I« HYSTOIRE

De Jehan d'Avesnes, fils de monseigneur Bouchart d'Avesnes et de Marguerite puis contesse de Flandres.

Monseigneur Jehan d'Avesnes, fils de la contesse Marguerite qu'elle avoit conchu de monseigneur Bouchart d'Avesnes au vivant de sa mère, se maintint très-noblement et siévoit joustes, behours, tournois et tous aultres esbatemens chevalereux et menoit très-grant train et faisoit grans despens, dont on chantoit de luy :

Par le sacrement d'amours Jehan d'Avesnes donnoit tout.

Il priiit à femme la suer Willequin d'AUemaigne qui estoit colite de Holande de son héritage.

Il eult de sa femme VIT fils, dont l'aisné eult nom Jehan, qui fut conte de Haynault après le décheps de la contes.se Marguerite sa taye ; car son père monseigneur Jehan morut devant sa mère.

Le second des fils monseigneur Jehan d'Avesnes eult nom Bauduin ; le tierch Flourent et fut prince de la Mourée ; le quars Guilemme et fut évesque de Carabray ; le quint Bouchart et fut évesque de Mes ; le VP eult nom Guy et fut évesque d'Utret ; le VIP Jehan et fut avugle.

Quant la contesse Marguerite vid que monseigneur Jehan d'Avesnes se portoit sy bien et sy grandement, elle en eult sy grande envie, et l'avoit sy enhay pour ses aultres enflf'ans, et tant l'enhay qu'elle donna le conté de Haynau à monseigneur Charles conte d'Anjou frère au bon roy saint Loys de France. Le conte Charles le retint.

En l'an mil IPLIII alla monseigneur Guy de Flandres fils de la contesse Marguerite sur le conte de Holande à grant effort et y mena moult belle compaignie de chevaliers et de gens d'armes ; mais il fut prins et retenus en une bataille, et y eult le talon coppé, et tout son est desconfit. Et le conte de Bar et le conte de Guines et la plus grande partye des Flamens furent prins ou noyés, et le remanant s'en fuy à braies de poix.