CXVIII« HYSTOIRE

Comment le roy Édouart d'Engleterre vint à Poissy où il trouva le pont brisiet, et comment après qu'il eut passet Saine, il ardist et destruisy tout jusques auprès de Paris.

Quant le roy d'Engleterre se fut partis et deslogiës de devant Rouen, sycomrae vous avés oy dessus, et que le roy de France le sceult, et qu'il s'en aloit vers Paris, il se party le plus tost qu'il peult de Rouen, pour chevauchier vers Paris. Et quant il sceult qu'il avoit gaigniet et passé le Pont-de-l' Arche, il en fut moult courouchiés et se hasta moult d'aller avant. Et le roy d'Engleterre, puis le pont passé, fist ardoir Deu ^ et Poissy ^, Louviers, Vernon et les fourbours de Meuvres ^, Meulenc et Espernes "*, jusques à Poissy, où il trouva le pont romput et brisiet. Et là estoit le commun d'Amiens et ceulx des villes de là entour et des gens d'armes avoec eulx, de par le roy de France, qui gardoient le pas contre les Englecqs. Et si avoient ceulx de la ville d'Amiens et leur routte moult de belles tentes

* Dreux.

* Lisez : Passy (Pacy-sur-Eure).

' Ce mot paraît mal transcrit. 11 faut, je crois, lire : Mantes.

* Épone ?

et pavillons, et sy avoient moult de beau harnas ; et quant ils virent les Englecqs, moult bien se deffendirent, et les Englecqs d'aultre part leur coururent sus bien et hardyement, au traire et au lanchier. Et entandis que les ungs se combatoient contre les aultres de trait et d'engiens, les Englès amassèrent tout quanques qu'ils peurent trouver de bois et de hayes pour faire le pont, et les aultres entrèrent en l'eauwe et trouvèrent sur la rivière de Saine II pièces de bos qu'ils prinrent pour leur pont. Et entretant que les aultres traioient et qu'ils se combatoient, firent tant les aultres que le pont fut refais bon et fort, malgré ceulx de l'ost des Amiennois, et passèrent les Englès bien et hardyement, et furent toutte celle manière de gens qui ce pont et ce pas gardoient, vaincqus, desconfis et tués, et toutes leurs tentes et leurs pavillons et tout leur harnas etengiens ars. Ety eult bien, que Franchois, que Amiennois, tués XI P ; et fut cela fait l'an de grâce mil CGC et XL VI. Adont passa le roy d'Engleterre et ses gens paisiblement, et se loga le roy en l'abaye do Poissy, et ses gens se logèrent en la ville et environ, et ses coureurs alèrent ardoir la Monj oie-Saint-Denis, Saint-Germain-en-Laye, Saint-Clo et Charene et toutte la doulce France jusques au Bourc-la-Royne et jusques à Saint-Germain-des-Prés. Et puis fist le roy ardoir tout entour Poutoise, Cornille et tout le Vequesin jusques à Gisors, et tout ce véoit et sçavoit le roy de France ^

* Il faut comparer au récit de notre chroaiqueur anonyme ce que rapportent Jean Le Bel et Froissart.

CXVIIIP HYSTOIRE.

Comment Philippe de Valois roy de France et monseigneur Jehan de Haynault wida à privée maisnie luy VI® hors de Paris et s'en ala à Saint-Denis pour doubte du roy Édouart d'Engleterre.

Quant le roy de France vid et perchut l'inrecouvrable et superflu domage que le roy d'Engleterre luy faisoit, il eult en conseil qu'il wideroit hors de Paris et s'en yroit à Saint- Denis. Et monta le roy à privée maisnie, et monseigneur Jehan de Haynault avec li, et ne furent que eulx VI, et se party la nuit de Nostre-Dame my-aoust. Et quant le commun de Paris virent le roy qui s'en aloit, adont oyssiés et veyssiés hommes et femmes commenchier à cryer après luy, en disant : « Sire ou alés-vous ? que ferons-nous ? que deven- « rons-nous? » Et le roy leur respondy : « Mes bonnes gens, « je voy à Saint- Denis, à mes gens, pour vous aidier et « conforter, et ossy pour mon honneur garder. Sy ne vous « esmayez de riens, mais gardez bien la ville au mieulx « que vous poez ; car je voy bien que mes gentils hommes « m'ont tray, » Adont y eult sy grande et sy piteuse crierye avant Paris, que peu s'en falloit qu'ils n'aloient brisier le Petit-Pont, pour la doubte des Englecqs ; car grant merveille avoit tout le peuple de Paris, pourquoy, ne à quele cause le roy de France ne couroit sus au roy d'Engleterre, qui s'estoit logiës au milieu de France, à tout sy peu de gens, et le roy de France en avoit V contre ung, et sy estoit le roy d'Engleterre enclos et devant et derrière. Mais onques mes roy de France ne guerria sy honteusement, sy lâchement, ne sy couwardement pour luy et pour

