CXLVI* HYSTOIRE

Comment le roy de France qui estoit logiés à Hesdin, ala devant Callais à tout bien CC" mil hommes, que à pied, que à cheval, et avoit bien VII mille chevaliers, pour cuidier lever le siège que le roy d'Engleterre tenoit devant la ville de Callais.

Quant le roy de France et tous ses gens furent partis de Hesdin et de là environ, ils chevauchèrent en tenant train droit à Callais. Et quant ils furent assés près de l'ost du roy d'Engleterre et que tout leur quaroy, harnas et engiens furent arivës, et leur pourvëance et fortification et tentes et pavillons, et aultres choses duisant à guerre et pour tenir ost et pour faire batailles furent toutes venues, le roy de France manda bataille au roy d'Engleterre, lequel roy d'Engleterre n'avoit nulle volonté, ne intention de combatre, ne de widier hors de son fort, synon quant bon luy sambleroit. Et quant le roy de France vid qu'il avoit mandé bien C" Flamens qui là vinrent, tous vestus des paremens d'Engleterre, ledit roy de France et tous ses osts se deslogèrent et s'en râlèrent, sans aultre confort faire à ceulx de Callais, dont ce fut grant honte, et en furent ceulx de Callais moult esbahis et courouchiés, et ossy furent tous les marchans qui avoient amené vivres en l'ost du roy de France par le commandement et cry qu'on avoit fait, car ils perdirent tous leurs denrées.

âS8 RËCITSi