Ernoul, conte de Flandres, morut, et Bauduin le
Barbes son fils fut 6% 998. Richart, duc de Normendye, morut, et après luy succéda en la seignourie Richart son fils.
1000. Chy ot trois Jehans en la papalité pour ung an.
1001. Après la mort de Othes, fut Henry son fils empe-
reur de Rome 23%
1009. Chy furent Grégoire , Jehan , Silvestro et Jehan apostles.
1014. Après la mort de Henry, fut Conrard son fils empereur d'AUemaigne et de Rome 24%
1019. Chy fut ung Sergias pape.
1020. Bauduin, 6« conte de Flandres, fonda l'église de
Saint-Pierre en Lille.
1026. Après la mort du duc Richart de Normendye, Robert son fils fut seigneur du pays après son père qui alla en Jhérusalem-.
1030. Chy fut décollés saint Thomas de Cantorbye.
1031. Robert roy de France, morut, et après luy Henry
son fils fut roy 24%
1033. Robert, duc de Normandye, morut, et Guillame son fils bastard fut après luy duc de Normendye et roy d'Engleterre.
1038. Après que Conrard morut, Henry son fils fut empereur de Rome 25%
1046. Nicéfores fut empereur de Constantinoble 47*.
1050. Chy fut Silvestre pape.
1053. Clément fut pape, et Léon après luy tint le saint
siège.
1055. Chy fut la ville de Lille fondée. 1057. Chy comencha la Charité.
1062. Henry morut, et après luy fut son fils Henry empe-
reur de Rome 26^
1063. Henry morut, et Phelippe son fils fut après luy roy
de France 25'^.
1064. Victor, Estiesne, Benoit, Alixandre,pappesde Rome. 1068. Bauduin morut, et Bauduin le Bon, son fils, fut
après luy conte de Flandres 8«.
1071. Bauduin le Bon morut; Ernoul, son fils, fut conte
de Flandres.
1073. Robert le Frison ochist Ernoul son nepveu et se
fist conte de Flandres 10^
1075. Grégoire apostle morut.
1076. Saint Eubar trespassa, et après luy fut Éraus, roy
d'Engleterre.
1079. L'abéye d'Anchin fut estorée par le seigneur de
Courcelles.
1081. Chy morut Mehault, royne d'Engleterre.
1084. En ce tamps morut pape Victor.
1085. Le roy Éraus d'Engleterre mort,Guillame en fut roy.
1086. En ce tamps régna Ricaus, contesse de Flandres et
de Haynau.
1087. Environ ces ans, fut le corps saint Nicolas apporté
au Bar.
1088. Chy morut Corbius qui avoit esté moisne et abbé
de Clugny.
1090. Après Nicéfores fut Alexis empereur de Constantinoble 48^
NOTES. îa9
1091. Chy reprint le roy Richart d'Engleterre Tripple et
Acre sur Salhadin.
1092. Chj fut nés saint Bernard, premier abbé de Clervaux. 1096. La mute de Jhérusalem de Pieron l'ermitte où
Nicquée fut prinse de Godefroy de Buillon, et fut Jhérusalem prinse des crestiens.
1099. La mort de Godefroy de Buillon fut machinée et exécutée de Eracle, patriarche de Jhérusalem, et du conte Tangret.
1103. Chy morut Robert, duc de Normendye, et Raymont, conte de Thoulouse, tantost après qu'ils furent revenus de avoec Godefroy de Buillon prendre la cité de Jhérusalem.
1107. Henry, roy d'Engleterre, print son frère Robert, duc de Normendye, en bataille.
1109. Après la mort du roy Phelippe, Loys, son fils, fut
roy de France 26*.
1110. Jehan, fils Alexis, fut empereur de Constantino-
ble 49".
1113. Chy morut Tangred qui fut à prendre Jhérusalem.
1114. En ce tamps se rendy saint Bernard en Citeaux.
1115. Guillame, conte de Nevers, fut prins.
1116. Bauduin, prisonnier.
1118. Après la mort du conte Robert, fut Charles 1 P conte de Flandres.
1120. En ce tamps les fils du roy Henry se noyèrent à
ung port de mer.
1121. La ville de Tripple en Surye fut prinse des crestiens
avoec la cité de Sur,
1122. Chy fut Honoré estably pape.
1127. Charles, conte de Flandres, en ce tamps fut murdry.
1128. Guillame le Normantfut conte de Flandres 12^
1129. Après la mort du conte Guillame, Thiery d'Ausay
fut conte de Flandres 13^.
1130. Chy fut Ignocent apostle.
1131. Lotaire fut empereur de Rome 26%
1132. En ce tamps fut l'église de Clugny dédiée.
1135. Henry raorut et Estienne fut roy d'Engleterre. *
1136. Manuelaus fut empereur de Constantinople 50^
1137. Après la mort du roy Loys, Loys son fils fut roy
de France 26*.
1139. Chy fut l'abye de Los fondée.
1141. Conrard fut empereur de Rome 27«.
Le roy Estienne fut prins, puis fut rendu, et fut
paix faite entre luy et Manuelaus, l'empereur de
Constantinoble.
1144. Célestin, Lucius et Eugenius, apostles. 1146. Chy fut la seconde mute de la cité de Jhérusalem. 1148. En ce tamps morut Guillame, conte de Nevers.
1152. Frédéric fut empereur de Rome 27^
1153. Anastasius fut apostles et le conte Tiébault morut.
1154. Le roy Estienne morut ; son fils Henry fut roy.
1155. Adryen, apostles.
1158. Henry, roy de France, donna ses filles au roy
d'Engleterre.
1160. Pape Adryen morut, Alixandre fut appelles. 1165. Chy fut nés Phelippe le roy de France. 1169. Après la mort Thiéry d'Ausay, Phelippe, son fils,
fut conte de Flandres 14®.
1171. Chy fut saint Thomas de Cantorbie en Engleterre
martirisiet en son église.
1172. Alexis fit Manuel empereur de Constantinoble 5P. 1174. En ce temps alla Phelippe , conte de Flandres
oultre la mer.
NOTES. Zi
1177, Chy commenclia Salhadin à régner en Turquie.
1178. Ysabeau, fille du conte de Haynau, fut royne de
France.
1180. Phelippe fut roy de France 28^ 1182. Andronics, empereur de Constantinoble 52®.
1184. En ce taraps furent les érëtiques brûlés à Lille.
1185. Chy fina la mairye à Lille.
1186. Jhérusalem fut prinse du roy Salhadin qui la gaigna
sur les crestiens ; et fut la 13® fois qu'elle fut prinse.
1187. Le roy de France et celuy d'Engleterre se croisè-
rent pour aller sur les Sarrazins. Le roy Henry morut, Richard fut roy ; et allèrent le roy Richard et le frère du roy de France oultre la mer.
1188. Les arbres de Gisors furent coppés. Là coraencha la
guerre des deux rois.
1189. Kyrsac fut empereur de Constantinoble 53®.
1194. Henry fut empereur d'Allemaigne.
1195. Marguerite morut ; Bauduin son fils fut conte de
Flandres 15®.
1197. Le roy'Phelippe de France print Aire et Saint-Omer. 1199. Chy morut le roy Ricliart d'Engleterre. 1201. Bauduin, conte de Flandres, alla en Constantinoble,
où fut empereur 54®, 1204. Normendie'fut rendue au roy Philippe de France ;
et fut l'empereur Bauduin desconfis.
1207, Othes fut empereur de Rome, Cestuy destruit les
Albigeois.
1209. Le conte Ferrant de Portingal print à femme
Jehanne, contesse de Flandres, et le roy rendit
au dit Ferrant, mari de la contesse, conte de
Flandres, Aire et Saint-Omer.
1212. Othes conquist le royalme de Puille, et fut l'empereur Frédéric escoramuniet.
1215. Adonc y eult, de Julius César qui fut empereur de
Rome jusques à cestuy Frédéric, 1260 ans.
1216. Ferrant, conte de Flandres, fut cacliiet hors de ses
pays, et en la fin morut en France.
1217. En ce tamps fut la ville de Lille près toute brullée.
1218. Chy fut Jehan, conte de Brianne, sire et roy de
Jhérusalem.
1220. Damyette fut prinse des crestiens.
1222. Gaultier de Marigny fut évesque de Tournay.
1223. Chy fut Frédéric couronné ; et fut le beffroi de
Valenchiennes parfait.
1224. Phelippe, roy de France, morut ; et Loys, son fils,
fut après luy roy de France 29^
1225. En ce tamps furent les jacobins estorés à Lille.
1226. Loys morut , et son fils saint Loys fut roy des
François 30®.
1227. En ce tamps vint Bertrand de Ray en Flandres, soy
disant conte Bauduin, conte de Haynau, empereur de Constantinoble, et fut pendut et trainné à Lille.
1258. Chy morut saint Franchois.
Chy se remaria la contesse Jehanne de Flandres.
1229. Le conte Guion et la fille du conte Ferrant furent nés.
1230. Albigeois fut conquis.
1231. Gaultier de Marigny, aultrement dit Marin, évesque
de Tournay, envoia légats en Albigeois.
1232. En ce tamps furent faites les fontaines à Lille.
1233. Environ ce tamps morut Ferrant, conte de Flandres.
1234. Chy furent faittes les halles à Lille.
1235. En ce tamps le roy saint Loys de France se maria.
1236. Frère Robert vint en France pour faire ardoir les
bougres.
1237. En ce taraps furent les bougres ars à Lille.
1238. Jehanne, contesse de Flandres, print Thomas, frère
du conte de Savoie.
1241. Courbaus de Gennes, fils du conte de Bonnaque,
fut apostles.
1242. En ce tamps vinrent les Tartarins en Hongrye.
1244. Jehanne contesse morut, et Margueritte fut contesse
de Flandres 17^ Le duc d'Ango assiéga Valenchiennes, et fut adont abatue la grant raaladerie.
1245. L'empereur Fédëric fut couronnés à Lyon-sur-le-
Rosne.
1247. Guillame, conte de Holande, sist et tint siège devant Ais.
1249. Chy alla le roy saint Loys oultre mer et print
Damyette.
1250. En ce tamps morut l'empereur Fédéric.
1252. Chy fut faite fin de la mutte des pastoureaux.
1253. Guillame, conte de Flandres, morut à Trazegnies.
1254. Blanche, royne de France, morut.
1255. Flamens furent desconfls en Holande.
1257. Chy revint le roy saint Loys d'oultre mer, à grant
perte de sa baronnio.
1258. En ce tamps fut fait Édouart prince des chevaliers.
1259. Guillame, conte de Holande, fut ochis des Frisons.
1260. Richart, empereur d'Allemaigne, -fut couronnés à Ais. 1263. Symon, conte de Montfort, print le roy Henry d'En-
iïleterre et Édouart son fils.
1266. Charles-sans-terre, frère du roy de France, conquist Sézille et tua ManfFroy.
1270. Le roys saint Loys alla en Tynes pour la seconde
- croisye et morut au port de Cartage.
1271. Son fils Philippe fut roy de France après luy 3P,
et fut couronné de l'évesque de Soisson à Rains.
1272. Henry, roy d'Engleterre, morut, et Edouard son
fils fut roy.
1274. En ce tamps Raoul, conte de Mons, fut empereur d'AUemaigne.
1276. Chy furent au grant concilie de Lyon abatus les
bigames.
1277. Jehan, pape.
1278. Nicolas, pape.
1279. Margueritte, contesse de Flandres et de Haynau,
morut le 12* de février, et Jehan, son fils, douze jours après l'Ascension.
1283. Martin fut pape.
1284. Charles, roy de Cecille, morut.
1286. Phelippe , roy de France, alla en Aragon, puis morut au revenir ; et Phelippe le Bel, son fils, régna après luy.
1289. Édouart, roy d'Engleterre, revint d'oultre mer.
1290. De par le soudan Salhadin, Acre fut destruito des
Sarrasins.
1291. La table ronde fut à Lille, qui dura trois jours
justans.
