FAIS CE QUE VOUDRAS

parce que gens libérés, bien nés, bien instruicts, conversans en compaignies honnestes, ont par nature un instinct

COMMENT ÉTAIENT KEIGLÉS LES THÉLÉMITES

et aiguillon qui tous jours les pousse à faiets vertueux, et retire de vice : lequel ilz nommoient honneur. Iceux, quand par vile subjection et contraincte sont déprimés et asservis, détournent la noble affection par laquelle à vertu franchement tendoient, à déposer et enfraindre ce joug de servitude. Car nous entreprenons tous jours choses défendues, et convoitons ce que nous est dénié.

Par ceste liberté, entrèrent en louable émulation de faire tous ce qu’à un seul voyoient plaire. Si quelqu’un ou quelqu’une disoit: « Beuvons », tous beuvoient. Si disoit: « Jouons », tous jouoient. Si disoit: « Allons à l’esbat aux champs », tous y alloient. Si c’estoit pour voiler où chasser, les dames, montées sus belles haquenées, avec leur palefroy guerrier, sus le poing mignonnement engantelé portoient chascune ou un esparvier, ou un laneret, ou un esmerillon ; les hommes portoient les aultres oiseaux.

Tant noblement estoient apprins qu’il n’estoit entre eux celuy ny celle qui ne sceust lire, escrire, chanter, jouer d’instrumens harmonieux, parler de cinq à six langages, et en iceux composer, tant en carme qu’en oraison solue. Jamais ne furent vus chevaliers tant preux, tant gallans, tant dextres à pied et à cheval, plus verds, mieulx remuons, mieulx manians tous bastons, que là estoient. Jamais ne furent veues dames tant propres, tant mignonnes, moins fascheuses, plus doctes à la main, à l’aguille, à tout acte muliebre honneste et libre, que là estoient. Par ceste raison, quand le temps venu estoit que aucun d’icelle abbaye, ou à la requeste de ses parens, ou pour aultre cause, voulut issir hors, avec soy il emmenoit une des dames, celle laquelle l’auroit prins pour son dévot; et estaient ensemble mariés. Et, si bien avoient vescu à TÏÏeleme en dévotion et amitié, encore mieulx la continuoient ils en mariaige ; d’autant s’entre-aimoient ils à la fin de leurs jours, comme le premier de leurs noces.