CLXXXVIII« HYSTOIRE

Comment le roy d'Engleterre, après qu'il eult appaty et eult ostages et plesges du pays de Bourgongne, s'en vint logier demprès Paris, et tous ses gens à l'environ.

Encore vous dirons-nous du roy d'Engleterre qui s'en venoit devers Paris, en essillant et pillant le royalme de France et conquestant villes et chasteaulx, et moult amenrissoit le pays, et tant fist qu'il vint devant Paris. Lors se loga près de la cité, et ses gens à l'environ de luy. Et quant le duc Charles de Norraendie et régent de France qui estoit en Paris, vid que le roy d'Engleterre s'estoit logiés devant le cité, il en fut moult grandement esbahys, et ne sçavoit que dire, ne que faire, et s'y n'osoit widier hors de Paris, car moult se doubtoit de trayson. Sy se tenoit tout quoy en la cité, et faisoit moult songneusement guetter et garder la ville pour les Englecqs, car ils venoient à toutes heures jusques aux bailles lanchier et traire à ceulx de dedens. En tel efFroy et en tele doubte les tint le roy d'Engleterre l'espasse de XV jours. Sy avoit en la cité moult grant famine et grant disette de tous vivres, de quoy ceulx de dedens moult très-grandement s'esbahirent. Et tous les jours parlementoit ledit abbé de Clugny pour la paix faire, mais le roy d'Engleterre n'y voloit entendre. Et quant le roy d'Engleterre vid qu'on ne le combateroit point, il se party de devant Paris pour en aler vers Berry et vers Blois, et print son chemin et s'en ala devant Chartres, et tousjours le siévoit ledit abbé de Clugny,

CLXXXVIIII« HYSTOIRE.

Comment le traictiet fut fait entre Édouart roy d'Engleterre et Charles duc de Normendie, régent de France.

Ce fut par devant la cité de Chartres que le traictiet fut fait de la paix du roy Édouart d'Engleterre et du duc Charles de Normendie, régent de France pour le tamps, en tele manière que le roy d'Engleterre avoit par ordonnance et devoit tenir enthièrement toute la duché de Guiane, Poitou et Poitiers, Lymosin et Saintonge, Pieregorchet Quersinch, Roerge et Aginois, la Rocelle et trestoute Bigorre ou terre à grant plenté, Ponthieu et la conté de Guines, prenant en l'ireté jusques en Gravelynes sur Flandres. Et sy debvoit tenir Calais que jà avoit conquis. Et trestout quanques est cy nommé, debvoit tenir le roy d'Engleterre sans homage, fors que de Dieu. Et encore debvoit-il avoir III millions de moutons à sauveté ; et en devoit avoir hostages, lesquels qu'il voloit prendre au royalme de France sans nulluy escuser. Et sur ce bonne paix, se le roy Jehan le voloit accorder, qu'il tenoit prisonnier en Engleterre, et le voeuUe conferraer.

Et sur ce fut le respit cryet parray France et bonne paix. Et sur ce le roy d'Engleterre fist partir ses osts en III, et s'en râla en Engleterre à Widesorre là où le roy Jehan de France séjournoit, et luy conta la paix comment elle estoit faite entre luy et Charles duc de Normendie son aisné fils, s'il le voloit tenir et confermer. Et le roy Jehan respondit que oy et qu'il le confermeroit volentier. Et le conferma et jura à tenir sur l'autel Saint- Jorge en la chapelle

à Windesorre. Et sur ce il vint à Calais, et son fils Philippe ossy. Et pour toutes doubtes on fist bien garder la ville et le roy Jehan de France, et le gardoit monseigneur Gaultier de Mausny et monseigneur de Beauchamp.

Et si tost que le roy Jehan eult fait serment d'acomplir et tenir et intériner la paix en la manière dessus ditte, le roy Édouart d'Engleterre manda au royalme de France et premièrement au captai de Beuf ou de Beuche, capitaine gascon, et à Pierre d'Audellé et à Witasse d'Aubrechicourt et à tous aultres qui de par luy estoient au royalme de France, que chascun le widast et que bonne paix estoit.

