CLXXXV* HYSTOIRE

Comment le roy Edouart d'Engleterre, après les trêves fallyes entre luy et le royalme de France, descendy à Calais à tout son est et mist le siège devant la cité de Rains, et après chevaucha jusques en Bourgongne, et revint vers Paris, pillant, gastant, brûlant et exillant partout où il passoit.

Eu l'an de grâce mil IIP et LVIII fallirent les trêves qui estoient entre le roy Edouard d'Engleterre et le royalme de France. Sy partit ledit roy d'Engleterre à tout son ost et ses pourvéances que mist à Calais sur quars et sur quarettes, et s'en ala mettre le siège devant Raims, cuidant et désirant que Charles le régent et duc de Normendie le combatesist, ce que non ; car il ne wida oncques hors de Paris. Et quant le roy d'Engleterre eult tenut siège devant Raims l'espasse de VI sepmaines, et moult constraint la cité et tout le pays d'environ, et destruict grant partie du royalrae, et pris et conquis pluseurs fortresses, il s'en ala en la conté de Rétais et en la duchié de Bourgongne, et chevaucha sy avant qu'il vint jusques à Flevegny, à V lieues près de Digou, en laquele ville de Digon estoit la royne de France, femme au roy Jehan ; et sy estoit avec lui Philippe, son fils, duc de Bourgongne, et grande chevalerye de leurs pays. Et pour ce estoit-il descendus sy avant qu'il désiroit avoir bataille ; mais nuls ne vint encontre luy. Et quant le duc de Bourgongne et la royne sa mère et ceulx du pays virent que le roy d'Engleterre destruisoit, pilloit, tuoit, roboit, prenoit, essilloit et brûloit ainsy le pays, ils traictèrent et pactionnèrent à luy qu'il s'en riroit hors du pays de Bourgongne, sans plus y riens fourfaire, parmy et

moyennant une somme de flourins qu'ils debvoit avoir et dont on bailla bons plesges et bons hostages, et pourvéances pour tout son ost ; et parmy tant il s'en party et s'achemina vers Sens eu Bourgongne pour venir assiéger Paris, ainsy qu'il fist.

CLXXXVP HYSTOIRE.

Comment Charles régent de France et duc de Normendie envoia au pappe Ygnocent, en tant que le roy d'Engletei're estoit devant Rains, pryer qu'il envoiast ung légal pour traictier au roy d'Engleterre, lequel y envoia l'abbé de Clugny.

Quant le duc de Normendie se vid ainsy guerroier de tous costés et que le siège estoit devant Raims, du roy d'Engleterre, il escripsy et envoia devers le pappe Ygnocent, qui pour le tamps resgnoit, qu'il luy pleust à envoyer de par luy ung légal, lequel peusist, par la grâce de Dieu, attraire le roy d'Engleterre ad ce qu'il volsist faire paix aux royaulx. Sy y envoia le pappe l'abbé de Clugny, ung moult saint homme et de bonne renommée et bel atraiteur de parolles, sage et atrempés. Et vint en France par devers ledit duc de Normendie ; et dès dont que le roy d'Engleterre estoit et tenoit siège devant Raims, se commenchèrent les traictiés à faire, jà soit ce qu'ils n'y fussent pas parachevés.

CLXXXVIP HYSTOIRE.

Comment une assamblée de ceulx du pays de Pontieu se fist, et brûlèrent la ville de Wincestre en Engleterre, tandis que le roy chevauchoit parmy France, et au retour ung de leui's bateaux fut perdus par Englecqs qui les siévyrent.

Endemeiitiers que le roy Édouart d'Engleterre chevauchoit ainsy parmy France que vous avés oy, se fist une armée de ceulx de Pontieu, pour aler en Engleterre et destruire, pillier et brûler le pays. Sy en estoient capitaines monseigneur Hue de Chastellon et monseigneur Jehan de Noefville. Sy estoient bien IIIP hommes. Sy se départirent de la Fosse de Caieu et de Saint-Waléry, et singlèrent tant qu'ils vindrent à Wincestre, car ils cuidoient que le pays fust despourveus. Là yssirent-ils des vasseaulx et se misrent à terre. Sy ardirent la ville de Wincestre, et puis s'en retournèrent ; car le pays s'esmut contre eulx, et y vinrent fort et taillamment. Sy retournèrent les Françoys en mer, et y eult ung de leurs vasseaux perdus et tous les gens de dedens par les Englecqs qui vindrent sur eulx vigoreusement.Et fut en l'an mil IIP etLVIII, leXXIP jour du mois de mars.