1294. Le roy Phelippe de France mit le conte Guion et
sa fille en prison à Paris, 1296. Guy conte de Flandres renvoia son homage à Paris. 1298. Le roy Phelippe tint siège devant Lille ; et luy rendy-
on Courtray, Bruges et la Basse-Flandres.
1301. Le commun de Bruges releva Lo.
1302. Robert conte d'Artois morut devant Courtray.
1304. Le roy fut à Bouleriu, mais il s'en party sans riens
faire, et la bataille fut de ceux de Lille et de Courtray. En ce tamps fut Tournay assis des Flamens.
1305. Le roy de France 'appela contre le pape Boniface de
villain criesme à Paris es gardins le roy.
1306. La bataille fut à Mons-en-Peule, et Lille fut assise
du roy la seconde fois, et les Flamens y revinrent ; par quoy on fist paix, par grant argent que les Flamens y eulrent.
1307. En ces jours fut le chier tamps, qu'on vendoit la
rasière de bled 50 sous à Lille et en pluseurs aultres lieux.
1314. Le roy Phelippe de France fit prendre tous les Tem-
pliers, et en prison les fist mener, puis en la fin les fist raorir, parce qu'on leur mist sus qu'ils estoient pires que vauldois ou hérëticques. Et fut le grand maistre des Templiers , nommé maistre Jacques de Molay, gentil de sang et de lignée, natif de Bourgongne, ars à Paris, avoec plusieurs de ses confrères.
En ce tamps le conte Robert de Flandres assiéga Lille, et dedans estoit Loys d'Évreus frère du roy de France.
Chy morut Phelippe roy de France, et après luy régna son fils Loys de Navarre.
En ce tamps, le second jour de février, qui fut jour delà Candeler, prinrent les prostrés le quaresme.
1315. Environ ce tamps vint le roy Loys sur les Flamens
à grant puissance, et fut jusques à Durement ; mais il falut qu'il s'en partist, pour le tamps qu'estoit sy orrible, par une nuit Sainte- Croix.
Et retourna en France sans riens faire, et fit ung acort aux Flameus, Et fut rnessire Engerant de Marigny, chambrelent de France, pendus à Paris, par une nuit de l'Ascension, en celuy an. 1316. Le roy Loys morut en may, et fut le règne sans roy jusques à la Toussains.
En ce tamps nasqui le roi Jehan son fils et régna quatre jours ; et eschéy le royalme à Philippe son oncle conte de Poitiers.
Eu l'an 998 fut Agapitus pape du taraps Hue Capet, et fut ordonné qu'on dist lendemain de la Toussains l'office des âmes.
En l'an qui courut sur mille oit à Rome eslu trois papes, de quoy chascun oit nom Jehan.
En l'an 1001, fut pape Octonien et fut le sept-vingt- dixhuitiesme pape.
En l'an 1002 morut l'empereur Otho par venin ; et Henry duc de Bavière tint l'empire 22 ans après celuy Othon, et fut empereur de Rome 56«.
En l'an 1007 vint l'empereur Henry sur Flandres, pour ce que le conte Bauduin 6« conte de Flandres tenoit Valenchiennes contre la volenté de l'empereur. Sy print l'empereur Gand, mais le conte Bauduin vint à luy à mercliy, et luy rendy Valenchiennes et l'en resaisy. S'en devint le conte subjet et en fit hommage à l'empereur, et luy promit à aidier contre ses ennemis à tousjours mes.
En l'an 1051 conquist Bauduin conte de Flandres la terre de Haynau qui estoit de l'empire, et s'en alla conquérant tout le pays jusques à Huy près de Binant, laquelle ville il ardy.
En l'an 1054 amena l'empereur Henry grant ost contre le conte de Flandres, et print l'Escluse , et puis vint à Tournay. Sy l'assiéga et print par force des plus haulx barons de Flandres qui la cité voloient contre luy defFendre.
En l'an 1071 oit guerre Robert, le frère au conte Bauduin de Flandres, contre Ernoul et Philippe enfans audit conte Bauduin, pour la terre de Flandres que Robert leur oncle voloit avoir ; et furent ses deux nefveus ochis. Sy tint Robert la conté.
En l'an 1170 fist le roy Henry d'Engleterre copper le chief à saint Thomas en l'église de Cantorbie, contre la paix que le roy Loys en avoit faite ; mais puis fit Dieu maintes miracles appertes par le benoit martir qui ot esté archevesque de Cantorbie.
En l'an 1233 fut parfait le beffroi de Valenchiennes. En l'an 1263 commencha la feste de Valenchiennes à le Saint-Mahieu.
En l'an 1278 se fist la halle de Valenchiennes. En l'an 1273 fit messire Bauduin d'Avesnes la feste es prés Nostre-Dame de Valenchiennes, à l'issue d'août.
En l'an 1277 fut l'église de Saint-Pierre de Valenchiennes abatue pour agrandir le marchiet; et en l'an 1280 fut une nouvelle réédifyée et bénye, comme à présent on voit.
En l'an 1281 furent si grandes les eaues en Valenchiennes que les pons rompirent, et convint les nesges mesner aux champs, par ban de la ville.
En l'an de l'incarnation 807 le roy Charlemaine, empereur de Rome et roy de France, leva le corps saint Saulve qui fut raurdry à Brueil dalez Valenchiennes ; et y avoit j ut trois ans entiers. II fut évesque d'Aquitaine.
En Tau 1254 furent Flamens desconfis en Hollande.
En l'an 1269 trespassa Margueritte la contesse.
En l'an 1290, le lundy devant le jour Saint-Jehan-Décolasse, assallirent ceulx de Valenchiennes le chastel le conte, et les bourgois • firent faire une chandelle de la longueur et du tour de la yille, qui eult 6100 aunes de long ; et si y eult 501 livres de chire.
Eu celle mesme année fut ars le moustier des Barres d'un lignaige en Valenchiennes, pour ce que ung homme y estoit fuis à saulvetë, après qu'il eut ochis ung homme de la ville leur cousin germain.
En l'an 1192 raorut Galuens à l'arbre de Préseau, en la guerre que les bourgois de Valenchiennes eulrent au conte leur seigneur, qui leur fist assault à la porte Cardon.
En l'an 1310 assiéga le conte Guillaume de Haynau et de Hollande Thuin contre l'évesque de Liège.
La contesse Ricaut et Bauduin son fils firent alliance à l'évesque Théodolin de Liège, et rechuprent de luy Haynau en homage. Sy assamblèrent grant ost, par l'aide dudit évesque, et eulrent pluseurs batailles à Robert le Frison ; et dura la guerre longuement, au domage de l'ung et de l'autre. Et entre les aultres y eu eult une vers Broqueroie, où Robert le Frison mist à mort grant nombre de gens. Et encore a le lieu nom Morte-Haye. Et puis fist ledit Robert grande forteresse à Wauvrechin sur l'Escaut. Mais la contesse Ricaut et Bauduin son fils la firent abbattre, et y eult ochis pluseurs de ceux que Robert y avoit mis en garnison. En la fin fut paix faite entre eulx, en telle manière que le conte Bauduin de Haynau deubt prendre à femme une niepce du conte Robert le Frison. Et
de ce à tenir, mist le conte Bauduin en gaige la ville de Douay, qui tout est de Haynau et d'Ostrevan. Mais quant le conte Bauduin vit la damoiselle, qui luy sembla sy laide, dist qu'il ne la prenroit jà. Pour ce retint le conte Robert la ville de Douay, ne oncques puis nen fut le conte de Haynau saisis.
S'ensieut la cause pourquoy l'abaye d'Anchin fut fondée.
En ce tainps avoit ung chevalier en Artois, qui avoit nom Sohier de Loo , et estoit sire de Courcelles dalés Douay. Gestuy Sohier avoit grant guerre contre ung aultre chevalier en Ostrevant, appelle monseigneur Gaultier de Montigny. Ung jour yssy messire Sohier de sa maison pour une besongne. Ses gens chevauchoient devant luy, et il venoit pensif derrière. Une bru}Tie leva. Si se fourvoya et perdy ses gens. Il entra en ung bois et chevaucha jusqu'à la nuit, tant qu'il vint en ung lieu qu'on nomme le Warde-Saint-Rémy. Il vit une lumière de feu. Sy alla celle part, tant qu'il vint à la porte d'une maison. Il requist le portier qu'il le laissast entrer dedens. Cestuy ouvry la porte et alla nonchier à son seigneur que layens avoit ung chevalier descendu tout seul. Le seigneur envoya deux de ses varlets à luy, l'ung pour rechepvoir son cheval, et l'autre pour l'amener en la salle. Et estoit messire Gaultier de Montigny, en qui messire Sohier estoit descendeu en son ostel.
Quant messire Gaultier vit messire Sohier, il sallit sus et dist que bien fust-il venus. Après l'avisa tant qu'il le congnut, et messire Sohier luy. Sy furent moult esbahis ; et messire Gaultier luy dist : « Sire, vous estes embatus en « mon ostel, et je vous eu salue. Sachiez que vous n'arez
« anuit garde de moy, ne d'aultruy, et demain vous feray <( conduire hors de ma terre ; et demain vous gardez de « moy. » Puis le prist par la main, et s'assirent tous deux à table. Messire Sohier luy conta comment il s'estoit fourvoyés ; et quant ils eurent raengiet et rendut grâces à Dieu, ils allèrent couchier, et puis au matin se levèrent. Messire Gaultier demanda à monseigneur Sohier comment il avoit la nuit dormy ; et il respondy qu'il avoit esté moult traveilliés de songes, car il avoit songiet qu'il estoit en une isle près de là, et ung blanc cherf luy trayoit les boyaulx hors du corps et le trainoit tout autour l'isle. — « Certes, dist messire Gaultier,tout ainsy m'est-il advenu !' »
Donc s'accordèrent qu'ils yroient vers celle isle pour veoir que ce pooit estre. Et tantost qu'ils y vindrent^ ils trouvèrent ung blanc cherf qui alloit tout autour de l'isle, et Sohier dist à monseigneur Gaultier : « Sire, nous avons « eu guerre ensemble longuement, de quoy pluseurs de « nos amis sont mors et destruis ; il samble que Nostre- « Seigneur nous admoneste que nous en faisons la pénitance « en celle isle. Et se vous y volés demeurer, je vous y « tenray compaignie. » Et messire Gaultier s'y consenty de bon corage et volentier.
Après ces paroUes dittes, les deux chevaliers revinrent ensemble et mandèrent de leurs amis. Sy firent paix ensamble. Aucuns de leurs amis deraourèrent illuecq avec eulx. Si estorèrent une religion et firent ung abbé (par Tassent Gérard, évesque de Cambray), qui fut prins en l'abye de Hanon, et oit nom Allard. Messire Sohier donna à l'église Loo et Courcelles, et messire Gaultier de Montigny y donna la ville de Pesquencoart. Et puis s'y rendirent pluseurs chevaliers et gentilshommes, qui y donnèrent grans terres et grans revenues. Ils nommèrent l'abaye : Anchin.
Et ainsy par tel miracle comraencha l'abaye d'Anchin en l'an de l'incarnation de Nostre-Seigneur 1078, le darain jour du mois de novembre.
Après ces choses, print Bauduin conte de Haynau, fils de la coutesse Ricaut, Ydain, la soeur du conte Lambert de Louvain à femme. Che Bauduin et Ricaut sa mère édiffièrent l'abaye de Saint-Denis en Brocroie, et y donnèrent la ville mesme et pluseurs aultres tenures. Le conte Bauduin eult trois filles et deux fils. L'aisné de ses fils oit nom Bauduin, et le maisné Ernoul. Mais la contesse Ricaut ne vesquit gaires puis, ains morut en l'an de l'incarnation de Nostre-Seigneur 1086.
