XIX. — Paris, après le 15 octobre

Proposition faite devant le roi et le duc de Bourgogne au nom du Parlement, des prévôts de Paris et de l'Université sur les ravages des gens de guerre et la détresse de la ville de Paris,

Indiq. : Arch. nat., XiM480.

Cette proposition ne nous est connue que par la note suivante du greffier Clément de Fauquembergue :

Ce jour, après disner et lendemain au matin, furent assemblez céans en la Chambre de Parlement maistre Philippe de Morvillier, maistre Jehan de Longueil, président, le prevost de Paris, le recteur de l'Université, Je prevost des marchans et pluseurs autres de la Court de céans, de l'Université, de l'egUse de Paris, eschevins, bourgois et habitans de la ville de Paris, pour adviser manières de fournir de vivres la dicte ville et pour remédier et pourveoir aux empeschemens que faisoient au contraire les gens d'armes qui se disoient estre au roy, au duc de Bourgongne et autres, et fmablement après certains advis par eulz prins, esleurent et députèrent maistre Jehan Courtecuisse, docteur en théologie et aumosnier du roy, à proposer devant le roy, le dit duc de Bourgongne et leur conseil- de par touz les estas de Paris et leur remonstrer Testât de la dicte ville et requérir que provision hastive soit mises à ce que les dictes gens d'armes cessent d'empescher à amener les vivres et neccessitez de la dicte ville^ mais qui aident à les conduire et faire venir à Paris, en gardant d'oppressions et violences les marchans qui s'entremettent ou entremettront d'avitailler et garnir la dicte ville de busche et autres neccessités, et que le roy octroie, s'il est besoing, que Pen vende de ses bois Laye, Bondis et autres plus largement que l'en ne faisoit. Et combien que le peuple de Paris fust grandement diminué, tant par le fait de ses guerres comme de l'epidemie, neantmoins estoient les vivres en grant chierté à Paris et vendoit on busche, biefs et avoines à plus haut pris qu'on avoit fait longtemps par avant.

Cf. Félibien, Histoire de la ville de Paris, t. IV, p. 572. — Denifle et Châtelain, Chartularium Universitatis Parisiensis, t. III, p. 351, n« 2114. ^Journal d'un bourgeois de Paris, éd. Tuetey, p. 148, note. — Journal de Clément de Fauquembergue, éd. Tuetey, t. I, p. 183.