NI 1296. — JUIN
Vinimus donné par Jean de Saint-Liennart, garde de la prévôté de Paris, sous le sceau de cette prévôté, du règlement fait par le roi Philippe-le-Bel, pour la fabrication des
monnoties du royaume.
A touz ceus qui ces présentes lettres verront, Jehan de Scint Liennart, garde de la prevosté de Paris salut.
Sachent tuit que nous l'an de grace mil ce iñj xx et seze le mercredi après la Magdaleine veismes lettres nostre seigneur le roy scellées en la fourme qui s'ensuit : Philippes par la grace de Dieu rois de France, à touz ceus qui ces présentes lettres verront et orront, salut. Sachent touz ceus qui sont et qui avenir sont que comme conceus fust entre les maistres de nos monnoies et les ouvriers et monnoiers de nostre Roiaume sus l'ouvrage et le monnoiage de nos monnoies nouveles blanches et noires et la parfin de nostre assentemment et de nostre mandement, les diz maistres et les dis ouvriers et monnoiers voudrent et octroierent que l’ouvrage et le monnoiage des dittes monnoies fust assis par preudômmes et loiaus, qui seussent du fet de monnoies. Et à ces choses faire ordener et accorder furent Betin Caucinel, Jehan Dismier, nos monnoiers, Thoumas Brichart, Renier Leflament et Guillaume Leflament, bourgois de Paris et maistres de nos monnoies,
ro
A AS AT Pas RSI
Fache Galgain de Florence, maistre de nostre monnoîie d'or, et Renaut Delasale, clere de nos monnoies ; et pour touz les ouvriers et monnoiers de nostre royaume du serement de France, furent Jehan Boulengier, prévost de la monnoie de Paris, Pierre Hurtaut, Gautier le Bouclier, Giles Seremente, ouvriers, et Pierre Dorliens et Thiebaut Sarrazin, monnoiers, et fu assis l'ouvrage et le monnaige des dites monnoies en ceste manière, c’est assavoir : les ouvriers auront de l'ouvrage de la monnoie noire de roiaus parisis doubles et de roiaus tournois doubles du plon de vint mars en un fierton dis sols de tournois petiz, outre charbon et autres choses, et de celui plon il puent faire deus mars et demi de cisailles. Et se il ne font plus de cisaille outre les deus mars et demi, il ne perdront riens dice: et se il en font plus outre le demi, il perdront le seur plus de deus mars ; ou fierton ne doit avoir que trois fors et trois fiebles; et se il en y avoit plus, les mestres ne les receveroient pas iusques atant que il les auroient amendez à droit point. Et y doit avoir autant fors comme fiebles trespassanz a trezein et maaille desus et desous. Et doivent li ouvrier recevoir aparmi et rendre aparmi. Item li ouvrier doivent avoir de l'ouvrage de la monnoie blanche de petiz tournois d'argent de sis deniers parisis, dis sols de tournois petiz, et puent faire deus mars et demi de cisaille. Item li monnoier doivent avoir, pour monnoier la brieve (?) de dis livres de la monnoie noire, vint tournois petiz et trois deniers doubles de dechief de la monnoie noire double, que il feront et doivent prendre à pois et rendre à pois. Et se il y avoit dechief, il doit estre sus eus, Et doivent avoir de monnoier dis livres de la monnoie blanche trois sols de tournois petiz. Et les mestres des monnoies doivent mettre gardes qui garderont que li ouvrier ne conchient les deniers de poudre ne d'autre chose. Et se il en y avoit aucun qui fust repris d'aucun conchiement, il seroit punis par les devant dis nos maistres Betin Caucinel et Jehan Dismier, ou par ceus qui seroient en leur leu, selon le meffait. Et tuit li ouvrier etli monnoier sont tenuz de venir garnir nos monnoies d'ouvriers et de monnoiers à leur propres cous et despens, toutes les foiz que il nous plaira ; ne ne puent, ne ne doivent demander autre don ne autre avantage outre leur droit ouvraige et monnoiage. Et nous octoions et confermons aus maisires de nos monnoies et aus ouvriers et monnoiers de nostre roiaume du serement de France touz les privileges et toutes les franchises que nos devanciers, rois de France, leur ont donné et otroié ça en arrières, c’est assavoir que il
ne sont tenuz de respondre de nul caz devant nul juge, se n’est devant les
maistres de nos monnoies, fors de trois cas, c’est assavoir : de larrecin, de murtre et de rat. Et voulons et otroions que il soient frans et quittes et delivrés par tout nostre roiaume de toutes tailles et de toutes coustumes et de tous paages. En tesmoing de ce, nous avons fait mettre en ces présentes lettres nostre scel. Ce fu fait à Paris l’an de grace mil ce üij xx et seze, ou mois de juimg. Et nous en cest transcrist avons fait mettre le scel de la prevosté de Paris, sauf touz droiz l'an et le jour desus diz.
Trésorerie des chartes du Hainaut : /nventaire de Jean Godefroy, CC. 1.
Mi | HE |
1h | qe {