Or revenons à la raatère de Robert le Frison. Quant Robert le Frison oit conquise la terre de Flandres, sy comme vous avez dessus oy, et il le oit grant pièche gouverné, sy morut ; et fut ensevely à Cassel. De luy demoura deux fils et trois filles. L'aisné de ses fils eult nom Robert. Celuy tint la conté de Flandres après luy. Et print à femme Climence, la fille du duc Guillaume de Bourgongne, et en eult trois fils. L'aultre des fils Robert le Frison oit nom Philippe. Iceluy eult ung fils qui eult nom Guillame.
Et des filles du dit Robert le Frison oit l'une à mariage le roy Conut de Dannemarche. Si en oit ung fils qui eult nom Charles. La seconde fille print à mariage le conte de Bruxelles ; et quant il fut trespassé, elle reprint le conte Thiéry d'Ausay qui en oit ung fils qui oit nom Thiéry . Et la tierche fille se rendy en l'abye de Messines.
Des contes de Haynau.
Pour ce que nous avons dit dont les contes de Flandres viudrent, nous vous dirons ossj dont ceulx de Haynau vindrent.
On troeve en aulcunes croniques que saint Wambert, qui gist à Consore dalés Beaumont en Haynau, fut duc de Loheraine. Et duroit sa seignourie en Cambrésis, en Haynau, en Brabant, en Hasebaing, en Ardenne et jusques au Rin. Sa femme oit à nom Bertille, bonne dame et sainte. Ils orent deux filles, desquelles celle qui fut aisnée, oit nom Wauldrut et la maisnée Audegonne. Celle Wauldrut eult à mary ung noble homme qu'on nomma Waldegar. Et tindrent ensamble la conté de Castiau-Mont , qu'on nomme maintenant Mons en Haynau. Che Waldegar, conte de Castiau-Mont, se fist appeler Vincent. Et menèrent moult sainte vie entre luy et la contesse "Wauldrut sa femme. Ils estorèrent une abbaye de nonnains à Mons, qu'on appelloit adont Castiau-Mont, et y establirent clers, qu'on a puis nommées canones, pour procurer les foraines besongnes des nonnains. Vincent, mary de la contesse Wauldrut, pourcacha tant à sa femme qu'elle le laissa entrer en religion. Et se rendit en l'abaye d'Omont dalës Maubeuge, qui estoit adont sy religieuse qu'il y avoit trois cens moisnes, desquels les cent faisoient le service Nostre- Seigneur en tout tamps, tandis que les aultres cent estoient en labouraige, et les aultres cent en prendant leur soustenance. Et ainsy revenoient les ungs après les aultres à l'office divin, par quoy ils avoieut tousjours cent hommes à l'église rédiffier. Et y mist-on canonnes.
Che conte Vincent vesquit sy saintement en celle abbaye
d'Omont que, après son trespas, il fut saint canonisiés par l'Église de Rome ; et fut mis le corps en fiertre en l'église de Songnie, laquelle il avoit fondée ; et la contesse Wauldrut se rendy en l'abbaye de Castiau-Mont qu'elle avoit fondée, et laissa ses terres à une sienne cousine qui eult nom Alye, qui puis fut mariée à ung princlie qui eult nom
Édulfus.
Andegonne, la maisnée sœur à la contesse Wauldrut,
édiffia l'église de Maubeuge, et y mist nomiains qu'on appelle
maintenant canoinesses, et se rendy layens.
La contesse Aye donna à l'église de Mons : Quenes,
Jamin et Brayne-la-Wihotte. En ce tamps avoient les
nonnains de Mons abbesse que les damoiselles eslisoient , et puis le présentoient à l'empereur d'Allomaigne pour confermer leur élection. De quoy il advint, grant tamps après che, que ung conte de Haynau fut sy bien accointiés de l'empereur d'Allemaigne , que chil ottroya au conte de Haynau que dès lors en avant rechupst les présentations des abbesses à Mons. Et quant le cas s'offrit ad ce qu'il fut defFally d'abbesse à Mons, les damoiselles eslurent abbesse et le présentèrent au conte qui adont estoit ; et le conte dit que jamais il ne recepveroit abbesse, ainchois seroit-il mesme abbé de l'église et le deffendroit bien. Et les damoiselles en furent contristées et rebelles, et en plaidèrent ; mais riens ne leur valut, car il les convint demeurer en la subjection de la dite saisine. Et ainsi par ceste occoison defFallirent abbesses en l'église de Sainte-Wauldrut de Mons; par quoy, à fait qu'aucunes des nonnains trespassoient puis ce terme, le conte de Haynau donnoit la prouvende à quy qu'il luy plaisoit. Et par celle occasion furent-elles appelées canoinesses.
Auparavant avoit eult en Haynau pluseurs contes, jus-
ques à uiig conte qu'on appella le conte Hermant. Che conte Hermant print à femme la contesse Ricaut. Sy eulrent ung fils et une fille. Au tamps de ce conte Hermant et Ricaut sa femme, le conte de Valenchiennes morut sans hoir de sa char, et le conte Hermant et sa femme Ricaut l'acquirent à leurs, successeurs pour eulx et pour leurs hoirs en Iiiretaige. Ainsi tindrent-il ces contés ensamble : c'est-assavoir la conté de Haynau et la conté de Valenchiennes, et depuis ont-elles esté tenues ensamble des contes de Haynau.
Après ces choses, trespassa le conte Hermant, et la contesse Ricaut reprint à mary Bauduin conte de Flandres, qui fut frère Robert le Frison de qui nous avons dit dessus. Celle contesse Ricaut ama tant ce conte Bauduin son mary, que de ses deux enfans qu'elle avoit eu du comte Hermant, elle fit le fils clerc, et le conte Bauduin son mary pourcacha tant qu'il fut évesque de Chàlon. Et mirent la fille en une abbaye de nonnains.
Che conte Bauduin et Ricaut sa femme eulrent deux fils, desquels deux l'aisné eult nom Ernoul et le maisné eult à nom Bauduin. Ernoul l'aisné fut assenés à la conté de Flandres, qui luy eschéy après le trespas du conte Bauduin son père. Mais Robert le Frison son oncle y fut du tout contraire, par quoy le dit Ernoul fut ochis eu bataille pour la conté de Flandres qui luy estoit assenée, en luy defFendant contre Robert le Frison son oncle, qui la conté de Flandres avoit saisie, sy comme vous avés oy.
Bauduin, le maisné fils du conte Bauduin et de la contesse Ricaut, engenra de Ydain sa femme, fille du conte de Louvain, deux fils et trois filles. L'aisné des fils eult nom Bauduin comme son père et son grant père, et l'autre fils eult nom Ernoul.
De celuy Ernoul et de ses trois sœurs issy grande lignie ; car celuy Ernoul engenra Witasse le Vies du Ruelt qui édiffia le Ruelt et Morlenwez. Witasse le Vies, sire du Ruelt, print à femme la fille Bertrand Rason, seigneur de Gavre,etderaadameDamissondeChièvre. Ils eurent deux fils et trois filles. Le fils aisné eult nom Nicolle et print à femme madame Damisson de Cliièvre, et l'aultre fils eult à nom Hues. Celuy tint Florines et fut moult preux. Et des trois filles, l'une fut mariée à Regnault du Rosoy, l'aultre à Gérard de Halluin, la tierche à Henry de Hierges, de Hasebain.
Nicolle, sire de Rumigny, prit à femme Mehault, la fille monseigneur Jacques d'Avesnes. Sy en eult trois fils, Nicolon, Huon et Jacquemon ; et les six filles monseigneur Huon de Rumigny furent mariées. Messire Gossuins eult de la seconde fille monseigneur Huon de Rumigny (celle avoit nom Béatris), ung fils qui eult nom Gossuins, et six filles qui furent mariées, la première à monseigneur Sohier d'Enghien. Et puis Gossuins morut sans hoir. Sy eschéy la terre à monseigneur Regnault de Jauche de par sa femme ; et après eult la dame le tierch mary, qui eult nom messire Bauduin le Caron.
La seconde fille monseigneur Gossuins de Mons fut mariée à monseigneur Gaultier de Ligne.
La tierche fille fut mariée à monseigneur de Condé.
La quatriesme fille à monseigneur Estienne de Denain.
La cinquiesme à monseigneur Baudry de Roisin.
Et la sixiesrae à monseigneur Huon d'Antoing, seigneur d'Espinoy.
S'ensieult de Valeuchiennes :
En l'an 1277 commencha-on à engrandir le marchiet de Valenchiennes au mois de mars, et abatit-on le moustier Saint-Piere pour traire arrière.
En l'an 1223, fut .parfait le beffroi de Valenchiennes.
En l'an 1260, le quatriesme jour de may, assit-on la première pierre de la porte Tournisiene, Jacques Araelin adont provost.
En l'an 1280, fut le moustier Saint-Pierre bénit, le jour Saint-Nicaise.
En l'an 1358, environ le Saint-Martin d'yver, fut faitte le cloque des ouvriers, et poise III mille et VIII cens livres, et adont fut assise au beffroit ; et le bancque-cloque poise IX mille.
En l'an 1360, quatre jours au moys de may, fut assise la première pierre de la porte Tournisiene, adont provost de Valenchiennes sire Jacques Amelin, lequel l'assist avec ses pers, qui furent : Jehan de le Cauchye, Jehan Bernier, Jaques Le Villain , Jehan du Fay , Jehan Grebert le Chamgeur, Guillaume Seeuwart, Jehan Creste, Jehan Le Chamgeur, Jehan de Pons, Amoury de Sourlenwez, Colai^t du Gardin et Guillaume de Le Motte.
En l'an 1365, vint si grande eawe par la rivière d'Ointiel, que les deux murs entre la porte Cambrésienne et les barles furent abbatus de la foison d'eawe qui vint soudainement la nuyt Saint-Betremieu l'an dessus dit ; et vint par la dite porte si grand pienté et habundance d'eawe et sy radde qu'elle brisa le flayel de la porte, et vint l'eawe jusques à l'attre de Nostre-Dame de le Cauchye.
En l'an 1407, ]e 23" jour du moys de novembre, fut tué
Loys de Valois, duc d'Orlyens, fils et frère du roy de France, eu la cité de Paris, des gens monseigneur le duc de Bourgongiie et conte de Flandres.
En l'an 1281, l'eawe fut si grande en Valenchiennes, que le pont d'Ansain quéy jus et abbaty les molins le conte ; et sy quéy la maison Barbaquenue et sy quéyrent le pont Jumeau, le pont Gouchet, le pont Saint-Jaque et le pont des molins le conte ; et fut l'église Saint-Jaque toutte plaine d'eawe. Et vint celle eawe le 20^ jour de j envier ; et fut cel an sy grandes neisges que ban fut fait de les mener hors de la ville.
En 1 an 1307 il comraencha le jour Saint-Nycaise à geller sy fort et sy asprement que la gellée dura bien sept sepraaines sy fort qu'on ne pooit riens faire ; et fut le grant Escault engellé bien VII sepmaines entre Condé et Valenchiennes, sy qu'on alloit de Condé à Valenchiennes et de Valenchiennes à Condé sur les glaches de l'Escault, et de Wales à Lespès. Et furent toutes les rivières de la ville, hors et ens, sy fort engellées qu'on ne pooit avoir riens d'eawe avant la ville ens es "maisons pour faire les besongnes. Et furent en ce tempore sy très-grans nesges en la dite ville et dehors qu'on n'en savoit que faire ; el fist-onen pluseurs rues de la ville pluseurs personnaiges et pluseurs figures de neige.
En l'an 1307, le 29' jour de février, il recommencha de geller des dites gellées sy fort et sy très-asprement sur une nuyt ou deux, qu'il fut sy grandes eawes par toute la ville de Valenchiennes que le grand Escault venoit en la tanerye et sur le noef pont, par telle manière que les maisons d'autour flottoient à tout lés ; et venoit l'eawe en la rue Saint-Jaque et derrière les murs de Banals et tout en Lattre et en l'église Saint-Jaque ; et fut l'eawe en la grande
rue Nostre-Dame si très-haulte que la rue flotoit en eawe ; et furent les maisons de la rue toutes plaines d'eawe, et pareillement à peu près tontes les aultres rues, par les rivières d'avant la ville qui sy trèsinerveilleuseraeut estoient desbordées et desrivées qu'on ne sçavoit que faire.
