II« HYSTOIRE

Comment Charles conte d'Anjou assiéga la ville de Valenchiennes.

En l'an mil IPLIIII le conte Charles d'Anjou entra en la conté de Haynau à tout moult grant plenté de gens d'armes et assiéga la ville de Valenchiennes. Et quant les bourgois de la ville sceurent qu'il devoit venir, ils firent abatre la grant maladerie.

Celuy conte Charles d'Anjou fut tant et tint siège si longuement devant la ville qu'elle luy fut rendue ; et puis, après la rendition de Valenchiennes et qu'il eult mis et laissiet bonne et grande garnison dedens des plus sceurs et milleurs chevalliers et saudoyers de son pays, il s'en alla assiégier la ville et le chastel de Mons qui luy fut rendue, et grant plenté de forteresses en la conté de Haynau ; mais le sire d'Enghien se tint contre luy et ne luy veult rendre sa ville, ne son chastel. Et quant il eult fait une partye de sa volenté en la conté de Haynau, il départy son ost et s'en ralla en France; et monseigneur Jehan d'Avesnes qui estoit hoir de la conté, ramena assés tost après le roy d'AUemaingne, duquel il avoit la suer à femme, à tout grant plenté de gens, et en brief temps il reconquéra tout le pays, car les Haynuiers l'araoient ; et ainsy eult-il sa terre paisiblement et y fut paisible seigneur et conte de Haynau.