N° EV

Instruction de la monnoïe de Valenchiennes donnée le xvvi* jour de mai m cccc xxx. 1}

Instruction de la monnoie d’or et d'argent ordonnée par monseigneur le duc de Bourgoingne, de Brabant et de Lembourg, conte de Flandres, d'Artois, de Bourgoingne, de Haynaut, de Hollande, de Zeellande et de Namur , estre faite , forgée et ouvrée, tant qu'il lui plaira, à ses nom et armes, en sa monnoyÿe de Valenchiennes, et icelle baillée à Ernout et Guillaume du Gardin frères et Ernoul de Gouy, maistres particuliers d'icelle.

Premièrement veult et ordonne mondit seigneur estre fait, forgée et ouvrée en ladite monnoie de Valenchiennes, ung denier d'or appellé Pietre, de dix-huit karas d’or fin d'aloy à la touche, nobles d'Angleterre à présent aiant cours comptez pour fin or, et de soixante-huit de taille au marc de Troyes à ung quart de karat de remède en aloy et de ung esterlin en poix pour marc d’euvre, qui aura cours pour £ gros monnoie de Flandres ou L sols tournois monnoie de Haynau cy-après déclairé, dont mondit seigneur aura pour son seigneuraige de chacun mare d'or fin cinq desdits deniers. Et seront iceulx deniers taillées au général recours à trois fors et trois feibles pour mare d’euvre, et non aultrement délivrez par le garde de ladite monnoie.

Item, ung aultre denier d'or Philippus, appellé clinquart, des mesmes poix, aloy, pris, remède et seigneurage et taillez au général recours comme dessus.

Item, ung aultre denier d’or Philippus, appellé demi-clincart, du mesme aloy et de six vint dix-sept de taille audit mare de Troyes, à ung kart de karrat de remède en aloy et d’un d’iceulx deniers en poix pour marc d’euvre, qui aura cours pour vince et cinq gros de Flandre ou vint et cinq solz tournois de Hainaut, dont

ET