AOUT

Accord fait entre Jean II d’Avesnes, comte de Hainaut, et ses monnayeurs de

Valenciennes, pour la fabrication de ses monnaies.

Nous Jehans d’Avèsnes, cuens de Haynnau, et nous Jehan Lidus, prévos de le monoie de Valenchienes, Joiffrois Lidus et Willaumes Lidus, frère Jehans Lidus, li jouenes, Jakemes Lidus, Willaumes Lidus, fuils Joifroi Le Duc, Robines Bougiers, Hellins li Fissaus, de Lisle, Jehans Wynok, Hues Markades, Jehans de Cambray, Jehenes de Kievraing, Henris Takes, de Hafflenghien, Godefrois Bake, de Bruxiele, Gillekins Mule, de Gant, Henrisli fils Henri Taket, Lotars li Roys, Gilles Boinefille, Andruis dou Castiel, Hennekins Fardons, d'Escaillon, Frankessins de Foriest, Henris Boule, de Brouxiele, Jakemes de Hierlies, Henekins Andegot, Henris Vricdekin, Colars li Orfevres, de Saint Amant, Jehan Froissars, de Sollemes, Leurekins d'Yppre, et Gilles Heppe, ouvrier, et nous aussi Jehans Dambrine, Jakemes Danfroipret, Jakemes Yngle, Raoul li Fourniers, d'Aysin, Jehans Deleuse, Mahuis Douvivier, Jakemes Amant Randous, Jakem Detroies, Pieres Descaillon, Jehans Descaillon, Henins Danfroipret, Jakemes Desmolins le Conte, Jehans Lome, Colins li orfevres, d’Ere, Gillekins de Hafflenghien, Jehans Dastices li enfes, Pieros li Roys, Robins de Hierlies, Henekins Redors, de Wehin, et Thumas Louves aprenthich as dis ouvriers. Et nous aussi Jehans Ernouldins de Dyckennie, Jehan Li Borgnes, Colins Li Borgnes, Wybiers Bougiers, Bauduins Bickes, Grars Biekes, Jehans Limaires, de Kievi, monoïer, et nous aussi Mahius Delescluse, Jehans Livignons, Jehans, fiuls Sandrard de Mons, Pieros Dassonclevile d'Angriel, Hennekins Fusee, de Rombies et Jakemes Doupanfit, de Teulaing, aprenthic asdevant

dis monoiiers : Faisons savoir à tous chiaus ki ces présentes lettres veront et oront, ke les convenances faites entre nous, d’une part et d'autre, de no monoie sont teles com chi apries sensieut : c’est asavoir ke nous ouvrier, monoïier et apprentich devant nomeit, pour nous no compaignie, nos hoirs et nos successeurs, ovriers et monoiiers, et chiaus ki de par nous et nos successeurs ki seront assis ou dit mestier, avons pris de no dit chier segneur conte devant dit, à faire se monoie par tout u il plaira lui, u sen hoir conte de Haynnau en se tiere, en un lieu, u en pluiseurs perpetuelment, par tel condition et manière : ke nous devons se monoie estoffer et warnir souffissanment d'ovriers et monoiiers de douze fournaises al mains, et de plus grant nombre s’il nous plaist à mettre de gens de le contée de Haynnau, sauf chou ke cil de no lignaige i poeent estre appielé et les i poons metre, selone l’us et la coustumance de no mestier; et de plus de xit fournaises li euens ne ses hoirs ne nous poet aprochier; et s’ensi estoit ke les xii fournaises et li plus se nous les metiemes de no compaignie ne souffissent en boine foi à faire l'ovraige de le dite monoie, li euens u ses hoirs .pora querre ovriers et monoiiers autres pour sen pourfit et mettre avoec nous ovrans en le dite monoie ; et les devons tenir paisiulement, si com chiaus de no compaignie et ouvrer avoec iaus, al usaige de no mestier. Et toutes fies ke nous poriemes monstrer souffisaument al conte u a celui ki de par lui seroit en le monoie ke no compaignie des xii fournaises et le plus ke nous i ariemes mis, peuissent l'ovraige de le monoie estoffer souffisanment, li euens doit dedens les xv jours apriès ke monstret l'ariens, si com dit est, dener congiet chiaus kili aroit mis ki ne seroient de no sairement; et s’il les faisoit ouvrer outre les xv jours, si com dit est, il doit dener à no compaignie jour autant com eil ovrier waigneroient en le monoie et ke il apertenroit à nous, se eil ni ouvroient mie. Et se debas mouvoit des ovraiges des monoies k’on fait u fera en avant en Haynnau u d'autre cose de no mestier, on en devera faire selonc les usaiges des monoies visines dou Royaulme u del Empyre. Et se il avenoit ke li monoie le dit conte ne souffissoit à mettre en oevre les xii fournaises par koy il ne peuissent waignier lor journées raisonaulement sans malengien, li euens les doit laissier aler alleurs, juskes adont Kil en aroit mestier, al eswart de le warde et dou conseil le dit conte.

