PREMIÈRE PARTIE
S'ensieut ung rassaingneraent pour savoir les âges du monde, avec aulciins abrégiés croniques, comme de l'advenue des patriarches, des sains-pères de Rome, des empereurs, des rois de France, des contes de Flandres et de Havnau, avec plusieurs termes des structures, destructions et rédificationS de plusieurs églises, villes, etc.
De la création du monde jusques à l'incarnation de Nostre-Salveur Jhésu-Crist il y eult 5,099 ans.
Troies-la-Grande fu destruite 1280 ans avant que Jésu- Crist fut nés.
1468 ans avoit duré le monde avant que Rome fut édiffiée, ne estorée.
752 ans fut Rome avant que Jhésu-Crist fust nés.
330 ans fut la destruction de Troye avant que Rome
fut fondée.
350 ans fut Troye destruite avant qu'Alexandre régnast.
César Auguste avoit 40 ans quant le fils de Dieu fut nés.
1,262 ans fut le premier âge avant le grant déluge.
1,032 ans y eult du déluge jusques à Abraham. . 1,563 ans y eult d'Abraham jusques au règne David.
512 ans y eult d'espasse de David jusques au temps que les Juifs furent menés en captivité en Babylonne.
518 ans y eult entre la transmigration des Juifs jusques à l'advénement de Nostre-Saulveur Jhésu-Crist.
Le nombre des hommes et des femmes eagiés qui estoient soubs le pooir Octavien, autrement dit César Auguste, au temps que Nostre-Seigneur vint en terre , fut 370 fois cent mille.
Le roy David fit nombrer de cent danres qu'il avoit desoubs soy ; s'en y trouva-on 12 fois cent mille , et miston à faire la queste 9 mois 20 jours.
Le roy Salomon eult pour ses despens chascun jour 30 sacqs dte fleur de lye molue et déliement bulletée, et 60 sommes de farine d'aultre manière ; et à sa cuisine en chascun jour 10 bœufs encraissiés et 20 aultres qui venoient d'aultre pasture et 100 moutons, sans les venoisons et volilles, avoec pluseurs aultres présens qu'on ly faisoit.
Item, il avoit 40 mille chevaulx en estables qui carioient son harnas et 12 mille chevaulx à selles.
Item, il avoit 12 prinches qui chascun ly prouvéoit ses despens quatre mois à sen coust ; Item, 12 mille hommes qui le gardoient.
Item. Il avoit bien 700 femmes qu'on appelloit roynes et 400 servans.
Item, Salomon avoit, quant il morut, 94 ans, et fut couronnés 4,055 ans, après le commencement du monde.
Thèbes fut destruite, ains que Rome fut fondée, 560 ans.
et est à présent appelée Estives, et siet en la Morée ; et fut destruite 230 ans avant que Troye le fusist.
De saint Pierre qui fut le premier pape de Rome , jusques à saint Silvestre, qui fut apostole l'an 319, eult 24 papes.
De saint Silvestre jusques à Agapitte, qui régna l'an 539, eult 18 sains pères de Rome.
Et d'Agapitte jusques au tamps pape Léon qui fut mis au saint siège apostolique l'an 843, y eult 40 apostoles.
Et du pape Léon jusques au pape Jehan y eut 61 papes de Rome.
Julius César se fit couronner premier empereur de Rome 66 ans devant la venue de Nostre-Seigneur.
Et de Julius César jusques au grant Constantin, qui fut crestien, régnant en l'an 333, y eult 36 empereurs.
De celuy Constantin jusques au bon Justinien, qui fut l'an de l'incarnation 539, y eult régnant 16 empereurs.
Item, de ce Justinien jusques à Charlemaine roy de France, qui fut empereur l'an de l'incarnation 843, oit 18 empereurs franchois.
Item, du darain empereur franchois jusques à l'empereur Berengier qui fut lombart, lequel régna l'an 961, y eult, jusques au darain empereur de Lombardie, 16 empereurs, trèstous lombars.
Chy commpQchent les ans dés le coramencheuient du monde jusques à nos tanaps.
Et premièrement, de Adam jusques à Abraham il y eut 4,074 ans.
Et d'Abraham jusques à la nativité de Jhésu-Crist, il y eut 2,015 ans.
Item, la Vierge Marie avoit 14 ans quant elle enfanta Nostre-Seigneur Jésu-Crist.
Item, à la nativité de Jhésu-Crist , Rome avoit duré 752 ans, et Julius César fut ochis 43 ans devant l'incarnation du fils de Dieu,
1. Chy fut nés Jhésu-Crist, circoncis, offert au temple, et portés en Egipte, c'est assavoir nés le 8° kalende de janvier, par jour de dimence.