En l'an 1340 fut la cité de Tournay assiégie du roy Edouart d'Engleterre, du conte de Lenclastre et de pluseurs grans seigneurs d'Engleterre, et du duc de Braban, du conte de Haynau, du conte de Guéries, du conte de Jullers , monseigneur Robert d'Artois , monseigneur de Faucquemont et des seigneurs d'Engleterre, et de grant plenté d'aultres bonnes gens d'armes, et de Jaques d'Artevelle de Gand et de deux cens mil hommes du commun de la conté de Flandres ; et furent devant par l'espasse de deus moys et plus. Adont vint madame Jehanne, mère du conte Guillame de Haynau, laquelle estoit nonne à Fontenelle auprès de Valenchiennes et sy estoit suer du roy Philippe de France ; et se tray vers le roy son frère, qui séoit adont entre la ville de Lille et le Pont-à-Tressin ; et fist tant par aller et venir, en parlementant aux seigneurs, que trêves furent prinses pour l'espasse d'ung an enthier.
En l'an 1330, le 16"= jour du moys de jullet, par ung dimence, fut une feste faitte au marchiet de Valenchiennes ; et premier de Jehan Bernier le père, provost de monseigneur le conte de Haynau à che jour ; et donna ung paon à la plus belle compaignie.
Sy y vinrent moult noblement ceulx de le Lormerye à cheval et beaulx paremens, et demiselles avoec eulx qui les menoyent chascun à ung fil d'or, et ung grant chasteau devant eulx, allant par engien moult richement ; et par dessus y avoit quatre angels de quatre josnes enfans, et par deseure le dieu d'amours.
Et ceulx de le Cauchye y vinrent aussy moult noblement à pied, à ung chastel devant eulx, dont il yssoit ung hermitte et sept fées, à ung engien deseure le chastel qui gettoit oyseaux tous vifs, et à robes toutes d'une couleur. Et ceulx de la rue de le Saulch y vinrent vingt-deux hommes, vestus en guise de chevaliers, les escus et les armes à leurs cols des plus preux de la maisnie du roy Alixandre, et ung cuer eu leur poitrine féru parmy d'ung dart, et autant de demoiselles en robes de bougran, le menu vair par les espaules. Et ceulx-là eurent le paon.
Et furent les caroles sy grandes que le beffroy en fut enclos et le marchiet à tous lés, des ruissos jusques au masiau. Et fut la carolle toute wide, fors de ceulx qui le gardoiant. Et eult le pris de la feste Jaquème bourgois de Saint-Quentin.
En l'an 1330 le jour de Nostre-Dame rai-aoust allèrent pluseurs bourgois de Valenchiennes à une table ronde qui fut faitte à Paris ; et premièrement Jehan Dernier, fils de Jehan Dernier adont provost de très-noble et très-puissant le bon conte de Guillame de Haynau (que Dieu absolve!), à Valenchiennes. Sy y alla ledit Jehan Dernier devant nommé, banerès ; et mena avoec luy Jehan Dernier son fils et Pierre de Darale.
Item, y alla Jaques Gonces, banerets ; et emmena avec luy Jehan de Caroubbe et Lotart son frère, lesquels deux bourgois devant dis yssirent de Valenchiennes à cloquettes et cam panes moult riches pendans aux parures et harnas de leurs chevaulx, et ensamble parés des armes de Haynau, et à trente-six compaignons de leur amisté, tous vestus de sable en garde-corps de draps entaillés tous d'une manière. Et eult le prix de celle feste ung appelle Symon de Saint- Omer, bourgois de la ville de Corapiègne. 4
En Van 1339, à l'espinette, à Lille, alla Jehan Bernier le moyen à la journée du grant quaresme juster, et y mena adont quatre damoiselles : premièrement la femme du seigneur Jehan Bien-Semé, la daraoiselle femme Symon du Gardin, mademoiselle la femme monseigneur Amoury de Le Vingne, et mademoiselle sa femme. Et fut adont ledit Jehan Bernier menés ens es liches dudit marchiet des quatre damoiselles dessus dites par deux fils d'or, et les deux aultres portoient chascune une lanche. Et fut adont rpy de l'espinette celle année Pierre de Courtray, lequel porta de sable, à trois aigles d'or qt à deux testes, le bec et les pieds rouges. Et à l'espinette après ensievant fut roy Jehan Quernes.
En l'an 1331 le lundy et le mardy après le jour du Sacrement, le quart jour et le quint ensievant du moys de juyng, fut une grande feste de joustes en la ville de Tournay, sur le marchiet, que les bourgois de Tournay fii-ent faire, et nomméement et espéciallement sire Jaques de Corbry, qui le commencha et mist grant paine et grant mise du sien à l'estoffer. Et ledit sire Jaques, roy de la table ronde, fut appelle le roy Galehos, qui jadis conquist trente roys ; et fut double banerets armoyés à deux mamaus desoubs sa bannière. Dont il eult à ces deux journées des bourgois et compaignons de dehors, de quatorze bonnes villes ; et furent feuestrés.
En l'an 1349 furent les penanchiers en grant nombre, desquels, pour une journée, se trouvèrent en la ville de. Valenchiennes de bonnes gens de la ville de Dourdrex le nombre de trois cens, et de la ville de Gand semblablement trois cens, et de la ville de Bruges deux cent et cinquante chevaliers, et de Condé quatre-vins clercqs ; et de la ville de Nyvielle sept-vingt, que bourgois que cheva-
liers. Et se batoient ycenlx penanchiers sy fort d'unes escorgies à bouttons de cuir, et en yceulx bouttons y avoit pointillons de fer dont ils se sainioient sy fort, que le sang leur couloit parmy les rains ; et avoient entour eulx corroies de cuirs, blanquaiges royés et ridés ; et les aucuns les avoient tous gaunes ; et portoient blancs capprons à croix vermeilles.
En l'an 134^ fut la bataille à Cressy en Ponthieu, du roy de France, du roy de Behaingne, du duc d'Orlyens, du conte d'Alenchon frère du roy de France, le conte de Flandres, le" conte de Blois, à l'encontre du roy, solicité du duc de Lenclastre et de pluseurs seigneurs du royalme d'Engleterre. Et furent ochis en celle bataille, des seigneurs qui furent avoec le roy de France, tous ceulx qui sont chy dessus nommés, exeté le roy de France qui se retray, et monseigneur Jehan de Haynau avoec luy, et aucuns gens d'armes.
En l'an 1348, le XXV® jour du mois de septembre, se combaty le conte Guillame de Haynau, monseigneur Henry d'Antoing, monseigneur de Lingne, le sire de Florenville, le sire de Hornes luy trente-sixiesme en tournicquets, et le sire de la Hamaide, luy vingt-cinquiesme pareillement en tourniquets, et pluseurs de bonnes gens d'armes de Haynau, de Holande et de Zélande. Et y demoura de Valenchiennes Jehan de Bassy' en Frise contre les Frisons. Et sy fut ochis le conte dessus dit, et tous les seigneurs dessus nommés et pluseurs bonnes gens d'armes avoec eulx.
En l'an 1355, environ le Pasque et l'Assention, fut le roy de France en la cité de Tournay ; et avoit avoec luy le duc de Bourbon, le conte de Flandres, monseigneur Jehan de Haynau, monseigneur Jaques de Bourbon adont connestable de France, monseigneur Gallerant de Ligny, mon-
seigneur Charles d'Artois, monseigneur Jehan d'Artois son frère, le duc d'Athenues, le conte de Tanquarville, monseigneur Loys de Namur. Et fîst faire le roy une feste de joustes, en laquelle il y eult bien courrant deux cens chevaliers. Et manda le roy madame de Haynau sa cousine germaine et la contesse de Flandres, qui fut fille du duc de Braban. Et y avoit avoec les deux dames pluseurs dames et damoiselles en leur compaignie. Et donna le roy ung moult beau et grant souper ; et eulrent les dames et les damoiselles qui en la compagnie des deux dames devant dittes estoient, chascune une couppe d'argent ; et les deux princesses eulrent chascune une couppe et ung pot et deux bouteilles de deux lots chascune, et estoient esmaillyes des armes royalles ; et les femmes des banerets eulrent avoec leur couppe ung pot temproir. Et servirent à cheval et présentèrent les joyaulx : le connestable de Franche, le conte de Tanquarville, monseigneur Jehan de Chastillon, monseigneur de Saint- Venant et monseigneur le mareschal de Denam.
En l'an 1326, environ à l'issue d'aoust, fut une feste en la cité d'Aras, sur le marchiet dudit lieu. Sy y eult dedens trois chrestiens, trois sarasins et trois juifs. Le premier crestyen représentoit le roy Charlemaine : Sohier Tonnelare, bourgois de Bruges, qui porta pour la journée parrures de France et d'Allemaigne, et ses droites armes sont d'argent à ung chief de sable hermine d'or.
Roy Artus : Cordelier Poulet, bourgois de Compiègne, qui porta pour la journée d'or à trois camps de gueulle ; et ses droites armes sont d'or à ung cordelier tenant unes patenostres.
Roy GodefFroy de Buillon : France Balle, bourgois d'Ippre, qui porta pour la journée l'escut party d'argent à une
croix d'or, et semé la moitié de l'escu de besans d'or, et l'autre moitié de gueuUes à une fasse d'argent ; et ses droites armes sont d'or à six bîancquettes d'azur.
Après, le sarasin Hector : Jaques de Troyes, bourgois de Saint-Quentin, qui porta pour la journée d'or à ung gueulle de sable à deux testes ; et ses droites armes sont brullées d'argent et de gueuUes à ung lyonde sable rampant.
Roy Ghonne : Jehan Bernier, bourgois de Valenchiennes, qui porta pour la journée d'argent et de gueuUes, lozengiet à ung dragon de sable ; et ses droites armes sont de gueuUes à trois roinces d'argent.
Roy David : Jehan Vretet, bourgois de Lille, qui porta pour la journée de gueulle à une teste de luppart d'or ; et ses droites armes sont lozengies d'or et de sable à chief de gueulle.
Roy Judas Macabeus : Andrieu de Monchy, bourgois d'Aras, qui porta pour la journée de gueulle à une fasse d'or et en l'escu six merles d'or ; et ses droites armes sont de gueulle à troix lyonceaux d'argent et rampant.
Du trés-riche , très-excellent et très-somptueux bancquet que fist Jehan Bernier, bourgois banerets de Valenchiennes, pour Tonneur principalement de son seigneur et maistre le conte Guillame de Haynau, en la ville de Valenchiennes.
Chy-après pores sçavoir le nombre et les noms des princes pour lesquels le bon conte Guillame de Haynau requist à Jehan Bernier, fils désire Jehan Bernier d'Avesnes, adont son provost en Valenchiennes, qu'il fesist appareillier ung soupper ou bancquet en sa maison, pour donner ung repas et festoyer les princes et seigneurs qui estoient venus à Valenchiennes parlementer à luy, pour ce qu'il gisoit au lit mallade de gouttes, et ossy qu'il eusist en
cestuy bancquet des bourgois de la ville de Valenchiennes, pour recepvoir et festyer les princes et seigneurs ses cousins et amis cUy-après dénommés.
Et fut ce souper au bancquet fait au pont Saint-Pol en Valenchiennes, dedans la maison ou ostel dudit seigneur Jehan Bernier, l'an de grâce mil trois cens et trente quatre environ le Candeler.
Comment les princes et les damoiselles séyrent à table, et les vins et sortes de mets de quoy ils furent servis.
Et premièrement séjt à table monseigneur Henry de Flandres, conte de Lodes, et damoiselle Marie de Nouvion, femme de Jehan Bernier, provost dessusdit.
Item. Monseigneur Jehan de Luxembourg, adont roy de Behaigne, et damoiselle Catherine de Le Croix, femme Pierre le Poivre.
Item. Philippe de Évreus, adont roy de Navarre, et damoiselle Ysabel de Baissy, femme du seigneur Symon du Cardin.
