CXLII» HYSTOIRE
Comment le roy de France se party en alant à Hesdin pour secoure ceulx de Calais contre le roy d'Engleterre, et comment Jehenne de Valois vint à Monstreul-sur-le-mer pour parler à la royne d'Engleterre sa fille pour faire la paix du roy de France son frère et de son mary Edouart d'Engleterre.
Le mardy devant le jour Saiut-Jean-Baptiste, XIX* jour en juing, se party le roy Philippe de France et le duc de Normendie, son fils, et les aultres ducqs et contes et toute leur chevalerie hors d'Aras, pour aler logier par devers l'ost du roi d'Engleterre et pour aidier à ceux de Callais, s'ils pooient. Sy s'en ala le roy logier à Hesdin, et monseigneur Jehan de Haynault à la Broyé, et les aultres barons tout environ, et y séjournèrent une espasse. Et entandis madame Jehenne de Valois, jadis contesse de Haynault, nonne à Fontenelle et suer au roy de France, se party de Haynau et vint à Monstreul-sur-la-mer à séjour pour parler au roy d'Engleterre, s'elle peust, et à la royne sa fille pour paix ou trêves faire, s'elle pooit, entre les II rois, et envola par devers le roy d'Engleterre une embassade. Et quant le roy le sceult, il fist la royne sa femme atourner et apparillier, ainsy comme pour en aler en Engleterre, et le fit monter en sa nef en la présence des embassadeurs, pour ce qu'il ne voloit oyr nuls parlemens. Et estoit la royne montée quant l'embassade vint à Callais ; et s'escusa le roy aux embassadeurs ainsy qu'il sceult que bon luy fut, puis s'en râla l'embassade et conta à la dame ce qu'elle avoit trouvé. Et adont s'en retourna madame Jehenne de Valois
en Haynault sans riens faire, et quant la royne sceult que les embassadeurs s'estoient partis du roy d'Engleterre son mary, elle descendist à terre et s'en revint en l'ost comme devant.
CXLIIP HYSTOIRE.
Comment les II fils du duc de Brabant furent mariés en France, c'estassavoir monseigneur Henri de Louvaing à la fille du duc de Normendie et Godeflfroy son frère à la fille du duc de Boui'bon.
En la sepmaine de le Saint-Jehan-Baptiste Tan mil CCC.XLVII espousèrent les II fils du duc de Brabant en la cité de Paris : sy prinst monseigneur Henry de Louvaing la fille du duc de Normendie qui avoit environ V ans, et GodefFroy de Brabant, son frère, prinst la fille au duc de Bourbon qui estoit belle damoiselle, et n'y furent pas le roy, ne le duc de Normendie jusques au jour qu'on fist la feste, laquele fut grande et moult sumptueuse ; et fut faite l'an mil IIP et XLIX.
CXLIIIIe HYSTOIRE.
La prinse et desconfiture monseigneur Charles de Blois en la grande et excessive bataille qui fut en Bretaingne contre les Englecqs.
Le merquedy XX^ jour du mois de juing, l'an de grâce mil Iir et XLVII, avint que monseigneur Charles de Blois estoit en Bretaingne, et avoit assiégiet la ville et le chastel
de la Roche-Dirien, et avoit en sa compaignie XIP de maints gens d'armes, chevaliers et escuiers, et VP d'aultres gens d'armes et VP archiers du pays et mille arbalestriers et tant de commun qu'on ne sçavoit le nombre. Dont il avint qu'en celuy jour monseigneur Thomas d'Agourdes, * mary de la contesse d'Oirmont, lequel estoit capitaine du roy d'Engleterre en Bretaingne, avoec pluseurs aultres chevaliers et bons gens d'armes, lesquels furent en agait toute nuit, et quant ce vint environ une heure devant le jour, monseigneur Thomas et ses gens sallirent et coururent sur l'ost de monseigneur Charles, à tout environ IIP hommes d'armes et IIIP archiers, et là y eult grande bataille et terrible murdre, et dura celle ochision tout jusques au matin, et furent les gens monseigneur Charles à celle fois desconfis. Et quant ceulx du chastel oyrent et perchurent et qu'ils recongnurent leurs gens, mesmes monseigneur Richart de Torteham, qui estoit leur capitaine, et tous ses gens yssirent hors, moult chevauchant radement, et moult crueusement se férirent entre les ennemis, en l'ayde monseigneur Thomas. Et là eurent les Englecqs moult à faire, avant que le soleil fust levés, car les gens monseigneur Charles avoient fait III batailles ordonnées, lesqueles furent desconfittes l'une après l'autre parmi l'ayde de Dieu. Et furent en celle bataille ochis le sire de Laval, le visconte de Roham, le sire du Castel- Garnut, le sire de Malatret, le sire de Quintin, le sire de Rouge, le sire de Derval et son fils, monseigneur Raoul de Monfort et pluseurs aultres chevaliers et escuiers, et du commun peuple grant nombre. Et sy y furent prins en ladite journée monseigneur Charles de Blois, leur chiève-
* Thomas de Dagworth.
taiae, monseigneur Guy de Laval, fils au seigneur de Laval, qui morut en la bataille, le sire de Rochefort, monseigneur Jehan de Beauraanoir, monseigneur de Lohjack, le sire de Moliacque, le sire de Tinteniak et aultres chevaliers, et escuiers grant nombre.
