N° XVI

De le monoie de Cambray dont on a marchandet à Jehan Hanon de Gant.

Nous Jehans, ete., faisons savoir à tous ke nous donnons et avons donnet à no boin ami Jehan Hanon de Ghand, le monnoie de Cambresis, dou iour Saint Jehan décolas ki sera l'an mil cec et ïïij, jusques au iour dou Noel prochainnement suiwant après, en le manière ke chi après sensuit; c’est assavoir : Ke li dis Jehans Hanons doit faire u faire faire monnoie blance u noire telle com il nous plaira, aussi souffissant de pois et de loy com est li monnoïe ke li rois de France fait faire auiourdui et milleur ; et s’il avenoit ke li rois fesist faire monnoie plus forte u plus foivle kil ne face faire aujourdui, li dis Jehans doit ouvrer selone le piet de le monnoie le roi, de plus plus et de mains mains. Et doit li dis Jehans le monnoie faire celle que nos consaus et li siens portera, dou tout à sen frait et à sen coust, hormis çou ke li ouvrier et li monnoyer en deveront avoir et horsmis le décai de l'argent dou fondre, del affiner et dou blanchir, et de çou doit li dis Jehans payer le quarte partie, et nous les ïij pars. Et devons mettre de par nous en la ditte monnoie une warde ki sera au frait dou dit Jehans, il et ses garchons, hormis son salaire, lequel nous sommes tenu dou payer; et si nos consaus aportoit de faire noire monnoie, faire le doit li dis Jehans, sauf chou que nous devons payer no partie du keiuvre à l'avenant de le partie dont nous enporterons le conquest; et de tout le conquest ki istera de le ditte monnoie, nous devons avoir les iij pars et li dit Jehans doit avoir le quarte partie. Et devons donner au dit

Jehans pour les frais et les despens kil aura u fera faire pour le ditte monnoie | 410