CLXXXI« HYSTOIRE

Comment le provost des marchans de Paris cuida trayr et livrer la cité de Paris au roy de Navarre, et comment luy XII« furent exécutés.

Quant le provost des marchans vid que ceulx de Paris l'avoient sy enhay, sy comme vous avés oy, il se doubta moult que mal ne luy en venist. Sy avoit plus chier à premier commenchier sur eulx que eulx sur luy. Sy attraist à son accord pluseurs de ses amis, et debvoit livrer et rendre la cité au roy de Navarre, ainsy qu'il fut bien prouvé puissedy; car, ens ou fait, il fut prins par ungbourgois de Paris mesmes, qu'on nommoit Jehan Maillart, qui le print en sèment que par nuit, car il voloit ouvrir les

portes de Paris et le roy de Navarre laissier dedens pour pillier, brûler et destruire la cité. Sy fut prins, luy XIP de compaignons, complices en la trayson, tous d'ung accord. Et lendemain on manda l'affaire à Charles le régent et duc de Normandie, lequel leur rescripsy que tant que le provost seroit en vie, il ne rentreroit en la cité. Et ceste response oye, tous XII furent exécutés sans nule grâce, rémission, ne quelque merchy ; et après leur fin revint le duc de Normandie en Paris, qui y fut rechupt à moult grant joye et à moult solempnelle feste.

CLXXXIIe HYSTOIRE.

La pi'iase de la ville et chastel de Saint- Waléry parles Navarrois.

En ce taraps print monseigneur Jehan de Braquemont, par eschellement et par trayson, la ville et le chastel de Saint-Waléry ; et quant il le eult desrobée, il s'en party et laissa dedens de par luy monseigneur Guillame Bonnemaire qui le tintpuissedy grant tamps.

Et Navarrois s'espandirent puissedy parray le royalme de France, et ils prinrent, pillèrent, robèrent et brûlèrent pluseurs fortresses, et ils fisrent moult de dora âges et de graus maulx.