III« HYSTOIRE
La mort de la contesse Marguerite de Flandres et de Haynault.
En l'an de grâce mil IPLXXIX trespassa de ce siècle Marguerite contesse de Flandres et de Haynault, Elle fut moult sage, discrète et vaillant dame et gouverna ses pays soufRsamment. Elle fonda l'abaye de Flines et y mist nonnains et y fut ensevelye après son trespas. Elle fit et ordonna le béguinage de Valenchiennes et l'ospital et moult de belles choses aval ses contés. Et quant elle fut trespassée, Jehan son cousin dont elle estoit taye, fils de monseigneur Jehan d'Avesnes, se mist avant et entreprit la gouvernance du pays comme droit hoir, car son père estoit trespassé grant tamps pardevant la contesse Margueritte, qui en avoit esté héritier en sa plaine vie. Et fut ce Jehan d'Avesnes, fils du premier conte Jehan d'Avesnes, le premier conte de Haynault après la contesse Margueritte.
Le comte Jehan print à femme damoiselle Philippe suer à Henry conte de Lembourc. Elle fut sage et vaillant dame et de grant pourvéance. Le conte Jehan eult de luy IIII fils et V filles.
L'aisné des fils eult nom Jehan et raorut à la bataille qui fut devant Tournay ', avoec le conte d'Artois et les aultres, sy comme vous orés cy -après.
Le second frère eut nom Henry et morut josne baceler et gist à Saint- Jehan à Valenchiennes.
Le tierch frère eult nom Guillame. Celuy fut conte de
* Lisez : Courtray,
Haynault et bon chevalier et preux et sages et moult courtois.'
Et le quart des frères eult nom Jehan sire de Beaumont et eult à femme damoiselle Jehenne fille du conte de Soisson.
L'aisnëe des V filles eult en nom Margueritte et fut mariée à monseigneur Robert conte d'Artois.
Le seconde fille eult nom Ysabeau.
La tierche fille eult nom Mehault et eult à mary le conte mareschal d'Engleterre.
La quarte fille eult nom Marie et eult à mary monseigneur Loys de France, sire de Clermont et de Bour])on.
Et n'eurent nulles des aultres suers nuls hoirs de lenr char, et ceste Marie eult fils et filles richement mariés.
Le conte Jehan de Haynault eult moult à faire en son tamps et nomméement en Rolande, et le conte de Holande morut sans hoir masle de sa char, et le conte Jehan de Haynault estoit le plus aisné de par sa mère ; mais le roy d'Allemaingne qui adont estoit, luy veult débatre et vint es marches de Holande à grans gens d'armes pour le pays saisir. Et quant le conte Jehan de Haynault le sceult, il manda ses amis de toutes pars et alla encontre du roy vigorousement, et sy bien et sy soufiSsamment s'y maintint qu'ils furent d'accord, et demourèrent les contés de Holande et de Zélande au conte Jehan de Haynault paisiblement, et eiicharga les armes esquartelées de Haynault et Holande et Zélande.
