PRÉFACE DE LA. DIALECTIQUE
ces principes, j'ay pris peine premièrement d'cslire de tant de livres, voire beaucoup plus de rechercher par moy-mesme tclz préceptes et reigles que la matière de l'art requiert : et puis après avoir faict ceste recherche et eslite, j'ay tasché à disposer toute celte matière en manière et façon, qui nous est montrée par la méthode artificielle.
Ceste voye est universelle, et le fondement souverain de tout ce jugement. La deuziesme voye est beaucoup plus difficile : car expérimenter par usage, observer par lecture des poètes, orateurs, philosophes, et bref de tous excellentz hommes, et non-seullement approuver par leurs tesmoignages et exemples ce qui est convenable, mais réfuter le contraire contre l'opinion si long temps publiquement receûe, oultre ce que je confesse estre chose laborieuse, hélas (mon Mécène) c'est mettre les ventz orageux sur la mer : c'est courroucer les petits-filz de ces philosophes, et les irriter à demander vengeance de leurs grands-pères. Ainsi en ceste commotion ay-je esté persécuté en manière fort estrange, par personnages non-seullement grands d'authorité et dignité, mais aussi excellentz en sçavoir et doctrine : et principalement ay-je esté par eulx blasmé d'inconstance, et (comme il semble) à bonne et juste cause : car certes combien d'années battons-nous ceste mesme et mesme enclume ? Combien de fois admonesté par l'usage, corrigeons-nous non seullement les escripts des autres, mais aussi plusieurs passages des nostres? Combien de fois à ceste parfaicte espèce de principes, requérons-nous exemple d'œuvre plus absolut? Et voicy soubdainement, quand je retourne des escholes grecques et latines, et désire à l'exemple et imitation des bons escholiers rendre ma leçon à la patrie, en laquelle j'ay esté engendré et eslevé, et lui déchirer en sa langue et intelligence vulgaire le fruict de mon estude, j'apperçoy plusieurs choses répugnantes à ces principes, lesquelles je n'avoye peuappercevoir en l'eschole par tant de disputes : et pour ce, je couppe et oste une grande partie de ce que j'avoys amassé paravant. Finablement je ne désiste pas moy-mesme corriger le tout, et émonder non-seullement jusques au neufiesme an (comme Horace enseigne justement) mais presque jusques au vingtiesme : et si ne cesse, en proposant publiquement mes pourtraitz et dessains (comme Apelle admoneste encore plus justement) d'apprendre, voire surprendre le jugement des doctes et indoctes, des amys et ennemys, en considérant et observant soigneusement ce qu'ils y loûoyent ou reprenoyent. Et jà soit que paravanture je satisface de soin g et assiduité à tous autres, néantmoins me voyant en plusieurs lieux esgaré
ÉCRITS DE RÀMUS
de mon but, je m'accuse moy-mesme de lascheté et paresse comme ayant consumé si long temps laschement et paresseusement : ainsi donques esmeu de reste vergogne, je m'employe de plus en plus, et employé voiles etventz partout moyen de labeur et diligence, désirant la perfection de l'œuvre pour lequel achever nous voyons tant de manœuvres, voire tant d'excellentz architectes et maistres d'œuvre avoir esté occupez : ce qu'appellent en moy ces grandz personnages légèreté et inconstance merveilleuse. Mais certes ceste inconstance est pour grande constance loûée et célébrée non-seullement par Horace et Apelle, ains par les philosophes, et singulièrement par Aristote, qui nous enseigne que le philosophe doibt pour la vérité, reprendre non-seullement tous les autres, mais aussi soy-mesme. Voire qui plus est, reste constance accusée d'inconstance est ordonnée de Dieu et de nature, comme une montée difficile et glissante, par les marches de laquelle nous est dressé et limité un seul chemin à la cognoissance de science et doctrine. Et partant non-seullement je me console contre telle répréhension, mais j'espère par ceste philosophique persévérance rapporter nouvelle victoire, sans respondre à injure aucune, ains endurant toutes choses adverses.
Ayons donc esté déjecté au jugement aristolétique par tous ventz et tempestes ça et là : nous soit néantmoins permis oublier ce temps : nous soit permis voire en ceste partie tellement faillir, que nous pensions estre tombez en reste question, comme en quelque contention pour nous esveiller et exercer. Et jà plustost considérons de vostre singulière clémence , par laquelle nous avons esté remis en nostre première liberté : mais surtout de vostre souveraine libéralité, [par laquelle] nous avons aussi obtenu dignité de profession royalle très souhaitée et très désirée à la vie laborieuse , à laquelle je me suis addonné. Et afin que la joye et congratulation de vostre bienfaict soit entièrement du profond du cœur exprimée, empruntons d'Horace non-seullement le vers harpé, mais aussi la harpe :
Mécène , descendu de l'estoc ancien
Dee roy*, 6 le confort et le doulx honneur mienl (Rousaid.)
Persistez à jouir de ceste vertu : exciter les affligez , consoler les misérables, délivrer de péril les oppressez, donner aux suppliants la main non-seullement glorieuse et puissante, mais humaine et salutaire, estre prince débonnaire, bienfaire à ses subjectz, estre aymé, révéré, c'est chose vrayement glorieuse : mais qui mieulx aiment estre
II4BAHGUB DE 1557.
redoutez que caressez, ceux-là ignorent du tout le yray chemin de gloire. Vos louanges sont excellentes en toutes pars : splendeur de voslre très noble race, issue premièrement du grand empereur Charlemagne, puis en soy reluisante des couronnes d'Austrasie, A,rragon, Sicile et Jérusalem i dons de nature et- d'esprit du tout admirables j maintes disciplines divines et humaines acquises par grandes estudes ; tellement que vous estes pour si grande excellence à bon droict la premier Par (pair) de France, et obtenez au gouvernement de ce grçnd royaume lieu au roy prochain, tant es affaires de police humaine, comme en Testât de la religion , pour l'union et conservation de laquelle vous avez révoqué l'exemple du vray pasteur, jà long temus aboly en qualité et habit de telle personne, en visitant et recognois* sant vostre troupeau, en le repaissant de la uasture évangélique, en luy explicant, avec grande joye et admiration de ceux qui vous oyent f la saincte loy de Dieu. Néanmoins ces louanges de noblesse, nature, doctrine, prééminence d'honneur, éloquence en preschant et qrant, jà-soit qu'elles soyent grandes et admirables en vous, si sont-elles humaines et sont bornées du bruict et renommée des hommes : et jà plustost sont ornemens qu'argumens de parfaite vertu. Mais par les degrez de clémence, libéralité, charité, véritablement l'homme me semble monter au ciel. Partant, Mécène, je priray pieu tout-puissant, autheur et distributeur de tous biens, qu'il vous augmente de jour en jour ceste céleste et divine vertu : et vous présenteray en ce tableau la dialectique, telle que j'ay peu jusques icy tellement quellement alligner et esbocher, et concluray par les vers de ce mesme poêle le veu de ma délivrance :
CetlB muraille sainctr Par une table paincte Dénote qu'en et lieu J'ai coneacré mouillée ' Ma robe deepouillée
De la mer au grand Dieu. (Rokiabd.