Item. L'évesque de Liège, qui fut de ceux de La Marche, et madamoiselle Ysabelle de Baralles, femme Amoury de Le Vigne.
Item. Monseigneur Loys, adont conte de Flandres, et madamoiselle Margueritte de Pronville, femme de Jehan de Caroubbe.
Ilem. Monseigneur le conte de Chéries et damoiselle Margueritte A-Le-Tacque, femme de Jaques Gouchet.
De la seconde table et de ceulx qui y furent assis.
A ceste seconde table fut assis premièrement monseigneur Guillame, conte de Jullers, et deraprès luy mada-
moiselle Ysabel deBraffe, femme de Jehan Dernier le moyen.
Item. Monseigneur Jehan de Haynau, seigneur de Beaumont et conte de Soisson, et auprès de luy madamoiselle Margueritte de Hecques, femme de Jehan de Baissy.
Item. Monseigneur le conte de Namur, et ensievant luy madame Marie Bernière, dame de Le Celle, femme de Jaques du Sard.
Item. Monseigneur le conte de Nasso, et madamoiselle Marie de Baissy, femme de Jehan Party.
Item. Monseigneur le conte de Grant-Pré, et madamoiselle Margueritte Creste, femme de Jaques Le Cochon.
De la tierche table et de l'ordonaance d'ycelle.
A la tierche table furent assis : premier monseigneur Guillame de Haynau, adont damoisel de Haynau, et madamoiselle Ysabel de Saint-Saulve, femme de Jehan Le Villain.
Item. Monseigneur de Vornes et madamoiselle Ysabel de Le Sauch, femme de Gaultier de Hecques.
Item. Monseigneur d'Enghien et madamoiselle Bilehault du Gardin, femme de Jehan Bernier adont le maisnë.
Item. Monseigneur de Boussut et madamoiselle Margueritte de Condé, femme ISicaise de le Sauch.
Item. Monseigneur Henry d'Antoing et madamoiselle Ysabel Le Villaine, femme Robert Party.
Item. Monseigneur de Ghistelles et madamoiselle Ysabel de Hecques, femme Thiéry de Soramain.
Item. Monseigneur d'Augimont et madamoiselle Agnès de Landas, femme de Jehan du Gardin.
De la quatriesme table et de ceulx qui y furent assis.
A la quatriesme table furent assis premièrement monseigneur d'Ercle et madamoiselle du Gardin, femme Pierre de Baralles.
Item. Monseigneur de Brabenchon et madamoiselle Marie de Le Gauchie, femme de Jaques Le Villain.
Item. Monseigneur de Prath et madamoiselle Philippe du Gardin, femme de Jehan Le Cochon.
Item. Monseigneur de Fagnoelles, et après luy madamoiselle Margueritte Brochonne, du chasteau Saint- Jehan.
Item. Monseigneur de Le Hamaide et madamoiselle Margueritte, fille de Jehan Polie.
Item. Monseigneur de Havrech et madamoiselle Isabel, fille de Jacques Le Chamgeur.
Item. Monseigneur de Hornes et madamoiselle Ysabel Brocquette, femme Jehan de Werchin, maistre keux du conte Guillame de Haynau.
De la cinquiesme table où il n'y elit fors que hommes.
A la cinquiesme table fut premièrement assis : Monseigneur Jacques d'Angimont; Monseigneur de Gommegnies ; Monseigneur Olyfart de Ghistelles; Monseigneur Henry de Lyquerque ; Monseigneur de Bréderodes ; Monseigneur de Mastaing ; Monseigneur de Potes ; Et monseigneur Jehan de Liseroelles.
De la sixiesme table où pareillement n'y avoit que hommes.
A ceste sixiesme et darenière table furent assis : Amoury de Le Vigne ; Jehan de Carroubbe ; Allart du Gardin ; Jehan de Le Sauch ; Jaques Gouchet ; Jehan Polie ; Jehan Party ; Jehan de Baissy ; Jaques Le Chamgeur; Et Pierre le Poivre ;
Chy-après sont dénommés et escripts les mets et les entremets et les sortes des vins dont on servy les princes et les seigneurs et les damoiselles qui sont dessus nommés.
Le premier mets d'assise fut de grues et de venoison de cerfs ; et les entremets furent de lamproyes semées de doux de girouffle, et sausse appertenant à celuy entremets. Et avoit envoyé les lamproyes, ung qui s'appelloit Nicolas Muchet, bourgois de Paris, poissonnier du roi Philippe de France, audit Jehan Dernier dont nous faisons mention.
Le second mes d'assise fut de rost de paons, de cocqs lymoges, de perdris, de hairons, de butors et de connins , et saulses appertenans à tels mets ; et les entremets furent de lus et de brochets fondis.
Le tierch mes d'assise fut d ung blanc mengier et d'ung vermeil, tout en une escueille, le blanc semé de chucre et de grains de pommes de grenade, et le vermeil de chucre et d'amandes frittes en miel ; et l'entremets fut de gellée de plusieurs poissons.
Le quatriesme mets d'assise fut de locques frittes au vert aillet ; et l'entremets fut de pastés de siros et de pastés d anguilles.
Le cinquiesme mets d'assise fut de pricques en galentine ; et l'entremets fut de friture de pippets farssis de crespes, et sur cel entremets paons eslevës et hayrons et cocqs lymoges.
Le sisiesme mets d'assise fut de creviches ; et l'entremets fut de hurres de senglers enthières, et fritures qu'on décoppa par trenches pour mettre devant les seigneurs, et sausses appertenants à tels mets.
Et après, figues et nepples de Saint-Liévin. Et tantost après on servy de claré et du rond raestier. Et furent les seigneurs servis de six sortes et manières de vins, que sire Jehan Bernier devant nommé avoit en sa maison, de pourvéance, c'est assavoir :
Vin de Saint-Jangon,
Vin d'Aussoire,
Vin de Beaune,
Et vin de Rin;
Et le sixiesrae et plus espécial fut vin de Tubranne, de quoy on servy avoec le premier mets ; et en avoit ledit sire Jehan Bernier adont le fust d'une pippe de Rin toutte plaine dudit Tubranne , qu'il avoit gardé par pluseurs années. Lequel sire Jehan Bernier servit les seigneurs, et assist les escuielles devant les princes, c'est-assavoir Jehan Bernier, fils de Jehan Bernier qui avoit espousé madamoiselle de Braffe, de laquelle il estoit fils.
Chy-après Bout dénommés les princes et les évesques desquels sire Jehan de Bernier eult pensions et qui de leurs conseils estoit.
Et premièrement, ledit Jehan Bernier estoit pensionnés et avoit gaiges du roy Philippe de France ; et estoit ung des maistres des enquestes à Paris du parlement, et varlet enthier au roy, c'est-assavoir que, là où ledit Jehan Bernier estoit, c'estoit celuy seul qui portoit et asseoit l'escueille devant le roy, comme il appertenoit ; et pour tant l'appeloit-on varlet enthier, ainssy qu'on fait les aultres qui en tel manière servent les roys de France, quant lesdits varlets enthiers sont où les corps des roys sont. Et avoit chascun an deux cens livres parisis, et délivrance à la court du roy pour luy et pour sa maisnye.
Item, du roy Édouart d'Engleterre avoit-il chascun an annuellement vingt livres à l'estrelin , qui valent cent livres tournois moanoye de Haynau.
Item^ du roy Jehan de Behaigne, qui de son conseil estoit, il avoit chascun an deux paires de draps de troys pièches, et ung millier de fasseaux et deux milliers de rames.
Uem, du conte Loys de Flandres', duquel conseil il estoit, avoit chascun an de pension quarante livres et draps de troys pièches.
Item, du bon conte Guillame de Haynau, duquel estoit de son privé conseil, et avoec ce, grant bailly de Haynau, et puis fut recepveur dudit Haynau, et après fut grant temps provost de par monseigneur ledit conte en sa ville de Valenchiennes, il avoit draps chascun an de trois pièches.
Item^ du conte Loys de Blois, pour estre de son conseil, il avoit chascun an deux paires de draps de trois pièches.
Itetn^ de 1 evesque de Cambray, quiconques le fust pour le temps dudit Jehan Bernier pour la vacquation de son conseil, il avoit cinquante livres chascun an et ses draps de trois pièches.
Item^ de l'êvesque d'Utrec, qui fut de ceulx de Distre, il avoit, pour estre de son conseil, quarante livres parisis par an, et les draps de trois pièches.
Item, de monseigneur Jehan de Haynau, conte de Soissou, il avoit trois pièches de draps.
Item, de monseigneur Henry de Flandres, conte deLodes, trois pièches de draps.
Item, de monseigneur Gallerant de Lingny trois pièches de draps.
Item, de monseigneur Robert d'Artois, il avoit pareillement trois pièches de draps.
De monseigneur d'Enghien, trois pièches de draps.
De monseigneur Milles de Noyers trois pièches, de draps.
De monseigneur de Vornes, trois pièches de draps.
Qui font en somme quatre cent trente livres, et trentesix pièches de draps, avoec ung raillier de fasseaulx et deux milliers de rames, sans le baillyaige, provosté de Valenchiennes et recepture de Haynau , avoec pluseurs autres bénéfices et prouffis que chascun an il obtenoit.
De la venue du roy Philippe de Navarre en Valenchiennes, tandis que les seigneurs devant dits y estoient.
Tantost après que les princes et seigneurs furent levés du souper ou banquet, Philippe, roy de Navarre, descendy à l'ostel au Chine, sur le marchiet de Valenchiennes. Et quant Jehan Bernier l'aisné le sceult, il le dist à monseigneur Olifart de Ghistelles et à monseigneur Jehan de
Florenville ; et allèrent vers le roy devant dit, et luy pryèrent qu'il luy pleust à venir festoyer avoec les seigneurs, laquelle chose il fist volentiers. Et le festoya Jehan Bernier ainssy comme il appartenoit à faire à son seigneur. Lequel roy de Navarre fist puissedy moult d'honneur audit Jehan Dernier, pour ce que sy honnourablement l'avoit rechut et festoyet. Et tous les seigneurs devant dits servy Jehan Bernier le josne, au command de son père Jehan Bernier, qui fist ce souper pour l'onneur et la révérence du bon conte Guillarae de Haynau, son naturel et droiturier seigneur, dont Dieu ayst l'âme !
Comment, après la mort du bon conte Guillame, Jehan Bernier fut autant vitupéré et décachiés du conte Guillame le fils comme il avoit été honnouré et famillier du conte Guillame le père.
Vray est que, une espasse de temps après ces choses
dessus dittes, que, par envie, Jehan Bernier et à peu près
tous ses amis se trouvèrent en l'indignation ethayne du conte
Guillame, fils du bon conte Guillame de Haynau, et sans
occasion, ne raison nulle sy non par envie et hayne qu'on
avoit sur luy et sur son estât, et espéciallement ceulx du
conseil du conte de Haynau, lesquels à tort et mauvaise-
ment informèrent le dit conte que Jehan Bernier avoit
révélé au roy Philippe de France une conspiration qui
avoit esté faite du bon conte Guillame contre ledit roy, dont
le conte Guillame le fils conchut, par hastive crédence,
grant inimité contre ledit Jehan Bernier, et fut déeachiet
de son hostel et de son conseil, et ses biens confîsquiés.
