REA

metterons à faire leur coust et à payer lor desserte dou notre. Et si volons ke tous chiaus ki venront à no monnoie à tout argent u pour deniers, que yaus et tous leur biens soient en notre deffense et en no sauf et seur conduit partout en notre terre, etke nuls ne les arrestera, ne leur biens, d’aucunes dettes, si ne fust que il les eussent promises en frankes villes pardevant eskievins. Et si volons que nos maistres monnoyers et no wardain soient justicheur de tous débas qui poroient avenir entre leurs vallés, fors de mehangne u de mors, tueis u d'outrage. Et si volons qu'il ait et puist joyr de toutes les frankises et priviléges que nos ancisseurs chi-devant donnoient et soloient donner à lor maistre monnoyer, et que autre seigneur donnent u soloient donner leur maistre monnoyer, par ensi que il li vausist mieulz que chi-devant ne soit escrit. Et si volons ke il et se maisnie et chiaus que il estaulira à ce, tiengnent et puissent arriester tout l'argent et tout le billon que il et si message poront atraper partout en no terre u trouver et que on volroit mener hors de no terre. Et ce menront-il en no monnoie et louverront et payeront loyalment selonc se valeur sans meffaire envers nous ni envers autrui. Et si commandons à no bailliu et à tous nos justichiers, ki ore sont et seront de par nous le temps devant dit et de par nos successeurs, que il, no maistres monnoyer, no wardain et nos ouvriers et monnoyers et vallés tiengnent toutes lor frankises et lor lettres qu'il ont de nous et de nos anchisseurs, et que il là-deseur de iceux ne se mellent. Et si volons encore u que nos maistres monnoyers, ne wardain u aucuns de nos vallés, que nous metterons à ce, u ke nos maistres monnoiers et no wardain à ce metteront par lor lettres, aucuns de nos justichiers petits u grans, demandent qu'il voisent avoek yaux et aident à enquerre et adréchier d’aucunes coses ki poroient nuire à nous et à notre monnoie, qu'il lor conviengne ce faire et facent toutes coses arrière mises et laissiés et nous facent cel meffait amender, selonc ce qu'il est grans. Et si ordonnons à no maistre monnoyer et no wardain et tous lor vallés qu'il ordeneront à ce par lor lettres pour warder no droit de no monnoie, congiet à mener et à porter leur armures par nuit et par jour, pour mieulz warder et sauver no honnour et no droit, sans meffaire contre aueun commandement ki sera ordenés u ki soit ordenés dedens aucunes frankises u dehors. Et les prendons tous en notre sauve, seure deffense et conduit, yaux et tous leurs biens, en tous lius, là à nous en avons le pooir. Et si volons que s’il fust ensi que nos chers cousins li dus de Brabant se aconvenen-

et 0

chast et post à aucun autre maistre de monnoie ki plus li voisist donner de se monnoie à son proufit, et li dus l’eust fait, faire le poons en autel manière, sauf ce ke nos devant dis maistres puet avoir no monnoie, pour autant que li dus ara le siene monnoie aconvenenchié. Et se li dus ne le faisoit devant nous, nous ne le poriens faire. Et s’il fust ensi ke nos devant dis maistres monnoyers u aucuns autres de par luy, à nous eust presteit aucune cose u fineit, u à aucun autre pour nous, deseur no droit que nous devons avoir dé no monnoie, si volons nous que il, sans nulle calenge, puist ouvrer et faire ouvrer en no ditte monnoie jusques adont que il sera de nous u de par nous tout plainement payés, et requérôns à tous nos amis et nos hommes que il no maistré Sn wardain devant dit et leur vallés wardent et avanchent de tout leur pooir à qu’il en ont à faire, et à qu’il puissent savoir aucune cose ki tousce contre nous et contre le droit de no monnoie, qu’il adrèchent ce, si selone le meffait qu'il treuvent, ke pardevant nous nulle plainte ne viengne que no justicheur trop pau à ce aient fait. Et pour ce ke nous volons que toutes ces convenences et poins, ensi comme elles sont escrites chi-devant, fermes et estaules soient tenues de nous et de nos successeurs, avons-nous sayellées ches présentes lettres de no propre seel en connissance de vériteit; les quels lettres furent faites et données à Dourdrech, le joedy prochain devant le jour dou Noel l'an de grace mil trois cens vingt trois.

Archives de l’État, MS., no 53, p. 104, tiré da troisième cartulaire du Hainaut.