DÉCEMBRE
Une lettre comment Mesire a censié se monnoïe à Raoul Boîte de Brousselle, lequelle il a de Monsigneur, sayellée de son seel.
Nous Guillaumes, cuens de Haynau, de Hollande, de Zeelande et sire de Frize, faisons savoir à tous chiaus qui ces présentes lettres veront u oront, que nous avons donnei et donnons à no bon ami, Raoul Boete, bourgois de Broussielle, notre monnoie de toute notre terre que nous avons u avoir poons, tout entirement, à tenir, à ouvrer et à faire ouvrer de nous et de par nous, luy et ses successeurs, durant le terme de ce Noël ore en l’an vingt trois, jusques au jour saint Jehan Baptiste l'an vingt six. C’est à savoir que il fera et fera faire un denier, de coi easeuns trois seront aussi boen comme un viés gros tournois dou vrai cung le roy de France en pois et en fu, respondant caseun trois de nos deniers contre le gros tournois à l'avanant. Et nous donra et payera nos dis maistres de no monnoie, durant le terme devant dit, de no eung de cascun mark de Coulongne qu'il ouverra u fera ouvrer, trois deniers de nos deniers devant dis. Et s'il avenoit ke dedens le temps devant dit li argens si enkierast, u que no denier qu'il fera devenissent si aviellit que il nos dis ne peust faire à no proufit et sans sen damage, si puet-il laissier l'ouvrage et no monnoie tenir fermée jusque adont que elle amenderoit et ke ouvrer peust en bone manière. Et après si pora-il faire de sen argent qu'il ara se waingne et sen proufit et en vendant, alant et retournant ù que il volra dedens no terre ou dehors. Apriès li prommettons que nulz dedens no terre ne cangera, se ce ne soit en commun cange et par no congiet. Et si prendrons no maistre monnoyer devant nommeit, se maisnie et tous ses biens en
re
no deffense et seur conduit partout en no terre, alant, venant, demorant ei retournant à faire no proffit et le sien, sans iestre encombrés ne arriesteis en nulle manière. Et se il u si bien, u aucuns de ses maisnies fuissent arriesteit u encombreit, de ce le déliverrons et descomberrons sauvement et quitement et tenrons sans damage ; et de ce serons warant. Et le promettons à deffendre contre tous dedens no terre et ailleurs en boine foy ossi avant ke nous en arons le pooir. Et ne volons mie qu'il puist iestre occoisonnés d’aucuns de nos justichiers ne d'autrui dedens no terre, se ce ne soit pardevant nous u pardevant les eskievins de le ville en la quele il sera demourans. Encore li promettons et avons enconvent que nous volons qu’il ait et tiengne tousdis toutes les fankises de le ville en le quele il est bourgois; et lui promettons ke nous ne l’occoisonnerons pas, ne ne lairons occoisonner de nul cas ne de nulles causes, ne à parler autrement ke par loy et par droit de le ville en le quele il est bourgois, Apriès li promettons ke nuls ne venra en no monnoie pour denier prouver u pour assayer, devant ce ke il l’ara fait tout sus et appareilliet et devant ce qu'il pora donner hors ce denier. Se lui convenra venir pardevant no wardain et pardevant nos eskievins et pardevant nos assayeurs et le denier prouver et essayer pardevant yaux, et s’il est adont assés boins en pois et ens ou fu, si comme devant est eserit, respondant contre le gros tournois, si est-il adont de nous délivrés, et puet del denier faire se volenteit; et nous ne le poons de nulle autre cose aparler ne occoisonner. Et s'il avenoit ke chis deniers qu’il fera u fera faire fust trop légiers ens ou pois, cascuns mars coulongnois, jusques à un de ces deniers u mains, si le puet-il amender par autant de mars après faire faire plus fors u pois. Et s’il avenoit ke chius deniers devant nommés fust trop foibles ens ou fu jusques à deux grains u mains en l’assai, si le poroit-il amender par autant de mars après faire autant milleur comme il avoit esteit devant trop foibles, si ke toudis l’un avoek l'autre se poursivroit ens ou fu et ens ou pois. Et s’il fust ensi ke chis deniers fust trop foibles plus ke deux grains en l’assai u trop légers plus que un denier ens ou mark, si comme devant est dit, si le fonderoit-on pardevant no wardain et no assayeur. Avant li promettons et li devons livrer maisons ki appartiennent à le monnoie pour ens ouvrer et monnoyer, siéges, fiers pour monnoyer, payelles, tenailles, pois et toutes manières d'ostieux, ensi comme il affiert à le monnoïie sans sen couste. Encore li promettons no wardain et no assayeur que nous les