Encor nous doit li euens et ses hoirs tenir as francises, as usaiges et as droi-

tures selonc les poins de le chartre de no mestier dou Royaulme, sauves Îles

à 7 l ñ Le 7/ 1 D, ms -

gs D” \ \

in ot Rd —

de

EPS En Le

conditions deseure et desous chi escrites. Encor est il à savoir ke nous ne poons faire ne maintenir estatus ne sairemens sour le dit mestier ki puissent toukier le conte contre sen pourfit, ne les conditions deseure et desous chi escrites, ne porter al dit conte u a ses hoirs prejudisce, sans le congiet diaus u de lor gens à chou estaulis. Ne ne poons frankise aquerre muer nos conditions par maniere quele kele soit, par quoi nous nos puissons delivrer ni effrankir des convenances et des obligations devant dites. Et s’il avenoit ke nous u aucuns de nous le fesissiemes de fait, li cuens et ses hoirs u ses gens le poeent amentir de fait toutes les fois kil lor plaira, ne par raison dou mestier ne en autre maniere par longe possession ne nous poons aidier contre le conte devant dit et ses hoirs en ce fait s’il n’est fait par luiu de sen assentement. Encor est à savoir ke nous ovrier, monoïier devant dit et no successeur et tout cil ki de no sairement seront en avant, serons et demourrons ouvrant es dites monoies de Haynnau, sicom dit est, et partir ne nous en porons tant com li cuens et ses hoirs vorront faire ovrer en leur monoie, sans lor congiet. Et se nous en partitens fust par congiet u autrement , nous devons et somes tenut de revenir à nos cous al simple mandement le conte u de ses gens sitost ke nous le sarons, soit par messaige, soit par lettres, sans fraude et sans malengien, pour ovrer en le monoie devant dite, se nous u aucun de nous ne soumes empeeciet par juste cause ; et se dela en avant nous demoriemes, li dis cuens u ses hoirs poroit par lui u par autrui, en sen nom , clamer et cacier sour chascun de nous defaillant pour defaute de chascune journee, x1 sols de parisis et tel paine avoec chou al mestier com li compaignon de le dite monoie le jugeroient, Et ne poons ne devons laissier lovrer pour aucun cas juskes adont ke on nous soit defalant de droit, sour le paine devant dite. Et s’aucun u pluiseur de nous estoient u estiiens trovet rebelle et nient obeissant as coses devant dites u aucunes deles, nous obligons à chou nos hoirs, nos successeurs, ovriers et monoiiers et tous autres ki seront de no sairement, ke en tous lius u nous tel ki seriemes rebelle contre l’ordenance devant dite, serons trové, soit ou royaulme de France u en l'empire u ailleurs en toutes terres, liCuens, ses hoirs u si messaige nous puist prendre u faire prendre tout de plain et ramener com astrains al mestier de se monoïice par abandon et sans fourfait. Et ne nous puissons deffendre pour condition de francise u de lieu, de paiïis u de persone u nous rebelle serons trouvé, et ke desla li dis cuens, ses hoirs

u ses messaiges, nous puist mettre et tenir en prison en quelconkes manière ke il

ire

le pora muis faire pour les dites convenances aemplir et paiter damaiges et amendes, sicom devant est dit. Et de chou nous et cascuns de nous nous submetons en le jurisdietion et en le conissance dou dit conte u ke nous soions trouvé. Et en tous ces cas devant dis nous volons et entendons ke li lettre u li chartre de no compaignie devant dite soit creue et porte tiesmoignage par tout contre nous, Sauves nequedent les autres prueves dou dit conte, s’il s'en voloit aidier es coses devant dites contre nous. Encor est il à savoir ke nous ovrier monnoiier et tout ail dou sairesment devant dit ne poons recevoir nelui de nouviel en no compaignie soit de no lignaige u estraingne, si ait premiers juret sollempnelment à tenir toutes les coses devant dites et chascune d’eles et warder a sen pooir. Et se nous le faisiemes, li cuens u ses hoirs le rosteroit et se l’amenderiens à se volentet. Et toutes ces coses nous ovrier monoiier et toute li compaignie devant nomée, pour nous et pour nos hoirs et nos successeurs ki venront ou sairement dele dite monoie, prometons à tenir, warder et aemplir fermement, et entirement, sans venir encontre ; et l'avons jurct et jurons chaseuns de nous, par tous sains, par foy, et par sairemens fais sour les sains Ewangilles de Diue; et à chou nous obligons nous al dit conte et a ses hoirs; et renoncons expresseement, par nos foys et nos sairemens deseurdis, à toutes exceptions de fraude, de trecherie, de lesion, de circonvention d’estatut de vile, de condition ou francise de paiis, de benefisce de mains daage, de privilege de crois prise et à prendre, et à toutes deffenses et allegations de droit et de fait, de droit commun u privilege par quoi nous nous puissons deffendre contre les coses dessus escrites u aucunes d’eles. Et toutes ces coses u aucunes d’eles nous otrions et volons, saufs en tous poins tous les drois le conte et les nos, les us, les coustumes et les frankises contenues en le cartre de no mestier dou Royaume devant dite. Et supplions à Reverent Pere en Diu, mon segneur l'éveske de Cambray u à sen official ki pour le tans sera, en cui jurisdiction nous nous submetons tant com as coses desusdites, k'il u li uns d'iaus nous constraignent par censure de sainte Eglise de lor auctoritet ordenaire, à tenir et aemplir les coses dessusdites. Et volons et requerons ke il u li uns diaus nous amonieste desmaintenant à tenir iceles sour painne de sentense descumeniement, lequele nous encourions par fait sitos comme nous serons en defaute des coses deseurdites u d’aucunes d’eles. Éncor est à savoir ke nous tout li aprentich devant nomet avons juret sollepnelment, pour nous et

