A LA ROYNE, MÈRE DU ROT
Madame , si quelqu'un estime que grammaire soit une chose puérile et abjecte, et pourtant que ce soit ung présent indigne d'est re présenté à une Roync si grande, et tant occupée en si grandes affaires, je me deflfendray de vostre authorité, que c'est par vostre suasion que le Roy m'a commandé de poursuivre le cours des artz libéraux, non-seulement en latin pour les doctes de toute nation, mais en françoys pour la France, où il y a une inûnité de bons esprits capables de toutes sciences et disciplines, qui toutesfois en sont priiez pour la difficulté des langues. Et à la vérité , il nous est aujourd'huy plus difficile d'apprendre une langue grecque ou latine, qu'il ne feut oncques ny à Platon ny à Aristote d'apprendre toute la philosophie. Parquoy je diray hardiment en parlant de la gloire de vos Majcstcz,
ÉCRITS DE RAMUS
que tel commandement n'est point moins digne d'ung bien grand monarque , que d'amplifier sa monarchie de grandes conquestes et dominations. Car la grammaire est non-seulement la première entre les artz libéraux, mais elle est la mère nourrice de tous, qui les nourrit comme au berceau et leur apprend à parler cl dcclairer ce qu'ils sçavent : et sans elle seroyenl muets et inutiles : et à ceste cause a esté magnitiée non -seulement par les anciens philosophes, ains par les grans princes. A ce propos j'allégueray... (suivent de nombreux exemples, depuis Varron jusqu'à Charleuiagne)... Et de grâce , qu'a faict le grand Roy Françoys, quand il a excité la science et l'usaige de toute langue, hébraioque, graicque, latine , voire quand il a esté luy-mesrae si studieux de sa langue, qu'il n'y avoit homme en 'ce royaulrae mieulx entendu et nûeulx exercé en la propriété et pureté du langaige françoys? <■
Parquoy (Madame) Die» vous augmente de jour en jour ces généreux mouvements d'esprit, et conseillez au Roy de donner à ses subjects telle charge et commandement; et soyez cause que soubs
sa conduicte le monde tremble une aultre fois : mais surtout
faictes que les premiers fleurons de la couronne de France soyent de toutes sciences nobles et louables; et persuadez -iuy tousjours de plus en plus que les roys sont comme dieux en terre, mats que ces dieux sont bonnorés et adorez en tant qu'ils sont roys , non -seulement de grandes puissances et seigneuries temporelles, mais beaucoup plus quand ils sont roys des vertus , roys des artz et sciences. L'empire d'Alexandre-le- Grand fut incontinent brisé et aboly après sa mort, et passa soudain' comme ung esclair, mais la philosophie des choses naturelles assemblée par Àristote d'une infinité de nations selon le commandement d'Alexandre, vivra tant que le monde sera monde : et sera célébrée une telle libéralité de roy, qui donna, oultre les aultres fort grandes despences, à ung seul Aristote pour ce faict quatre cens cinquante mille escus. Et à vray dire , ce grand Roy ne se pouvoit bastir ung trophée plus royal , ny plus magnifique, ny de plus longue durée que cestuy-là. Parquoy (Madame) pensez que Dieu vous a donné et l'esprit et le moyen de façonner aux Françoys ung aultre Alexandre, en luy bastissant ung royaulme de toutes disciplines. Vous l'avez dressé jusques icy, et dresserez (à l'ayde de Dieu) plus songneusement que jamais, vous proposant bien faire d'un Charles de Valloys, ce que feit Madame Loyse de Savoie Régente en France de son Françoy* de Valloys.
