SEIGNY JOAN LE FOL

Cet épisode détaché d'un chapitre est une véritable perle tombée de la plume de Ttabelais tant par le style que par la justesse des expressions.

« A Paris, en la roustisserie du petit Chastelet, au devant de l’ouvroir (1) d‘un roustisseur, un faquin mangeoit son pain à la fumée du rout, et le trouvoit ainsi parfumé, grandement savoureux. Le roustisseur le laissoit faire. En fin, quand tout le pain fut baufré, le roustisseur happe le faquin au collet, et vouloit qu’il lui payast la fumée de son roust. Le faquin disoit en rien n’avoir ses viandes endommagé, rien n’avoir du sien pris, et rien ne luy estre debiteur.

« La fumée dont estoit question evaporoit par dehors, ainsi comme ainsi se perdoit elle; jamais n’avoit esté ouy que, dans Paris, on eust vendu fumée de roust en rue. Le roustisseur repliquoit que, de fumée de son roust, n’estoit tenu nourrir les faquins, et renioit, en cas qu’il ne le payast, qu’il lui oteroit ses crochetz. Le faquin tire son tribart, et se mettoit en défense.

«c L’altercation fut grande; le badaut peuple de Paris

(1) Comptoir.

accourut au débat de toutes pars. Là se trouva à propos Seigny Joan le fol, citadin de Paris. L’ayant apperçu, le roustisseur demanda au faquin: « Yeux tu sus nostre diffe- « rent croire ce noble Seigny Joan ? — Ouy, par le Sambreguoy, » respondit le faquin. Adonc Seigny Joan avoir leur discord entendu, commanda au faquin qu’il luy tirast de son baudrier quelque piece d’argent. Le faquin luy mit en main un tournoys philippus. Seigny Joan le print, et le mit sus son espaule gauche, comme explorant s’il estoit de poids, puis le timpoit (1) sus la paulme de sa main gauche, comme pour entendre s’il estoit de bon alloy ; puis le posa sur la prunelle de son œil droit, comme pour voir s’il estoit bien marqué. Tout ce, fut faict en grande silence de tout le badaut peuple, en ferme attente du roustisseur, et désespoir du faquin. En fin le fit sus l’ouvroir sonner par plusieurs fois. Puis, en majesté présidentale, tenant sa marote on poing, comme si fust un sceptre, et affublant en teste son chaperon de martres singesses à oreilles de papier, fraizé à pointz d’orgues, toussant préalablement deux ou trois bonnes fois, dist à haulte voix : a La court « vous dist que le faquin, qui a son pain mangé à la fumée « du ronst, civilement a payé le roustisseur au son de son « argent. Ordonne 1a. dicte court que chascun se retire en « sa chascuniere, sans despens, et pour cause. » Ceste sentence du fol Parisien tant a semblé équitable, voire admirable, aux docteurs susdicts, qu’ils font doubte, en cas que la matière eut esté au parlement dudict lieu, ou en la Rotte à Rome, voire certes entre les Aréopagites décidée, si plus juridicquement eust esté par eux sententié.

(1) Faire sonner.