PRÉFACE DE LA DIALECTIQUE
mez dialecticiens. Antisthène, et de luy issue la secte cynicienne et conséqueinment la stoïcienne , ont merveilleusement icy travaillé , et en ont laissé grand nombre de livres.
Platon, l'Homère des philosophes, jà-soit qu'il n'ayt escript expressément la dialectique en escrivant les dialogues de Socrate, si est-ce toutesfois qu'il a marqué les parties d'icelle si parfaitement en maints cndroiclz, qu'il a bien donné à entendre qu'il estoit facilement le prince de ceste louange. Les académiciens et péripatéticiens sont issuz de Platon. Entre les académiciens, Speusippe a escript le premier plusieurs livres de dialectique ; Xénocrate le deuziesme en a faict un merveilleux nombre; Polémon, Crate, Crantor, l'ont plus exercé que descript, comme aussi Arcésilas, Dion, Lacyde, Carnéade, Clitomaque, Philon, maistre de Cicéron.
La secte péripatéticienne a mis grand' estude en ceste discipline, et principallement Aristote, premier autheur d'icelle, a composé pour le moins six vingt dix livres de dialectique, esquelz a compris la dialectique des anciens : et par liberté propre à tous grands philosophes, a disputé fort et ferme contre leurs opinions : voire, qui plu8 est, par magnificence du tout hardie et admirable, presque se despite qu'autres autheurs et docteurs de si noble philosophie l'ayent précédé : et esmeu de ce despit, appelle les anciens tantost agrestes et ignorans de dialectique, comme au premier de la Philosophie, tantost dict haultement et se vante qu'il est le premier autheur d'icelle, et que devant soy n'en avoit esté enseigné par les anciens non pas cecy ou cela, mais du tout rien, comme en la péroraison de son Organe. Et n'a disputé de l'art seullement avec grand labeur et courage, mais avec bruiet de son nom l'a exercé ensembléement avec la rhétorique : et par cest exercice s'est acquis le fleuve d'or célébré par Cicéron : et a façonné plusieurs disciples, excellentz en l'une et l'autre discipline : entre lesquelz Théophraste le principal, a surmonté le maistre en multitude de livres, et l'a repris autant franchement qu' Aristote avoit repris les anciens. Straton, Lycon, Phalérée n'ont esté en ceste eschole pareilz à leurs ancestres. Quatre cens ans ou environ depuis, la dialectique a esté en chacune secte propre de quelque partie : les épicuriens avoyent leur canonique; l'académie ancienne suyvoit la tradition de Speusippe et de Xénocrate; chacun des péripatéticiens s'en faisoyt à son plaisir : car les livres d'Aristote et de Théophraste ne furent publiez plus de deux cens ans après leur décès, et depuis la publication d'ieeulx, Aristote a esté en tombe, et négligé avec les
ÉCRITS DE RA.MUS
autres presque aussi longtemps. Galien deux cens ans après ceste publication, s'est glorifié d'avoir cogneu la dialectique de toutes sectes, et avoir escript en loulcs [parties] de dialectique plus de deux cens livres, non point s'estant asservy à une certaine secte, mais (qui est la vertu du philosophe) exposant librement de chacune ce que luy en sembloit.
Galien a esté le dernier en ceste philosophique eschole de dialectique, et en a fermé la porte, qui ne fut oriques depuis ouverte : car Àdraste, Aspase, Aphrodisée et presque tous autres péripatéticiens ont délaissé le vray amour de sapiencc, et se sont addonnez servilement à l'amour d'un Aristote, non pas en examinant et exerçant ses préceptes, comme luy-mesme avoit examiné et exercé les préceptes des anciens philosophes, mais en les défendant religieusement, et les interprétant ainsi comme quelqu'un pourroit interpréter les opinions d'autruy, desquelles n'auroit jamais expérimenté ny la vérité ny l'utilité.; et estantz maistres des escholes publiques et mesprisantz les livres de tous autres philosophes, l'ont mis en possession de si grande authorité, qu'en tin linalle quelquefois, par la bonté cl religion de telz professeurs, s'est trouvé Aristote seul héritier de tous les anciens philosophes, mais voire a esté réputé (ce qu'il désiroit si ardamment) estre seul inventeur et perfecteur de ceste doctrine.
Or jusques icy soit dict des autheurs de dialectique, desquelz sera parlé plus amplement au premier des Animadversions. Disons maintenant quelle voye nous reste pour espérer le pris, auquel tant de philosophes par si grandz travaulx ne seroyent parvenuz. Certes la voye mesme nous est proposée, par laquelle ils debvoyent tous cheminer et marcher, partie de principes, qui est la raison universelle, partie d'expérience, qui est l'induction particulière. Nous avons encore des anciens Platon, et des livres des autres pour le moins restent les tiltres en Laërce : et parmy les livres d'Aristote, c'est-à-dire parmy les livres des anciens amassez par Aristote, se trouvent trentecinq livres parlantz des argumentz, et de la disposition et jugement d'iceulx, qui est la vraye dialectique : comme sont dix-sept livres en l'Organe de logique, sans Porphyre, quatre en Rhétorique, quatorze en la Philosophie , et plusieurs passages çà et là espanduz : esquelz livres et passages sont, oullre les autres anciennes instructions, d'avantage les principes de la matière et forme d'un art, telz que nous dirons au deuziesme livre. Et partant, ayant devant les yeux non poinct l'opinion ou l'aulhorité d'aucun philosophe, ains seullement