Et adont vindrent les III enfFans du roy Jehan veoir leur père à Calais, et le prévost desmarchans vint à Saint- Omer, lequel apporta grant plenté de moutons d'or et les mist en la trésorye à Saint-Bertin pour payer la renchon du roy Jehan aux jours des payemens. <

CLXXXX» HYSTOIRE.

Comment la paix fut jurée, intérinée et confermée du roy Jehan de France, de ses enfans et de tous les seigneurs du royalme, et comment le roy Edouart d'Engleterre, après la confermation, en print plesges et ostages, et quels, et les emmena et tint en Engleterre jusques en fin de la paction et délivrance des pécunes acoraplyes.

Vray est qu'à la Saint-Michiel, après ce que la paix fut faite des II royalmes de France et d'Engleterre en la manière comme dessus est dit, que le roy Édouart d'Engleterre et ses V fils vindrent dedens Calais, c'est-assavoir Édouart prince de Galles aisné des enfans dudit roy, le

second estoit appelles Lyon, le tierch Jehan, le quart Aymon, et le V, Thomas. Et avoec eulx vindrent le duc Henry de Lencastre et grande quantité d'aultres barons et seigneurs. Et fut assarablé ung parlement au dehors de la ville de Calais. Sy y fut le roy Jehan de France et ses IIII enfans, c'est-assavoir Charles duc de Normendie, le second Loys, le tierch Jehan, et le quart Philippe. Et sy y fut le duc d'Orliens, frère au roy Jehan, et pluseurs grans seigneurs du royalme de France.

Et là fut de rechief la paix jurrée, intérinée, affermée et conformée des II roix et de tous leurs enfans. Et fut-on là d'acord de faire venir tous les plesges et ostagiers tantost, et y vindrent, c'est-assavoir le duc d'Ango et le duc de Berry, enfans du roy Jehan, et les aultres furent le duc d'Orlyens, frère du roy de France, Loys duc de Bourbon, le conte de Saint-Pol, le conte daufEn d'Auvergne , les enfans d'Alenchon, le beau Guy de Blois, le conte de Roussy, le conte de Porcien, le conte de Grantpré, le seigneur de Couchy, le conte de Harecourt, le seigneur de Saint- Venant, le seigneur de Mainlévrier, le seigneur de Roye, le seigneur de Wavrin, le seigneur de Clères, le seigneur de la Roche, le seigneur de Touteville. Et de chascune cité et bonne ville du roialme de France il y eult II bourgois. Et debvoient là demeurer tant et sy longuement que toute la somme de la ronchon du roy Jehan seroit paye. Et ossy, s'il en raoroit nuls, on les debvoit reschangier et renvoyer aultres et tels que le conseil du roy d'Engleterre vorroit eslire et reprendre. Et ainsy vindrent les ostages en Calais, et les fist-on monter en mer et aller en Engleterre.

CLXXXXP HYSTOIRE.

Comment le roy Jehan de France et Philippe son fils vindrent à Nostre-Dame de BouUongne en pèlerinage.

Après ces choses dessus dites, le roy Jehan de France se party de Calais, et avoec luy ses II fils, Charles et Philippe, et vint droit à BouUongne en pèlerinage, en Joant Dieu et sa benoite mère, et là fist son offrande à la benoite ymage. Et donna le roy Jehan congiet au prince de Galles qui l'avoit là aconvoiet, et luy pria et dist qu'il luy saluast et recommandast au roy Edouart d'Engleterre, son frère, et à la royne d'Engleterre, sa suer ; et ainsy se départist le prince, et s'en revint devers Calais.

CLXXXXII« HYSTOIRE.

Comment le roy Jehan de France revint de BouUongne à Paris,

Après le pèlerinage fait, dont nous venons de faire mention, le roy Jehan et ses II fils se départirent de Boullongne et chevauchèrent vers Monstreul-sur-la-mer, et de là vindrent à Amiens. Et quant le roy le trouva et vit ainsy arsse et gastée, il en fut moult très-fort courchiës. Et puis fist tant le roy qu'il vint à Beau vais, et puis à Saint-Denis, et y fist son offrande, et puis s'en ala droit à Paris, et les bourgois de Paris vindrent à rencontre de luy tous vestus de drap d'une couleur et luy firent grant feste .

