TT

v° #5 l'an, tournois, monnoie coursaule en Cambresis, et à l'avenant dou tans de ce Kil ouverra u fera ouvrer. Encore est assavoir que li dis Jehans ne puet acater ne faire acater par lui ne par autre en le contet de Hainnau, ne à homme ki demeurche en le ditte contet, sans mauvaise occoison, argent ne billon. Et s'il avenoit que li dis Jehans accatast argent, billon u autres marchandises hors de le ditte contet, aler, venir et demorer puet en no ditte contet, il et ses gens et ses avoirs, en no sauve warde et en no sauf conduite. Et s’il avenoit que nous et li dis Jehans fuisciemes en acort de faire monnoïe entour le iour dou Noel deseure dit, faire le doit li dis Jehans, sauf çou que quant il nous plaira que li dis Jehans ne fache plus monnoie en Cambresis, renoncer li devons j mois devant chou que nous vorrons K'il ne face plus ouvrer. Et au kief de cel mois que nous li arons renonchiet, les convenanches entre nous et lui sont et seront nulles; et tout en otelle manière que nous poons u porons renonchier au dit Jehans, puet li dis Jehans, par lui u par autre, renonchier à nous sans nulle mauvaise occoison. Et s'il avenoit ke li dis Jehans u ses gens, u ses avoirs fuisscent arresteit en aucun lu u que fust, pour le cause de le marchandise de le ditte monnoie, requerre devons en boine foi se délivrance à sen coust, ensi que nous feriens pour j de nos vallés de no propre hostel. Et avons enconvent au dit Jehans que nous maintenrons lui, se maisnie et ses ouvriers, le terme durant de le marchandise devant ditte, as us et as coustumes que li rois de France maintient ses gens et ses monnoies. Et ne puet li dis Jehans prendre nulle autre monnoie, ne lui acompaigner à homme ki monnoie maintiegne, le terme durant de le marchandise de le monnoie deseure ditte, par lui ne par autrui. Et pour cou que toutes ces choses deseure escrites soient fermes et bien tenues, nous avons ces présentes lettres saielées de no propre seel, ki furent faites et données l'an de grasce M. CCC, et HIS, le mardi devant le S. Jehan décolasce.

Cartulaire de la trésorerie des chartes du Hainaut (1.

() Nous devons la communication de ce document et de la pièce suivante à l’obligeance de notre honorable ami M. Aug. Lacroix, archiviste de l’État, à Mons.