CLXXX« HYSTOIRE

Comment ceulx de Paris tuèrent aucuns Englès qui demourés estoient en leur cité, et comment ceulx qui eschappèrent, guerrièrent et tuèrent pluseurs de ceulx de Paris qui widèrent pour eulx courir sus.

Il advint ung peu après ce que la paix fut faite entre le duc de Normandie, le roy de Navarre et ceulx de Paris, comme dessus est dit, que ceulx de Paris s'esmurent contre

les Englecqs qui demourës estoient en leur cité. Sy en tuèrent environ XXX, dont leurs compaignons, qui estoient avec le roy de Navarre, se partirent par maltalent et furent près meus pour luy aler assaillir et courir sus en labeye de Saint-Denis , où il se tenoit. Toutesfois eulx bien VI mille se départirent du roy de Navarre, et s'en vindrent à Saint-Clo et là en ce tour, et comraenchèrent ceulx de Paris et leurs voisins d'entour à guerrier et à eulx faire moult d'ennoi. Dont ceulx de Paris yssirent une fois hors contre eulx ; mais ils furent recachiés, et en tuèrent les Englecqs bien VHP et lendemain bien IIII". De quoy ceulx de Paris se mescontentoient moult fort du provost des marchans, et disrent qu'il les avoit vendus et trays aux Englecqs. Sy en fut divement blasmés et enhays.