Et entra le roy à Paris luy et Charles son aisné fils duc de Normandie et Philippe son fils maisné, et ala descendre au pallais, et tint noble et grande court celle journée.

CLXXXXIIP HYSTOIRE.

Comment le roy Edouart, quant il s'en fut raies en Engleterre, ordonna et délibéra gens pour aler prendre les saisines des pays que le roy Jehan de France lui avoit ordonnés par acord et pour sa renchon.

Le roy Édouart d'Engleterre délibéra et ordonna pour aler prendre les saisines des terres à luy oblegyes pour la paix et pactions dessus dites : premier monseigneur Jehan Chando pour aler saisir les terres en Gascongne et en Poitou. Et en Pontieu envoia le roy d'Engleterre au nom de luy Gérard de Baudresain. Cestuy en fut séneschal et gouverna le pays.

Et pareillement mist le roy d'Engleterre ung gouverneur dedens Guines et en toute la conté ; car le roy de France avoit tout partout mandé qu'il quitoit les homages et qu'on rechust les gens du roy d'Engleterre et qu'on luy en fesist homage, car c'estoit le bon héritage du roy d'Engleterre et de ses hoirs.

CLXXXXIIir« HYSTOIRE.

Comment le roy Charles de Navarre deffia le roy Jehan de France.

Endementiers que le roy Jehan de France séjournoit au royalme et qu'il prenoit garde comment le royalme avoit esté gouvernés, il envoia Jaques de Bourbon en Langhedoc contre grans corapaignies de gens d'armes cassés qui s'estoient rassamblés, et se vivoient ainsy que d'avantaige sur les plasts pays.

Or estoit en ce tamps et par avant beaucop trestoute la terre de Bourgongne escheue en héritage au roy Jehan de France ; mais le roy Charles de Navarre disoit que non et qu'il estoit plus prochain au duc de Bourgongne que n'estoit le roy Jehan. Et pour ce que le dit roy de Navarre n'en pooit possesser, ne joyr, il en deffya le roy Jehan et tout le royalme de France,

CLXXXXV« HYSTOIRE.

Comment le roy Jehan de France envoia monseigneur Jaques de Bourbon contre une compaignie de pilleurs et de robeurs qui estoient en la terre d'Avingnon, et comment il se corabaty contre eulx et fut navrés, dont il morut.

En celuy tamps avoit vers Avingnon une grande compaignie de robeurs, pilleurs et murdriers qui la terre du pappe entour Avingnon pilloient et roboient. Et ainsy alant, pillant et exillant circuyrent toute la terre et alèrent

jusques en Provence et jusques à Tarascon. Et prinrent par trajson la ville et le pont Saint-Esprit. Et avoient la rivière du Rosne saisy tant et par tele manière qu'on n'osoit navyer sur le Rosne pour aler en Avingnon. Dont le pappe jetta sentence d'escomraenieraent sur eulx, mais ils n'en firent non plus de conte que qu'ils fuissent payens ou sarasins.

Et adont s'avisa le pappe Ygnocent que par aultre manière il trouveroit faclion de les faire widier par leur donner ce qu'ils querroient. Sy leur fist porter et présenter grant argent, et leur donna. Sy widèrent et s'en alèrent au royalrae par devers Mascon, vers Lyon-sur-le-Rosne et vers Tournon. Dont le roy Jehan de France y envoia monseigneur Jaques de Bourbon, lequel, luy et ses gens, se combatirent contre eulx, et y fut le dit Jaques navrés à mort en une bataille, et fut rapportés à Lyon-sur-le-Rosne et là morut.

CLXXXXVP HYSTOIRE.

Comment au commandement du roy d'Engleterre le captai de Beuf, capitaine gascon, wida et partit moult envis du chasteau de Clermont-en-Beauvoisin.

Ossy tost que le roy Jehan de France eult confermée la paix dessus escripte, le roy Édouart d'Engleterre manda au catal de Beuf la paix et luy signifia qu'il widast du royalme de France. Dont le catal s'y acorda bien envis à ce faire. Et adont s'avisa et dist qu'il pilleroit et venderoit après ce les forteresses, à ceulx de Beauvoisin le chastel de Clermont et pluseurs aultres.

