement et de faict au précieux corps de Nostre Seigneur, mais auroit oï la saincte messe auant que partir, croïant que la Communion réelle que sa mère faisoit ledict iour estoit suffisante pour elle et pour luy, et aussi requist a Dieu comme il requiert maintenant et iusques a sa mort qu'il soit faict participant de toutes les saine tes Communions qui se font par les religieux et religieuses, soeurs et bons séculiers et aultres qui sont de l'Eglise Catholique, Apostolique et Romaine, communiant en la foy de nostre saincte Eglise le précieux Corps de Nostre Sautieur et Rédempteur . que la réception qu'ils en font luy soit attribuée comme croïant estre l'vn des membres auec eulx en vn seulIésus-Christ.

Remonstré que luy aïant ceste meschante intention de commettre cest acte il estoit en pesché et en danger de damnation et ne pouuoit participer à

la grâce de Dieu et Communion des fidèles curestiens tant qu'il auoit ceste mauuaise volonté , dont se debuoit départir pour estre en la grâce de Dieu comme catholique et fidel chrestien qu'il se veult faire croire :

A dict qu'il ne faict pas difficulté qu'il n'aye esté porté de son propre mouuement particulier, contraire hlavoulontéde Dieu, auteur de tout bien et vérité, et contraire au Diable, père du mensonge, mais que maintenant à la remonstrance que luy faisons il recognoist qu'il n'a peu résister a ceste tentation estant hors du pouuoir des hommes de s'empescher de mal, et qu'à présent il a desclaré la vérité entière sans rien retenir et cacher; il espéroit que Dieu tout bening et miséricordieux luy fera pardon et rémission de ses peschez, estant plus puissant pour dissouldre le pesché moïennant la confession et absolution sacerdotalle , que les hommes pour l'offenser, priant la sacrée Vierge Marie, monsieur sainct Pierre, monsieur sainctPaul, monsieur savnct François {en pleurant), monsieur saincl Bernard et toute la cour céleste de Paradis, requiert estre ses aduocats et intercesseurs enuers sa sacrée maiesté, afin qu'il impose sa croix entre la mort et iugement de son ame et l'enfer, par ainsi requiert et espère estre participant des mérites de la passion de Nostre Seigneur lésus-Christ, le siippliant bien humblement luy faire la grâce qu'il demeure associé aux mérites de tous les trésors qu'il

a infus en la puissance apostolique, lorsqu'il a dict : « Tu es Petrus , » etc.

Lecture faicte a persisté en ses responses et a signé : Ravaillac.

^v vingt et vn luay 1610.

Le Geollier a faict dire qu'il auoit ouy dire du prisonnier chose importante.

Sur ce mandé par serment :

A dict qu'hier soir sur les sept a huit heures, portant h souper au prisonnier auec l'vn de ses gens, y estant les deux archers qui le gardent, luy demanda ledict Geollier^ où il estait quand le Roy partit du Louure, luy dict le prisonnier qu'il estoit en la salle où se mettent les Laquais; et s'enquérant qui luy auoit faict faire, dict ; C'est vngrand que ie ne vous diray pas, mais h la Cour demain, et ne m'en pourray dédire,, comme ie feray recognoistre sur mon corps.

Mandé le nommé archer; prins le serment.

Adict comme ledict Geollier, et que sa mère auoit vue semblable marque par le mdien de laquelle ne

s'en pouuoit dédire, et que votant le Roy arresté, vist quelque chose qui luy dict : « Il est lemps. »

Ouy par serment le nommé aussi archer

du Préuost de l'hostel :

A dict comme le Geollier, et qu'il estoit obligé h faire le coup par vue marque que luy et sa mère auoient, et que cela venait du ciel, qu'il le diroil h la Cour. . .