RÉCITS. â25

tous ses pay s, et trop metoit à mort de gentils hommes, sans raison, et de bons chevaliers, dont c'estoit pité, et s'il estoit hays des linages, ce n'estoit point merveilles.

CXXe HYSTOIRE.

Comment le roy Edouart d'Eagleterre se party de Poissy, et s'en ala tout ardant et pillant devant luy.

Quant le roy Edouart d'Engleterre eut séjourné à Poissy environ sys jours et qu'il vid et sceult qu'il estoit enclos de l'eawe de Somme ' et que le roy ne venoit point vers luy pour le oombatre ou aultrement, il eult en conseil qu'il se départiroit de Poissy. Et adont se partirent le conte de Werwic et monseigneur GodefFroy de Harcourt et leur bataille, et devant chevauchèrent, et le roy d'Engleterre et son ost après, et l'arrière-garde derrière, par batailles ordonnées. Et ardirent et butinèrent la ville de Poissy au départir, mais l'abaye n'eult garde. Et chevauchèrent les ost par Beauvoisis où ils firent du grant domage, et ardirent les fourbours de Beauvais et bien la moitié du Beauvoisis, et s'en revinrent à l'abaye et à la ville de Beaupré et le ardirent et Marceilles et toutes les villesjusques àPois. Sy ardirent la ville, et le chastel ne se veult rendre. Sy assally .monseigneur Olifars de Ghisterne ^ le chastel de Pois à tout grant plenté d'archiers, et ceulx du chastel se deiFendirent vigoreusement. Syy eult grant assault etpluseurs hommes

Lisez : de l'eawe de Saine.

Lisez : Ghistelle.

aavrés et tués. En la fin le chastel fut prins par force et puis abatus et ars, et tous les gens qui estoient dedens, furent tués, et puis s'en partirent les Englecqs : sy fut le gaing leur et les prisonniers qu'ils avoient prins en la ville. Et fut toute la terre de Pois destruite iusques à Amiens et jusques à Abeville. Et puis vinrent à Araines, Et le roy de France et tout son ost siévoient le roy d'Engleterre moult fort. Et monseigneur Jehan de Haynault conduisoit le roy et luy conseilloit de le siévir vistement pour le prendre et trouver ses gens en désaroy quelque part, s'il pooit, et avoit bien le roy de France en son ost deus cens mil hommes, que à piet, que à cheval. Et ainsy que le roy d'Engleterre s'estoit party d' Araines, ses gens chevauchoient, pensant et mélancoliant et en parlant les ungs aux aultres comment, ne par où ils poroient passer Somme ; car moult bien sçavoient que le roy de France et ses gens les siévoient moult de près à tout grant plenté de gens d'armes. Et quant le roy les eult oy ainsy parler, sy leur dit en eulx resconfortant : « Seigneurs, ne vous esbahissiez, ne « esmayez point. Nous avons tant de périlleux pas passés « avoec l'ayde Dieu. Et encore suis-je certain que Dieu et « la Mère de Dieu et monseigneur saint Jorge nous ont « pourveu d'ung passage, je ne sçay où. »

Et à ce mot vint ung escuier qui estoit à monseigneur Olifart de Ghisterne, et dit au roy, oyans tous : « Sire, se « vous me volez croire, j'ay trouvé bon passage, et sy a bon « fons, car g'y ay passé pluseurs fois à cheval, mais que « l'eawe soit ung peu plusretraitte ; et est ce gués et passage « à le Blancque-Tacque d'encoste Noielle qui est à la com- « tesse d'Aumarle, dont monseigneur GodefFroydeHarcourt « est son oncle. »