pour nos successeurs ki venront en le dite monoie, de par nous et apries nous, ke

He

se il avenoit ke nous u aucuns de nous u de nos successeurs alissiens encontre les coses devant dites u aucunes d’eles, nous volons ét otrions et à chou nous obligons nous et nos successeurs ke li cuens devant dis et si hoir prendent nos biens partout u ke nous les aions et arons en hiretaiges u en moebles come leurs propes, et puissens les cors de nous ki encontre feriens u venriens u de nos successeurs prendre par abandon et tenir en chartre perpetuel sil lor plaist. Et nous Jehans d'Avesnes, cuens de Haynnau devant dis, pour nous et pour nos hoirs, cognissons ke nous as devant dis ouvriers et monoiiers et lor successeurs ki seront dou sairement de no dite monoie, avons donet et otriiet l’ovraige de no dite monoie perptuelment en le maniere et en le fourme ki devant est devisée. Et leur otrions boinement et confremons tous tels privileges et toutes teles francises ke li roys de France u si devantrier ont donet et otriiet cha en arriere à ouvriers, monoiiers et tous autres dou mestier de lor monoie, c’est à savoir ke il ne seront tenut de respondre de nul cas devant nul juge, se n’est devant les maistres u les prevos de nos monoïiers, fors de trois cas, c’est à savoir de larechin , de murdre et de rat. Et volons et olrions ke il soient franc et quite et delivré par toute no tiere u contet de toutes tailles et de toutes coustumes et de tous paiaiges. Et à chou tenir fermement nous obligons nous et nos hoirs as ouvriers et as monoïiiers devant dis. Et prometons nous Jehans, cuens devantdis, et nous Jehans Lidus, prévos de le dite monoie, et nous aussi li monolier et li ovrier et li aprentich devant dit, pour nous et pour nos successeurs, à plus grant seurté, declaration et memoire perpetuel, à reconnoistre les coses deseurdites et publiier une foys lan à le Assumption nostre Dame u en autre jour sollempnel. En tesmoignaige desquels coses et pour plus grant seurtei, nous cuens devant dis et nous prevos, ouvrier, monoiïier et toute li compaignie de le monoie de Haynnau devant dite, avons denées ces lettres présentes entrecangaulement et les avons fait escrire par le main dou tabellion chi apries nommet, ki à toutes ces coses fu présens, et saieler dou saïiel de nous conte devant dit et dou saïiel dé nous prevost, ouvriers et monoiiers devant només. Ce fu fait à Valenchienes ou Gardin dou manoir ki fu Jakemon le Pere. Si i furent présent come tesmoing avoee le tabellion ci desous nomet : mesire Pieres doïiens de Condet, mesire Jehans de Mauboege et mesire Jehans de Tournai, canoine de Soignies, maistre Willaumes de Haydin, canones de Sainte Crois de Cambrai, Dans Renauls. moines de Maroiles,

Jchans dis Huelos, de Haydin etJehans Peskelote. clere, etautre pluiseur tiesmoing

à chou et pour chou apielet et priet, l'an de le incarnation nostre segneur mil deus cens nonante et siet, le diemengne apries le saint Bietremiu, se loist a savoir le vint et chuingiesme jour dou moys daoust,

Et nous Mikius de Rebais et Alars, ses freres, avons juret et jurons à tenir et warder les coses desus dites et cascune d’eles en le manière et en le fourme ci deseure escrites, et a chou obligons nous et nos successeurs pardevant le tabellion et les tiesmoins el an le jour et ou liu devant nomeis.

Trésorerie des chartes du Hainaut : Znventaire de Jean Godefroy, CC. 2.

Le [en

a D Pate TT pme

Ce:

ee =

en Te SR OES