CXXI« HYSTOIRE

Comment le roy d'Engleterre passa Somme à le Blancque-Tacque, et la grande et mortele bataille qu'il y eult delà l'eawe.

Quant le roy d'Engleterre eult entendu les parolles que Tescuier luy disoit du passage, sachiez que luy et tous ses gens en furent moult joyeulx, et fist tantost ses gens aroutter celle part, et l'escuier aloit devant en l'onneur de Dieu et de monseigneur saint Jorge. Et chevaucha tant le roy et tous ses gens qu'ils vinrent sur la rivière ou passage de le Blancque-Tacque. Et delà la rivière estoit monseigneur Godemars du Fay à tout bien X mil hommes, sans ceulx du pays, qui gardoient que nuls des ennemis du roy de France n'y passassent, et sy y estoit la dame d'Aumarle et ses gens. Et quant l'escuier vint sur la rive et qu'il vid que Dieu leur avoit tant aidiet que l'eawe estoit retraitte, il en fut moult joyeulx, et férit son cheval des espérons et entra en l'eawe, et chevaucha aval et amont en la présence du roy et de ses gens. Et quant il eult assez tasté le fons aval et amont, il yssy hors et dist au roy : « Sire, vous « disoy-je voir ? » Et le roy respondi que oy, et tantost luy fist baillier cent flourins à l'escut.

Dont s'apparilla le roy d'Engleterre et ses gens pour passer, ainsy que pour eulx defFendre, et entrèrent en l'eawe en eulx commandant à Dieu et à monseigneur saint Jorge, les archiers devant eulx, et les Gallois après, à grant plenté de gens d'armes, et le conte de Werwich et monseigneur d'Harcourt devant, et adont les vivres et pourvéances après, et puis le roy et le prince de Galles son

fils et révesque de Durâmes et tous les aultres princes, et les gens d'armes après. Et quant ils vinrent à l'autre rive, Franchois leur coururent sus vistement, et les Englecqs à eulx defFendre, et archiers à traire et à bersser espès et drut et à reculler les Franchois, tant que les Englecqs eurent bon loisir de passer et tous hors de l'eawe yssir. Et quant les gens d'armes y sourvindrent, adont y eult fière bataille et cruele, et grande ochision d'une partye et de l'autre, et longuement dura. En la fin monseigneur Godemars du Fay s'enfuy et furent ses gens desconfîs, prins et tués la plus grande partye, bien III mille, et madame d'Aumarle prise et rendue à monseigneur Godeffroy de Harcourt qui estoit son oncle ; mais tost fut délivrée par le conseil du roy d'Engleterre, et sa ville de Noielle respitée d'ardoir. Et soyez certains que le roy d'Engleterre et ses gens avoient bien besoing qu'ils se hastassent de passer, car le roy de France et ses gens les siévoient moult près et avoient bien chevauchiet celle journée plus de XIII lieues tous armés pour les Englecqs enclore. Et vinrent assez tost à le Blancque-Tacque après ce que le roy d'Engleterre s'en fut partis. Et encore passoit le queue à grant meschief, car l'eawe coramenchoit à engrossier ; sy en eult de navrés et de tués et de noyés. Ce fut par le jour du joeudy la nuit de Saint-Bertolomei l'an mil IIP XL VI \

* Edouard III, dans sa lettre à Thomas de Lucy, rapporte qu 'il passa la Somme « à un guet où la mer foule et refoule. »

CXXIP HYSTOIRE.

Comment le roy Édouart d'Engleterre et ses gens s'en alèrent en Ponthieu, après qu'ils furent partis de Noielle à la comtesse d'Aumarle, et pillèrent, gastèrent et brûlèrent tout en alant le pays.

Quant le roy Philippe de France fut venus à le Blancque- Tacque et qu'il eult passé Araines et qu'on luy dist que le roy d'Engleterre estoit passés, il en fut moult courchiés, et eult moult grant merveille qui luy avoit ensaingniet ce passage, et s'en ala au giste à Abeville qui estoit assés près, entre luy et monseigneur Jehan de Haynault et aucuns de ses privés amis, et se reposa là II jours ou environ, et ses aultres gens se logèrent environ le pays. Et en tandis que le roy Édouart d'Engleterre s'estoit assés reposés à Noielle et avoit rendu à la dame d'Aumarle sa terre, sy se party de Noielle et tous ses gens, et chevauchèrent vers Cressy, et arrivèrent et pillèrent en leur voye le Crotoy, Rue, Waben \

Adont vint le roy à Cressy où il y avoit ung bosquet, et entrèrent en ce bosquet. Entre Cressy et la Broyé y avoit une belle plaine, et là et à Cressy se logèrent le roy d'Engleterre et ses gens, etavoient volenté d'aler devant Calais pour assiégier la ville et le chastel et pour reposer eulx et leurs chevaulx qui n'avoient eu repos, passé avoit VI sepmaines, se petit non. Se eussent volentiers prins le repos.

• La chronique anonyme de Berne rapporte aussi qu'Edouard III pilla le Crotoy avant d'établir son camp à Crécy.