LIBRAIRIE DU LOUVRE

C’est le compte de madame Nichole de Chambly, vefve de feu messire Giles Malet, en son vivant chevalier et maistre d’ostel du roy nostre sire, de messire Jehan Malet, chevalier et maistre d’ostel dudit seigneur, et de maistre Charles Malet, licencié en lois, enfans dudit feu messire Giles et de ladite dame, des livres es tans ou chastel du Louvre, en trois chambres l’une sur l’autre, dont ledict messire Giles a eu la garde, c’est assavoir, depuis l’an mil CCCLXXIII jusques au mois de janvier mil CCCC et dix, qu’il est allé de vie à trespassement, après lequel trespassement ladite vefve et enfans ont rendu lesdits livres à Anthoine des Essars, escuier et commis de par le roy nostre dit seigneur à la garde d’iceulx, par inventoire nouvellement fait et commencé par messeigneurs sire Michiel de Laillier, conseiller et maistre des comptes dudit seigneur, maistre Nicolas des Prez, conseiller et correcteur desdits comptes, et Jehan Le Bègue, greffier de la Chambre d’iceulz comptes, et achevé par ledit Bègue, à ce commiz par messeigneurs desditz comptes , lequel inventoire nouvel commence au lui6 feuillet de ce présent volume ou livre, touz lesquelz livres estans en l’ancien inventoire, lequel commence ou me feuillet dudit présent livre ou volume, et plusieurs autres pardessus, ont esté trouvez èsdites chambres, exceptez toutes voyes ceulz qui sont escripz en ce présent compte, lesquelz ont esté baillez et délivrez tant par feu le roy Charles le quint, dont

APPENDICE

Dieux ait l’âme, comme par le roy nostre sire qui à présent est, comme il apperra par plusieurs lettres, quittances et autres enseignemens, qu’ilz ont intencion de rendre sur ce compte.

Et pour entendre ce présent compte, est assavoir que l’an mil CCCLXXIII, par l’ordonnance dudit feu roy Charles le quint, furent premièrement inventoriez et mis en escript par ledit feu messire Giles Malet, pour lors escuier et varlet de chambre dudit feu roy Charles, touz les livres estans ès dictes troiz chambres, l’une sur l’autre, en ce présent volume ou livre, comme il est escript cy dessus ou ne fueillet dudit livre ou inventoire, lequel inventoire, après le trespassement dudit feu messire Giles, a esté trouvé en l’une desdictes trois chambres par lesdiz de Laillier, Des Prez et Bègue, et par eulz apporté en ladicte Chambre des comptes.

Item comme après le trespassement dudit feu roy Charles quint, qui fut en septembre mil CCC1IIIXX, ledit inventoire ainsy fait et escript par ledit feu messire Giles, fut recolé, le vie jour de novembre oudit an TIIP\ par feu maistre Jehan Blanchet, secrétaire du roy nostre dit seigneur, du commandement de feu monseigneur le duc de Bourgoigne derrenièrement trespassé, et y furent touz iceulx livres trouvez, exceptez ceulx qui estoient signez, sur les marges dudit inventoire, avoir esté baillez à diverses personnes par ledit feu roy Charles, ou de son ordonnance, comme il est escript ou 11e fueillet dudit présent livre ou inventoire.

Item que assez tost après, c’est assavoir le cinquiesme jour du mois de novembre, l’an mil CCCIIII", et fut à Beims le roy nostre sire, qui a présent est, bien acertené, par messeigneurs ses oncles et autres de son conseil, de la bonne garde que avoit faite ledit feu messire Giles des livres dessus dis, et oy le rapport dudit maistre Loys (sic)