Et quant le roy Philippe de France, qui estoit oncle à
monseigneur de Haynau, le sceult, il manda audit Jehan
Bernier qu'il widast hors du pays du Haynau, et qu'il s'en
venist en France, car il estoit bien amés et honnourës des princes et des seigneurs, desquels il estoit de leur conseil et à leurg draps, pour les bons services et honneurs que toute sa vie leur avoit fait, et ossy pour la grant loyaultë qu'ils avoient toujours veu et trouvé en luy. Et quant il fut en France, le"roy Philippe, et nomméement à Paris, le manda et fîst venir, présent Jehan, roy de Behaygne, Philippe, roy de Navarre, monseigneur le conte d'Alenchon, frère du roy de France, Loys, conte de Flandres, monseigneur révesque de Beauvais, per de France, qui fut frère à Enguerrant de Marigny, monseigneur Milles de Noyers et monseigneur de Hangiers, et dist le roy de France présent les princes et seigneurs devant dits : « Jehan Dernier « vous avez esté de long-temps aux contes et aux contesses « du pays de Haynau ; sy volons sçavoir à vous et volons et « commandons que vous nous dittes, se vous sçavez choses « quelles qu'elles soient, qui ayant esté du temps passé, ne « qui soient au temps présent, qui nous ayent ou puissent « porter préjudice à nostre royalme de France, et vous « commandons de rechief que vous le nous dittes et décla- (( rer hardyment sans nulluy espargnier, et nous vous en « porterons et garderons contre tous. »
Et adont Jehan Dernier respondit et dist : « Très-chier « et très-redoubté sire, plaise vous sçavoir qu'il est vray « que j'ay esté au conte Jehan de Haynau et à la contesse « Philippe et au bon conte Guillame (dont Dieu ayt l'âme) « et à madame la contesse Jehanne vostre suer, et ung « peu de temps ossy au conte Guillame vostre nepveu ; « mais comment que monseigneur de Haynau à présent « vostre nepveu me faice moult de blasrae et de domaiges « par ceulx qui le •ont informé par hayne et envie qu'ils « ont sur moy, sans cause et sans raison comme Dieu le
« scet, sy ne porroi-ge dire, ne vorroye, de mes seigneurs « et dames (à qui Dieu face pardon), chose nulle qui fust « ou soit à leur déshonneur ou contraire, tant les ay amës « et ameray tant que je vive ; ne jà pour perte ou déshon- « neur que vostre nepveu me faice ou pourcaiche, je ne « diray de ceulx passés, ne de lui à présent que ce que je y ay « veu, perchu et trouvé, c'est-assavoir : foy, loyaulté, tout « honneur et vérité. Dieu doinst à monseigneur le conte de « Haynau vostre nepveu congnoissance et bon conseil en « trestout ce qu'il a affaire. Pourquoy, très-chier sire, je « vous prye qu'il vous plaise de moy tenir pour excusé ; « car, sur ce pas que vous avez touchiet, je n'en porroye, « vorroye, ne saroye que bien dire. » Et adont dist le roy Philippe de France : « Sire de Noyers, et vous, sire de « Hangiers, menés Jehan Dernier en une chambre. Par « adventure vous dira-il tel chose qu'il ne voelt pas dire « devant nous. » Sy s'en allèrent les deux seigneurs et Jehan Bernier ensarable ; mais les deux seigneurs ne purent onques attraire de Jehan Bernier fors que sarablables choses et paroUes qu'il avoit dittes devant tous les princes et seigneurs dessus nommés.
Sy revint Jehan Bernier par devant eulx. Et demanda le roy au deux seigneurs quel chose Jehan Bernier leur avoit dist ; lesquels respondirent : « Très-chier sire, vraye- « ment Jehan Bernier ne nous a dist, pour chose que nous « luy ayons rais avant, ne dist, aultre chose fors ee qu'il a « dit par devant vous. » Et adont dist le roy, présens tous les princes et seigneurs devant nommés : « Jehan Bernier, « sachiez vrayement que nous vous savons meilleur gré, et « tenons plus de vous, de ce que vous maintenez et avez « dist, que se vous eussiez dist aultre chose qui fust au prétt judice de ceulx à qui vous avez esté. Sy vous retenons à
« vai'let enthier à nous ; et voilons que vous soyez ung des « maistres des enquestes en parlement en nostre cité de « Paris, et que vous ayés chascun an de pension deux cens « livres parisis. »
Et quant le conte Guillame sceult que Jehan Dernier avoit esté vers son oncle le roy de France, il y envoya monseigneur Guillame de Gomraegnies, à qui Jehan Dernier estoit compers, et Sanse d'Asne, pour sçavoir et enquerre quel chose Jehan Dernier avoit dist, et de quoy il avoit informé le roy son oncle et son conseil. Sy rapportèrent les deux dessus nommés à monseigneur de Haynau tout che que Jehan Dernier avoit dist. Et toutes fois ne sçavoit pas ledit Jehan Dernier que ces deux fussent envoyés de monseigneur le conte de Haynau pour celle chose. Sy en sceult monseigneur de Haynau moult bon gré audit Jehan Dernier, et luy pesa moult de ce que ainssy l'avoit grevé, par hastive information et par envie et hayne qu'on avoit sur luy et sur son estât ^ • •• ....«••.«•
à Jehan Dernier son tayon, à Jehan son père dire
ces nouvelles lesquels se retraiyrent tous deux vers monseigneur le conte de Flandres et se conseillèrent à luy ; et le conte leur dist qu'en nulle manière, ne pour riens qu'on leur desist, ne se partissent de la conté de Flandres, ou aultrement ils feroient simplesse ; car luy-mesmes avoit bien tant veu et assyet des périls de hastiveté, et qu'il véoit bien que ce traittiet qu'on procuroit et attisoit sur eulx, que c'estoit par grant hastiveté et fausse envie, et qu'ils demourassent tous deux avec luy et avec ses gens, et qu'il les garderoit bien, sy comme ceulx en qui il avoit
* Un feuillet manque ici dans le manuscrit.
trouvé tout bien et loyaultê, et qui estoient à luy et avoient esté de piècha.
Et siévyrent dam Robert de Moy, adont provost de Haspre, et son lieutenant de par monseigneur le conte de Haynau, avoec Cabot, Jehan Dernier en Flandres. Et luy disrent qu'il avoit fait trayson à monseigneur de Haynau, en raccusant son conseil et la conspiration qu'il avoit faite contre son oncle le roy Philippe de France.
Puis fist mander monseigneur de Haynau le provost et eschevins de Valenchiennes cy-dessoubs nommés , c'estassavoir : Pierre Le Poyvre lequel fut estably provost au lieu du seigneur Jehan de Le Sauch, le vendredy prochain devant le Saint-Nicolas en may, l'an de grâce mil trois cens et trente-sept, et comme eschevins, Mahieu Grebert ens ou lieu dudit Mahieu fut estably comme eschevin, Guillame de Saint-Saulve , Nycaise de Le Sauch, Jehan Le Machon, Robert Le Cochon, Et ens ou lieu dudit Robert fut estably comme eschevin, Gaultier Creste, Jehan de Baissy, Robert Party, Bauduin Razoir, Guillame Seuwart, et ens ou lieu dudit Guillame fut estably comme eschevin, Jehan Liefois, et Jaques Amelin, Jaques le Villain, Rasse de Gand, Pierre d'Arras. Et ens ou lieu dudit Pierre fut estably comme eschevin Pierre de Pantegnies. Et tous les cinq eschevins restablys au lieu des aultres devant nommés ne furent pour aultre chose mis ens ou lieu des aultres, que pour avoir plus légière délibération et hastifs jugemens sur les bourgois devant dits, sur quoy on ne sçavoit nuls empeschemens pour eulx faire griefs de leurs corps, ne dommaige du leur, fors que par envie et par faulx informemens que avoient fais les parens à ceulx dessus nommés, et ceulx qui par leur mefFais avoient du temps passé esté appaisiés ou jugiés à domaiges par loy, des devant
dits bourgois, et par ceulx qui convoitoient à doininer sur les honneurs et estas des bourgois dessus nommés, pour eulx boutter s'ils peussent eus es offices, estas et prééminences de ceulx qu'ils accusoient à grant tort et par fausse envie qui ad ce les menoit. Et pour mieulx coulourer leur fait et parvenir à leur entente, ils enditèrent et enflammèrent monseigneur le conte de Haynau en ceste manière, c'estassavoir qu'ils disoient et maintenoient que les bourgois devant dits avoient sa ville de Valenciennes moult endebtée et desrobée. Mais il fut trouvé par les papiers de la massardrye et par les comptes d'ycelle, que la ville avoit fait du temps passé au bon conte Guillame des dons, et pareillement jà piècha au conte Jehan, et de rechief au conte Guillame et à ses trois filles quant elles en allèrent à mariage, dont la ville fist adont courtoisie à chascune de dix mille livres. Et quant le conte Guillame darrain fut fais chevalier, il eut adont deux cens flourins, et à son mariage cinq cens flourins. Et eusent adont les bourgois dessus dits fait certain compte que du temps du conte Jehan, de la contesse Philippe et du bon conte Guillame, de leurs fils et de leurs enfants, bien montant quatre-vingt dix mil livres, dont la ville estoit endebtée à plusieurs bonnes villes, comme de la ville de Rains, de la ville de Tournay, de la ville d'Arras, de la ville de Bruxelles et de la ville de Douay.
Et furent mis les bourgois dessus dits es portes, c'estassavoir : à la porte Montoise, Jehan de Caroubbe et Jehan de Le Sauch ; en la porte de Wye, Jaques Gouchet et Jehan Party ; en la porte Cambrisienne, sire Allard du Gardin et Jaques Le Chamgeur ; en la porte Cardon, Jehan Polie le père et Jehan Bernier le josne qui y fut XV jours. Et fut ledit Jehan Bernier puis menés par les eschevins devant dits au chastel-le-conte, auquel il fut trois jours ; et puis
fut menés par les gens monseigneur de Haynau au chastel à Ath où il fut quinze jours ; et luy fist monseigneur de Harchies, adont cliastelain d'Ath, et madame sa femme moult de honneur et de courtoisie tant qu'il fut audit chastel.
Et furent les devant dits bourgois jugiés des eschevins de Valenciennes qui adont furent renouvelés et restablis, et de ceulx qui mis y avoient esté pour l'année ;
Premier, Jehan de Carouhbe fut bannis de la ville, et à dix mille livres à la ville ; et osté luy et ses hoirs du conseil et des offices de la ville.
lôeai. Le seigneur Jehan de Le Sauch fut banis de la ville, et à sept mil livres à la ville, et osté luy et tous ses hoirs du conseil et des offices de la ville ; lequel après reult la ville et fut remis en la conciliation d'ycelle.
Item. Sire Allart du Gardin fut ajugiés à deux mille livres, la moitié à la ville et l'aultre de prest, et privés du conseil et des offices de la ville ; lequel puis y fut remis.
Item. Jaques Le Chamgeur fut taxé à cinq cens livres à la ville, et osté du eonseil et des offices d'ycelle.
Iteu. Jaques Gouehet fut banny de la ville et adjugié à trois milla livres à la ville.
Item. Jehan Dernier fut banny et adjugiés à perdre tout le sien qui estoit en la ville et en la banliewe d'ycelle ; et ce de dehors fut aplicquiet et confisquiet au conte de Haynau, ce qu'on en peult trouver, comme forfait par cas de lèzemajesté ; mais madamoiselle sa femme reult sa maison et la terre de Vy qui est près d'Escaupont, pour ce que c'estoit son doaire.
Item. Jehan Polie fut condanné à mille livres de prest à la ville.
Et Jehan Party à mille livres de prest sarablablement.
Et est assavoir que Jehan Bernier le josne fut condanpné, et osté luy et ses hoirs des offices et du conseil de la ville, et ses parents jusques au tierch getton, qui puis y fut remis ; et eust esté le dit Jehan Bernier jugiés à grant dommaige de ses biens et de son corps, et tout par envie et traytreuse hayne, se n'eust esté madame Jehenne, jadis contesse de Haynau et nonne de Fontenelle, sa marine.
Et de rechief fut ledit Jehan Bernier le josne adjournés que dedens sept jours et sept nuits il venist amender le lait dit qu'il avoit dit au provost et aux jurés, et de tenir prison en la halle de Vaîenchiennes, ou se ce non, on le tenroit pour toujours adjourné.
