PANURGE ET L’ORDRE DES FRÈRES MENDIANTS
puis leur dist : « Il resve, le pauvre beuveur. Je l’excuse toutesfois. Je croy qu’il est prés de sa fin. Allons faire son epitaphe. Par la response qu’il nous donne, je suis aussi sage que onques puis ne fourneasmes nous (I). Escoute ça, Epistemon, mon bedon. Ne l’estimes tu pas bien résolu en ses responses? Il est, par Dieu, sophiste argut, ergoté et naïf. Je gaige qu’il est marrabais (2). Ventre boeuf, comment il se donne garde de mesprendre en ses paroles ! Il ne respond que par disjonctives.
« Il ne peut ne dire vray. Car à la vérité d’icelles suffit l’une partie estre vraye. O quel patelineux ! Sainct Iago de Bressuire, en est il encores de l’eraige? (3). — Ainsi, respondit Epistemon, protestoit Tiresias, le grand vaticinateur, au commencement de toutes ses divinations, disant apertement à ceux qui de luy prenoient ad vis : Ce que je diray adviendra ou n’adviendra poinct. Et est le style des prudens pronosticqueurs. — Toutesfois, dist Panurge, Juno luy creva les deux yeulx. — Voire, respondit Epistemon, par despit de ce qu’il a voit mieux sententié qu’elle sus le doubte proposé par Jupiter.
— Mais, dist Panurge, quel diable possédé ce maistre Raminagrobis, qui, ainsi, sans propos, sans raison, sans occasion, mesdit des pauvres beats jacobins, mineurs, et minimes? J’en suis grandement scandalisé, je vous affie, et ne m’en peux taire. Il a griefvement péché. Son asne s’en va à trente mille panerées (4) de diables.
— Je ne vous entends poinct, respondit Epistemon. Et me scandalisez vous mesmes grandement, interprétant perversement des fratres mendians ce que le bon poëte disoit des bestes noires, fauves et aultres. Il ne l’entend selon mon jugement, en telle sophistique et phantasticque allégorie. Il parle absolument et proprement des pusses, punaises, cirons, mousches, culices, et aultres telles bestes : lesquelles sont unes noires, aultres fauves, aultres cen-
(1) Terme de boulangerie, c. à. d. aussi bien cuit que jamais nous en mîmes au four.
(2) Maure.
(3) Race.
(4) Pleins paniers.
drees, aultres tannées et basanées ; toutes importunes, tiranniques, et molestes, non es malades seulement, mais aussi à gens sains et vigoureux. Par adventure a-t-il des ascarides (1), lumbriques, et vernies dedans le cors. Par adventure patist il (comme est en Egypte et lieux confins de la mer Erythrée chose vulgaire et usitée) es bras ou jambes quelque poincture de draconneaulx gri volés (2), que les Arabes appellent vents meden. Vous faites mal autrement exposant ses paroles. Et faites tort au bon poëte par detraction, et es dicts fratres par imputation de tel meshaing (3). Il faut tousjours de son presme (4) interpréter toutes choses à bien.
— Apprenez moy, dist Panurge, à cognoistre mousches en laict. Il est, par la vertu Dieu, heretique. Je dis hérétique formé, heretique clavelé, heretique brulable comme une belle petite horloge. Son asne s’en va à trente mille charretées de diables. Sçavez vous où ? Cor bieu, mon amy, droit dessous la scelle persée de Proserpine, dedans le propre bassin infernal, onquel elle rend l’operation fecale de ses clysteres, au costé gauche de la grande chaudière, à trois toises prés les gryphes de Lucifer, tirant vers la chambre noire de Demiourgon. Ho le villain ! »
Panurge ne 'pouvant résoudre la question du mariage et de coquage qui y est jointe, car <c coquage est apanage de, gens marries », frère Jean des Entommeures lui donne aussi son conseil qui, lui, est basé sur Vliistoire et V expérience.
