INVENTAIRE ET RECOLEMENT DE LA LIBRAIRIE

d’escolle dudit monseigneur de Guienne, et lesquelz furent receuz et mis en ladite librairie par feu messire Giles Malet, en son vivant garde de ladite librairie, le vu6 juin de l’an mil GGCG et neuf, et comme il est escript au xxxvii6 feuillet dudit ancien inventoire.

Je Jehan Maulin, clerc du roy nostre sire en sa Chambre des comptes à Paris et garde de sa librairie estant au Louvre, congnois et confesse avoir eu et receu en ma sarde touz les livres et autres choses contenues et declairées en ce présent inventoire, contenant soixante neuf feuillez escripz, et exceptez ceulx qui sont contenuz et declairez cy dessoubs ès cinq prouchains feuillez ensuivant, duquel inventoire le double, contenant quatre vins dix huit feuillez en papier, avecques les clefs d’icelle librairie, m’ont esté baillez par maistre Jehan Le Bègue, clerc, notaire et secrétaire d’icelluy seigneur et greffier en ladicte Chambre des comptes, qui par messeigneurs desdiz comptes avoit esté commis audit inventaire faire, moi présent; tesmoing mon seing manuel cy mis, le Xe jour de janvier, l’an mil CCCC et quinze.

Cy après, en ce chappitre, s’ensuit la déclaration de certains livres dont ledit maistre Jehan Maulin est chargié cy dessus en ce présent inventoire, pour ce que, quant le roy nostre sire ot chargé ledit Maulin de la garde de sa librairie du Louvre, et deschargié Garnier de Saint Yon, qui paravant sanz moyen en avoit eu la garde, et que on reprint dudit Garnier lesdiz livres par inventoire pour le baille [r] audit Maulin, touz les livres cy dessus declairez en ce présent inventoire ; et mesmement ceulz contenus en ce présent chapitre, y furent trouvez, parquoy ledit Garnier en doit estre deschargié, comme il semble, et neanmoins avant que ledit présent inventoire peust estre conclud et escript,

APPENDICE

et toutes les clefs de ladite librairie baillées audit Maulin, dont lesdiz Maulin et Bègue avoient chacun une clef, diverse l’une de l’autre, et n’y povoient entrer l’un sanz l’autre, pource que cependant on avoit, sans lesdites clefs, esté en icelle librairie et prins plusieurs livres, comme dit et monstré sera en temps et lieu, fu ledit inventoire recolé, et en le recolant ne furent mie trouvez ceulz contenus en ce présent chappitre, qui paravant y avoient esté trouvez, comme dit est, parquoy il semble que ledit Maulin partant en doyve estre deschargié, et sont lesdiz livres non trouvez par ledit recolement déclarez cy dessus par la manière qui s’ensuit.

Collation de présent inventoire, contenant jusques cy lxix feuillez, est faite au double d’icelluy contenant nn“ xvin feuillez, [et] est escript en papier, lequel double a esté baillé à maistre Jehan Maulin, clerc du roy nostre sire en sa Chambre des comptes et garde de sa librairie au Louvre, comme ledit Maulin a certifié cy dessus, soubz son seing manuel, au dos du lxiiii6 feuillet. Fait le dixième jour de juillet, l’an mil CCCC et XV.

Signé : Bègue.

(Extrait du ms. français 9430.)

Restitution d’une Bible française que Charles VI AVAIT DONNÉE EN 1383 A JEAN, DUC DE BeRRY.

A maistre Jehan Maulin, clerc du roi nostre sire en sa Chambre des comptes à Paris et garde de ses livres et librairie, auquel les exécuteurs ont ordonné estre baillié et délivré, pour remettre en la librairie du Roy, une très belle Bible en françois, escripte de lettre de fourme, prisée 240 livres parisis ; laquelle Bible le roy fist pieça bailler à feu mondit seigneur pour icelle veoir, si comme par ses lettres adreçans à Giles Malet, faictes le vie jour de novembre 1383, peut apparoir; pour ce la dite somme de 300 livres tournois.

(Compte de l’exécution testamentaire du duc de Berry; édition Guiffrey, t. Il, p. 301.)

Notes sur la prisée des livres de Charles VI, et sur l’acquisition qu’en fit le duc de Bedford. (1424-1429.)

L’an de grâce mil CCCC vingt et trois, les xie, xne, xiv° et xve jours du mois d’avril avant Pâques, par l’ordonnance de messieurs les commissaires ordonnez, par le roy nostre sire, sur le fait des obsèques, funérailles et inventoires de feu nostre sire le roy Charles VIe de ce nom dernier trespassé, et en la presence de messieurs maistres Philippe de Ruilly, conseiller du roy nostre sire en sa court de Parlement et thresorier de la Sainte-Chapelle du Palais à Paris, Jacques Branlart, aussi conseiller dudit seigneur en sa cour de Parlement, de sire Michel de T .ailler, conseiller et maître des comptes d’icelluy seigneur, et de maistre Andry Courte vache, clerc desditz comptes, commissaire avec autres sur le fait desditz obsèques, par Girard Maucler et Adam Des Champs, clercs, notaires, jurez d’iceluy seigneur en son Châtelet de Paris, fut fait inventoire des livres appartenant audit feu seigneur, estant et trovez en sa librairie du châtel du Louvre à Paris et montrez par Garnier de Sainct Yon, garde de ladite librairie, qui trouvez ont esté, prisez par maîtres Jean Marlet, Denis Courtillier et Jean de Sautigny, libraires jurez en l’Université de Paris, aprez qu’ilz ont juré de les priser bien et justement, et les autres livres qui cy après ne sont prisez et n’ont point esté prisez, mais sont escripts cy après par manière de mémoire seulement.