AU CONTE DE BRETAIGNE

Estornel, gai et pie Font bien autel maistrie , Com leur aprenl l'usaige :

Li fait jugent l'ome , Ce dit lî vilains.

Qui moult voit et n'aprent N'a pas grant escient , AJnz contrefait le saige ; Assez sont de tel gent Qui en faire noient Usent tout lor aage :

Onbre et défaut d'orne Est tout un , Ce dit li vilains.

Qui est desvergondeE Et est bien esgardez , Meslier a d'avoutir ; Et cil qui est penez , Travailliez ou lassez, Soufraite a de dormir :

Assez dort qui riens ne fait , Ce dit li vilains.

i8a LES PROVERBES

Li povres hom mauves Ne porte que son fès , C'est chose achetivée , Et riches bers punès Quant se faut lonc-tens mès- En valt meins sa contrée :

Mauves est hom à tuer , Ce dit H vilains.

Porquoi porchace avoir Qui n'a sens ne pooir , C'un seul d'eus en mete :

Tiex en fait son voloir , Ce puet-il bien savoir , .

Qui moult poi le regrete ^ Cil a le col chargié De honte et de péchié , Ce dit li vilains.

Sovent chascun m'assaut D'avoir porquoi me faut -, Or vos dirai porquoi :

Quan prudom vient en saut , Qui son filz petit valt , Si tue siècle et soi , Qui amende et empire Selonc les oirs , Ce dit li vilains.

Qui tout puet sa besoigne Faire , quant terme aloigne Si remet en la noise ;