COMMENT IL FUT INSTITUÉ PAR PONOCRATES

soit; et cessoient ordinairement lors que suaient parmy le corps, ou estoient aultrement las. Adonc estoient très bien essuyés et frottés, changeoient de chemise, et, doucement se promenans, alloient voir si le disner estoit prest. Là attendans, recitoient clairement et éioquentement quelques sentences retenues de la leçon.

Ce pendant monsieur appétit venoit, et, pa£ bonne opportunité, s’asséyoient à table. Au commencement du repas, estoit lue quelque histoire plaisante des anciennes prouesses, jusques à ce qu’il eust prins son vin. D. Lors, si bon sembloit, on continuoit la lecture ou commenceoient à deviser joyeusement ensemble, parlans, pour les premiers moys, de la vertu, propriété, efficace et nature de tout ce que leur estoit servy à table : du pain, du vin, de l'eau, du sel, des viandes, poissons, fruietz, herbes, racines, et de l’apprest d’icelles. Ce que faisant, apprint en peu de temps tous les passages à ce competens en Pline, Athenée, Dioscorides, Julius Pollux, Galien, Porphyre, Opian, Polybe, Heliodore, Aristoteles, Elian, et aultres. Iceux propos tenus, faisoient souvent, pour plus estre asseurés, apporter les livres susdicts à table. Et si bien et entièrement retint en sa mémoire les choses dictes que, pour lors, n’ estoit médecin qui en sceust à la moitié tant comme il faisoit. Après, devisoient des leçons lues au matin, et, parachevans leur repas par quelque confection de cotoniat (1), s’escuroit les dents avec un trou (2) de lentisce, se lavoit les mains et les yeulx de belle eau fraische, et rendoient grâces à Dieu par quelques beaux cantiques faicts à la louange de la munificence et bénignité divine.

E. Ce faict,on apportoit des chartes, non pour jouer, mais pour y apprendre mille petites gentillesses et inventions nouvelles, lesquelles toutes issoient de arithmétique. En ce moyen, entra en affection d’icelle science numérale, et, tous les jours après disner et souper, y passoit temps aussi plaisantement qu’il souloit (3) en dez ou es chartes. A tant sut d’icelle et théorique et practique, si bien que

(1) Confiture de coing.

(2) Trognons.

(3) Avait coutume.

Tunstal, Anglois, qui en avoit amplement escript, confessa que vrayement, en comparaison de luy, il n’y entendoit que le hault alemant.

Et non seulement d’icelle, mais des aultres sciences mathématiques, comme géométrie, astronomie et musique. Car, attendans la concoction et digestion de son past (1), ilz faisoient mille joyeux instrumens et figures géométriques, et de mesmes pratiquoient- les canons astronomiques. Après, s’esbaudissoient à chanter musicalement à quatre et cinq parties, ou sur un theme, à plaisir de gorge. Au regard des instrumens de musique, il apprint jouer du luth, de l’espinette, de la harpe, de la flutte d’alemant et à neuf trous, de la viole et de la sacqueboutte.

Ceste heure ainsi employée, la digestion parachevée, se purgeoit des excrements naturels ; puis se remettoit à son estude principal par trois heures ou davantage : tant à répéter la lecture matutinale qu’à poursuivre le livre entreprins, que aussi à escripre, bien traire et former les antiques et romaines lettres.

F. Ce faict, issoient hors leur hostel, avec eux un jeune gentilhomme de Touraine nommé l’escuyer Gymnaste, lequel luy montroit l’art de chevalerie. Changeant donc de vestemens, montoit sur un coursier, sus un roussin, sus un genet, sus un cheval barbe, cheval legier ; et luy donnoit cent quarrieres ; le faisoit voltiger en l’air, franchir le fossé, »aulter le palais, court tourner en un cercle, tant à dextre comme à senestre. Là rompoit, non la lance, car c’est la plus grande resverie du monde de dire: <c J’ay rompu dix lances en tournoy, ou en bataille; » un charpentier le feroit bien ; mais louable gloire est d’une lance avoir rompu dix de ses ennemis. De sa lance donc assurée, verde. et roide, rompoit un huis, enfonçoit un harnois, aculoit une arbre, en cia voit un anneau, enlevoit une selle d’armes, un aubert, un gantelet. Le tout faisoit, armé de pied en cap.

Au regard de fanfarer (2) et faire les petits popismes (3)

(1) Repas.

(2) Parades.

(3) Gentillesses.