ET LA CAUSE POURQUOY LES LIEUES SONT TANT PETITES EN FRANCE
Peu de temps après, Pantagruel ouit nouvelles que son pere Gargantua avoit esté translaté au pays des Phées par Morgue, comme fut jadis Ogier et Artus; ensemble que, le bruit de sa translation entendu, les Dipsodes estoient issuz de leurs limites, et avoient gasté un grand pays de l’Utopie, et tenoient pour lors la grande ville des Amaurotes assiégée. Dont partit de Paris sans dire à Dieu à nully, car l’affaire requeroit diligence, et vint à Rouen.
Or, en cheminant, voyant Pantagruel que les lieues de France estoient petites par trop, au regard des aultres pays, en demanda la cause et raison à Panurge, lequel luy dist une histoire que met Marotus du Lac, monachus, es gestes des roys de Canarre, disant que :
« D’ancienneté, les pays n’estoient distincts par lieues, miliaires, stades, ny parasanges, jusque® à ce que le roy Pharamond les distingua, ce qui fut faict en la maniéré que s’ensuit: car il print dedans Paris cent beaux jeunes et gallans compaignons bien délibérés, et cent belles garses picardes, et les fit bien traicter, et bien panser par huit jours, puis les appella ; et à chascun bailla sa garse, avec force argent pour les despens, leur faisant commandement qu’ils allassent en divers lieux par cy et par là. Et, à tous les passaiges qu’ils biscoteroient leurs garses, qu’ils missent une pierre, et ce seroit une lieue. Ainsi les compaignons joyeusement partirent, et, pour ce qu’ilz estoient frais et de séjour, ilz fanfreluchoient à chasque bout de
champ, et voylà pourquoy les lieues de France sont tant petites.
« Mais quand ilz eurent long chemin parfaict, et estoient ja las comme pauvres diables, et n’y avoit plus d’olif en ly caleil (1), ils ne belinoient si souvent, et se contentoient bien (j’entends quant aux hommes) de quelque meschante et paillarde fois le jour. Et voylà qui faict les lieues de Bretaigne, des Lanes (2), d’Allemaigne, et aultres pays plus esloignés, si grandes. Les aultres mettent d’ aultres raisons ; mais celle là me semble la meilleure.
A quoy consentit voluntiers Pantagruel.
Partans de Rouen, arrivèrent à Hommefleur, où se mirent sur mer Pantagruel, Panurge, Epistemon, Eusthenes, et Carpalim.
Pantagruel eut aisément raison de ses ennemis les géants. Ceci fut cause d'une singulière aventure qui arriva à Epistemon.
