Le texte de ces lettres n’est pas dans le registre

Don de 100 francs a Oüdard Boschot

POUR SA COLLABORATION A l’iNVENTAIRE DE LA LIBRAIRIE.

(10 juin 1411.)

Charles, par la grâce de Dieu roy de France, à noz amez et feaulx les generaulx conseillers sur le fait des aides ordonnez pour la guerre, salut et dilection. Savoir vous faisons que, pour et en recompensacion de la paine et travail que nostre amé Oudart Boschot, prestre, escolier estudiant à Paris en la Faculté des decrez, a eu à faire l’inventoire de nostre librairie au Louvre, où il a vacqué depuis le mois de janvier mil quatre cens et dix jusques à la fin du mois de may dernièrement passé, et pour certaines autres causes à ce nous mouvans, nous lui avons donné et ottroyé, donnons et ottroyons, de grâce especial, par ces présentes, la somme de cent francs, à les avoir et prandre pour une foiz des deniers des diz aides. Si vous mandons que par Alexandre Le Boursier, receveur general d’iceulx, vous faictes bailler et délivrer au dit Boschot des deniers de sa recepte la dicte somme de cent frans, laquelle, par rapportant ces présentes avec quittance du dit Boschot, sur ce, nous voulons et mandons estre alouée ès comptes du dit receveur et rabatue de sa recepte par nous à n[oz am]ez et feaulx gens de noz comptes à Paris, sanz contredit, nonobstant ordonnances, mandemens et deffenses à ce contraires. Donné à Paris, le xe jour de juing, l’an de grâce mil CCCC et unze, et de nostre règne le xxxie.