Et ainsy le fist Pierre d'Audelée, ung aultre capitaine. Et ossy fist Witasse d'Aubrechicourt qui tenoit Attegny et grant plenté d'aultres fortresses : lequel les vendit, mais il n'en eult au conte de Flandres riens, à qui il les avoit vendues, car le conte y ouvra d'eifort.

Et ainsy se partirent du royalme de France tous les Englecqs et pluseurs d'aultres nations par le command du roy d'Engleterre.

CLXXXXVIIe HYSTOIRE.

Comment par le command du roy de France monseigneur Ernoul d'Audreheœ, mareschal de France, mena pluseurs gens d'armes à Lyon-sur-le-Rosne.

Après ce que les François eurent esté desconfis et que monseigneur Jaques de Bourbon fut trespassés à Lyonsur-le-Rosne, le roy Jehan envoia monseigneur Ernoul d'Audrehem, mareschal de France, atout grant plenté de gens d'armes à Lyon-sur-le-Rosne contre ces compaignies de pilleurs, lequel mareschal les mena, cacha etdesbucha par tel party qu'ils s'espardirent et qu'ils ne se savoient où tenir, fors que ainsy que gens qui queurent et guerryent en larchinois pour rober et pillier et pour murdrir gens. Et en fit moult grande justice et de grande quantité le dit Ernoul, comme de pendre, de traîner, de noyer, de brûler, d'escarteler, et de copper testes à autant qu'on en pooit prendre et attrapper en quelque lieu que ce fust.

CLXXXXVIII« HYSTOIRE.

Comment le roy Jehan de France et Philippe son fils alérent en Avingnon veoir le pappe Ygnocent, et comment en tandis le roy de Chippre y vint pour eulx faire enchargier la croix pour aler oultre mer sur les Sarasins.

En ce tamps eult le roy Jehan de France volenté et désir d'aler en Avingnon veoir le pappe Ygnocent, et mena avoec luy Philippe son maisnë fils , et il laissa dedens Paris Charles, son aisné fils, duc de Normendie, son lieutenant, et s'en ala par Bourgongne, et tant chevaucha qu'il vint à Villenoefve, assez près d'Avingnon, et n'y a que le Rosne entre deux de là jusques à l'ostel et chasteau qui fut au pappe Clément. Et là fut le roy rechut des cardinaulx moult honnourablement, et puis ala veoir le pappe Ygnocent et disna avoec luy. Et endementiers qu'il séjournoit en Avingnon, y vint Pierre, le roy de Chippre, pour venir pryer et requérir à tous bons crestyens qu'ils volsissent prendre et enchargier la croix pour aler délivrer le Saint- Sépulcre en Jhérusalem et la Sainte-Terre de Promission. Lequel roy Pierre y fut recheu moult autenticquement, saintement et très-honnourablement. Tous les cardinaulx, le clergiet de la cité et tous les sains collèges alèrent, à croix, confanens, eawe bénite et moult grant plenté de relicques et saintuaires, à l'encontre et au devant de luy en grant solempnité, et l'amena-on droit par devant nostre Saint-Père le pappe, qui moult humblement le rechut, conjoyt et festia selon sa possibilité et selon la mal adie que pour lors il avoit.

CLXXXXVIIII« HYSTOIRE.

Comment le pappe Ygnocent trespassa ea Avingnon, et comment les cardinaulx ne peurent estre d'acord de faire de l'un d'eulx ung pappe, et comment ils le fisrent de l'abbé de Saint-Victor.

Tantost après que le roy Jehan de France et le roy Pierre de Chipprc furent venus en Avingnon, sycomme vous avés oy, le pappe Ygnocent trespassa en ladite cité ou en son ostel assez près dudit lieu. Et tantost après son trespassement, les cardinaux alèrent au pallaix du pappe, qui est dedens Avingnon, en conscitoire, et là furent moult longuement. Sy ne peurent estre d'acord que l'un de eulx fust pappes, et au darain ils conclurent et furent d'acord. qu'on raanderoit l'abbé de Saint-Victor, lequel on nommoit Pierre Grimouart, et après tous consulteraens, escusemens et assentemens, ils fisrent ledit Pierre Grimouart pappe , lequel, en sa consécration, coronation et bénédiction appostolicque, fut appelle Urbain.