Lequel Jehan vint en la halle à l'eure de matines, la nuytye dont les sept jours et sept nuits eschéoient lendemain à solleil levant ; et demouroit adont ledit Jehan Bernier en la ville de Tournay. Et luy ametoit-on sus (ju'il avoit dist grant injure et villonie au provost et aux jurés en plaine halle. Lequel, quant il fut en la halle par devant le provost et jurés et tous ceulx de la loy, leur dist ainssy : « Seigneurs, je vous prie que, tant que je seray par devant « vous, vous me voeilliez donner congiet et liscence de par- « 1er sans engien. » Et ils ottroyèrent. Et adont dist le dit Jehan Bernier : « Seigneurs, aucunes gens dyent qu'on ne « vid onques lever à aultry le sien, ainssy comme on a fait à « mon tayon et à mon père, au mains qu'on ne desist plus « tost raison pour quoy, qu'on ne l'a dit jusques à ore. Mais « je tiens tant de bien, de sens et de vertu en monseigneur « le conte Guillame de Haynau, mon prince et seigneur ■« naturel, et en son conseil, et samblablement au conseil « de la ville de Vaîenchiennes, que, se Dieu plaist,'ils feront « toute bonne raison. »
Pour lesquelles paroUes qu'on voloit tenir injurieuses, et
comme ayant dit et proclamé en plaine halle que les seigneurs leur avoient fait injustice desraisonnable encontre l'ordonnance et estatu du pays de Haynau et de la ville de Valenchiennes, ledit Jehan Dernier le josne eust esté jugiés et condampnés pour ces obprobriouses et indécentes parolles, à mille livres d'amende s'on eusist peult, mais nennil, car il estoit clerq, et ossy que sa marine, madame Jehenne de Fontenelle, en ce le aida et porta en son bon droit et gardant son honneur. Lequel Jehan Dernier eut depuis lettres closes et sayelées du signe et sayel de madame la contesse de Haynau, et unes du conte de Hollandes, pour estre remis au conseil et es offices de Valenchiennes, ainssy comme par devant et autrefois avoit esté ; laquelle chose fut moult grevable et desplaisante à tous les envieulx et hayneulx des devant dits Derniers.
Et pour obvier que ainssy ne advenist, et que ces lettres et raandemens fussent de nulles valleur, de rechief fut imposé et mist-on sus, par monseigneur de Haynau et son conseil de ceulx qui adont en estoient, au seigneur...., à damoiselle Marie du Nouvion, femme à Jehan Dernier l'aisnë, et à damoiselle Daillehault ou Dillehault du Gardin, femme Jehan Dernier le josne, que de deux ymaiges de boys elles avoyent fait du temps passé sortilèges et sorcheries sur monseigneur le bon conte Guillame de Haynau et sur madame la contesse sa femme. Laquelle chose ne fut onques faitte, ne pensée ; mais bien est vray que ces deux ymaiges de boys furent envoyées aux dessusdits Derniers d'ung bourgois d'Ippre qui les fist apporter du pays d'Allemaigne, lequel estoit appelle Jehan du Coulombier ; et fist cest envoy pour ce que c'estoit ainssy comme figure et exemple pour le monde ; car les ymaiges estoient par devant moult joUyement et gentement aornées de painture,
et par derrière elles estoient toutes creuses, wydes et trawees, et dedens les traux estoient bestes et vers de boys, coulourés et paints comme la chose le requéroit, en dénottant et déraonstrant que, combien qu'on soit jollyt et plaisant au monde, tantost comme les gens sont trespassés, ils deviennent cendres, vers, pourriture et de vermine et très-infecte ordure. Et jà pour tant ne demoura raye qu'on ne fesist mener, au commandement du conte de Haynau, la femme de Jehan Dernier l'aisné en la porte d'Anzain, comme prisonnière, et y fut ladite damoiselle depuis l'eure de pryme jusques à l'eure de mydy. Et samblablement voluton mener damoiselle Baillehault en la tour Saint-Nycolas, du commandement du conte de Haynau, son compère de deux enfans ; mais il s'avisa. Se n'y fut point menée ; car ce qu'on leur faisoit et araetoit sus, estoit sans cause et sans raison nulle.
Et est assavoir que ledit Jehan Bernier l'aisné fut envyés, hays et trays de ceulx mesmes qui chascun jour mengoient son pain et buvoient son vin et séoient à sa table et qui plus luy monstroient de beau samblant.
Et Jehan Bernier son fils fut trays pareillement de ceulx qui mengoient et buvoient chascun jour avoecq luy et qui plus de compaignie luy tenoient.
Et derechief est assavoir que ledit Jehan Bernier l'aisné avoit esté au service et aux gaiges du conte Jehan de Haynau, à la contesse Philippe et au bon conte Guiilame leur fils, et samblablement à la contesse Jehenne de Bloys, et les avoit de son sens et de son pooir bien et loyaulment servis, en bailliaige, en recepture et en provosté de Valenchiennes et d'ailleurs, comme encoires peut apparoir par les lettres du bon conte Guiilame , sellées de son grant séel et signées de sa propre main. Et ne pooit-on pas dire de vérité
que lesdites lettres de quittance qu'il avoit, que elles eussent esté, ne fussent sayelées du temps que ledit Jehan Dernier portoit et avoit le sayel du conte de Haynau ; mais estoient et furent sayellées du temps et par la main maistre Henry de Joudongne qui adont portoit et avoit le sayel dudit conte, et furent faittes, présens le seigneur de Gommegnies et monseigneur Gérard de Postelles.
Item. De inconvénient de rechief, et mal sur mal, et hayne sur hayne, il advint que Lotart, qui fut clerq dudit Jehan Bernier l'aisné, fut, de par le provost et les eschevins, mis en la gayolle de la halle de Valenchiennes, et de là fut menés au chastel-le-conte ; et puis derechief il fut menés au chastel d'Escaudoevre, auquel fut prisonnier sept sepmaines, dont ledit Jehan Bernier, ne personne nulle de par luy, ne peurent oncques scavoir, ne avoir congnoissance, par l'espasse des sept sepmaines devant dittes, où ledit Lotart estoit, ne en quel lieu on l'avoit mené. Lequel Lotart, du commandement du conte de Haynau, fut par la nuyt des Trois Roys, l'an de grâce M. CGC. XXXVII, à l'eure de minuit, conduit et menés du chastelain dudit Escaudoevre et des sergans monseigneur le conte de Hainau en ung pré dalés ledit chastel, où on avoit fait une fosse ; et dist-on audit Lotart qu'il avoit tant esté au service et en clériture dudit Jehan Bernier l'aisné, qu'il sçavoit bien les cas et convenances de luy, et qu'il sçavoit bien que ledit Jehan Bernier avoit fait et pourcachiet, traittiet et machiné envers monseigneur le conte de Hainau mainte trayson et conspiration, et qu'il convenoit que par luy les sceusist bien. Se luy disrent qu'il en desist ce qu'il en sçavoit, car il falloit, et estoit jugiet, qu'il morut tantost et en l'eure, sans nul retour.
Et ledit Lotar respondy et dist que sur Dieu et la foy qu'il luy debvoit, et sur la mort qu'il attendoit, qu'il
n'avoit onques sceu, ne veu en Jehan Bernier son maistre fors que tout bien qu'on pooit voyr et sçavoir en prudent homme ; et que tousjours avoit loyallement servy les seigneurs à qui il estoit et avoit esté, et ainchois sur le plus que sur le mains, et que trop avoit crut de chevances aux seigneurs, pour desserte de son service, pour lesquelles il luy sambloit qu'il en avoit acquis des grans haynes, pour la bourse de son seigneur emplir.
Mais jà pour ceste response et honneste excusation ne demeura pas ainsy ledit Lotart ; car, pour hiy faire dire sur son maistre chose par quoy monseigneur de Haynau et ceulx de son conseil, qui faussement l'avoient informé par envie qu'ils avoient sur l'onnourable estât de Jehan Bernier, ledit Lotard fut enfouy et couvert de terre tant qu'il fut pasmés et sur le point de morir, puis fut thirés hors ; et quant il fut revenus à luy, le chastelain et les sergans luy dirent ainsy : « Lotard, se vous voilés dire et cognoistre « che que nous vous avons demandé, nous vous respiterons ■« la vie et vous lairons aller. » Et adont leur dist Lotard : « Messeigneurs, pour l'amour de Jhésus et ou nom de sa « doloreuse, piteuse et angoisseuse passion, et pour l'once neur de crestienté, et par pité de ma povre âme, ayez '« compassion d'ycelle et me faites avoir confession avant « que vous me fachiés morir, ne recepvoir tourment ; car, « sur Dieu et sur l'âme de moy, et sur la mort que j'attens, « quand il luy plaira, je ne scaroye que dire sur mon mais- « tre, fors que tout bien, toute loyaulté, toute honneste et « toute fidélité, amisté et vérité au service de ses sei- « gneurs et maistres , et vrayment vous faites grant « péchiet. Mais puisque ainsi est que cy me fault mort « recepvoir, pour Dieu faittes-raoy tost morir. »
Adont print-on ledit Lotart et le volrent rebouter en la
fosse ; mais aucuns se perchurent et virent bien qu'il faisoient trop mal. S}' le prinrent, et fut remis arrière en prison audit chastel d'Escaudoevre. Et depuis fut ramenés et mis en prison au Quesnoy, ens es Marquotières ; et de là fut puis menés, de par monseigneur le conte de Ha}'nau, en la prison de l'évesque à Cambray, dont il fut délivré, sy comme celuy qui n'estoit coupable de nul mes fait, mais avoit esté toujours féal et loyal au seigneur mesmes et à son maistre. Et fut depuis remis en son oflSce comme il avoit par avant esté.
Et dont appert-il bien qu'on peut veoyr et sçavoir par pluseurs véritables voyes que les bonnes gens devant nommés ont esté adomagiés et blasmés sans véritable occasion, et que tout ce qu'on leur a dist et fait, n'a esté seulement que par envye et hayne, et mesmes d'aucuns de leurs proismes, et aultres de la ville et de dehors, et ossy pour avoir les estats, honneurs et offices, en la manière que les dessus nommés les avoient, s'ils y eussent peult avenir.
Et vraynient on ne a pu, ne ne peut-on encoires veoir depuis ces choses chy en escript devisées , au lieu des devant nommés, nuls restorer en estât, de sens, ne d'honneur, ne quy à eulx se deusissent ou puissent comparer, pour Testât et honneur du seigneur et de la ville de Vaienchienues garder.
Et pour tant ne demeura mye que monseigneur de Haynau et ceulx de son conseil ne fussent par plusieurs fois assamblés pour avoir- advis et conseil, pour mieulx ledit Jehan Dernier l'aisné estre de tous pays cachiés et scandalisiés, à celle fin qu'il ne se osast veoyr, ne trouver devant les seigneurs à qui il estoit, c'est-assavoir : au roy Philippe de France, au roy Édouart d'Engleterre, au r@y
Jehan de Behaingne, au conte de Flandres, à l'évesque Guillame d'Auson, deCambray, à l'évesque Jehan de Distre, d'Utrecq, au conte Loys de Bloys, à Jehan de Haynau, à monseigneur Henry de Flandres, à Gallerant conte de Lingny, à Robert d'Artois, à monseigneur d'Enghien, à monseigneur de Noyers et à monseigneur Guillame conte de Haynau pour lors, lequel avoit envoyet madame sa mère jadis contesse de Haynau, nommée Jehenne, nonne de Fontenelle, en France vers le roy Philippe son frère, et oncle dudit conte ; et avoit demandé à maistre Pierre de Verbrye, secrétaire du roy de France, lequel avoit esté du temps passé à monseigneur Charles de Vallois leur père, s'il sçavoit point dont le roy pooit sçavoir, ne dont telles coses luy venoient à cognoissance, ne de par quy. Et ledit maistre Pierre respondit et dist : « Dame ! je ne sçay par « qui le roy nostre sire puet sçavoir le marchiet tel que « le sire de Daubaide avoit fait à monseigneur le conte de « Haynau vostre seigneur et mary, ne la loyaulté du roy « d'Engleterre et de monseigneur devant dit, se ce n'a esté « par l'advertissement de Jehan Dernier vostre varlet. » Et madame rechut les parlers moult tost ; car elle n'avoit mie de piècha eult en grâce ledit Jehan Dernier, par les accusemens, envies et haynes dont on avoit informé ladite dame. Et quant elle fut revenue en Haynault, il luy pleust à dire à monseigneur le conte son fils, que Jehan Dernier estoit celiiy qui avoit fait assavoir au roy de France son frère les paroUes qu'elle avoit oy dire à maistre Pierre de Verbrye. Et pareillement le dist madame à monseigneur Jaques de Maubeuge, lequel n'amoit pas Jehan Dernier. Et sur ce que monseigneur de Haynau fut ainssy informés, il dist à son conseil qu'on pooit bien faire de Jehan Dernier ce qu'on voUoit, car il avoit raccusé le conseil de monsei-
NOTES. JK
gneur son père touchant le marchiet que le sire de Daubaide avoit fait à monseigneur son père de la terre de Crièvecoer et d'Arlues, et de lalyance du roy d'Engleterre et de monseigneur le conte de Haynau son père. Et adont dirent les conseillers, sur la parolle de monseigneur le conte de Haynau, que Jehan Dernier avoit fait trayson et conspiration sur son seigneur, et qu'il avoit forfait le sien au seigneur, et qu'on le pooit bien sievyr en Flandres pour le faire arester ; et sy fist-o».
