CHAPITRE LXVIII

Comment Gargantua assaillit Picrochole dedans la Roche-Clermauld, et deffeit l'armée dudict Picrochole.

ARGANTUA eut la charge totale de l'armée : son père demoura en son fort. Et leur donnant courage par de bonnes paroles, promit grands dons à ceulx qui feroient quelques prouesse. Puis gagnarent le gué de Vede, et par basteaux et ponts légèrement faicts passarent oultre d'une traicte. Puis considérant l'assiette de la ville, qu'estoit en lieu hault et advantageux, délibéra celle nuict sus ce qu'estoit de faire. Mais Gymnaste lui dist : « Seigneur, telle est la nature et complexion des François, qu'ils (153 ter) ne valent qu'à la première poincte. Lors ils sont pires que diables. Mais s'ils séjournent, ils sont moins que femmes. Jesuisd'advis qu'à l'heure présente, après que vosgents auront

(153 ter). Le caractère de notre nation n'a pas varie depuis Rabelais. Tels nous étions, tels nous sommes : invincibles si nous débutons par des succès, indus et découragés si la fortune ne sourit pas à nos premiers efforts.

quelque peu respiré et repu, faciez donner l'assaut. »

L'advîs fut trouvé bon. Adoncques produict toute son armée en plein camp, mettant les subsides du costé de la montée. Le moine print avec soi six enseignes de gents de pied, et deux cents hommes d'armes, et en grande diligence transversa les marais, et gagna au-dessus le Puy jusques au grand chemin deLoudun. Ce pendent l'assault continuoit : les gents de Picrochole ne sçavoient si le meilleur estoit sorrtir hors et les recepvoir, ou bien garder la ville sans bouger. Mais furieusement sortit avec quelque bande d'hommes d'armes de sa maison : et là fut receu et festoyé à grands coups de canon qui grcsloient devers les costeaulx, dont les Gargantuistes se retirarent au val, pour mieulx donner lieu à l'artillerie. Ceulx de la ville defl'endoient le miculx que povoient, mais les traicts passoient oultre par dessus nul férir. Aulcuns de la bande, saulvés de l'artillerie, donnarent fièrement sus nos gents, mais peu profictarent : car touts furent receus entre les ordres, et là rués par terre. Ce que voyants se vouloient retirer, mais ce pendent le moine avoit occupé le passage, parquoi se mirent en fuite sans ordre, ni maintien. Aulcuns vouloient leur donner la chasse, mais le moine les retint, craignant que suivants les fuyants, perdissent leurs rancs, et que sus ce poinct ceulx de la ville chargeassent sus eulx. Puis attendent quelque espace, et nul ne comparant à rencontre, envoya le duc Phrontiste

GARGANTUA

pour admonester Gargantua a ce qu'il advançast pour gagner le costeau à la gausche, pour empescher la retraicte de Picrochole par celle porte. Ce que feit Gargantua en toute diligence, et y envoya quatre légions de la compagnie de Sebaste : mais si tost ne purent gagner le hault, qu'il ne rencontrassent en barbe Picrochole, et ceulx qui avec lui s'estoient espars.

Lors chargearent sus roidement : toutefois grandement furent endommagés par ceulx qui étoient sus les murs, en coups de traict et artillerie, duoi voyant Gargantua, en grande puissance alla les secourir, et commença son artillerie à heurter sus ce quartier de muraille : tant que toute la force de la ville y fut évoquée. Le moine, voyant cellui costé lequel il tenoit assiégé dénué de gents et gardes, magnanimement tira vers le fort: et tant feit qu'il monta sus lui, et aulcuns de ses gents, pensant que plus de crainte et de frayeur donnent ceulx surviennent à un conflict, que ceulx qui qui lors à leur force combattent. Toutefois ne feit onques effroi jusques à ce que touts les siens eussent gagné la muraille, excepté les deux cents hommes qu'il laissa hors pour les hasards.

Puis s'écria horriblement, et les siens ensemble : et sansrésistence tuarent les gardes d'icelle porte, et l'ouvrirent és hommes d'armes, et en toute fièreté coururent ensemble vers la porte de l'orient, où estoit le désarroi. Et par derrière renversarent toute leur force.

Voyants les assiégés de touts costés les Car-