Mais quant le conte de Flandres le sceult, il respondy, pour tout le pays en la ville de Gand, aux messages de son cousin monseigneur de Haynau, et leur dist : « Jà <f soit ce que mon cousin de Haynau aist esté informés con- « tre son servant et le mien qu'il aist este ou soit capable « de ce qu'on luy amet. de ce responderoy-je bien pour « luy, que non, car je l'ai tempté et assayet de piècha en « pluseurs manières, par quoy il ne fait pas à croire que « ledit Jehan Bernier aist fait, ne volut faire, ne dire ou « racompter chose par quoy on luy doye faire tel blasme, « domaige et déshonneur qu'on luy pourchasse. »
Sy eult ledit Jehan Bernier en son conseil de faire soliciter le conte de Haynau et le pryer par le roy Jehan de Behaigne et par le conte de Flandres affin qu'il peust avoir les articles de ce qu'on luy demandoit, et sur quoy on l'en^ couppoit, à celle fin que sur ce il eust advis et qu'il penst baillier ses excusations raisonnables, comme en toutes cours appertient et qui est le droit ordinaire.
Sy dura bien celle poursieulte , puis ce troublement devant dit, par l'espasse d'an et demy, que ledit Jehan ne pooit sçavoir que c'estoit qu'on luy demandoit, ne pourquoy on avoit saisy ses biens ; et en la fin il eult les articles par escript. Sy se retray ledit Jehan Bernier par devers plu-
sieurs saiges clercqs en droits et en lois, et par espécial maistre Philippe de Maldenghien, penancier de monseigneur levesque de Tournay, et par devers monseigneur Frauchois de Monflacon, escolastre de Nostre-Dame de Cambray et cannone d'Arras, lequel estoit du conseil monseigneur le conte de Haynau, et par devers maistre Jehan Le Cat, cannone de Nostre-Dame de Cambray, et vers maistre Pierre du Quesne, lequel, par bonne délibération, luy et les aultres, respondir^t que ens es articles, ils ne véoient, ne ne sçavoient nulle cause de raison d'accusation raisonnable sur ledit Jehan Bernier, et que par touttes courts faisant droit et raison , ils prouveroient que les articles qu'on avoit mis et fais sur ledit Jehan Bernier, n'estoient de nul effect, par droit, à son contraire, fors que accusemens de franche volenté.
Or advint que Jehan de Bowes, dont Jehan Bernier estoit oncle, porta unes lettres à monseigneur Jehan de Beaumont, oncle de monseigneur le conte de Haynau, de par le roy Jehan de Behaygne. Et monseigneur de Beaumont dist et respondist audit Jehan de Bouwes : « Pour « quoy me fait Jehan Bernier pryer ? Ne que veus-tu que « je te dye ? Se Jehan Bernier avoit deux testes, se les « a-il deservy à copper, pour tant que ce soit vray qu'il « aye raccusé le conseil de monseigneur de Haynau au « roy de France, ainssy que personne d'estat et de cré- « dence nous en a informé, lequel nous debvons bien « croire. » Et sur ce, Jehan de Bouwes se départy et revint vers son oncle, et luy dist clie qu'il avoit trouvé. Et Jehan l'aisné en fust moult liés et fort joyeulx, et ossy furent tous ses amys ; car coulpe n'y avoit, sy comme il apparut par les lettres sellées du grant signe du roy Philippe de France, de l'escusation dudit Jehan Bernier son
varlet enthier, que Jehan de Bouwes rapporta du roy devant dit, qui furent faittes et données au boys de Viiichene, le VIP jour de novembre, l'an de grâce M. CGC. XXXVIII. Et est vérité que monseigneur le conte Guillarae de Haynau, fils du bon conte Guillarae, après avoir veu la certification des lettres devant dittes, par lesquelles il fut apaisiés de rinnihiistié qu'il avoit eu audit Jehan Bernier, disf, depuis ces choses réchitées et devisées qui dessus sont dittes, à monseigneur Jaques de Dour , adont abbé de Saint-Jehan en Valenchiennes, qu'il avoit rendu mauvais loyer à Jehan Bernier des bons services qu'il luy avoit fais, et pareillement à monseigneur son père ; car il savoit et congnoissoit bien que le bon conte, son père, ayoit par maintes fois eult grant besoing que ledit Jehan Bernier luy crusist et aydast de sa chevance à ses grans besoings nécessaires, tant en dons comme en prests que la ville de Valenchiennes luy avoit faits , et en pluseurs aultres grandes besongnes, et ossy tant de la paix de la conté de Flandres et de la conté de Haynau, où ledit Jehan Bernier mist grant paine et grant travail au traittier la paix des deux pays, dont la guerre avoit grant temps duré ; et avoit, paur l'occoison de ladite guerre de Flandres et de Haynau, eult du temps passé grant plenté de gens destruits et domaigiés ; et que se Dieu luy pooit aidier, par la foy qu'il debvoit à monseigneur saint Jorge, il luy pesoit moult en coer de ce que avoit fait et pourcachiet audit Jehan Bernier ; mais il amenderoit la besongne de luy et des aultres bourgois, dont il avoit cru trop hastifs informemens. Et les parolles chy réchitées dist-il ossy au roy Jehan de Behaigne et au roy Philippe de Navarre et à monseigneur Loys, conte de Flandres, en la cité de Paris, en la chambre de son oncle le roy Philippe de France, à qui ledit Jehan Bernier estoit varlet enthier.
Et dist encoires monseigneur le conte de Haynau à mouseigiieur Loys de Flandres, puis qu'il eult parlé aux troys princes devant dits, que, se ne fust par aucuns de son conseil qui ledit Jehan Bernier hayoient et avoient pièclia hay, qu'il en eusist fait plus tost la tin, se n'eust esté par ceulx qui grevé luy avoient et qui luy estoient ennemis dès le temps de monseigneur son père, qui de son conseil estoient et qui avoient l'enorté, et encoires faisoient souvent, à celle fin qu'il ne fesist point ledit Jehan Bernier revenir en son estât, ne en son honneur. Et avoient ceulx du conseil monseigneur de Haynau grant honte et grant doubte pour leur honneur de ce qu'ils avoient ainssy leur seigneur faussement informé et mauvaisement conseilliet, et que les seigneurs à qui Jehan Bernier estoit, percevoient bien qu'on avoit monseigneur de Haynau fourconseilliet et qu'ils véoient de plus en plus ledit Jehan Bernier réestablir en honneur et revenir à son deseure pour ce qu'on perchevoit que le conseil dont monseigneur de Haynau avoit usé, n'estoit pas bon et que ce avoit esté par peu d'avis et hastiveté.
Et après ce vint monseigneur le conte de Haynau en l'église de monseigneur Saint- Saulve demprès Valenchiennes, et en la chambre dudit Jehan Bernier. Et furent avoec ledit conte : monseigneur Gérard de Gommegnies, monseigneur de Mastaing, monseigneur Gérard de Florenville, monseigneur Jehan de Buillemont , monseigneur Jehan de Lizeroelles, raaistre Henry de Joudongne, Hue d'Aunoit, Gilles le Ramoneur, adont provost le conte. Et dist monseigneur le conte de Haynau par devant les huit devant nommés, et présent le sous-prieur de l'église Saint- Saulve et pluseurs des seigneurs et religieux de layens, qui là estoient venus pour eulx recommander à luy, et
aucuns ossy de par Jehan Dernier, de ses enfans et d aultres ; et mist sa main en la main de Jehan Dernier l'aisèié ; et dist que par la foy de son cuer, devant tous ceulx dessus dits, que s'il eulst eu à faire ce qu'il avoit fait de luy et des aultres bourgois de Valencihennes, et on luy donnast mille livres de vies gros, qu'il ne feroit pas ce qu'il avoit fait ; et qu'il luy pesoit moult, et de cuer, de ce que sy légièrement avoit creu à leur contraire.
Et dist derechief : « Jehan Dernier mon amy ! soyez à « votre paix, et je vous ay en couvent que je vous feray « autant d'honneur que je vous ay fait de blasrae. »
Et dist qu'il sçavoit bien qu'il avoit été déchups de luy et des aultres, par folement croire, et que dedens la Saint- Jehan, l'an de grâce rail trois cents et quarante et ung, dont ces paroUes chy avoient esté dittes, et le Toussain prochain venant qu'il résideroit aussy comme devant en Valenchiennes demeurant .
Et envoya monseigneur le conte de Haynau devant dit à Jehan Dernier à Saint-Saulve, ung bœuf de Savoye, ung pourceau de Mayence, ung muy de bled et une queue de vin de Saint-Jangon ; et luy rendist tout le sien, hormis la maison de Main, et la terre qu'il avoit à Thyant, que le sire de Fosseus luy avoit du temps passé donnée, laquelle monseigneur de Haynau avoit vendue, et rechut pour luy la somme de mil vies flourins à l'escut ; et en avoit encoires bien eult monseigneur le conte en aultre manière XV mil vies flourins à l'escut ; lesquels flourins dénommés monseigneur le conte eult tout à son proufRt, au domaige dudit Jehan Dernier et de ses hoirs.
Et ledit Jehan Dernier eut si grant léesse quant il vit venir son prince là où il estoit, et recognoistre sy humblement qu'il avoit mesfait, que depuis les parolles devant
dittes il ne fist onques puis fors soy user. Et rendist âme le^amedy du Repus Dimenche, l'an de grâce mil CCC.XLI. Dont les parolles de monseigneur le conte de Haynau, ne ses promesses ne peurent estre achevées.
Et ainsy appert-il que monseigneur le conte Guillame de Haynau et les pluseurs nobles de son conseil furent sur lesdits Derniers, tant le grant père et le père que le fils, faussement et traytreusement informés, et par mauvais et desloyaulx envieulx qui adont avoient le port du seigneur et de son conseil ossy ; dont le seigneur leur en sceult puissedy très-mauvais gré, et s'en trouva déchut, comme il appert par pluseurs voyes.
Chy après est le coppye des lettres que le roy Philippe de France donna à Jehan Dernier son varlet enthier, pour luy excuser envers madame sa suer et le conté Guillame son nepveu et à son conseil, pour ce qu'ils luy mettoyent sus qu'il avoit fait conspiration contre son seigneur et révélé le secret de son conseil ; et sur ce estoient ledit conte et son conseil fermes, en tous leurs consistoires et délibérations, ad ce que de faire audit Jehan Dernier toutes opprobriations, villipendations, scandalisations, domaiges et destructions, tant en son corps comme en ses biens, ainssy qu'il appert, au contraire de vérité à l'information dessus ditie, par la coppye des lettres chy escriptes après et devisées et signées et sayellées de la main et du grant signet du roy Philippe de France • .
* La suite manque dans le manuscrit.
